صوفيا : وباز اختي كنت حاكرك
ريتاج : ويه انا كسحابلي غيرجعها نهار الأول صدقات بخبيزتها
إسراء : مهم ساليتو ونوضو تهزو راه غدا خاصك تحني اصوفيا
صوفيا : كفاش انا مفخباري والو
إسراء : ايه نتي مقابلا نعاس وماكلا، مهم جمعي حوايج لماسك راه غنمشو حمام مورا منتغداو
من بعد خرجات من عندهم إسراء رقات كاينة غار رغية جدات صوفيا وشي عمات صوفيا جالسين وجلسات معاهم ورحمة هي وختها كنقيوا كوزينة ويلاه غيبداو إطيبو الغداء ا
رحمة كتعيطلها من كوزينة : إسراء وإسراء أجي ابنتي
جات عندها إسراء : نعام اماما عيطيلي
رحمة : ايه ابنيتي بغيت نقوليك قولي صوفيا تجمع حوايجها باش تمشي حمام وسيري معاها ابنيتي وقراي عليها لا تصابها شي عوينة راه عطالله محاسيد ابنتي
إسراء : كوني هانيا عاد قلتها لها تجمع حوايجها وحتى ريتاج غتمشي معانا
رحمة : اوا ملي هكاك صافي مزيان انا دبا نجيكم نعطيكم الحنة تلطخوها عليكم
إسراء : اه صافي ها أنا نمشي عند صوفيا
مشات دخلات رقات صوفيا كتجمع حوايج لغدي معاهم الحمام ومعاها ريتاج معوناها
إسراء : البنات متنساو الحنة والماسكات
صوفيا : وصافي انا راه وجهي كطلب شرع منكم لجا يجرب فيا وصفة
إسراء : نتي اسكتي عقلتي ايماتك ملي كان نقولك وبراكا نتي مخليتي دعوة ممسلتها على وجهي
ريتاج : هههه كتنتاقمي منها
مشات إسراء هزات تلفونها وصونات على إلياس بقا شحال كصوني تجاوب
إلياس : ألو إسراء نعام
إسراء : اه شوف بغيت نقوليك وش غتجي الغداء ولا لا
إلياس : لا مغنجيش انا متغدي عند عمر
إسراء : اه هكاك اوا مهم انا راه مورا الغداء غنتيسرو الحمام
إلياس : ومهم مزيان ردي بال راسك، وش هزيتي حوايجك ولا لا
إسراء : لا باقي عاد غنمشي دار باش نهزهم
إلياس : وخا ردي بال راسك متبقاي فالحمام بزااف لا تسخفي تم
إسراء : صافي كون هاني
ودارت عند بنات رقات ريتاج بغات تمشي
إسراء : ريتاج فين ماشيا مغتمشيش معانا حمام
ريتاج : لا، غنمشي بغيت نمشي نجيب حوايجي وصافي
إسراء : اه هكاك حتا انا نيت
ريتاج : صوفيا هانا مشيت انا وإسراء نجيبو حوايجنا منلبسو ونجو عندك صافي
صوفيا : وخا سيرو
خرجو علمات إسراء وريتاج رحمة مشاو فشيفور ديال ريتاج وصلهم عند إيقامة إلياس هزات إسراء شنو غتلبس وريتاج بقات كتسناها فصالون وهبطور وركبو مشاو عند دار ريتاج فتحات خادمة ومشات طلعات ريتاج فوق حتاهي تجمع حوايجها شنو تلبس فالحمام وتلقات مع ليلى سلمات عليها
ليلى : اهلا ابنتي كدايرة بيخير
إسراء : بيخير حندالله اخالتي
بقاو شحال كتسالمو ويتعاودو بيناتهم تانزلات ريتاج من بيتها هزا ساك متوسط فيه لباسها
وخرجو من بعد مودعات مع ليلى وركبو مع شيفور وصلهم دار نقرو فتحات لهم
رحمة : يلاه دخلو مبقا والو نحطو غداء
إسراء : ايه اخالتي
دخلو رقاو صوفيا ملطخة وجهها فشي ماسك
إسراء : العروسة هانا جيناك
