عشقك إدماني

parte 139

غار خرجو من عندهم رانيا طلعات فوق لغرفتها وجلسات فوق نموسية وشدات تيلي فإيدها يلاه بغات تدوز اتصال تسمعات حس الباب تفتح طلعات عينيها تعرف شكون غشافت امها إيمان وحطات تيلي حداها ودخلات إيمان مورا مسدات الباب وجلسات حداها فوق نموسية ونطقات رانيا : ماما مالكي علاش جيتي
إسمان نطقات بهدوء: جيت ابنتي باش نقيلك وذنيك
رايا يلاه بغات تنطق وهي تنطق إيمان : سكتي تالكلمة انا لغنهدر
رانيا نطقات : وخا اماما وخا
إيمان نطقات: تال امتا ابنتي غتحيدي منك هاد تصرفات وهاد تكبر وهاد تقليل من الناس وتشوفيهم كالحشرات تال امتا هاا امتا غديري عقلك زعما رانك فعمرك 26 عام تال امتا انبقا تابعك ونصحح فأغلاطك ونبدا نصحك ونقولك ديري عقلك مديريش متفعليش تال امتا وش نتي باغا تحمقيني وش عزيز عليك صداع ومشاكل شنو دارتلك إسراء لتبداي تعايريها هاا شنو دارتلك
رانيا نطقات بهدوء : نتي معارفا والو اماما
إيمان : اشنو غنعرف اشنو نعرف بنت كرشي بغات تشتت شمل خوها هذشي لبغيتيني نعرف ديري عقلك وبراكا من هاد تبرهيش وتصرفات ديال مراهقات وشوفي حياتك كفاش دايرة وبعدي من خوك ومراتو خليهم عايشين
رانيا : ولكن اماما صافي براكا خويا غوت عليا ونتي كذلك علاش متهدروش معاها هي كتشوفوني غأنا لا رانيا دارت لا رانيا فعلت رانيا متكبرة رانيا عجبها راسها اواه وبزااف
إيمان نطقات مغوتة عليها : سكتي منسمع صوتك راني عرفا شكون لكتعدا وقبيلا ملي كنتو فصالون وكنتو تعايرو بيناتكم ها باز لولدي معاكم محيتو لمراتو ولا ختو وبالاخص نتي ارانيا راني عرفاك نتي لكتعداي راني شفت تصرفات كاملين وخوك راه سكت ليك بزااف راه عيا ميدير عين ميكة ولكن نتي رانك عافية راني عرفاك ابنت كرشي راني عرفاك رانك عافية ،
ورانيا غكتسمع لها وكتعاير فإسراء في نفسها
ونطقات إيمان بحدة : اخر مرة ارانيا وتبداي تستهزئ وتقللي من مرات خوك وتعايرها راه منضمن ليك شغندير فيك واولهم خوك غيقطع معك صلة وش بغا هدشي هدري
رانيا نطقات : لا
إيمان : اوا كنتمنى اكون كلامي مفهوم زعما رانك بعقلك ياحسرة
رانيا : اه مفهوم
وخرجات من عندها وخلات باب حدو مردو اما رانيا ممتبهاش بلي باب مردود شدات تيلي فإيديها وكليكات على نمرة لبغات تصوني لها و بدات كدوز اتصال
رانيا : الو جمال
جمال : عاش من سمع صوتك ارانيا
اما نور لكانت غادا فكولوار جهة غرفة رانيا باش تهدر معها توقفات حدا الباب وهي كتسمع بلي كتهدر مع شيحد وبدات كتصنت ليها
ونطقات رانيا : جمال انا تاصلت بيك على واحد غرض مهم سمعتيني
جمال : شنو هو هاد غرض
رانيا نطقات وابتسامة شر على وجهها : دوك الاعشاب لكيكون سبب في الاجهاض بغيتهم غدا اكونو واجدين
جمال : صافي غدا ترقايهم مع 11 ديال نهار ولكن شنو بغا بيهم
رانيا : مكاين لاش اسئلة بزااف ياك واجدين صافي وغدا كتاخوذ فلوسك كاش
جمال : وخا الالة رانيا كوني هانيا معاش غتجي عندي
رانيا : امم مع 12 هكاك
جمال : اوك ازين غدا جي نفس بلاصة ياك عرفاها
رانيا : جمال وقيلا نسيتي انا وش تخفا عليا هاد بلاصة هههه
جمال : اوك غنتسنا مجيئك
وهي تقطع رانيا معاه اتصال وبقات كتبتاسم وكتبلاني راسها
ونطقات بينها وبين نفسها : هههههه اوا دبا نشوفوك امرات خويا وش بقا غتفرحي لهاد ولد ولا لا ههههه
