عشقك إدماني

parte 167

🥀"الخيانة ليست مجرد فعل، بل هي انهيار الثقة الذي يبقى أثره في القلب."🥀

🥀"لا شيء أشد ألمًا من أن تجد من كنت تثق به هو من يخذلك."🥀

      💔 "إنها لحظة مؤلمة عندما تدرك أن من كنت تظنه سندًا، هو أول من يتركك."💔

🥀🥀💔💔

نهار جديد حامل معاه الأحداث جديدة
اصبحنا واصبح ملك لله
غيثة لبعد عدة محاولات باش قنعات مها وباها وخصوصا معتصم لقدرات بسيف تقنعو
خرجات من دار مع 7 ديال صباح هازا ساك صغير فيه فقط بعض اللباس وحطاتو فالكوفر وركبات فاللوطو ديالها نيشان بلاصة فين قالت رانيا تلاقاها غيثة ،
بقات كتسناها توقفات اللوطو ديال رانيا لكانت مرتدية تريكو صوف وخاشياه تحت سروال دجين للاصق على طايتها و من فوق مونطو بحكم كان بارد الحال ولابسة فرجليها بوط جات وقفات عند اللوطو ديال غيثة  لكانت ممتبهاش فقط مغمضة عينيها وكتعوض نعاسها ودقات فزجاج دقات متتالية تفيقاتها وهبطات زجاج وشافت فيها بعينين نعسانين ونطقات : نعام ارانيا اشكاين
رانيا زفرات بغضب ونطقات : هبطي ندويو هبطي
غيثة هبطات وقفات قدامها  وهي مدورة إيدها على جسدها لحاسة بالبرد  وكتسنا شنو تقول لها تنطقات رانيا : دبا انا مفهمتش وش بغا خويا ولا غابغا تلعبي وصافي
غيثة : اوف رانيا شحال فيك بالطبع بغاه ، كن ماني بغاه علاش غندخل هاد اللعبة ونمرض راسي من اللول متبقايش تسولي هاد الاسئلة عفاك
رانيا ربعات إيديها وكتشوف بغرور : ماعلينا
وجبدات ساروت من جيبها ومداتو لغيثة يلاه غتشدو غيثة وهي ترجعو رانيا وبقات شادة ساروت ونطقات : غيثة مانبغي تاغلط هاهو ساروت ديال الاقامة لفيها خويا ملي نصوني عليك تما ،  فين غدخلي اوك ، ااه وملي دخلي رانك عرفا شنو ديري ، تاغلط سمعتي تاغلط والا غندفنك حية منعقلش عليك اغيثة  ، ورقم الاقامة راه **
غيثة زفرات بالملل وسدات من عندها ساروت : صافي اصحبتي اتبقاي تعاودي نفس كلام انا عرفا شنو ندير ، غار هو مغتمشيش معايا دبا ولا شنو
رانيا : تانصوني عليك تم غتنفذي كلامي دابا غتشدي طريق وغتسقلي ملي نصوني عليك تم غديري شنو كنقوليك اوك
ومشات مخلياها تجهات اللوطو ديالها ودمارات نيشان وجهة لغاتمشيلها اما غيثة غامشات رانيا وبقات كتشوف بداك ساروت وكضحك ونطقات : هانا قريب احبيبي اتكون ديالي
وطلعات فاللوطو ديالها نيشان شادا طريق لكازا
بعد ساعتين كانت وصلات وبلاصات اللوطو بعيدة شويا على الاقامة وجبدات تيلي بدات كتصوني على رانيا هي لكانت  واقفة مع واحد ولد فعمرو بداية عشرينات   كانت كتهضر معاه تبدا تيلي كصوني وقفات حديثها مع داك شاب ومشات بعيدة عليه وجوباتها : الو اش باغا...،  وصلتي ؟!
