عشقك إدماني

parte 146

نهار جديد
اصبحنا واصبح ملك لله
فاق إلياس بكري كما العادة دخل دوش عاد خرج لاوي عليه فوطة وتاجه دريسينغ ختار منو تريكو صوف فالكحل مع وصل فصل الشتاء والحال بارد وكذالك ختار معاه سروال سليم كحل وفيستة كحلة اغلب لباسو باللون كحل قليل فين كلبس شي اللون مغاير ولبسهم عاد خرج صلى صلاتو وتاجه عند معشوقتو لفسبات نوم وبقا كقبلها فأنحاء وجهها وبدا كنوضها : إسراء عمري يلاه نوضي
بقا شحال كعيط لها تفتحات عينيها نايمين فيه ونطقات بصوت مبحوح وهي كتجبد إيديها دليل على استيقاظها : صباح الخير
إلياس : صباح الخير النعاسة
وناض من حداها ونطق : يلاه اعمري انا تحت
لبس سبرديلتو بالكحل عاد
مشا نزل تحت جلس فصالون لمقابل مع دروج و خدا جورنال فيدو وكأس قهوة وجلس كقرا بعناية اما الفوق ناضت إسراء دوشات ولبسات سروال بالكحل واسع مع تريكو صوف بالابيض ولبسات عباية صلات بيها عاد حيداتها ولبسات من فوق مونطو بالكحل وبوط بالكحل وسرحات شعرها جمعاتو كوب شوڤال وعنقها مزين ديك سلسلة لهداها لها إلياس وكتافات فقط بليكخون ديال شمس ومرطب شفاه
عاد هبطات رقاتو كقرا طلع فيها عينو ونطق : عمري مشينا
إسراء : والفطور ؟!
إلياس ناض عندها ونطق : غنفطرو برا
عاد خرجو كما العادة معنقها جنبو توصل اللوطو ديالو وفتحلها الباب ركبات عاد هو ركب ودمارا نيشان ل ريسطو باش يفطرو
مسافة طريق تكانو وصلو ريسطو كطل على البحر نزل وفتحلها الباب ونزلات كذلك ودخلو بقاو مجمعين خداو فطورهم فطرو بهدوء وإلياس مرة مرة كتغزل بيها وبجمالها وهي كتبتاسم عاد خرجو وركبات وركب هو موراها وتاجه وصلها لجامعة من بعد موصاها وتسالم معاها ونطقات : عمري بلا ماتصدع راسك تجي ديني مع 11
إلياس : لا ، غنجي ندي مرتي بيدي مهم قراي مزيان
إسراء : وخا يلاه بسلامة
ونزلات من عندو ورقات بنات مجموعين وتجهات عندهم فرحانة عكس البارح فصباح ونطقات : هاي البنات كيف حالكم هل اشتقتوا لي
شافو فيها مستغربين من غير ريتاج لفهمات بلي تصالحات مع إلياس ونطقات صوفيا : هايهاي شكون لرشقالو اليوم
إسراء نطقات : شتي رشقالي اليوم عرفتي دوزت البارح احسن اليوم
جوهرة : الله يخليك اختي ديما ضاحكة ويفرج همك ياربي
اسراء: امين يارب
ريتاج : وايلي عاوديلي اصحبتي كدوزتي البارح هي ولد خالتي صالحك
إسراء : ااه اختشي إلياس راجلي حبيبي صالحني البارح
صوفيا نطقات : امم وانا نفهم مالك طالع لك البارح فصباح دم قولي كنتي مخاصما مع نسيبنا
جوهرة : عاوديلنا شدني فضول
ريتاج : واه وعوديلنا اصحبتي هي صدق ولد خالتي رومانسي ياك هايهاي وانا كنقول مسكينة ديك لغيتزوج بيها
إسراء شافت فيها ونطقات : نتي لمك باقي معك هدرة ونقيلك دوك الوذنين
ريتاج شافت فيها بإستغراب ونطقات : مالي شنو درت انا
إسراء : صوفيا وجوهرة قولولها شنو دارت هادي
صوفيا : لدرتيه ابنيتي ريتاج معرفاش شنو درتي
جوهرة : ونتوما خلو عليكم مرات خويا مستقبلية وإسراء وصوفيا نتوما تعيشو الحب مع رجالاتكم وتحرمو علينا حنا لمساكن
ريتاج : ااه بصح اللوستي متافقة معك
صوفيا ضحكات ونطقات : هايهاي نتي احنينتي ريتاج تيقتي راسك
إسراء شافت فيهم بتاسمات ونطقات : اوا متنساو بلي بغيت العرس اكون سيمانة جاية ميبقاش ادور ليا بصحبتي بعدا غار اخطبها ديكساعا منهدرش انا ݣاع
