عشقك إدماني

Parte 60

البنات وريتاج بقاو كتسناو نقاط على احر جهد
هبطات ليلى صالون فين جالس عماد وريتاج
ليلى : انضرا بنتي وش تحطو نقاط
ريتاج : لا ماما
عناد : نعسي لك ابنتي صباح ترقايهم تحطو
ريتاج : وخا الا قديت نعس حيث شادني ستريس
ليلى : متخافي ابنتي انا تايقة فيك انك غادي تفرحيني
وعنقاتها ريتاج وطلعاب بيتها تنعس شوية
اما إسراء وصوفيا متباركين مع سيت ادخلولو وملي كدخلو كرقاو باقيين متحطو
صوفيا : اوف تعطلو
إسراء : غار يلاه نعسو هاد 3 ديال الليل تاصباح ان شاء الله ايكونو تحطو
منبعد طلعو البنات نعسو فاقت إسراء مع فجر ورقات مصطفى دخل يتوضى باش يمشي جامع ورحمة كتفرش فسجادة باش تصلي
رحمة : بنتي اش موعيك
إسراء : غار ضرباتني فيقة صافي، تسناي نتوضى ونصلو بجوج
رحمة : يلاه سيري كنتسنا فيك
وفعلا مشات توضات ولبسات عبايتها وزيف وفرشات سجادة حدا رحمة صلو بجوج
ومشات خلات رحمة ودخلات البيت تشوف سيت وش وصلو نقاط ورقات نقاط طارت بفرحة غوتات
اما صوفيا معرفت باش تبلات بهاد غوتة ناضت واقفة وعين سادها وعين فاتحها
صوفيا : وشواقع اعباد الله
ودخلات رحمة تجري عندها اما مصطفى باقي مدخل من صلاة فجر عدلو شي دقائق ويدخل
رحمة : اشواقع ابنتي
إسراء : وانجحت وجبت 16 هههههه
وفرحة مقداها لحد
صوفيا : واه بصحتك حتا انا نطل نشوف، وحتا انا بحالك اإسراء وينقزو ويعنقو فرحمة
زغرتات رحمة بواحد زغريتة : الله على بنياتي فرحوني فهاد نهار
دخل مصطفى وخبروه
مصطفى : بصحتكم، هكا نبغيكم وعنق إسراء وصوفيا ودور معاهم
إسراء : بلاتي نعيط ريتاج نشوف وش شافت نقطتها ولالا
صوفيا : وخا عيطي، ومتساي تعلمي حبيب القلب اسربي راسو باش تزوجي ونشط فعرسك
إسراء : ياك كتجري عليا
صوفيا : ولا اصحبتي توحشت نشاط والعراسات من داكشي ، فهمتيني
إسراء : اهاه نتي بغا تنشطي على ظهري انا
صوفيا : واه هههه وراه نتي لقلتي موافقة على زواج ولا لا
إسراء : صافي معلينا وتاصلت بعد دقائق جوبات ريتاج بصوت مبحوح حيث عاد فاقت من نعاس ورقات تيلي كصوني
ريتاج: الو إسراء نعام
إسراء : واتي نوضي ياتا من نعاس مزال خامرة
ريتاج طلات فساعة رقات غاسابعة ديال صباح ونطقات : يهديك الله هادا راه نوبوري وتكوليلي الخامرة
صوفيا : هههه شوفي شحال جبتي ووكان
ريتاج : واش تحطو نقاط ونسييت
إسراء : نتي نسيتي وانا الليل كامل نحلم بيهم وناعسة غاساعتين
ريتاج : ههههه انضرا شحال جبتو
إسراء : انا جابت 16 وحتا صوفيا 16 إختلاف غار ففاصيلة
ريتاج : بصحتكم انا نطل ونعلمكم
وقطعات معاهم ودخلات رقات جايبة 17 مقلولة ورسلات إسراء بلي اش جابت وبركولها وبركات لهم وخرجات فرحانة وهابطة من دروج مرة تنقز مرة تمشي عادي وتغوت حتا صمكات دار وحالتها شعرها كامل مخربق ورقات باها ومها كفطرو باش عماد امشي خدمة ديالو وغوتات
ليلى : ابسم الله عليك ابنتي اشكاين مالك هاد غوات وهاد حالة لهابطة فيها
ريتاج : وماما ونجحت وقلعي شحال جابت
عماد : شحال جبتي
ريتاج : ههه جابت 17 مقلولة
ناض عماد وعنقها ونطق
عماد : الله يرضي عليك هكا نبغيك بصحتك ابنتي ومبروك عليك
ريتاج : امين ابابا
ليلى : الله على بنيتي فرحتني هاد نهار، انضرا صحاباتك شحال جابو
ريتاج : جابو 16 اماما
من بعد مكملات حوار مع ريتاج رقات إلياس مسيفطلها
إلياس : انضرا!؟!
