عشقك إدماني

Parte 59

اصبحنا واصبح الملك لله
ناضو البنات غسلو وجههم وهزات إسراء تلفونها رقات ميساج من إلياس ورسالتلو وكنتمنى وهو شاف ميساج وخلاها متلا جاوب لبس عليه سروال سليم كحل وتشيرت باللون بيض وفوقوا مونطو بالكحل وسبرديلة كحلا وخلا شعرو هابط على عينو ورش ريحتو وخرج نيشان خدمتو ومنبعد  قامو بروتينهم معتاد وهزو شكايرهم غاديبن الليسي
تلقاو مع ريتاج وبقا كهدرومعاها  ولحضات ريتاج وجه إسراء فيه اتر ضربة وصغرات عينيها ونطقات
ريتاج : شكون ضربك
إسراء : اش غانقوليك اريتاج ختك انا وياها ضربنا
ريتاج تصدمات : وانا كنقول مالها البارح داخلا كاملها مضروبة ومعصبة شنو وقع علاش ضاربتو
صوفيا : راه باينة اريتاج
ريتاج : مشكلة صافي البارح عاد عرفت بلي ختي كتبغيه  وماما وبابا غوتو عليها حيت رمات راسها على إلياس ولكن راه خاصها تنساه صافي ماشي ديالها معرفت مالها ولات مهووسة بيه
إسراء : اكون خير انا مكنت بغا نضارب معها ولكن هي تهجمات علينا وزيد عليها ضرباتني وبقات كتهيني وصافي انا نضربها
ريتاج : ماشي مشكل غدير عقلها يلاه ندخلو كنتمنى تنساه
إسراء : وباقي كاع متزوجت بيه بدا فالمشاكيل
ريتاج : ومديريش فبالك اصحبتي انا عرفا ختي وطير وتنزل غاتنساه، اصلا كلشي واقف فوجهها ماما وبابا وحتى خالتي وعمي حتاهوما وكنطن حتى رانيا
صوفيا : ان شاء الله زيدوندخلو
ودخلوقسمهم وبداو كقراو كما العادة من بعد ماخرجو البنات مشاو دار وريتاج مشات دارهم وملي يلاه بغات تدخل رقات إلياس عند فيلا يلاه باغي انقر وهي تنطق ريتاج
ريتاج : خويا إلياس لباس عليك ، علاش جيتي هنا
إلياس : بيخير حمدالله كدايرا مع قراية ورفع حاجبو ونطق مالي منجيش ولا شنو 
ريتاج :  لا ماشي هكاك مرحبا بيك، حمدالله رانا ماشيين مع فروض دبا
إلياس : الله يوفقكم
ريتاج : امين يارب، يلاه ندخلو
منبعد منقر فتحت لهم خادمة ودخلو رقاو ليلى جالسة شدا قهوتها وحداها وعماد حتا هوشاد قهوتو ومقابل شي خدمة كطل عليه تاهزو عينيهم بالهم إلياس داخل وقفات ليلى
ليلى : اهلا لباس عليك
إلياس : حمدالله الخالة رانا مزيان ونتي كدايرة مع صحة امور بيخير
ليلى : حمدالله بيخير اولد ختي جلس معانا
ومشا سلم على عماد وبقا جالس معاهم تانطق
إلياس: ريتاج وخا تعيطي ختك بغيت نقولها شي هدرة هنايا
ليلى : وش دارت شي مشكل اولد ختي؟!
إلياس : حتا تجي وغتعرفي انا حشمتني وقالت نيت نواجهها قدامكم باش متلات دير هاد فعل
ليلى : اويلي
اما ريتاج طلعات بيتها وعيطات لها تنزل وتمات نازلة وجلسات حداهم فصالون
نور : اهلا  إلياس هانيا قالولي بلي بغيتي تهدر معايا
إلياس :  حمدالله، اه و بغيت نسولك
نور : وي سول
اما ليلى وعماد اكيشوفو مفاهمين والو وريتاج عرفا شواقع
إلياس لاحظ وجهها مضروب ونطق : شكون ضرب وجهك
نور : اه نتا يلاه نزلات عليك المحنة اولد الخالة وليت تسول فيا ولا شنو وقع
إلياس : مهم غنجيك نيشان شنو قتليك انا، ياك قتليك ساحتي متقربيلهاش ولا غيتنادم معاك الحال، اشهاد الحالة درتي البارح؟!
