عشقك إدماني

parte 98

إسراء : نتي شحال عندك من خوتك
جوهرة : كاين خويا كبير هو معتصم رانكم شفتوه وموراه ختي غيثة عاد جات من قرايتها من امريكا عاد انا صغيرة هههه
إسراء : مزيان مزيان الله يخليهم ليك
جوهرة : امين يارب
ريتاج نطقات : اوا خوك مزوج  ولا كتسنا المكتوب
صوفيا : نتي كوني تحشمي اريتاج طايرة مع طيور
إسراء : لاحولا ولاقوة الا بالله نتي تبتي شوية
جوهرة : اميمتي كتقتلوني بضحك نتوما
ريتاج : مالكم بغيتوني نبقا بايرة حتا انا راه بغيت نتزوج
وجوبينا اجوهرة طمنينا باش نعرف من دبا
جوهرة : هههه لا لا خويا باقي زوفري
إسراء : اه حقا البارح سولتيني على كنيتي وقلتيلي شي هدرة مفهمتش المغزى منها
جوهرة: ااه رمزي كنيتك ياك
إسراء: اه كنيتي رمزي مالكي هدري  مفهمتش
جوهرة : دبا ماما وخالي عندهم نفس كنية
صوفيا : شهاد الغباء اصحبتي هدري مكاد
ريتاج : ههه وبالطبع غيكونو نفس كنية ههههه
جوهرة : راني عرفا ولكن كاين غاماما وخالي وخالي هرب باش اتزوج بواحد خادمة لماشي فمستوانا وخيرو جدي بين ابقا باش يشد زمام مبادرة في تدبير شركات ولا غيتخلى على هتشي ومتلاش اشوف وجههم الا بغا يتزوج بديك خادمة
إسراء كتسمع لها بإهتمام وعدة تساؤلات فراسها ونطقات : كملي لاش وقفتي شنو ختار خالك باينا غيختار فلوس 
جوهرة : لا ختار لكيبغي وهرب هو وياها حيت حتا والديها قالولها الا مجابش عائلتو مغيخلوهاش تزوج بيه وحتاهيا دارت يدهها معاه وهربو ومنعرف هتشي قالتو لي ماما قاتلي من اعظم قصة حب شافت ، صراحة مكرهت جدي وجدتي اتسامحو مع خالي ويرجعو معانا داكشي علاش فكرتيني فخالي  وخا معمري شافتو مزال غيثة ومعتصم عاقلين عليه شويا
إسراء : ااه فهمت فهمت  دبا هوما عائلتك جاو ضد اتزوج ولدهم بخادمة بكل بساطة جراو عليه
جوهرة : اه حيث هو بغا اتزوج بخادمة هذا العار علينا
إسراء كتشوف بصدمة ونطقات : هاء اذن عمل خادمة عار بنادم كترزق باش يعاون والديه بسبب ظروف ونتي كتقوليلي عار عليهم شكون هوما باش يحدو طبقات لبيناتهم انا كنعرف حاجة واحدة بنادم بغا شيواحدة هو بغاها  كتزوج بيها سالينا
رفعات صوتها ونطقات شنو ذنبهم الا بغاو بعضياتهم واش هاد درجة سخاو بولدهم
صوفيا : تهدني اصحبتي اويلي مالكي
جوهرة : سمعيني اإسراء معرفتش علاش نفاعلتي هكذا
إسراء : خلوني نكمل 
جوهرة : اه كملي
إسراء : هههه اش عندي منكمل خسارة فيكم بكل هدوء كتقوليلي اوه فكراتني بكنيتك بخالي شنو ذنبهم هوما الا بغاو بعضياتهم ضروي خاص دخلوا كالسوسة باش  تفرقهم وتبزو عليهم اتزوجو بشيواحد لممتفاهمينش معاه كاع باش نتوما سيادتكم ترضو غروركم بلي ولدكم جبتولو واحد من بنات اغنياء من دبا كرهتوني فيكم بهتشي لسمعت
جوهرة : سمعيني اإسراء وش خالي كجيك شيحاجة علاش غتنفاعلي هكذا مفهمتش انا غاقلت لك بلي عندك نفس كنيت ماما وعودتليكم 
