عشقك إدماني

Parte 78

دخلو معاها البيت كعزلو شنو تلبس من داكشي لتقدات
تمدات لها ريتاج واحد ساشية فيها قفطان مطرز بالأخضر ملاكي بتصميم فخم
تنطقات ريتاج : صوفيا هاكي اصحبتي لبسي هاذي جبتهالك معايا كادو
دارت عندها  صوفيا وإسراء لكانو كشوفو لبسة لغتلبس للحنة وشافتها ونطقات إسراء : واو حمقتني وشدات عندها
اما صوفيا نطقات : ياه دبا شغانقوليكم لاش مصدعين ريوسكم واحد جايبا مجوهرات ونتي جايبا قفطان زدتو فيه بزااف
ريتاج : نتي شدي براكا من هدرة ودراما
جات عندها صوفيا وعنقاتها ونطقات إسراء
إسراء : وانا متعنقونيش انبدا نغير
صوفيا : اجي اجي يالهبيلة
ريتاج : اجي الحمقة نتي هي الحب وشكون محلي جماعتنا كثر متك
تقدمات عندهم إسراء وتعانقوا عناق الثلاثي
ومن بعد نطقات
إسراء : يلاه زيدو نمشو كوافورة باش نقادو حالتنا وباش نجو مع غذاء ونتغداو وتجي نقاشة وغيجو شيخات
صوفيا : حلفي بالله اصحبتي بلي شيخات كاينين
ريتاج : وايلي حمستوني الله على شطيح
دارت عندها إسراء : علاه نتي كتعرفي تشطحي شعبي
صوفيا : الله يجيبك على الخير علاش نتي مشفتيهاش شحال شطحات نهار عرسك صدماتني
ريتاج : هههه كحرتوني كسحابلكم انا من طبقة مخملية مغنرقص
إسراء : اوا اختي تصدمت من دبا قبل منشوفك
صوفيا : هههه ناري
إسراء د: يلاه وجدوا حالتكم البنات
ريتاج : يلاه انا بعدا واجدة
صوفيا : وخا انوجد شنو نلبس باش لبس تم عند كوافورة ونخرجو مقادين حالتنا
إسراء : يلاه صافي ، انا انخرج نشوف ماما رحمة وش خاصها شيحاجة
خرجات من عندهم بيت رقات رحمة فالكوزينة واقفة على شغل ومع جيران وعائلة
رحمة : ابنيتي وش وجدتو حالتكم باش تمشو كوافورة
إسراء : اه راه خليت نيت صوفيا كتجمع شنو تلبس باش تلبسهم نيت عند كوافورة
من بعد خرجو البنات مشاو مع شيفور ديال ريتاج تال صالون فوتو فيه شي 3 سوايع وصوفيا دارت ليسوان كاع جسمها ومعاها ريتاج وإسراء
صوفيا قدات مكياج سموكي ركزات بزااف على عينيها لعطاها رونق خاص واما فم دارت عكر باللون گرونة  ومع تسريحة شعر لبوكلاتو من تحت وخلاتو منسدل على كتفها  لبسات قفطان لهداتو لها ريتاج فأخضر ملكي مع طالون في نفس اللون مع ساكها  اما إسراء فكتفات فقط بمكياج خفيف سرحات شعرها ببلاك وخلاتو منسدل ولبسات تكشيطة باللون ازرق مع ميني طالون في نفس اللون ومع ساكها، ريتاج دارت مكياج نوعا ما خفيف جمعات شعرها فوق كوب شوفال وبوكلات شعرها
خرجو البنات من عند صالون رقاو نيت شيفور كتسناهم ركبو مشاو نيشان دار رقاوها عامرة بالبنات وعيالات ونقاشة كانت عاد جات 
رحمة : يلاه سيرو تغداو باش تنقش ليكم نقاشة رانكم تعطلتو بزااف
صوفيا : وخا اماما
مشاو جلسو فصالون حطو الغداء وجلسوا كتغداو بحو مرح عاد غسلو إيديهم ونطقات
صوفيا : متقوليش ابنات. انني مغنشطح راه غنسخف ليكم هنايا
إسراء : نتي سيري تركني لبحالك خاصو يتركن
ريتاج : ويه شوفيا ياختي قتلك بغا تشطح سيري راه نقاشة كتسنى فيك
صوفيا  شافت فيهم بحزن ونطقات : تفو خزيت صافي
إسراء : سيري اصوفيا الله يعطيك العقل قولي امين
صوفيا : اش بغينا بشي عقل بحالا نتي زعما مطفراه
ريتاج : ناري البنات هربتوني لاحولا ولا قوة الا بالله معاكم نتوما مكتقاضاوش
بقاو البنات شاديين فيها تدخلو صالون
رقاو نيت ليلى ام ريتاج جات مشات عليها صوفيا وإسراء
ليلى : اهلا لباس عليكم بيخير
إسراء : بيخير حمدالله اخالتي ونتي كدايرا بيخير
ليلى : حمدالله، مبروك عليك اصوفيا
صوفيا : الله يبارك فيك اخالتي العقوبة نور وريتاج
ريتاج : ههه قولي عقوبة نور انا باقي مكنفكر بزااف
إسراء : هههه ناري حمقة
مشاو من حدا ليلى كانت ديجا جالسة معاها رحمة مشاو جلسو لهيهة تقالت إسراء : يلاه سيري انقاشة كتسناك اصوفيا
صوفيا : علاش غتبداو بيا انا لولا بغيت نشطح اعباد الله
ريتاج : سيري تهزي من حدانا بقالك اشطيح، ناري باش ذكرتيني المسخوطة
إسراء : قولي باش
صوفيا : مهم هانا مشيت وجوه النحس صافي
إسراء : سيري العررسة تركني فبلاصتك تنقش لك نقاشة
مشات صوفيا عليهم رقات ديجا نقاشة كتسنى فيها
دارت إسراء عند ريتاج : عوديلي فاش ذكرتك شدني فضول
صوفيا : وايلي اصحبتي نهار عرسك بقينا كنشطحو وندردكو  تاعيط عمر لصوفيا وهددنا باش متشطح تاتي وتفكرت كفاش كانت معصبة مت بالضحك
إسراء : اوا الله يعز الحكام ياختي قول من تم عمر حاط عينو على صحبتي هايهاي على صوفيا مصدقتي ساهلة
ريتاج : شتي حتا انتي رانك مساهلاش اعفريتة نهار اللول طيحتي ولد خالتي على زنافرو
إسراء : زيدي معايا نفشي نجيب الباف ونجي
وصوفيا بدات كتنقش ليها والبنات مشاو جابو الباف جهدوه على اغنية الليلة الحنة لصفاء وهناء
🎶🎶🎶🎶🎶🎶🎶🎶🎶🎶🎶🎶🎶🎶🎼🎶🎶🎼🎼🎼🎵💫
       💫     يالا يالبنات قولو لجيرانا يجيبو زغرتات       الليلة ليلة لحنة💫