اما نور لوقفات مسمرة قدام الباب جاب الله مشايفهاش وهي حاطة إيدها على فمها مصدومة ونطقات بصوت خافت : لهاد درجة ارانيا لهاد درجة صدمتيني فيك
وهزات تيلي طفات تسجيل ورجعاتو جيبها
وهي تعيق براسها بلي بقا واقفة حدا الغرفة رانيا ورجعات دغيا لغرفتهتا وسدات عليها الباب وهي تجلس فوق نموسية عقلها مبغاش استوعب وهي تهز تيلي فيديها وبقات كتسمع تسجيل صوتي لسجلاتو وكل كلمة كتجيهاا كصدمة ونطقات : رانيا لهاد درجة بغا تقتلي جنين مافي قلبك لا رحمة لاشفقة نتي مناش مصنوعة محال تكوني انسان نتي وحش
محدي بقا هنا غنخسر كامل خططك ارانيا نتي محال تكوني من عائلتي ابدا
وتكات باش تنعس ولكن بقات كتفكر
نهار جديد
اصبحنا واصبح الملك لله
فاقت إسراء بكري دخلات دوشات ولبسات سورفيت ساترة سخونة برمادي وفيها كتابة فالبيض وتجهات لبسات عباية صلات صلاتها وحيداتها عاد بدات كتنشف شعرها وسرحاتو بالبلاك خلاتو مسرح على طولتو ومشات جهة فين كاين إلياس بقات كتفيقو تفاق وهي هبطات تحت خلاتو هو الفوق
دخلات كوزينة ونطقات : سلام البنات
خادمة 1: عليكم بالسلام اختي إسراء
إسراء بدات كتوريهم قائمة لغيوجدو فالغداء حيث غيجو عائلة راجلها وخاصها تكبر بيهم وترحب بيهم
ونطقات :اوا البنات نعول عليكم قادولي داكشي زوين
بغيت كلشي اكون مقاد
خادمة : تهناي الالة كلشي غيكون هو هذاك
إسراء : اوكي هدشي لبغيت غنجي مع 11 من قراية وغنشوف لناقص ول لا
خادمة : وخا الالة إسراء كلامك هو لول
وخرجات من عندهم من كوزينة ترقات إلياس نازل لابس عليه سروال سليم كحل مع قميجة فزرق غامق وفيستة كحلة فإيديه وقفات قبالتو ونطق من بعد مقرصها في خذها بشوية : شكون فاق بكري شكون
إسراء نطقات بصوت طفولي ومع حركات طفولية : انا لفقت بكري شفتي وكتقولي بلي انا مكنفيقش بكري وديما ناعسة
إلياس ضحك ونطق من بعد معنكش شعرها : زيدي الحمقة ديالي زيدي كتقلبي عليا هاد صباح
وزاد بيها وهو معنقها بجنبو جلسو وبداو كفطرو هو كوكلها وهي مرة مرة توكلوا تكملو فطورهم بضحك ونشاط
عاد خرجو من فيلا وهو معنقها بجنبو وركبو فاللوطو نيشان الجامعة بعد دقائق وصلو ونطق
إلياس : عمري نتي خارجة مع 11 ياك
إسراء : ااه
إلياس : اتسناي غنجي نجيبك
إسراء نطقات: إلياس بلا متشطن راسك غسيفطليا شيفور ونرجع منعرقل خدمتك وانت خدام احبيبي
إلياس : لا لا. انا نجي ندي مرتي بيدي مكاين لعرقلني قدام هاد زين كامل
إسراء خجلات ومنزلات تقبلها وعاد تجهات رقات البنات كتسناوها كما العادة وكانت معاهم جوهرة ونطقات
إسراء : هايهاي على جوهرة ولات كتجي بكري
جوهرة : اوا شتي نتي لوليتي معطلة ياختي ههههه
ريتاج : جحشة كنتي معانا غار البارح
إسراء نطقات ضاحكة : وايلي خاصك تحتارميني عيطيلي بإسراء لاش جحشة اختشي لاش
صوفيا : هاي نتي متسلميش عليا راه غنبكي
إسراء: اوا بكي اصلا طلعتولي فراسي
ريتاج نطقات مصدومة : ياك طلعنا فراسك وخا عليك الحمارة حطمتيلنا مشاعر
إسراء نطقات : زيدو عنقوني يا البقرات نتوما اسخا بيكم شيحد وخا طلعولي فراسي مغنسخاش بيكم
وجات عنقاتها صوفيا ونطقات من بعد مفصلات معاها عناق : اوا شتي راه حنا نعمة
وجاتها ريتاج كذلك عناقتها بعد مفصلات عناق ونطقات : ياختي انا بغا غار داك ولدكم ولا بنتكم نشوفو بحلاش غيكون ياكما ايكون جنون.
