عشقك إدماني

parte143

اشرف لنطق  بجدية : براكا من اللعب لخاوي فيناهيا اسراء
رانيا شافت فيه ونطقات مصغرة عينيها : دبا انت كتقلب على إسراء ياك
أشرف : ااه شنو غندير عندك مثلا مالي كنقلب عليك نتي
غيثة بتاسمات ابتسامة شر ونطقات : رانيا صافي ادخل معانا فالخطة باش هو ايدي علينا ديك متشردة وانا ندي إلياس
أشرف صغر عينو ونطق : شمن خطة هادي
رانيا : ياك باغي إسراء اوا صافي انت ديها وغيثة دي خويا إلياس وهاحنا مزيانين
أشرف بتاسم ونطق هو كشوف فيها بتمعن : زعما  هاد براءة  لفيك نتي  كتنعاكس على شر لفقلبك ازين خففي على راسك شويا ميكونش قلبك الكحل 
رانيا حولات تمالك غضبها ونطقات : اسي وش  سوقك فيا انا ياك باغي إسراء ديها علينا ديك متشردة ديال لخلا مبغيتهاش باقي تكون مع خويا صافي هز علينا معشوقتك و لا كابتك و سير  علينا من هنا
أشرف لشاف فيها وبقا كضحك ونطقات غيثة منزاعجة : اشنو كضحك وش انت مريض فعقلك ولا شنو
شاف فغيثة وعقد حواجبو ونطق  : اشش هنينا مهضرتكش  نتي
دار شاف فرانيا ونطق : هضرت مع هاد الغزالة لجالسة كتفرق فالخطط هههههه شريرة مع رساتك مسهلاش
رانيا لنطقات معصبة : ماشي سوقك نوض من حدايا بناقص تفو على بنادم كداير
أشرف : وخا متعصبيش حيث اتحتاجي هاد  الاعصابك من بعد
رانيا  تنهدات ونطقات : اوف المرض اوف  ا شباغي
أشرف شاف فيهم بجدية ونطق : دبا نتوما باغيين تفارقوهم مزيان مزيان  يلاه بديت كنفهمكم 
غيثة : ااه إسراء متستاهلش راجلي إلياس ، إلياس هو لغندي
أشرف بتاسم ابتسامة جانبية ونطق : هاذي زوينة عندك الالة  هاد كلمة  راجلي و مزال مدرتو  فطاجين مايتحرق  ههههه عالام نتوما بربي لا عالام
غيثة عقدات حواجبها يلاه بغات تنطق وهي تنطق رانيا لضربات ايدها فوق طابلة ونطقات مغوتة تتلفتو الناس جيهتها : براكا انت براكا اوه فين تسلطتي علينا المرض صافي
شاف فيها ونطق بحدة  : هنينا ازوينة هاد حركات والاعصاب مخدامينش معايا ياغتهنينا وتكلمي لهدوء ياإيديك غيتهرسو وصيفتك تخسر اوك الغزالة
رانيا سرطات ريقها وبقات كتبرقق فعينيها خصوصا هيئة ديالو وكفاش دوا خلاها تخلع منو وزمات فمها وهو بقا شحال كشوف فيها ورجع سند ضهرو على كرسي ومربع إيدو وكشوف فيهم ونطق بهدوء مصاحبة لحدة : دبا من لاخر إسراء غتكون ديالي ونتوما لغتعاونوني فيها
رانيا بتاسمات ونطقات : بالطبع غنعاونوك حنا مسامحين لك فيها غاديها الله يخليك
ناض من فوق كرسي وهي حاضياه شغايدير تتقدم عندها وقرصها بشوية فالخدها وبعد منها سنتيمترات قلال  بقا حاضيها وهي لغوتات وناضت ونطقات متقابلة معاه وهي كتنهج بالاعصاب : وش انت مريض متقيسنيش ايدك مسخة متقيس وجهي جابتليا تقزز
والناس تلفتو جيهتهم حاضيين المشهد ومع كافي راقية تواحد ممسوق لاخور
اما هو بقا  كشوف  فيها بتلاعب وهو كعبرها بعينه من تحت لفوق ونطق : زين عندك فورمة كتهبل مزال غنحتاجها
ورانيا كترعد بالاعصاب 
غيثة لي  ناضت كذلك وتقدمات عندو ونطقات : وش انت مريض فمخك ولا شنو ها
دار عندها ونطق : نتي غتمشي من حدايا ولا بربي ميبقا فيك عظم صالح خليني مع صحبتك وهنينا