صوفيا شافتها وقرات مساج : جاوبي اصحبتي وفرحيه باش يسربي راسو ويخطبك
إسراء : لاحولا ولا قوة الا بالله العلي العظيم نتي مالك خاشية راسك معايا متخلي حد اتكونيكطا على خاطرو
صوفيا : الفضول الفضول
إسراء : سيري وكان ديري شيحاجة
صرفيا : هي لولا مهم قوليه راه صوفيا محتاجة العرس ضروري باش تحسن نفسية حيت نفسية مضررة. إسراء : سيري عطيني تيساع، قالك نفسية مضررة
اما إلياس جالس فخدمتو ورقاها قرات ميساج وباقي مجوبت تاشوية بانلو كتبت
:حمدالله نجحت وجبت 16
إلياس :مبروك عليك هكاك نبغيك
إسراء : الله يبارك فيك
إلياس : اوا بهاد الحساب مبقا قد مفات وتولي حلالي ياعاشقة قلبي
إسراء : اه ههههه، ان شاء الله
إلياس بتاسم على ديك إن شاء الله وخلا تلفون وبقا خادم حاني على الاوراق تاجاه عمر
إلياس : دخل اعمر دخل
عمر: اهلا هانا رجعنا معاك هنايا الخدمة هههههه
إلياس : على سلامتك
عمر : الله يسلمك
إلياس : واكداير مع خدمة لهيه ياكما مزيرة وقت بحال هنا
عمر : حمدالله لابدا من تزيار فخدمة
إلياس :واه داكشي معندنا منديرو غاصبر ونديرو خدمتنا
عمر : ويه، اوا امتا ناوي تخطب
إلياس : هاد سيمانة بحال والو نهدر مع الواليد والواليدة ونريسيو الامور، ونعلمها باش مكان
عمران : الله يسرلك اخو
إلياس : امين يارب حتانت الله يلاقيك مع شي بنت الناس
عمر:ان شاء الله يارب
وستاذن عمر باش امشي  مكتب لاخور باش يبدا خدمتو
منبعد مطفات كونكسيوم ومشات تعاون رحمة وصوفيا كوجدو فطور حيت الناس غتجي باش تبارك لهم
واحد شويا تادخلات واحد جارة من الحي لهيه باش تبارك لهم سلمات عليها رحمة ونطقات
رحمة : اهلا تفضلي انعيمة تفضلي وغبرتي
نعيمة : اوا هذه حياة مرة نتحولو مرة نرجعو
رحمة : دخلي اجي جلسي
وجلست فصالون كتهدر مع رحمة وهدرة تجبد لاخرة
تادخلات صوفيا وإسراء  هازين شي طباسل ديك اللوز والكركاع وتمر وزبيب حاطوهوم فوب طابلة وسلمو عليها
نعيمة : اهلا ابينياتي كدايرين مع صحة
صوفيا : حمدالله اخالتي
نعيمة : مبروك عليكم فرحتلكم  
إسراء مع إبتسامة : الله يبارك فيك
ومداتلهم نعيمة شي تديويرة ونطقات صوفيا وإسراء : لا لا اخالتي منشدوش
نعيمة :وتوما شدو قالك متشدو يلاه ولا نتقلق منكم
غمزاتلهم رحمة باش يشدو عندها
إسراء : شكرا اخالتي 
نعيمة شافت فيها وكتحاول ذكرها فين شافتها تاعقلات عليها حيت هي مشات مدينة اخرى ملي كانت إسراء كتقرا فسانكيام ورجعات هاد عام ونطقات : وش هادي بنت خديجة
رحمة : ايه هي هاذي
نعيمة : واكبرتي مشاء الله ابنتي فيناهيا ماماك
هبطات إسراء عينيها كتحاول تخبي دموعها فيما كذكرو ماماها ولا باها وكتفكر بلي ماتو كرجعولها ذكريات وفقدان صعيب خصوصا اموت لك اعز واحدين لهوما والدين مكاين لحس بي الفراقهم غار لي مجرب
رحمة  تدخلات ونطقات : نعيمة كولي لك شيحاجة متحشمي
نعيمة : يهديك الله اشمن حشمة
