عشقك إدماني

parte 163

فورا موصلو هبط عونوها ورحمة هزا الولد عليها وجاو ستقبلوها بحليب وتمر عاد طلعها بشوية لبيتها لكان مرتب ومقادينو وفين تنعس عونها تنعسات والكونة حدا سرير في جيها لناعسة فيها إسراء حط فيه الولد فين ناعس عاد تمو داخلين عائلة عندها وهازيين قصرية ديال رفيسة وجلسو معاها وكتاكول معهم بضحك ونشاط
مورا داك الغداء هبطو وخلوها ترتاح ومع إلياس عونها تابدلات عليها وتكات فبلاصتها باش تنعس عاد بدا الولد كيبكي ناض إلياس جابو عندها رضعاتلو وبدلاتلو وحطاتو في كونة لحداها ملي رجع نعس ونعسات هي كذلك
في تحت لكانو مجموعين كلها فين كعاون وكلها فين شاد جماعة لجا من ضيف كباركلهم وكمشي بحالو ، قايمين بالواجب تتمات داخلة وهي كتمشي بغرور وجارا فاليزة متوسطة فإيديها لكانت هي مرتادبة كسيوة باللون بيج وصلا تالتحت ركبة وبإيديها ومشدودة من جهة صدر ومعا ميني طالون بالكحل وساك بالكحل وشعرها مخلياه مطلوق ومنسدل على كتفيها لواصل لنص في ظهرها وجايا كتشوف بكل غرور توقفات عند مجمع وكلشي شاف نحوها تشافتها إيمان وجات عندها عنقاتها وفصلات عناق وهي مبتاسمة ونطقات : بنيتي رانيا توحشتك بزااف ورجعات نطقات بعتاب : تامن تلفون كنتاصلو بيك طافياه كن ماشي باباك كن منعرف خبارك ، علاش مجيتيش مع باك بقيتي بوحدك نتي تما
رانيا تقدمات وقبلات جبهتها : هانا ماما جيت عندك رانك عرفا علاش طفيت تلفون حيث ، وشافت فتحت ومصطانعة الحزن حيث اماما انا ندمانة بزااف ياك بعدا الولد تزاد بيخير
إيمان رجعات عنقاتها ونطقات : صافي ابنتي مديريش فبالك حمدالله ولد راه تزاد بيخير
رانيا : ااه حمدالله
فصلات عناق معاها ونطقات : يلاه سيري ابنتي بيتك بدلي عليك ورتاحي
حدها امأتلها براسها وهزات فاليزة ديالها ومشات طالعة بيتها فورا ما دخلات بيتها رسلات غيثة مساج باش طلع عندها بضع دقائق تكانت غيثة عندها ورقاتها هي لجالسة فبالكون وكتشوف وجات حداها غيثة وجلسات وهي تنطق رانيا ببرود : شدرتي قدرتي تغري خويا ولا لا
غيثة مسدات جبهتها بتعب ونطقات بحزن : لا خوك ݣاع مدهاش فيا غير كعاير فيا حسيت براسي بلا نفس ومدلولة
بتاسمات ابتسامة سخرية وشافت فيها بغرور ونطقات : عاد عرفتيها هههه علاش لكدور بمزوجين كتكون عندو نفس ههه ضحكتيني اكيد رانكي مدلولة وماعندك نفس
شافت فيها بصدمة وغززات على سنيها بالاعصاب وقفات ونطقات مغوتة وهي كتشوف فيها بخذلان لكلماتها لجرحوها ومتوقعاتهومش : كفاااش ارانيا نتي كتقولي هكا اااا ياااك حنا صحاابااات علااش كتقولي ليااااا هكاااك
رانيا وقفات وتقابلات معاها : وش انا كذبت اكيد الا بغا تحصلي على خويا غتكوني مدلولة عكس مراتو لعندها نفس عليك ههههه
غيثة حاولات تحكم فعصبيتها : شنو درتلك انا ارانيا باش تهدري معايا هكا
رانيا : مدرتي والو ولكن انا باقي على قرار ديالي ، عرفتي علاش ازوينة بغيتك لخويا ولا لا
غيثة : لا ، انا عرفاك بلي بغيتيني نحيي حبي ليه وتعاونيني حيث انا وياك صحابات وشحال من وحدة انا وياك تنمرنا عليها وخلينا مدرنا يعني شيئ طبيعي غتعاونيني
رانيا ربعات إيديها وكتشوف فيها بإستحقار يلاه غتنطق كلماتها سامة تبدا تيلي كصوني بنمرة غير معروفة وبدات كتشوف بإستغراب وهي تنطق غيثة : جاوبي مالكي تسمرتي
جوبات على اتصال ونطقات : شكون معايا وفين جبتي نمرتي
هو لكان جالس في قهوة وككمي ݣارو برفقة قهوة قاصحة ونطق مجاوبها : زين هي رجعتي لمغرب
عقدات حواجبها ملي عرفاتو من صوتو ونطقات بعصبية وغيثة جلسات مقابلة معاها وكتشوف : شنو باغي مني وش انت مريض وش كتجسس عليا ولا شنو
أشرف لضحك وصوت قهقهاتو مسموعين من تلفون شيئ لخلا رانيا تعصب وكتحاول تسيطر على عصابيتها بلا ماتحتاج مهدئ ونطق مجاوبها : ومالي منتجسس على زين ديالي
عضات على شفايفها بغضب وقطعات عليه ولاحت تيلي ونطقات :مريض مريض شنو بغا عندي