ريتاج : اقدر اكون تشابه كنيات
صوفيا : ياربي تلطف ، تهدني اإسراء مفهمتش مالكي
إسراء : جوبيني اجوهرة هاد عائلتك معمرهم كلفوا راسهم اشوفو ولدهم فين مشا شنو كعاني
جوهرة : صراحة لا ، جدي صارم بزااف ولحاول اتصل بيه شيواحد كهددوا بلي غيجري عليه و يتبعو وهو كان ديما كجي وجدي كجري عليه
إسراء : ااه دبا هههه اإسراء هاذو هوما عائلتك لبغا تعرفي عليهم لمرضاوش بماماك تاولدهم سمحوا فيه عسى اتقبلوني انا داكشي علاش حاقدة عليكم
صوفيا : اويلي ميمكنش إسراء عرفا شكاتقولي
ريتاج كتشوف غابصدمة ونطقات : تشابه بكنيات ميمكنش
جوهرة كتشوف فيها بصدمة وحطات إيدها على فمها ونطقات بلهفة عقلها مبغاش استوعب  : وش نتي اتكوني بنت خالي انا ممتيقاش وش نتي فيناهوما عائلتك لا ميمكنش ابدا ابدا لا نتي عندك عائلتك غتشابه كنيات
إسراء : شنو سميت خالك ؟!
جوهرة : سميتو سميتو معقلتك تنسول ماما ، ولكن نتي معندكش عائلتك اويلي وش نتي مقطوعا من شجرة
إسراء نطقات بصرامة محملاش الوضع  : ماشي سوقك تكون عندي عائلتي ولا متكونش عندي وغدا بغيت نعرف سميت خالك
صوفيا وريتاج بقاو اكشوفو مصدومين
جوهرة : ااه وخا وخا غنجيب حتا تصويرتو غتهناي
صوفيا : وإسراء وش نتي عرفا شكاتقولي
إسراء بقا معصبة من داكشي لسمعات :مالي كجيتك ياكما عمبالك انا حمقة انا عرفا شنو كنعني شنو كنخرج ففمي
ريتاج  ربتات فوق كتفها ونطقات : اصحبتي ومتعصبيش راسك غيكون اتشابه كنيات
إسراء مجوبتهاش تنطقات
جوهرة : داكشي لقلت حتا انا
صوفيا : يلاه زيدو ندخلوا راه تعطلنا فالهدرة
دخلوا كجرو حيت تعطلو وبداو كقراو قرايتهم  خصوصا إسراء مكانتش مركزة والبنات لاحظو هتشي  وكقولو فراسهم بلي يمكن تكون هذي عائلتها منبعد مخرجو تودعو مع جوهرة عاد جا إلياس باش يدي إسراء وطول طريق إسراء كتفكر فكلام جوهرة تدار عندها إلياس : مال عمري فاش كتفكري
إسراء : شي هدرة قاتلي جوهرة عقلي مبغاش استوعب  او عقلي استوعب اخسارة شحال دنيا صغيرة ههههه
إلياس : شمن الهدرة ثاني  مفهمت ممكن توضحي كثر
إسراء : حتى نوصلوا وانعاودليك صافي  حيث دبا مصلحاش ليا واصلا انا معصبة دبا غكنبرد على راسي عقلي مبغاش افهم بلان 
إلياس :اه وخا وخا متعصبيش راسك احبي  ، مشهية شيحاجة اعمري
إسراء : اه بغيت كوفتير مكلتوش اليوم وبغيت فريز
إلياس : والفريز ماشي وقتو دبا
إسراء ربعات إيديها ومخنزرة وإلياس حاضيها كضحك على تصرفاتها ونطقات  : انا ماسوقيش بغيت فريز اكون فوقتو ميكونش ماشغليش
إلياس : وخا اعمري نجيبو ليك علاش شحال عندي من إسراء وولدي
إسراء: هي لاجبتوا دبا
بقا إلياس كضور بين خضارا باش يجيبلها فريز من بعد مجابلها كوفتير وبقات كتاكول فيه وتحاول تبرد على راسها تشويا بلاصة إلياس اللوطو وهبط حيث رقا عندو فررز اما هي بقات متبعالو عين تادخل محل تاشويا  سمعات تيلي كصوني رقات فيه سميت صوفيا