اما صوفيا نوضات إسراء وخرجات معها وشافت فإسراء رقات عينيها حابسة فيهم دموع 
صوفيا: اجي معايا البيت
ومشات معاها وهنا إسراء نفاجرت بالبكاء
صوفيا : وتهدني اصحبتي مسحي دموعك هاد نهار خاصك تفرحي ماشي تبكي
إسراء :هيئ هيئ مقدرتش اصوفيا راه غير كنسمع كلمت ماماك فيناهيا ولا باباك فيناهو منقدرش نحبس دموعي ماما كانت بغا تشوفني شادة الياك ولكن هي مشات قبل منشدو
صوفيا مشات عندها وعنقاتها : صافي اإسراء  عفاك راه نتي عرفاني مكنعرفش نواسي ولكن انقوليك دبا ماماك وباباك  راهم فرحانين بيك وعلاش ميفرحوش بيك ونتي متخليتيش على احد احلامهم انهم كانو بغاوك تقراي وتجيبي الباك وتكملي قراية ورا الباك وتزوجي، انا عارفة شكون هذا غيسخى بوالديه ولكن هذا هو مكتاب حنا خاصنا نحمدو الله ونشكروه ولا لا
إسراء :اه عندك صاح انمشي نغسل وجهي ونجي
صوفيا: سيري سيري
ملي خرجو البنات معندهم ونطقات رحمة
رحمة : نعيمة راه خديجة ماتت الله يرحمها
نعيمة : اه الله يرحمها ويوسع عليها يارب
رحمة : امين يارب، عفاك نعيمة متذكريش قدامها مها ولا باها شفتيها ملي ذكرتي زيرات راسها باش متبكي
نعيمة : الله يكون فعونها يارب، وحتا نتوما الله يجازيكم انكم استقبلتو بنت ماشي بنتكم ودرتوها بحال بنتكم وخليتوها تقرا
رحمة :هذا واجب علينا منخليوش البنت ضيع وتمشي فطريق لماشي هي هاديك
نعيمة : الله يكثر من امثالكم يارب
رحمة :امين يارب
ونعيمة بقات معاهم شوية واستأذنات باش تمشي وجاو عائلة صوفيا بركولها وباركو لإسراء
وكذالك نفس شيئ ريتاج ملي علمو وجا إلياس وعمر باركولها وعطاوها هدايا وحتا إيمان ورانيا وعمران وباركولها وجلسو معاهم
اما ريتاج طلعات فوق دوزات الخط نور تاجوباتها
نور : ألو ختي لباس عليك ياك بيخير
ريتاج : اهلا نور توحشتك تخيلي راني جبت 17 مقلولة
نور : بصحتك هكاك نبغيك، حتا انا توحشتك
ريتاج : مغاتجيج تحضري لخطبة إلياس وعقدهم
نور : منقدرش اريتاج فهميني راه غير كنعرف غيتزوج كنبغي نموت بفقصة ولكن ان شاء الله غندير كتر من جهدي باش نساه ونحيدو من بالي
ريتاج : فاهماك اختي، فاهماك غادي تنسايه ان شاء الله
نور: لكيبقا فيا هوبابا مبقاش كهدر معايا وحتى ماما حاسة بيها مقلقة بزااف مني، مبقاوش كعاملوني بحال ديكساعا
ريتاج : دبا نتي غديري تحدي امامك انه غتنسايه وطوري من راسك وبابا غادي يسمح ليك وغادي يولي اهدر معاك كتر من قبل وحتى ماما
نور : وخا ان شاء الله عرفتي انا مفتاخرة بيك
ريتاج : حتا انا مفتاخرة بيك ومن ديما نتي قدوتي
نور : يخليك ليا، يلاه نخليك نمشي نكمل الاشغال لعليا
ريتاج : وخا حتا انا نمشي نهبط عندهم مع جات خالتي وعمي ورانيا
نور : اه سلمي عليهم
وقطعات معها ومشات جلسات حدا إيمان ونطقات ريتاج : خالتي علاش مشيتي رباط ومجيتيش هنايا
إيمان : غار كانو عند عمك شي خدمة هنايا وكملها
ريتاج : وخا ههههه