ريتاج :وش نتي منيتك ههههههه هربتني وانا بغا نتزوج تنسالي قرايتي ونخدم
صوفيا : بلاتي وقيلا ماسمعت مزيان وخا تعاودي هدرتك امادموزيل
ريتاج نطقات بصوت عالي : قتلك اصوفيا وبلي انا مغنتزوج تال نسالي قرايتي ونخدم
إسراء ضيقات عينيها فيها ونطقات : اوا ملي هكا لاش مصاحبا معاه باش هاد عماين لبقيا تخيطو فزناقي بحال مراهقين هاء محشمتيش ديرو بعدا غار الخطبة وهنونا راه الا علم بيك باباك انحرك ابنتي ديري عقلك الله يرضي عليك
ريتاج : واه بصح وشنو غندير وانا كنبغيه فيدوني انا عرفا بلي درت خطاأ ملي تصاحبت ولكن راه ماشي بيدي والله
جراتهم صوفيا ونطقات : زيد ندخلو زيدو مكتقضاوش بالهدرة
جوهرة : واه بصح زيدو وكان ههههه
مشاو دخلو داخل الكلية وإسراء جايا الوسط بيناتهم وكتعاود لهم شنو وقع وشنو دار إلياس على قبلها في الأمس ونطقات صوفيا : واو حبييت ياختشي هايهاي على نسيبنا ولا رومانسي وكذا اممم
ريتاج : ولاهيلا انا مصدومة ياختي وش هذا ولد خالتي ولا كتهدري على شيواحد اخور
جوهرة : واو وبغيت نعيش اعباد الله love ماعلياش الله
إسراء : زيدو وكان مابقى والو الامتحانات خلونا نقراو
دخلو البنات اقراو ساعتين دياولهم
فوجهة الاخرى عند فيلا جالسة غيثة فوق نموسيتها وكتاصل برانيا تجوباتها رانيا بصوت مبحوح : نعم اغيثة وش كنتي كتحلمي بيا ولا شنو
غيثة : سمعيني ارانيا جاتني واحد فكرة واعرة
رانيا ناضت بتكاسل وجلسات وهي حاطا تيلي على وذنها ونطقات : شناهيا هاد فكرة لجاتك
بتاسمات بشر ونطقات وهي كتلوي خصلة من شعرها في إيدها : اوا احبيبة غنمشي عند ديك ختنا اليوم
رانيا نطقات بتساؤل : شنو بغيتي ديري عندها
غيثة بتاسمات ونطقات : اوا باش نغري حبيبي إلياس وتكون مأمورة ساهلة علينا ازين
رانيا : وخا مهم لدرتيه ردي عليا وحظ موفق الغزالة ديالي
غيثة : اكيد يلاه باي
قطعات معاها وبقات كتختار فلباسها وهزات واحد كسيوة سماطي باللون احمر ومشبكة من جهة صدر والفخاض وقصيرة ونطقات : هادي لغنلبسها امم انجي تيتيزة بيها
وختارات مع طالو باللون كحل وساك بالكحل وقدات شعرها بوكلاتو وجلسات كتقاد ميكاب ثقيل ودارت اخر لمسات وقامت بالعكر حمر ونطقات وهي كتشوف فراسها بالاعجاب : رضى اليوم نطيرلها حبيبي اولي ديالي وراجلي امم
ولبسات ديك لبسة وجلسات تسنى ختها جوهرة تجي باش تدير سبة بيها
اما عند بنات من بعد مكملو ساعتين دياولهم خرجو إسراء جا داها إلياس وعمر دا صوفيا واكيد ريتاج بقات كتهدر مع معتصم لين كرهات جوهرة راسها عاد مشات ريتاج من بعد مجاها شيفور اما معتصم دا ختو
وغيثة كطل من بالكون وتشوف خوها وش جا ولا لا تبالها جا وهي تصونى على جوهرة
يلاه بغات تدخل كتشوف تيلي كصوني بنمرة ختها وجوباتها بإستغراب : غيثة امالكي اختي كتصوني
غيثة : جوهرة حطي ساكك ويلاه نمشو عند إسراء نزروها
جوهرة : وايلي يلاه كنت عندها
غيثة : ويلاه طلعي عندي شحال فيك ديال تذمر
وقطعات معاها
شافت فخوها ونطق : معامن كنتي كدوي
جوهرة : مع غيثة اخويا
حدو امألها براسو وهي مشات طالعة فدروج كتجري توصلات عندها فتحات الباب البيت وشهقات ونطقات مصدومة وهي كتشوف هاد الحالة لدايرة ختها : غيثة اش هادشي متقوليش ليا غتخرجي هكا منيتك وش بعقلك نتي