إسراء : آلو اصوفيا شباغا
صوفيا : اعصابك شويا مديريش فبالك
إسراء : اعفاك اصوفيا الا متاثلا على وديت هتشي اخليني تنتكالما  الله يجازيك
صوفيا : وخا ختي الله يعاون
قطعات معاها تاتم طالع إلياس ونطق : هاء حبيبي لقيت لها داكشي لبغات
إسراء شداتو من عندو بلهفة هو يشدو من عندها ونطقات معصبة : أرى لهنا ياك جبتولي ارى
إلياس : كالم طوا تايتغسل عاد توكليه صبري دبا نوصلو دار
إسراء : وخا
إلياس بقا كشوف فيها عرفها بلي شيحاجة واصلا فيها لعظم مباغيش احكر تايوصلو فيلا باش يهدر معاها وتعاودلو شنو مقلقها اما هي بقات متبعة العين وكتفكر فهتشي لقالت لها جوهرة يعني جوهرة صدقات بنت عمتها ياخسارة شحال دنيا صغيرة 
مدة زمنية تكانو وصلو فيلا بلاصا اللوطو وهبط كما العادة وهبط عاد  فتحلها الباب هبطات موراه هو مدرعلها بإيد وحدة هي حيدات من حداه مشات كوزينة غسلات لفريز ودارتو فطبسيل  وطلعات بيت الفوق وهو حاضيها بعينيه تاتطلع حتاهو موراها رقاها دخلات دوش اما هو جلس فوق نموسية كتفحص تيلي وحاضي دوش باغيها تخرج باش يعرف مالها  تبضع دقائق خرجات من دوش نيت لابسة عليها بيجامة سخونة وشعراها شداه بزيف باش ميضربهاش بالبرد وهو يجي عندها وشد فإيديها جايبها مجلسها فوق نموسية ونطق
إلياس : بالصحة عمري الدوش
إسراء : اللخ يعطيك صحة
بدا إلياس كدوز بإيدو بحنية على وجهها وهو كيبادلها نظرات الحب وهي كتشوف فيهوشنو ناوي يدير تناض من حداها وجاب فوطة وشيشوار عارف مورالها طايح مغاديش تنشف شعرها وهو يوقفها وجلسها فوق كرسي ديال كوفوز وهي غار مسايراه ونطقات
إسراء : إلياس
إلياس : عيوني
إسراء : شنو كدير
إلياس : كنشف لك شعرك مكتشوفيش
إسراء : اه اوك
وبدا كنشف لها شعرها وهي مستحليط الجلسة مكرهاتو كاع ميكمل تاسرح شعرها وخلاه مسرح على طولو
عاد ناضت وجلسات فوق نموسية باقي كتاكول فالفريز وهو يجلس حداه ودوراها عندو ونطق بجدية
إلياس : شكون قلقك وخلالك ماشي على برجك اليوم
إسراء  بعد متنفسات مزيان وإلياس وحاضيها ونطقات بصوت خافت : انا لقيتهم تخيل هوما صدقوا نرجسيين بزااف
إلياس : كفاش شكون لقيتي نتي مفهمتش
إسراء نفاجرات فالبكاء  ونطقات بصوت مغبن بالبكاء : هيء هيء هوما هانو ماما ومحنوش فولدهم هوما سباب
إلياس  بدا كمسح لها دموعها نطق بنبرة حنينة حيث بقات فيه اشوفها كتبكي وخصوصا كفاش كتهصر وقلبها مجروح  : اشش سكتي لاش البكاء بحلاش غنفهم ونتي كتبكي شكون هذا لهان مك بشوية عوديلي كلشي لطرا وشنو ضرك اعمري لخلاك تبكي هكا 
هو ينطق بجدية ومعصب محملش بلان تبكي هما : غندم شكون لتجرأ اخلي مرتي تبكي غبلاتي عليه
إسراء احاضياه بعينيها كفاش تغير من حنين لواحد كتوعد شيحد بأشر اعمال