غيثة بتاسمات ابتسامة استهزاء ونطقات وهي كترد لها صرف : اوا عندك غاتصدقي ارانيا مزوجة بهاد شماتة سي بيزاغ منتمنهاليكش وناضت وقفات وخرجات خلاتها كتقلي غبوحدها وكتردد فكلامهاا : داكشي لبقا غنتزوج بهاذا انا رانيا منصوري وجلسات مربعة إيديها وجلدها كياكولها شئ لخاصها تحتاج دواء لغيهدأها فتحات ساكها وخدات حبة منها ودرتها ففمها وتبعاتها الماء ورجعات مسندة ظهرها على الحيط ترجع دواء كسري فجسدها وكعطي مفعولو شيئ لخلاها ترخى وهزات تيلي لاحت لكانت تشقق من زاج وفتحات كرطونة لفيها تيلي جديد وخدات لكارط وركباتها لتلفونها جديد ولاحت داك تلفون عاد ناضت وحيدات لباسها ودخلات تدوش بضع دقائق تخرجات لاوية عليها فوطة ختارت بيجامة خفيفة لباستها ومشات تكات فوق سريرها تنعسات
مرت ايام ودار مكتخواش وإلياس وعائلتو كجرو قايمين بالواجب باش يوجدو الاسبوع والختانة
وصل نهار الاسبوع باش يسمو دري إياد مع 7 صباحا حضرو 3 رؤوس من خرفان وداروه ورا الفيلا فين غيذبحهم إلياس لكان ناض بكري صلا فجر وخلا إسراء ولدو ناعسين ولبس شورط ونص كوم بالكحل باش يذبح وكلاكيطة وتم هابط وبرفقتو باه وعماد وصاحبو عمر ومعتصم واللؤي و انس لولاد خالة إسراء لتعرفو عليها كذلك انس لكان كقرى فكلية الطب واللؤي لخدام على برا تاهو حضر لاسبوع لبنت خالتو وبقا إلياس كمضي فلاماس استعداد لذبيحة واعطاء الاسم لولدو إياد جا عمر وانس جاريين داك خروف لغيبداو بيه لول
اما معتصم ولؤي متعاونين كدخلو دوك جوج خرفان باش ميشوفوش داك خروف كذبح ويتخلعو هبطو داك خروف وشاديينو وتحنى إلياس وضع جنوي على بلاصة فين كتم ذبح سمى الله لنطق : بسم الله والله أكبر، اللهم لك هذه عقيقة اسم ولدي إياد دوز عليه تدويزة وحدة بدون مايعذبو وناض عليه وكذلك لكان شدينو خلاوه يشرشر دميات تطلعات روحو عند الله وعاد تعاونو وعلقوه باش يسلخوه وجابو خرفان لبقاو نفس شيئ ذبحهم وسمى الله ونطق سمية لغيسمي ولدو عاد علقوهم بتلاتة باش يتسلخو وتعاونو تسلخوهم وجابولهم خادمات بانيوات باش احطو الدوارة عاد دخلوها وهوما كملو سليخة وقطعو اللحم ودخلوهم باش يطيبوه الغداء الناس لجايين عاد هو تم داخل ولباسو عامر دمايات طلع نيشان البيت وغيثة اكتشوف فيه بإعجاب وحاضياه توقف عليها معتصم مخنزر ونطق بحدة : نتي شكديري هنا وفين كنتي كتشوفي
فاقت من سهوتها وبدات غكتقفق ونطقات بثلعثم : اااه.... والو...اخويا ..اان..اا
معتصم صغر فيها عينو ونطق : والله اغيثة وباش كحلفو ونرقا عليك غلط واحد الا منحرتك منتسما معتصم يلاه دوري تقو* من قدامي
مشات كتجري داخلة وكثعثر وتفاتتو وجلسات مع عيالات لكقادو الكبدة فالمسامير باش يشوهوم اما إلياس لدخل دوش عليه ولبس عليه جلابة مغربية لوتاتو مع كتافو عراض ومع بنية جسدية ديالو وتاجه عندها قبلها وهي لفاقت كترضع ولدها وبدا كمسد لها شعرها ونطق : صباح الخير اعمري كصبحتي
بتاسمات ونطقات : حمدالله هي ذبحتي
زمات شفايفها بطفولية ونطقات ثاني كنتي اعيطيليا نحضر
إلياس بتاسم وداعب حنكها بطرف صبعو ونطق ممازحا لها : هي كنتي بغا تسلخي امدام
إسراء : يمكن هههه متعرف تأنا نهز الموس نسلخ معك ، ومشات ذاكرتها ونطقات بحزن :كنت كنعاون بابا ياه ايامات شحال توحشتهم
ضمها لصدرو حدو نطق : الله يرحمهم ويوسع عليهم
عاد ناض من حداها وخرج هابط باش يستقبل رجال
اما هي جاو دخلو عندها ريتاج وصوفيا وجوهرة
وعونوها تلبسات وقدوها وجات ريتاج جايبا مكياجها ونطقات بصوت خافت باش متفيقش إياد : زيدي نماكي لك
إسراء : لا لا اصحبتي بغيتي إلياس اهرسليا رجليا اهيا ناري
صوفيا : وتي زيدي هذا راه نهارك راه مغنكثروليكش زائد راه غانساء مغادي نختالطو مع رجال تبقايلي صفرة
توكلت على الله وعطاتهم وجهها وبقاو كماكوليها ودارولها مكياج خفيف لبرز ليها عينيها وحنيكات حيث تزادت فالوزن خلال حمالتها