عشقك إدماني

Parte 91

إسراء : انا بيخير بيخير دبا يفوتني الحال
إلياس شدها من دراعها ومتكية عليه إسراء ونطق : لا خاصك تمشي سبيطار نشوفو حالتك  رانك مبيخير والو
إسراء : عفاك اإلياس اخليني متبززش عليا نمشي سبيطار
إلياس : مأكدة بلي غيفوتك الحال
إسراء : اه دبا غار ريحة ماكلة معجبتنيش
إلياش تقدم بيها الصالون وجلسها وسندها على وسادة
ومشا إلياس اجيب من كوزينة عصير الليمون جا عندها مدولها وشرباتو بقا جالس حداها
تنطقات
إسراء : غاسير خدمتك انا بيخير
إلياس : لا منقدر نخليك نتي بقا عيانة
إسراء : اسير انا راه لباس عليا متعطلش على خدمتك
إلياس ناض وقرب قبلها فوق جبهتها ونطق : ردي بال راسك اعمري يلاه نخليك
إسراء : وخا الله يعاونك ويسهل ليك امورك
إلياس : امين يارب. وتغداي رانك مكليتي والو
إسراء : وخا انتغدا ملي نتشهى شيحاجة
وناض ماشي خارج من فيلا يلاه غيركب فاللوطو ترقا اللوطو داخلا وهبط عمر وهبطات صوفيا جاو عندو ونطقات صوفيا
صوفيا : وانسيبنا فيناهيا إسراء
إلياس : راها داخل وردي بالك معاها راه كتبان عيانة شوية
صوفيا : وخا خويا انرد بالي معاها راها ختي هذيك
إلياس : يلاه سيري دخلي
ودخلات صوفيا ونطق عمر مصافح إلياس
عمر : اوا اخو اقبل علينا كل نهار جايينك
إلياس : ومتقول هكا اعمر دار دارك هذي مفتوحة للأي واحد
عمر : الله يخلف عليك
إلياس : يلاه خاصنا نتحركوا  الخدمة
ركب عمر وإلياس فطموبيلاتهم وتحركو مكسيريين نيشان  الخدمة
اما داخل دخلات صوفيا عندها ومشات عندها جلسات
صوفيا : إسراء مالك صفرة بحالهاكاك اصحبتي شنو كيضرك
إسراء : مرديتها عليك ردان حشاك غار نشم ماكلة معجبنيش ولا شيحاجة بحالهاكا كتقلب خاطري تخيلي اصوفيا دجاج بدغميرة كنت كنموت عليه ودبا كنشوفها وكتقلب خاطري
صوفيا : وراه قتلك بلي حاملة ملي هكا زدتي اكأدتيلي بلي نيت بيبي جاي فطريق
إسراء ناضت جلسات مقادة ونطقات : اه حقا جبتي داك إختبار الحمل باش  نتأكد
صوفيا : لا مجبتوش
إسراء : وعلاش اصحبتي مجبتيهش معاك دبا باش نتأكد
صوفيا : وراه معايا عمر داكشي علاش و عمر علاش  غيخليني نجي بوحدي حتاهو معقد
إسراء : ههههه وخا ماشي مشكل تلاقينا مع معقدين و صافي
صوفيا :  هههههه ويه اصحبتي نتي راه راجلك كيبان صعيب بزااف
إسراء : نتي بعدي من راجلي سوقك فيه اكون صعيب ولا لا
صوفيا ضربتها بيدها بشوية ونطقات : نتي مالك اقلنا، سري  شايط عليا اللساني
إسراء :زيدي نتاصلو  بديك ريتاج تجيبو معاها
صوفيا : وخا اري داك تلفون
شدات إسراء تلفونها وتصلات بريتاج وريتاج عاد ركبات مع شيفور جايا عندها
ريتاج : ألو نعام اإسراء اشباغا
صوفيا : ونتي فين تعطلتي
ريتاج : ااه صوفيا جيتي عند إسراء هنا يلاه خارجة من دار ونجيكم
إسراء : شوفي جيبي معك اختبار حمل