إسراء : اتي سيري بزااف عليك ولدي
وجات عنقاتها جوهرة فصلات عناق ونطقات : وزيدو تقراو ناس دخلو وحنا جالسين نتعانقو
شافت جيهة ريتاج ونطقات : اوا امرات خويا امتا غيتزوجك خويا باش نتوانسو
ريتاج : ههههه وباقي تنكمل قرايتي
إسراء : وايلي خاصك تعاوديلنا اصحبتي ملي مشيتو شطرا
صوفيا : ويه اجي انتي وش عتارفتيلو
ريتاج هبطات عينيها بخجل ونطقات : ااه ومالي انبقا ساكت
إسراء : هههههه وناري كطيري من مقلة نتي ولكن صراحة من حقك تاانا منخليش راجلي بدون منعتارفلو بحبي
صوفيا : هههه وشكون كهدر نتي اجنية شحفتي راجلك يلاه يلاه باش نطقتي لو ديك كنبغيك معرفناك وش غتزوجي بيه بزز منك ولا بغاه مشاعرك اختي مبهمة
إسراء : يلاه ندخلو نقراو مكتقداوش
و دخلو يقراو دوك ساعتين لعندهم
من بعد ساعتين خرجو جوهرة جاها خوها وصلها مورا مهضر مع ريتاج وريتاج داها شيفور وصوفيا وصلها شيفور حيت عمر خدام
و إسراء جاها إلياس داها عاد مشا خدمتو وبقات فدار حاضيا واقفا على شغل ولمعجباتها كتبدلها وعلى طياب وديكور بغات ترحب بيهم حيث غيجو اتغداو معاهم
وطلعات فوق مورا مشافت كلشي هو هداك لبسات عليها كسوة طويلة بالبيج ومجموعة بطريقة عصرية من جهة الصدر ومرخوفة من تحت وشعرها حدها جمعاتو كوب شوفال ومخليا وجهها طبيعي ولابسة صندالة بلا
اما ففيلات ريتاج
مورا موصلات ريتاج طلعات بيتها نيشان
اما نور لفاقت بكري او بالاحرى مجهاش نعاس غكتخمم وتفكر فهاد مصيبة لغدير رانيا ولابسة عليها سروال دجين مع قميجة بالبيج وكانت معاهم فالتحت مورا مفطرو طلعات إيمان ورانيا كلها مشا بيتو باش يبدلو لباسهم عند إيمان لدخلات غرفتها ديالها هي وراجلها عمران ومشات دريسينغ ختارت منو لباسها و لبسات جلابة بالزرق فاتح مزينة بالعقيق خفيف ومعاها شالها دايراه فزرق كذالك على راسها ولكن باين شعر تحتو وصندالة بلا بزرق مزينة بوريدة فالوسط بالبيض وشي عقيق عاد هزات ساكها وهبطات تحت ونطقات بصوت عالي : رانيا هبطي وش غنباتو هنا
رانيا لجبات عليها ونطقات : غاسيري اماما نتي وبابا وغلحق عليكم
إيمان : وخا يلاه هانا سبقناك
وخرجو إيمان وعمران وركبو فاللوطو نيشان وجهة لفيلا إلياس
اما رانيا لفبيتها لبسات كسوة بيضة وفيها وريدات بالحمر ووردي ومجموعة من جهة الخصر وهابطة تالتحت ركبة ومفتوحة شويا من جناب وشعرها دايرالو سرحة خفيفة ومطلوق اما وجهها حدها دارتلو مسكرة والݣلوز لفمها باللون وردي فاتح ولبسات ميني طالون بالبيض وخرجات من غرفتها وهي هزا فإيدها ساك كذلك بالبيض وفيه شي زوقات
وتمات خرجا من غرفتها وهبطات تحت ونطقات : خالتي هانا مشيت
ليلى : وخا ابنتي
وهي تنطق نور : بلاتي ارانيا بغيت نمشي معك انا وريتاج