صوفيا : وقولولي اش كنتو كديرو هاد وقت كامل
ريتاج : اوا جمعنا حوايج وصافي
صوفيا : بزااف هدا على جميع
إسراء : سيري سيري غسلي ديك كمارة وزيدي تغداي
مشات صوفيا غسلات وجهها اما إسراء وريتاج خرجو تجمعو على طبلة كتغداو ونضمت لهم صوفيا من بعد متغداو
وهزو سيكانهم وخرجو مع صوفيا لحمام ومعاهم بنات عمام صوفيا وبناتخالتها ماشيين بنشاط والغناء توصلوا ودخلو معاها حمام بلاصة سخون وجلسو حداها إسراء وصوفيا ودازت مدةزمنية تخرجو من حمام ولبسو لباسهم لعبارة عن جلابات ودايزين زيف جاو راجعين تاني بنشاط دخلو دار سخفانين
صوفيا : وماما وش كاين شي ماء بارد نبرد جوفي
رحمة : سيرو البيت لايضربمكم البرد تنجيبلكم شنو تشربو
دخلو البيت
ريتاج : اوف البنات انا سخفت
إسراء : وحتا انا وشادني نعاس
صوفيا : ويه نتوما مصبحين عليا على صبيح منعسنا تافراحتنا
ريتاج : ياك اصوفيا هذي ياصحبة
جبتلهم رحمة عصير شربوه وخرجو عندهم من بعد موجدو الغداء تغداو في جو مرح عادي تعاونو جمعو دار ودخلو البنات لبيت فرشو بلايصتهم إسراء فالوسط وصوفيا من ليمن وريتاج من ليسر
البنات تكاو ونعسو بعد تعب اما فدار شي داخل شي خارج وكوجدو ونشاط فدار
ودخل إلياس رحبت بيه رحمة ومصطفى وجلس معاهم فصالون تنطق
إلياس : إسراء فيناهي مشفتهاش
رحمة : اوا اش غنقوليك اولدي غار جاو من حمام وتغداو طاحو كوما هي وصوفيا وريتاج
إلياس : اه هكاك
بقا شحال مجمع معاهم وكسفط ميساجات إسراء والو تواش جوبات وكصوني عليها تناضت ريتاج على إثر صوت ديال تيلي ديال إسراء
ناضت مدوخة بنعاس
ريتاج : إسراء ، إسراء نوضي يلاه
وكتحرك فيها والوا تقول جماد وتحرك
بقات شحال كتنوضها تناضت إسراء كتفوه وديخانة بنعاس ونطقات حالة عينيها : نعام اريتاج شباغا
ريتاج : ياربي شحال نعاسك تقيل نوضي باش تجاوبي داك تلفون من صباح هو كصوني
إسراء: وخا اوف بغيت نعس اعباد الله
ريتاج : تي نوضي انا غنمشي نغسل وجهي
ريتاج خرجات و مشات تغسل وجهها وجات عندهم البيت وصوفيا بقا خامرة بنعاس هذي الى رقات نعاس صافي
هزات تلفونها رقات إلياس شحال مصوني عليها
صونات عليه
إسراء : آلو، إلياس شباغي
وكتفوه باقي شاد فيها نعاس
إلياس : اوا على سلامة ملي جوبتي 6 ديال عشية هاذي ونتي باقا ناعسة
إسراء : اه علاش انت بحلاش عرفتينا ناعسين
إلياس : خرجي وكان راه كنتسناك فصالون
إسراء : اه وخا هانا دبا نجيك
مشطات شعرها ومشات غسلات وجهها وجعات مانط هي وريتاج طواووهم خلاو اديال صوفيا لبقا خامرة تم وخرجو من بيت من بعد مطفاو عليها ضو وجات عندهم هي وريتاج وجلسو معاهم وبقاو شحال كجمعوا تستانذات من عندهم ريتاج باش تمشي دارها
رحمة : جلسي ابنتي جلسي فين ماشيا
ريتاج : اسمحيلي اخالتي خاصني نمشي تالغدا ان شاء الله ونحضر
رحمة : صافي ابنيتي وقولي مماك حتاهي تحضر
ريتاج : تهناي اخالتي
وتمات خرجا تنطق إلياس