خافت على راسها ورجعات جلسات كتشوف واما رانيا معرفات باش تجاوبو تنطق هو بعد ماغمزها  : الغزالة نتشاوفو باش نقادو خطة واعرة الشريرة ديالي
رانيا نطقات معصبة وكتنهد بعصبية : يتبعك البلا  تفو على مرض كداير
أشرف  بتاسم ابتسامة جانبية: اشش ازين تكالماي تاعطي الخوا ديالك نيميرو باش نعرفو نقضو الغراض اعشيرتي
رانيا  بدات كتفتي عليه نمرة وهو كقيضها ونطق من بعد محط تلفونو فجيب : متعطينيش شي پايسة ها
رانيا عضات على شفايفها بالاعصاب كتحاول تكالما ونطقات : راه غنجمع عليك الناس سير عطيني تساع بناقص وش انت مريض فمخك ولا شنو
غيثة : وبراكا انت عيقتي بالله خرج علينا عطينا تيساع بنادم كداير
أشرف : راه نتي مهضرتش معك هنينا ملي نقولك فلانة ديكساعا دوي  سمعتي معنديش بيك الغراض نتي
غيثة زمات شفايفها وبقات كتشوف اما رانيا لرجعات جلسات ونطقات بهدوء : شوف عفاك صافي سير خرج تاندير خطة ونهدر معك  دبا انا تعطلت خاصني نرجع
أشرف شاف فيهم وخرج اما هي ملي خرج يلاه بدات كتنفس وتنهد ونطقات : اوف معرفت فين تسلطتت علينا هاد كمارة
غيثة : وابزااف ،
وقفات ونطقات : يلاه اصحبتي غنمشي قبل مايجي معتصم
رانيا تاهيا وقفات ونطقات : حتا انا خاصني نمشي تعطلت نور كتسناني نخرج معاها باش نجيبو قفاطن
غيثة : ااه الله يعاون
وتسالمات معاها وكل وحدة ركبات فاللوطو ديالها ومشاو
بعد ساعة سالاو البنات حصصهم لقراو فيها أربع سوايع وتمو خارجين وكما العادة مجمعين من غير إسراء لغاساهية تنغزاتها صوفيا ونطقات : اوا دوي مالك نتي جوك مغير اشواقع
إسراء : اوف والو اصوفيا عفاك خليني
ريتاج لنطقات : صافي اإسراء راه غادي تصالحو رانكم بعقلكم تخاصمو على ديك رانيا  منيتكم
جوهرة بقات اكتشوف منطقات  بتاحرف وهي تنطق
إسراء : ااه صافي
تاتم جاي معتصم جيهتهم وبتاسم لريتاج وكذلك هي بتاسماتلو
صوفيا وجوهرة ستغربو وشافو جهة ريتاج كتسناو تفسير من غير إسراء مربعة إيديها كتشوف تانطق معتصم
معتصم : سلام عليكم ، مهم غنهضر مع ريتاج دقيقة ونرجعهالكم
إسراء بتاسمات ونطقات : هههه ياك بيناتكم تلفون ولا ممقنعينكمش اولد العمة
جوهرة تصدمت من جرأتها هي خوها ومتقدر تهضر معاه بهاد شكل ولا ضاسر معاه
تنطق هو : لا ممقنعنيش
ريتاج تحرجات وكتشوف فيهم هي تنطق : علاش شنو بغيتيني امعتصم
إسراء : غاسيرو وكان غاسيرو تاتجي اريتاج معك حساب اخور
شافت فيها سرطات ريقها ونطقات : متفهمنيش غلط اإسراء
إسراء : سيري وكان شوفي شبغاك 
ريتاج مشات تابعاه لركب هو فاللوطو ديالو وهي بقات واقفا ونطقات : معتصم غاخلينا هنا
معتصم : طلعي قتلك منعاودش كلامي
فتحات الباب وطلعات معاه قدام وهو كسيرا نيشان لوجهة اكونو فيها بجوج واهدرو على خاطرهم
اما عند بنات نطقات جوهرة : وانا ياخوتي نبقا نتسناهم هنا 
صوفيا : ههههه وناري  كن درتي شيفور وهنيتي مخك
إسراء لنطقات : وش خوك مصاحب مع صحبتي
جوهرة : معرفت اختي نتي كتعرفي هذاك خويا راه متفهميلو والو
إسراء لنطقات : ابلاتي على مك اريتاج شتيني غفلت عليك وليتي تصاحبي
واحد شويا تاجا إلياس مشات ركبات معاه ودمارا نيشان الوجهة لفيلا وكذالك صوفيا جاها عمر ومشات بقات جوهرة كتسنا فديك ظليلة جالسة  ونطقات  بصوت مرتافع شويا : بناقص صافي شي يعيش الحب شي جالس كتشمس  بحالي