رانيا :بصحتك اريتاج، ودوك صحباتك شحال جابو
ريتاج : اه جابو 16
رانيا : شكون فيهم جبت 16
ريتاج : صوفيا  وإسراء جابو 16
رانيا : هههه إسراء ديك يتيمة جايبة 16 كدارت لها
ريتاج تعصبات ونطقات : رانيا راني محترماك ومتقليش احترام على صحباتي
رانيا : حتانتي ضحكات عليك كما ضحكات على إلياس وللأسف ماما وبابا بديك تمثيلة
إلياس مع كان داخل وسمعها شقالت : حدك تم اشهاد هدرة لسمعت، ونتي ماشي سوقك حياتي هادي
ريتاج : بزااف عليك إسراء، ماشي نتي غتوريني فصحباتي ومشات طلعات الفوق وهزات ساكها فيه مستلزماتها وهبطات مع دروك
عماد : فين ماشيا اريتاج
ريتاج : غدا عند صحباتي مليت
إلياس : وخا يلاه نوصلك
ريتاج : يلاه
من بعد مخرجو نطق عمران : عجبك الحال ومدخليش راسك
رانيا : راه ترقاها بنت الحرام
إيمان : حدك تم سيري شوفيلك متقضي عصبتني
رانيا : وخا مقالت والو غنسكت فمي
إيمان : احسن حاجة غديري، ناهي ربتاج وخوك تقلقو
ليلى :ااه مشكلة صافي، رانيا ابنتي متبقاي تهدري على إسراء بحال هكا، انا عارفة إسراء شكتسوا، نهار بنتي كانت كتعرض تنمر وشكون وقف معها من غير إسراء وصوفيا عونوها هاهيا رجعات ضحكتها، لذلك حسلك سكتي
رانيا : وخا ندمتوني لاش هدرت ومشات طلعات بيتها لبسات عليها وهزات ساكها وهبطات عندهم ونطقات : هاأنا خارجة
من بعد مخرجو إلياس وريتاج باين عليها قلق نيت مكيسحبلهاش بنت عمها غتهدر هكا
إلياس : ريتاج مديش فهدرتها انا عارف هذيك ختي فمها متبري منها
ريتاج : وخا، ولكن راه بزااف إسراء راه ضريفة شحال مرة كتعرض كلام جارح وغاصابرة ومكطيح تادمعة
إلياس : وعلاش انا مغنعرف لمتالك قلبي نهار عرفتها
ريتاج : عارفة اخويا
بعد مدة زمن وصلو دار صوفيا  ونقرات ريتاج تاخرجاتلها رحمة
رحمة : اهلا دخلو متبقاوش دخلو
إلياس وريتاج سلمو عليها ونطق إلياس : لا انا غنمشي
رحمة : دخل ولا نتقلق منك يلاهدخلو ودخلاتهم صالون ونطقات : مبروك عليك ابنتي فرحتلك
رحمة : إسراء وصوفيا جيبو براد اتاي يلاه
إسراء : وخا
مشات عمرات براد اتاي هي وصوفيا هزو طبايل ديال دواز اتاي وشي قريشلات وفوكه جافة
وومشاو عنقو ريتاج
ريتاج : اهلا اصحاباتي الا مجيتكم متجونيش
إسراء : واه مسالينا مع ضياف كجو
صوفيا : تالغدا ونخرجو انا وياك وإسراءمجموعين
اما رحمة خلاتهم وحدهموشير إلياس إسراء باش تجي حداه مبغاتش فلول تخنزر فيها عاد جات حداه  ونطق إلياس للإسراء بهمس
إلياس : حبيبة قلب منوياش نسربو فزواج ونهرب بيك
إسراء شافت فيه ونطقات : اوا نتا لمعطلنا
إلياس : ياك ماشي نتي لقلتي حتا نشد الباك ومورا الباك تهاد شهر عاد تجي تخطبني شكون معطل لاخور
إسراء : مهم نتا معطل
إلياس : اوا صاغي غدا نجوكم
إسراء : ولا بلاتي اصاحبي
إلياس : صاحبي كاع ههههه
اما ريتاج وصوفيا شافوهم كتهمسو وتبتاسم إسراء وإلياس يضحك
تانطقات صوفيا : مالكم كتهدرو بشوية