نور : شنو درت انا مفهمتش؟!
ناض إلياس وضرب طابلة بإيدو ونطق :متصرعيش عدو ربي فهاد نهار اشداك تمشي عندها وتهجمي عليها اااه؟!   واه وش مكتفهميش؟!
ليلى دخلات : اويلي نور مشيتي عندهم وهجمتي عليهم اش هادشي درتي
نور : راه انا بغيتك اإلياس غهمني منقدر نستحمل نشوفك مع شيواحدة اخرى وزيدون هي يتيمة راه غار طامعة فيك
إلياس : نتي ماشي سوقك  بشكون نبغي وبشكون نتزوج الا بغيتيني شغلك هداك انا شحال مرة كنقولك بلي نتي بحال ختي معندي مندير لك
عماد : نور براكة يلاه خرجي عليا متليت نشوفك قدامي  غكنشوفك كتحسيني بخذلان فيك ورفع صوتو خرجي عليا يلاه اخر مرة تعتبي هاد عتبة
ليلى : تهدن اعماد مجات نجرو عليها راه بنتنا وطرف منا مزال غتنضج وغادي تنساه غار خليها صافي على وجهي
عماد : مهم قوليها منشوف وجهها فدار راه درت على وجهك
ليلى :طلعي بيتك اش هاد دل لولا فيك تفو
نور طلعات متلات زادت تاكلمة وسدات عليها وبدات كتبكي
ليلى  : سمحليها على وجهنا متلات غدير هاد فعل وغنتفاهم معاها
إلياس : متقولي هكا الخالة انا راه سامحها غير متبقاش تدور فساحتي ولا نسا وش عندي شي بنت خالة
ليلى : الله يسر ليك اولدي
إلياس : امين يارب هانا خاليتكم غنمشي
عماد : جلس تغدا معانا
إلياس : لا لا انا مزروب داير مع عمر نتغدا معاه ونتيسرو لخدمة معا  قضية مزيرة عندنا
عماد : اه صافي الله يعاونك
و  ستأذن منهم باش يمشي خدمتو   وليلى طلعات عند نور وفتحتالها نور رقاتها كتمسح فدموعها
ليلى : غار قالوليلي ابنتي وش ترضاي بهاد الحالة راسك
نور : لا اماما منرضاش ولكن راه بزااف عليا راه هو حب حياتي
ليلى : ديري عقلك ابنتي وحاولي تعايشي انه غيتزوج بواحدة اخرى علاش انا كرهت نشوف بنتي متزوجة بإلياس ولكن هذا هو مكتاب
نور : هيئ هيئ اماما اش غندير باش نساه
ليلى : معليك ابنتي غار رجعي بلاصتك فين كاينة خدمتك ونغامسي فالخدمة وغادي تنساي شكون لعطاك ابنتي هاد امل، وفين جبتي الاخبار
نور : راه رانيا قاتلي انني غنكون مرات خوها وقالت غتعوني ولكن ماي خبارتها شنو درت تقلقات مني ومبغاتش تعاوني قتلي ماعندي منديرلك
ليلى : شوفي ابنتي نساي وش كاين شي أمل كون كان كيبغيك غادي اخطبك مني وش هاد هدرة قلتي إسراء انه كان مواعدك بزواج امتا ابنتي وعدك
نور : لا اماما موعدني موالو غار  انا قلتها ملي كنت كنضارب مع إسراء باش نفقصها
ليلى : ابنتي اش غانقوليك مدرتي فيها ميصلح هاد شوية ديال كرامة لبقاتلك سيري رجعي بلاصتك وحاولي تنسايه
نور : واماما دبا مقلق مني انا راه صراحة قلبي كيتحرق
ليلى : باك غيسمح ليك نهار غتنساي وتشوفي مستقبلك وتنسيه فهاد فضيحة لدرتيه وزائد انك خاصك تمشي تعتاذري اسراء رانك جرحتيها بالكلام وانا عرفاك تجرحيها وتفوتيها لهيه
نور : لا منقدرش نمشي نعتاذر ليها خليني عليك دبا فعشية غنمشي ومتليت بغا نشوف تواحد فوجههم