غيثة نطقات مجاوباها : ااه شنو ندير دبا
رانيا : تايبالك خويا خرج غادي خدمتو وعاد عيطليا
ويلاه غتجاوبها غيثة تقطعات عليها وحطات تيلي وبقات حاضية وش خرج ولا باقي تبالها خارج  وكان كتكلم فتيليفون تقرب من اللوطو وقطع عاد ركب فاللوطو ديالو ماشي لخدمتو اما غيثة غار شافتو مشا دوزات الاتصال رانيا خبراتها بداكشي لدير عاد هبطات من اللوطو مورا مسداتها ومشات نيشان طالعا مع دروج توقفها مول الاقامة : فين غادا الالة
غيثة رتابكات ودارت عندو بعرض باطيئ ونطقات بهدوء كتخفي توترها : غادا دار راجلي اسيدي
مول الاقامة بقا كحقق فيها ونطق بشك : مأكدة وش نتي ساكنة هنا معمري شفتك ، بعدا شكون راجلك
غيثة : إلياس منصوري اسيدي مكتعرفوش
مول الاقامة نطق بتفهم : ااه وخا سمحيلنا امدام
بتاسمات ابتسامة صفراء وطلعات كتجري مع دروج توصلات رقم الاقامة لخبراتها بيها رانيا وجبدات ساروت وفتحات الباب ودخلات وهي كتشوف دار مجموعة ومقادا حطات ساكها فوق فوطوي وبقات كتكتاشف فدار تبدا تيلي كصوني ورقاتو نيت رقم رانيا جوباتها خبراتها بلي وقع وقطعات معاها وبدات كتشوف فدار وعاد خدات داك ساك ودخلات بيت إلياس وحيدات حوايجها ودخلات دوش ودوشات عاد خرجات لبسات ملابس داخلية وهزات كسيوة شفافة بعض شيئ  وقصيرة واصلا حد لفخاض لبساتها لجات عليها ومبينة جسمها  وشافت جهة لباسها لطايح وجمعاتو بزربة باش يبقى بيت على حالو ودارت ساكها فواحد بلاصة لمبيناش  وخرجات من بيت وهي كتجول فدار بحالا  دارها ودخلات كوزينة ونطقات بحزن ومصطنع : اوه دبا شغاندير شنو نطيب ومكنعرفش نطيب اوه
تاتصلات برانيا ونطقات : رانيا عطيني شيحاجة نطيبها لحبيبي إلياس غيجي عيان من خدمة وخاصو ياكل
رانيا سايݣا وشادا طريق ودايرا حداها تيلي اوت باغلوغ وجالس فمقعد لحداها داك شاب لغادي يقاد لها غراض ونطقات مجاوبها بإنزعاج : غيثة مديري تحاجة جلسي  متخلينيش ندم
غيثة زفرات بغضب ونطقات مجاوباها : ااه وخوك شنو ياكل الا جا عيان من خدمة
رانيا تجهلاتها ونطقات مغيرة موضوع : انا دبا شادا طريق كنصحك مديري والو سيري جلسي تركني ولا ماكي داك الوجه بغا تقابلي خويا ونتي وجهك حالتو
غيثة : ااه صافي نسيت
قطعات معاها وهزات ساكها لدايرة فيه انواع ميكاب وبدات كتماكي تسالات وبقات كتشوف راسها بالاعجاب لمظهرها لجا سيكسي وبدات كتبتاسم وكتبلاني فراسها
بعد 3 سوايع لدازو وغيثة شادها ملل من غير رانيا ملي صونات عليها وخبراتها بلي وصلات وكتسنا إلياس باش تخبرها بلي جا  ، بضع دقائق تعودات صونات عليها وجوباتها غيثة : شنو وش إلياس جا
جوباتها ثاني : ااه صافي تهناي عاد قطعات معاها و