خنزر فيها وهي تسكت متلات زادت والو
تادخلات رحمة ومصطفى عندهم وبعدات من حداه إسراء ومشات جلسات حدا البنات
مصطفى : اهلا بنسيبي مستقبلي
إلياس : اهلا هههه كداير مع صحة
اما إسراء غاسمعات نسيبنا هبطات عيناها الارض وحشمات حسات بحناكها تزنكو ومع جايا جلسة وسط البنات نطقا صوفيا
صرفيا : هايهاي على الحشمة
ريتاج : وضربيلي على حناك ولاو حمرين كمطيشة هههه
إسراء : هدرات بشوية  سكتو الله ينعل ميحشم متخلو حاد يحشم على خاطرو
اما إلياس كشوف فيها بتاسم من هاد كياتة ولولات فيها
إلياس : جيت باش وصلت ريتاج عند صحاباتها ونيت باش نخبركم باش تافقت مع والديا الا كالها الله ان شاء الله
مصطفى:إيه خبار خير اوليدي
إلياس : ان شاء الله نهار سبت بعد 3 ايام نجوكم نخطبو إسراء ونهار الاتنين ان شاء الله تجو عندنا عند  دار خالتي تما نضربو العقد
مصطفى : ان شاء الله مطلبتي غاموجود الله يجعل كلشي مبارك ومسعود
إلياس : امين يارب
وزغرتات رحمة ونطفات : اوا مبروك هاذا كلام زين
ونطق مصطفى : ابنتي اشباليك متفاقة على هتشي
إسواء هزات راسها حشمانة من. ونطقات بصوت حدو يسمح : ان شاء الله
وعنقاتها وصوفيا ونطقات بجهد
صوفيا : دبا مزيان فرحتيني الخوادرية، ونسيبنا رانك غادي مزيان غير هو عرس حاول تقربو
مصطفى : اكوني تحشمي الله ينعلها سلعة ومشات صوفيا ه بات وتبعاتها ريتاج و إسراء
ونطقات رحمة : اناري على هاد بنت عندي 
إلياس : اوا خاليتكم هاد ساعة،
مصطفى : جلس اش مزربك
إلياس : منقدر اعمي خاصني نمشي نسالي شي خدمة
مصطفى : الله يعاونك اولدي
إلياس : امين يارب وستاذن منهم ومشا ركب فاللوطو ومشا نيشان اقامتو
اما عند إسراء وصوفيا وريتاج فبيت اخور
صوفيا : وناري مشيت فيها من عند الواليد
ريتاج : اش داك تهدري بجهد
صوفيا : ولعطا الله عطاه
إسراء : ههههه سرك نيت، مدرتيها فيها ميصلح
وجلسو كضحكو عليها
صوفيا : وناري انا شداني خلعة ونتوما كضحكو وفمي مبريا منو
ريتاج : وهههه اكنتخيل شقالت كنموت بضحك
صوفيا : واه تفكرت
إسراء :شنو تفكرتي
صوفيا : ريتاج شفتي مالي هبطات إسراء وجهها
ريتاج : واه شفت وهيا ناري
إسراء : طلقوني خلاص شنو شفتو
صوفيا : هههه اوا الحب شفنا حبيب قلبك كفاش حاضيك وكبتاسم وصافي عرفوه طايح فيك
اما إسراء حناكها تزنكو معرفت متقول
ريتاج : هههه شوف ولا عوتاني وجهها ماطيشة
وبقاو شادين فيها تاقربت 10 ديال الليل وستاذنات منهم باش تمشي حيت عيذات شيفور إجي
رحمة :جلسي معانا ابنتي
ريتاج : لا اخالتي منخليش ماما وبابا اتخلعو عليا
رحمة : اه اوا صافي بنتي ياك جايك شيحد اديك متمشي فهاد الليل بوحدك
ريتاج : اه ران عيطت شيفور
بعد دقائق وصل شفور وركبات معاه ودخلات تاتلقات لها رانيا
رانيا : سمحيلي ختي ريتاج مقصدت نقلقك
ريتاج : ماشي مشكل غير مرة اخرى متعاوديها
رانيا : تهناي من جيهتي