عشقك إدماني

Parte 40

رحمة : زيدو ابنياتي تفطرو
فطرو وعطاتهم رحمة شي زبيب وكركاع واللوز باش يساعدهم في تذكر معلومات وبدات كتوصيهم باش ميتخلعو ويجاوبو بلاتي عليهم وميزربو
مصطفى : يلاه يلاه زيدو دبا 7 باش نوصلو تم مع 8
ركبو فطاكسي ومعاهم مصطفى وصلهم حتا واحد الليسي لغيدوزو فيهاوتلقاو مع ريتاج سلمو عليها وكلسو كهدرو ويناقشو معلومات لمذكرين
صوفيا : ناري البنات معرفت علاش كنحس بالخلعة
إسراء : نتي مالكي راه غندوزو امتحان دنيا رانا حمدالله درنا لعلينا والله يوفقنا
ريتاج : امين يارب ونجيبو نقطة زوينة ان شاء الله
دازو يومين والبنات كدوزو في امتحانات ديال جهوي عربية وفرنسية والاسلاميات والاجتماعيات
اخر نهار راجعين وكحسو براحة ملي كملو الامتحان
إسراء : الله على راحة بغيت غانعس
ريتاج : وحتاانا البنات غنوصل دار غنضربها بنعسة تال صباح
صوفيا : يلاه بسلامة ريتاج
ريتاج : اجو البنات ركبو باغيين تمشو تقلو فهاد شمس ايوصلنا شيفور
إسرغء : وخا شكرا ليك
ركبو البنات مع شيفور وصلهم تال دار دخلو
مصطفى : انضرا جوبتو مزيان
صوفيا : حنا درنا لعلينا الله يوفقنا
إسراء : امين يارب
نمشو عند اهل ريتاج دخلات ريتاج
تلقات لها مها
ليلى : اجي ابنتي كدوزتي مزيان
ريتاج : حمدالله اماما
إلياس : ان شاء الله تجيبو نقطة زوينة
ريتاج : شكرا. دبا بغيت غنمشي نعس نعوض داك سهير وفياق بكري
عماد : سيري ابنتي رتاحي. ولكن تغداي هي لولا عاد سيري تنعسي
ريتاج : مافياش ابابا عيانة
ليلى : وخا سيري تنعسي
حطو الغداء وتجمعو عليه ونطقات ليلى
ليلى : إلياس، إيمان وش غتجي هاد عطلة ولالا
إلياس : كنظن محال تجي ، هم عاد كانو معانا في العيد ومشاو، على ما أظن قاتلي رانيا بلي غيمشو يدوزو عطلة في لندن
ليلى : اه هكاك اوا مزيان
شارعو في الاكل
اما عند البنات غير تغداو جمعو ماعيين وغسلوهم ومشاو نعسو طاحوا كومة
مناضو تال غد ليه
تاكتحل إسراء تلفونها ورقات ريتاج مسيفطلها بلي بغاتهم ايخرجو معاها ايديرو نزهة بيناتهم
نوضات إسراء صوفيا
إسراء : وصوفيا وتهزي نوضي راه ريتاج مسيفطة لي ميساج بلي عشية غنديرو نزهة
صوفيا : وايلي بلاتي نعلم ماما وبابا
إسراء : وخا سيري بين مانجمع انا هاد روينة
جوبات إسراء ريتاج بلي موافقة
وقالت لها ريتاج في مساج : اخيرا جاوبتي وش نعستو نعسة كهف مهم بلاما تجيبو معاكم والو كلشي مواجداها
جوبتها إسراء : نتي ماسوقك نوجد لبغيت تقولي منوجد والو منيتك
علمات صوفيا والديها وخلوهم اخرجو ومشاو كوزينة يوجدو كيكة ومسمن وبعض اكلات لخرجة ولبسو عليهم
صوفيا لبسات