إلياس : يلاه حتا حنا نخلوكم على خير، بقاي ريتاج تنوصلوك معانا فطريق بلا ماتعيطي شيفور
ريتاج : وخا خويا
إسراء : اويلي اإلياس خليني بغيت نبقا مزال مع صوفيا
إلياس خنزر فيها ونطق : زيدي قدامي منعاودش هضرتي
رحمة : بقاو اولادي تتعشاو مغانا وسيرو
إلياس : لا مصالحا غدا ان شاء الله نجو عندكمرحمة : مرحبا وسهلا بيكم
إسراء : بلاتي نمشي نسلم على إسراء إلا معلمتها اني ماشيا غتقلق
ريتاج : حتا انا نمشي معاك
إلياس : يلاه كنتسناكم
مشات إسراء كتجري عندها حيدات لها مانطة وشعلات عليها ضو
إسراء : ونوضي اديك بقرة نوضي تهزي
والو صوفيا مبغات تنوض جثة صافي
وريتاج جات عند راسها ونطقات بصوت مجهد : وإسراء وجيبي بانيو ديال الماء باش تنوض هاد خيتي
إسراء : هي لولا
ومشات باش تجيب الماء تنطقات صوفيا ناضت جالسة : هاني نايضة هاني اوف بناقص
ريتاج : هي ولا نصتي دبا وجمعتي مانطة
صوفيا : الله يرحم باكم خلوني نعس بناقص منها صحبة معاكم تنعاس منشبعوه على خاطرنا
إسراء : ونوضي يلاه
صوفيا : تفو بناقص منكم ياه على بنادمات
ناضت وطوات مانطتها وغسلات وجهها وجات عندهم
صوفيا : نعام يلاه قولولي لاش منوضيني
إسراء : صراحة بغينا نسلمو عليك باش نجو عندك غدا مع صبيح حيث راجلي عزيز مخلانيش نبات معاك اليوم الحلوفة
صوفيا : ااه من هتشي كامل منوضيني اباش تقولولي بسلامة
ريتاج : ااه اختي
صوفيا : الله يخليكم بلخلا تريكة ناقصة خزيت صافي اجو لهنا اليوم نتفكم
ونساو هربو منها البنات كضحكو عليها وهي كتحلف عليهم
إلياس شافهم جايين كضحكو وكتنمروا على صوفيا
وهو ينطق : على سلامة كون تباتو تم هاد وقت كاملة باش تسلمو عليها بحلا مغتشوفوهاش
إسراء تقدمات وشدات فإيديه : وزيد وكان زيد ههههه
ركبات ريتاج اللور وقدام إسراء حدا إلياس
بقاو غاديين فطريق تنطقات إسراء : إلياسو خدمنا مزيكة
إلياس : هاهو تلفون عندك وخدميه
إسراء دارت عند ريتاج موجها لها كلام : إنا مزيكة بغيتي
ريتاج : لباليك مهم تكون مزيكة زوينة
إسراء : اوك وانت إلياس، اه صافي عرفتك انت كتمسع ادوك اغاني حامضين
إلياس : ياك عرفها بعدا
وخدماتلهم مزيكة والاغنية مفضلة ليها وبقات كتغني معاها وريتاج تحمسو مع الاغنية اما إلياس شقولو راسو بأصواتهم تسد موسيقة
إسراء : وعلاش اصاحبي علاش كنت كنغني
ريتاج : وخدم مزيكة
إلياس : سكتو عليا فرعتولي مخي
إسراء : وخا وخا
ومشات شعلات موسيقة وبقاو تاني كغنو ممسوقين لو كاع
وهو كطلب شرع معاهم وكتحلف على إسراء
توصل ريتاج دارهم وكسيرا نيشان إقامتو وإسراء بقا كتغني مع الاغاني كاملين لكتعرف دازت عليهم وهو حاضيها بنص عين وكشوف فهاد هبيلة لعطاه الله وتملت وطفاتها
إسراء : اوف ملييت اعباد الله
إلياس : راسي تقسم ابنت الناس هتشي اتخلصيه على هاد ضد لولا فيك
إسراء : وراه ملل
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