نطق داك لكان جالس حداها سمعها مع هدرات بجهد ونطق : ولاهيلا اختي ماكذبتي هههههه
جوهرة سرطات ريقها ودارت شافت فيه لكان شاب في منتصف العشرينات  ملامحو تقريبا حادة واللونو حنطي وشعرو كحل مسرحو اللور بعض خصلات شعر نازلة على جبهتو واللحية مطراسية كحلة  لكان لابس عليه سروال دجين  مع قميجة زرقاء وحدها امأتلو براسها ورجعات كتخربق فتيلي تانطق تاني : نتي كتقراي هنا
جوهرة خايفة تجاوبو ويشدها فالهضرة ويجي خوها ويسلخها بقات شحال ساكتة لين فقد فيها الامل ونطقات : ااه كنقرى هنا علاش
__: ااه مزيان غاسولت انا دبا عام لاخر فكلية طب
جوهرة : ااه مزيان الله يوفقك
_: امين الله يوفقك حتا نتي
جوهرة : امين يارب
وبقات كتشوف لقدام وكتسنى داك خوها إيجي لشاد هو جماعا مع ريتاج
تنطق هو ملي لاحظ صمتها : ماقلتليش شنو سميتك نتي
جوهرة نطقات في خاطرها اوف اخويا بعد مني لا يجي خويا ويعطبني من شي جيه ونطقات : ااه سميتي جوهرة
_: مزيان سميتك زوينة جوهرة الالماس هههه
جوهرة مجاوباتوش تنطق هو : سميتي أنس
جوهرة : متشرفين اخويا انس انا دبا خاصني نمشي
أنس : ااه تشرفت بمعرفتك بغيتي نوصلك داركم
جوهرة : لا لا اصلا خويا غيجي اديني
ناضت هي مشات بلاصة اخرى اللهم تفاديا الاحراج توقف اللوطو عند رجليها ونطقات ملي شافت خوها لفاللوطو : على سلامة
ونزلات ريتاج ونطقات : يلاه بسلامة
معتصم : بسلامة
ومشات جهة شيفور اما جوهرة ركبات معاه لقدام ونطق معتصم : هدرتي مع شيواحد انتي
جوهرة تخلعات ونطقات : لا اخويا معامن غنهدر
معتصم : وخا مزيان
اما هي حكماتها رعدة وهو مبرد سوق غادي وجهة  لدارهم
عند إسراء وإلياس فورا ما وصلو طلعات هي بدلات لباسها ولبسات تريكو نص كوم بالكحل في كتابة بالبيض مع شورط ديالو واصل حد الفخاض  
وتكات فوق نموسية كتقرى فواحد من كتوب اما هو دخل وشافها بداك منظر حاول يبعد عينيه دخل دوش عليه وخرج مشا دريسينغ نشان ختار منهم قميجة بالقهوي مع سروال دجين وخرج كقفل فمقفلات قميجة وهو مرة مرة عينو كتديه ليها لجالسة كتقرى ممسوقاش
تواحد ممهدر لاخور وبقا شحال واقف كتجنن عليها مكرهش اتكيها ولكن مدابز معاها هو ينطق : ملي تهبطي لبسي عليك شيحاجة ستري دوك رجليين ولا غادي اتݣرضو
طلعات فيه عينيها ونطقات : ماشي سوقك دخل سوق راسك
إلياس نطق معصب : راه بربي تنسيفطك روضة بقاي ترادي معايا الهدرة
إسراء هزات كتافها ورجعات كتقرى ممسوقاش وبقا هو كشوف  فيها وعقلو كصورلو منظر لباغي اتكيها فيه وهو  يستغفر الله وهبط تحت هز بيسيه وجلس خدام اما هي غار خرج ونطقات مغددة : تفو حادݣ غافتهديد فين مشات رومانسية  وانتي عمري ومنعرف اش تفو خزيت صافي
ومشات دخلات سترينغ هزات سروال توب لبساتو وهبطات تحت  وحس بتحركاتها هو طلع عينو فيها يلاه كان غيسبها عمبالو هبطات بشورط وهو يشوفها لابسة سروال وسكت بقا خدام فبيسيه وهي جالسة كدور من البيت لبيت توقفات عند راسو وطلع فيها عينو ونطقات : اسمعني
حط بيسيه  فوق طابلة وربع إيديه كشوف شغاتقول  ونطقات : فيناهو كوفتير ديالي
عمبالو غتعتاذر تاصدماتو ونطق : ياك كلتيه فصباح