ليلى : مهم انا قتليك اوا الله يعاونك، وكنتمنى تنسايه، سيري غسلي وجهك وعينيك راه تنفخو بالبكاء وبراكة عليك من هاد البكاء كوني قوية وخليني مفتاخرة فيك وكما اب ديالك مفتاخر بيك ومطيحيش راسنا لارض
نور : وخا اماما
ومنبعد خرجات من عندها ليلى ورقات ريتاج جالسة كتغدا بوحدها حيت قارية ونطقات ليلى
ليلى : بنتي وش عندك دبا قراية
ريتاج : اه ماما دبا عندي
ليلى : فيناهو باباك
ريتاج : اه راه مشا الخدمة عيطولو على شيحاجة ضرورية فشركة
ريتاج : اه هكاك ، وش ختي شوية
ليلى : يلاه كنت كنهدر معاها عندها عشية طيارة
ريتاج : وخا انطلع عندها نودعها، اماما ومديريش فبالك كنعرف ختي  مزيان انها تنساه
ليلى : اوا نتمناو
مشات ريتاج غسلات إيديها
وطلعات عندها ريتاج دقات واستأذنات باش تدخل ودخلات رقاتها كترتب شي حوايج فالفاليز ديالها  و عنقات ختها
ريتاج : ختي ماسخياش تمشي تاني وتغبري كثر من هكا
نور :  اه اختي حتا أنا ولكن هدشي لعطا الله، وكنصحك اختي نهار تبغي شيواحد مدليش راسك كما دارت انا وليت اضحوكة وكلشي كشوف فيا نظرة ناقصة وطاحت دمعة من عينيها ونطقات بصوت غالب عليه البكية حتى بابا متلاش بغا يشوف فوجهي ومقلق مني بزااف
ريتاج مدات إيديها لوجه ختها ومسحات لها دموعها : ختي متخافيش بابا واخا تقلق غيرجع غير نتي حاولي تخليه اهز راسو الفوق
نور : داكشي لغندير، وقراي مزيان وجيبي لانوت زوينة فالباك
ريتاج : تهنيتي اختي
ورجعات عنقاتها وباستها فخدها
ريتاج : تهلاي فراسك انا غنمشي ملي نرجع موحال نلقاك
نور : ان شاء الله حتا نتي تهلاي فراسك، راه بيناتنا ابيل وميساجات
ريتاج : وخا انتوحشك بزااف
نور : يلاه سيري قبل متعطلي
اما عند بنات مع رجعو عونو رحمة فتوجاد الغداء  وجلسو كياكلو ومنبعد مكملو غداهم جمعو ماعيين وغسلوهم ولبسو لباسهم ومشاو قرايتهم كما العادة مجمعين مع ريتاج
ريتاج :دبا نور غتمشي وباش تبعد وتنساه
صوفيا : ان شاء الله اختي غتنساه
إسراء : ان شاء الله، يلاه ندخلو 
دخلو البنات كما العادة اقراو
وبعد 3 أشهر لخاضوها بنات كراجعو ويدمرو باش يدوزو وطني ومع معاوانات من إلياس كعاونهم شويا واما نور من تما مشات متلات رجعات كتحاول تكون راسها وباش تخلي واليديها ارجعو مفتاخرين بيها و رانيا دخلات خدمات فشركة باها وقطعات تواصل مع نور قليل فين كتسول عليها
واخيرا صبحو البنات ناضو بكري مع فجر صلو صلاتهم وجدتلهم رحمة فطور وفطرو وعطاتهم زبيب واللوز وكركاع باش يساعدهم في تذكر  ونطقات رحمة
رحمة : اوا زيرو ريوسكم ابناتي ومتخلعو متدهشرو  وديرو لعرفين والله غيعاونكم والله يوفقكم
إسراء وصوفيا : امين يارب
مصطفى : وبلاتي عليكم عندكم وقت كافيئ فين تجاوبو عندكم تخرجو بكري ويتنادم معاكم الحال