غيثة نطقات بتذمر : اووف شكون كبير انا ولا نتي اذن ديها فراسك مسوقكش فلباسي
جوهرة : وخا اوا شوفي مع معتصم وماما وبابا وجدي ملي تقنعيهم ديكساعا خرجي هكا ياكما عمبالك ميريكان هي مغرب تافميريكان كنتي كتلبسي ساتر مالك دبا اشهاد لباس غدا البار نتي ولا شنو
غيثة ضربات رجليها بجهد ونطقات معصبة : ديك محاضرة ديالك اجوهرة خليها عندك انا عندي 25 عام كبيرة بعقلي وحرة وندير لبغيت مسوق تواحد فيا فهمتي ولا لا وحتارميني راه كبر منك
جوهرة حركات راسها يمين وشمال ونطقات : دباراسك سوقك هذا مهم غنمشي معك ولكن شغانقولك الله يهدي قولي امين
غيثة : اووف سيري عند ماما قوليلها غنمشو عند بنت خالنا راه ماما مغتقولكش لا وشوفي معاك وش معتصم مشا الخدمة اصلا غيكون مشا
جوهرة مجوبتهاش وخرجات من بيت ومشات حطات كتوبها فالبيت وهبطات عند مها وجدها ونطقات جوهرة : اهلا اماما وباجدي توحشتكم
ومشات سلمات على ماماها وعلى جدها باستلو راسو وجلسات حدا جدها ونطق
علي : اهلا ابنتي وحفيدتي كدايرة مع قراية
جوهرة : رانا كنسلكو اباجدي
زينة نطقات بتساؤل : بنتي مالكي قبيلا كنتي كتجري فدروج
جوهرة : ااه غار قاتلي غيثة نمشو نزورو بنت خالنا
زينة : ايه ابنتي مرة اخرى حنا نجو عندها
علي : سلمي عليها قولها تبقى تجي عندنا ونجوها
جوهرة بتاسمات : وخا اباجدي
وخرجات من صالون ورقات غيثة كتسلت باش ميشوفها جدها ومها ونطقات : انضرا شقالو
جوهرة : مقالو والو ونتي مالك كتسلتي ياك قلتي حرة هههه
غيثة : ماشي وقتك اجوهرة اوف
مجوبتها وخرجات سابقها ولاخرة كتسلت تخرجات من لباب لجردة وهو يوقف عند راسها معتصم وبقا كطلعها وانزلها فعينو وشاف جهة جوهرة ونطق : فين غاديين
جوهرة : غاديين اخويا عند إسراء
معتصم : اوك مزيان ، جوهرة وخا دخلي دار بين منتفاهم مع هادي
جوهرة حدها امأتلو براسها ودخلات وهو يشوف فيها مخنزر وغيثة حاكمها رعدة مقدرت تاتشوف فيه ونطق بهدوء عكس عاصفة لجايا : هذا لباس وهاد حالة كديروها بنات الناس ؟!
مجوباتوش ونطق مغوت : هاااادري ملي نكون كنساااول جاااوبي سمعتي
غيثة نطقات بخوف : لا ....لا.....لا...اخوياا ..اناااا
ضرب إيدو بالحيط بجهد ونطق : نتي شنو هااا بغا تخرجي هااكا محشمتيش هدري
غيثة سرطات ريقها وحاولات تحكم فخوفها ودموعها سرسبو قدامو : عفاك اخويا والله معرفت معرفت فاش كنفكر هانا غنبدل لباسي صافي غامضربنيش عفاك اخويا والله مبقا ندير هكا سمحليا عفاك
معتصم كارز على سنيه مبغاش افوت فيه دقة ونطق : هاء معرفتيش خسااااارة تربية دوري تق* بدلي علياااااا هااااد الحاااالة ولا بربي ياتنحرك دوري تق * يلاه من قداااامي
مشات كتجري من قدامو طلعات بيتها وهي كتبكي وتنهج ونطقات معصبة : تفو عائلة ديال زمر وتاهاد المرض تفو
ولبسات جلابة فوق ديك لبسة مبدلتها ومسحات مكاب درتو خفيف وخرجات من بيت كترعد ويلاه هبطات رقات جوهرة بتاسمات لها ونطقات : اوا شتي عمبالك غاأجي وكوني بحال دوك لمعاك اميريكان
مجوبتهاش وخرجات عندو وبقا كطلعها وانزلها ومتكلم ونطق ملي شاف جوهرة : ركبي
ركبات جوهرة قدام واللور غيثة ودمارا نيشان وجهة فيلا إلياس وإسراء