مشات دغيا تخبات فواحد البيت ملي سمعات حس ساروت تاتم هو داخل بخطواتو وباين عليه العيا حدو حط تيلي وسوارت فوق بوطاجي ومشا نيشان بيتو يدخل ادوش عليه  اما هي ملي سمعاتو دخل ادوش خرجات من بيت بهدوء فتحات الباب بشوية باش تقدر دخل رانيا وداك ولد  وتمات جاية  تسمعات حس تيلي كصوني ومشات بالاتجاهو وملي رقات اسم متصل بتاسمات ابتسامة شر وكليكات مجوباها
اما إسراء لجالسة فوق سرير ونطقات مجاوبة : الو إلياس
مجوبتهاش غيثة عقدات  إسراء حواجبها وعودات نطقات : الو حبيبي إلياس كتسمعني مالك مكتهدرش
غيثة لنطقات مجاوباها بميوعة : اوه شكون نتي
إسراء لعقدات حواجبها وحيدات تيلي من وذنها ورجعاتو لوذنها ونطقات : شناهو اشكون نتي اختي وشكدير تلفون راجلي عندك
غيثة يلاه غتجاوبها تحسات بتيلي تقلع من حدا وذنها وقطع الخط بعصبية وطفا تليفون وخلا إسراء لمنصباح كتاصل  هو لضرب فوق بوطاجي لحسات بيه وتخلعات ودارت عنو لكان كشوف فيها بنظرات حارقة ونطق مغوت عليها : اشكديري لق* فداري  ها دوي شجابك عندي
فهاد الاثناء كانت رانيا دخلات ومعاها داك ولد ومخبين لايشوفهم إلياس حدو جهز كاميرة لغيصور بيها
اما غيثة لشافت فيه بنظرة الاغراء وتقربات منو ونطقات  بتحلوين : قولي شنو عجبك فهاديك إسراء ومافياش انا  علاش كتبغيها وانا كتكرهني انا كنبغيك
يلاه غينطق تعنقاتو  وشدات إيدو دوراتها على خصرها وهي حطا راسها على صدرو وفداك الوقت بدا كصورهم داك دري عدة تصاور وعاد همسات رانيا لداك ولد : براكا خاصنا نمشو دبا
وخرجو بهدوء بدون ميديرو حس وسدو الباب بشوية
اما هو بقا مسمر تادفعها وجابها طايحة وهي شهقات بالالم وبالصدمة مظناتش بلي غيتصرف معاها بهاد عنف وحنى عندها وهو الاعصابو واصلين عظم وجمع معاها بتصرفيقة   تدار وجهها ونطق مغوت بعصبية وكشاكشو خارجين : سمعي  ودخليها وذنك هاذيك مراتي بزااف على ق* بحالك خسارة والديك ضيعو تربيتك
فورا مالقى كلماتو عليها لكانو بحال سم لتغرس فقلبها وناض واقف وكشوف فيها بجمود وعصبيتو كتغلي
هي لبدات كتشهق ودموع  لخسرولها داك مكياج لكانت دايرة وحنكها مصورة فيه إيد إلياس  ووقفات وهي تشد فذراعو :  لا لا دير فيا لبغيتي غار تفارق معاها عفااك علاش مكتبغينيش انا كنبغيك ملي كنا صغار وش معمرك لاحظتي تصرفاتي ليك علاش كدير فيا هكا  انا عاطياك راسي دير فيا لبغيتي عفااك انا كنبغيك كنموت عليك
حيد إيدها من ذراعو بقسوة وجرها من شعرها ناتفها وهي كتبكي وكتزاوك باش يطلق من شعرها لقريب اتقطع  وفتح الباب ورماها قدام الباب بعنف  لجات طايحا على ركابيها وتجرحو وكتبكي بهستيرية لهدشي دار فيها متوقعاتش بلي غيدير فيها هكا  ونطق بعصبية  : درݣي عليا زلافتك نرقا مك قدامي غنحر جد بوك الق*
ناضت بصعوبة وقفات قدامو : عفااك لا لا مديرش فيا هكا ع......