إسراء وصوفيا : كونو هانيين حنا ان شاء الله غنفرحوكم
رحمة :ان شاء الله يلاه سيرو هادي هي وقت فاش تمشو
يلاه خرجو بان تلهم ريتاج وشيفور قدام الباب
نزلات ريتاج سلمات على رحمة ومصطفى
رحمة : عذبنات ابنتي معانا
ريتاج : لا اخالتي مكاين عذاب لا والو  عمي حسن مديني مديني اللهم امشو معايا البنات
مصطفي : الله يوفقكم،. يلاه كنت غنمشي معاهم
ريتاج : امين اعمي دخلو على البرد
من بعد تسالمو البنات مع ريتاج وركبو اللور حداها وكجمعو على قرايا وشنو متذكرين
ودخلو دوزو  فمادة فيزياء 3 سوايع مخرجو تال 11   ملي خرجو  وصلهم تاني شيفور وإسراء كتواصل مع إسراء يلاه طلات على تلفون رقاتو سيفطلها
إلياس : أنظرا كدوزتي
إسراء  جوباتو : حمدالله  جوبت مزيان
إلياس: الله يوفقك مادة عشية عندك انجليزية
إسراء : اه امين يارب  وخرجات من ميساجات ودارت رقات الينات شاديين فيها
إسراء : نتوما اش متقولو تنا
ريتاج : هايهاي عليك اصحبتي كسول فيك كدوزتي
صوفيا : وايه
إسراء : ياربي صبرني
وصلهم شيفور عند دارهم ونزلو فتحلهم مصطفى سولهم على كدوزو نطقو بلي دوزو مزيانونشاو جبدو انجليزية ارجعوها اما رحمة مشات كطيب فالغداء
نفس شيئ ريتاج سولوها وجوبات انها دوزت مزيان ومشات تراجع الانجليزية
هكذا دوزو تلات أيام فتدواز وطني مسالو لين بغا يسخفو
اخر نهار خارجين  قالو غيرجعو على رجليهم  وجايين  خرجين بشوية عليهم كهدرو
ريتاج : واخيرا البنات كملنا
صوفيا : ويه حسيت حيدت عليا الحنل وان شاء الله تصحيح اكون هو هذاك ونجيبو مزيان
إسراء : إن شاء الله يارب
لقاو قدامهم إلياس
إلياس واقف كتسناهم ونطق : وعلى سلامتكم ملي كملتو
إسراء :  الله يسلمك
إلياس : يلاه ركبو نوصلكم
إسراء : لا حنا بغينا نمشو على رجلينا
إلياس : منيتكم شمس حارة وضرب فراس ومبالكم تمشو على رجليكم ادابا
ريتاج : يلاه نركبو من دبا حاسا عيانة
ركبو صوفيا وريتاج اللور وإسراء بقات كتشوف وركبت القدام وركب هو وديمارا نيشان وصلهم لدارهم وصل ريتاج عند دار خالتو
هو مشا دارو تكلم مع  مو إيمان علماتو  بلي دبا غتركب فطيارة وتجي غدوز نيشان  الكازا عند ختها عاد من بعد طلع فيلاتهم لكاينا فرباط غتجي باش تكلم مع إسراء والوليدين ديولها لمتعبراهم والدين ديولها من بعد موقفو معاها وعونوها تكمل قرايتها  ومن بعد شهر  يمشي يخطب ويدير عقد فنفس نهار مع إسراء هتشي لتافقو عليه والعرس بداية شهر 9 بين موجدو لو
اما البنات غار وصلو دار تسالمو مع رحمة ومصطفى وبدلو عليهم لبسو بيجامات صيفية وعونو رحمة فتوجاد غداء وتغداو وجمعو طابلة وغسلو ماعيين ومشاو ينعسو حيث حسو بالعياء تمو ناعسين نفس شيئ ريتاج طاحت كومة
من بعد ايام ريتاج وصوفيا وإسراء كتسناو نقاط بفارغ صبر  خصوصا ديك الخلعة لكتشدك باش تشوف نقاط وتبقا سهران امتا يتحطو نفس شعور كحسو بيه