رانيا لقلبات عينيها ومحملاتهاش تمشي معاها
تنطقات ليلى : افين غادا انور
نور : ااه راه غادا عند إسراء راه توحشتها وبغيت نجمع معاها غنمل بوحدي هنا
ليلى : وخاا
ريتاج لهبطات ونطقات بإبتسامة : وش غاديين عند إسراء
نور : ااه اختي يلاه
ريتاج : وخا زيدو
ليلى : انا نبقا بوحدي ولا شنو
نور : زيدي اماما معانا
ليلى : ايه وباك لا مجات مورا عرسك ان شاء الله نمشو مجموعين عند إسراء وإلياس
رانيا : ااه ان شاء الله اخالتي هانا مشينا
ومشات قدامهم هي كتعاير فخاطرها
وهوما تبعوها
ركبات نور حدا رانيا واللور ريتاج ودماراو نيشان الوجهة تنطقات رانيا : البنات غنقضي واحد الغرض ونمشو عند خويا
نور عرفا لبلان شناهو ونطقات : خوذي راحتك احبيبة غار متعطليش
رانيا حدها اماتلها براسها
اما عند إسراء سمعات صونيت ومشات فتحات الباب ورقات قدامها إيمان وعمران تسالمات معاهم.ونطقات: مرحبا مرحبا نهار كبير هذا اخالتي دخلو مرحبا بيكم
إيمان مبتاسمة : الله يبارك فيك ابنتي
ودخلاتهم بقات كتسالم معاهم ودايرا معاهم ضيافة على اكمل الوجه وتجمع معاهم ومرة مرة تنوض تشوف خادمات فين وصلو فطياب
اما عندهم هوما لرانيا غكتسب فخاطرها فهاد زهر لعندها ونور حاضياها ومبتاسمة ابتسامة جانبية وريتاج اكتشوف وكتشاطي مع معتصم
توصلو واحد مكان لكبان بحال محل ديال العطار وبلاصة رانيا اللوطو تنطقات نور : اويلي ارانيا شنو بغيتي ديري هنا
نور نطقات : غار بغيت ناخوذ واحد الاعشاب كديرو الاسترخاء
رانيا دايرة فيها ديك نظرة ديال راني تيقتك : ااه وخا معمباليش بلي وليتي كتبغي الاعشاب
نزلات رانيا مجوبتها ومشات جهة داك عطار ترقات داك جمال لكان شاب فمقتبل عمر اواخر تلاتينيات ولابس عليه تريكو صوف بالرمادي مع سروال توب بالكحل وصندالة ديال ميكة فرجليه وجهو لمصدي بشمس وسنيه صفرين وداير واحد سواك ففمو واحد ستيلو ورا وذنو ونطق : اهلا اهلا بلالة رانيا زارتنا براكة ازين
رانيا محملا فيه تاشوفة ونطقات هي كتشوف فيه بإستحقار من ناحية لباسو ووجهو معجبهاش بغا غتقضي غراض وتمشي ونطقات : داكشي عندك واجد
جمال : ااه عندي واجد
جابلها دوك الاعشاب وشداتو من عندو وعطاتو فلوسو ونطقات : هدشي يبقا سر اجمال والا مغتلوم غراسك خدمتك هادي غتخسرها
جمال : الله اودي تهناي فمي ساكت
رانيا : هكاك
وودارت دوك الاعشاب فساكها ونور حاضياها من اللوطو
تجات جهتها وفتاحات الباب اللوطو وطلعات ونطقات : مالك انور فاش كتفكري
نور شافت فيها ونطقات وابتسامة سخرية على وجهها : والو مكنفكر فوالو غار هاد عطار كباليا مسكين جاي فبلاصة معزولة كفاش زعما
رانيا بتاسمات ونطقات: متشطنيش عقلك اوكي حيث غتمرضي
ودمارت نيشان وجهة فيلا