مخلاها فين تكمل كلامها تسدو على وجهها وبقات كتشوف ودموعها كسيلو وجلسات حدا الباب ودافنة وجهها ففخاضها لعريانين ولداز من حداها طالع دار كستغفر الله لمنظر لمكشوف
رانيا وداك ولد فورا منزلو ونطقات : بدر هاد تصاور بغيتهم هاد الليلة اوصلو داك العنوان سمعتي
بدر : تهناي ، ولكن خاصك توصليني بلاصتي
رانيا : تسنا لهيه غنوصلك اتهنى
خلاتو واقف ومشات بالاتجاه فين كاين مول كاميرات ديال الاقامة ووقفات عند راسو طلع فيها عينو ونطق : اشكاين الالة
جبدات شيك كتبات فيه ثمن معين وحطاتو قدامو وهو عينيه حوالو ملي شاف فلوس ونطقات بغرور ملي شافت طمع لفعينيه على  الفلوس : كنظن عارف شنو تافقنا ياك بغيت لقطة لفين طلعت فيها وفين هبطت تمسح اوك 
داك ولد شاف فيها ونطق : هانا غنمسحهم قدامك الغزالة
ومسحهم وبتاسمات وهزات ساكها ومشات وركبات فاللوطو وتبعها بدر وركب حداها ودمارات نيشان راجعة لرباط
اما عند الاقامة لجالسة هي تفتح الباب جات طايحة عند رجليه وشاف فيها  بالاستحقار والغضب ونطق بغوات : وش مبغا تحشمي ودرݣي عليا زلافتك يلاه منشوفك قدامي
هي بدات كترعد فالخوف وقفات ونطقات  بتوتر : بغيت ساكي لخليتهم داخل ومنبقاش نبان قدامك
زفر بغضب ومشا داخل وهز داك ساك لكان فيه لباسها وساك لاخور ولاحولها عند وجها وخرج ساد الباب بساروت وتلفونو خلاه طافي بقوت غضب وتم ماشي  ومخليها هي متبعة ليه العين بالالم وكتفاجي على راسها بلي غتفارقهم وغيولي ديالها وهزات سيكانها
وهبطات وهي ممسوقاش الناس لكشوفو فيها بالاستحقار لباسها لكاشف وكاين لكتعنب عليها وكاين لكرميلها كلام وخرجات ومشات نيشان اللوطو ديالها ركبات فيها ودمارات نيشان  لواحد بلاصة لبسات  لباسها ومسحات مكياجها   لتخربق  كامل ومشطات شعرها  لكان مشعكك وجمعاتو  وكتشوف اتار صباع باقي فوجهها ومشات دمارات نيشان وجهة صيدالية خدات بوماضا لغتخفي فيها لاطراس
خداتها ومشات نيشان اوطيل تبقى فيها هاد  الليلة
اما اشرف مورا ممشاو خرج ومشا نيشان عند مول كاميرة وطلع فيه عينو ونطق : محتاج شيحاجة
أشرف مشات بخطواتو بطيئة بدون ميجاوبو تجا وراه ولد متبع لو العين شنو غيدير تجبد موس اشرف وحطو عند عنقو ولد بقا كترعد ونطق بسخرية : غتسيفطلي داكشي لمحيت
ولد شاف فيه بالخوف ونطق مترعد : شن...شن..شنو غن..غنمسح ....غنسيفط....
أشرف لجرحو تتألم ونطق بغضب : غتسيفطلي داكشي لمحيتي لواحد درية لعطاتك شيك وحالا
ولد نفذ داكشي لقالو وسيفطلو داكشي لبغا وهو يحيد لموس من عنقو ورجعو لجيبو اللور وضرب ضربة خفيفة على ظهرو وتم خارج وهو فرحان ومخلي دري بغا يموت بالخلعة وكشوف الدم لعلى عنقو بسبب الجرح لسبب لو فيه أشرف