ريتاج: علاش مشراتوش صوفيا معاها
صوفيا : ولا مشريتوهش راه كان  معايا عمر ازمرة
ريتاج : مشكلة صافي خايفة ابابا ايشك فيا
إسراء : نتي فين غيشك فيك جيبي داكشي لقتلك وسربي
وقطعات معاها جلسو كهدرو الينات مع بعضياتهم بين مجات ريتاج تنطقات
صوفيا : سيري وجدي لينا شيحاجة راه فيا جوع
إسراء : نتي تغديتي ولا لا
صوفيا :بالطبع انتغدا مالي غنجيك بلا غداء
إسراء : اوا معرفت منقولك انا لما ممتغدياش ومحساش بجوع ونتي متغديا حاسة بجوع
صوفيا : ميمكن ابدا تبقاي بجوع من فطور متاكلي موالو
إسراء : هو صراحة كرعتها سقاطة
صوفيا : اوا هتشي باش نوضي قوليهم اوجدولنا شيحاجة
إسراء :  وخا وخا
ناضت خبرات خادمات اقدالوها شي حلوة باردة كما عادة كتعطي موصفات الحلوة لمشهيا جات جلسات حدا صوفيا تاشويا سمعو صونيت فالباب فتحات خادمة تاتمات داخلا ريتاج
إسراء : اوا على سلامة كون بقيتي فداركم اشهاد تعطيلة
. ريتاج : نتوما خلوني عليكم راه 3 ديال عشية هادي و راه بسيف باش رقيت صيدالية مفتوحة
صوفيا : جلسي رتاحيلك تعذبتي
ريتاج :وبزااف َشيفور كيبغي اهبط معايا كنقولو بغيت غناخوذ دواء لصحبتي مريضة حيث نتي عرفا صغيرة وكبيرة راه كعرفها عليا بابا ويعلم بيا شريت اختبار حمل راه غينحرني وغتجو تاكلو عليا كسكسو وريتاج ولات فخبار كان بسبب هاد وجه نحس تزوجات ومزال تبعينها خزيت صافي
إسراء : صافي كملتي معيورك يلاه اري لهنا
صوفيا : ونتي قولي سيدة شكرا
إسراء : شكرا اريتاج جزيل شكر صافي رضيتو يلاه هنونا
ريتاج : شدي وسيري تأكدي وفرحينا معاك راه بغينا سي وليد صغير لعبو بيه
إسراء :  كفاش عودي شقلتي تاكفاش تلعبو بيه
صوفيا : نلعبو بيه 🙂
إسراء : ههههه مزيان تباركالله مال ولدي شايط عليا تلعبو بيه مالو موليكة باش تلعب. بيه يالحلالف
صوفيا وريتاج اكشوفو فيا ونطقات
ريتاج : وراه قصدنا نلعبو معاه يعديك الله
صوفيا : عندك تمشي تقولي هتشي راجلك مسعور تقولي بلي صحباتي بغاو يلعبو بولدي
إسراء :  ايه انقولهالو باش تعلمو
ريتاج : وراه كنضحكوا ياتا معاك حشا واش نلعبو بيه نلعبو معاه اوكان
إسراء : براكا من هدرة طيبتولي راسي
ريتاج مداتلها ومشات طواليط ونطقات
إسراء :  تاكيفاش هتشي كجرب
صوفيا : نتي فين مانو الناس كعرفو كلشي
ريتاج : لاحولا ولا قوة الا بالله تاهذا معرفاش كفاش كتجرب
إسراء : وروني خلاص انا ش اكة فيكم كفاش نت ما عرفين هتشي كامل
صوفيا : شوفي طريقة راه مكتوبة تم وديري داكشي لفي تعليمات هنينا
ريتاج دخلاتها داخل ونطقات :ودخلي سربي يلاه عرفتي وتمكونيش حاملة وتكوني كتفشي علينا تنهلوكك بالعصا انا ضوفيا
إسراء نطقات من خلف طواليط : والا كنتي قدا عليها اريتاج ديكساعا نشوفو شكون يربح
صوفيا : نتي سكتي لايصدق ضاربك شي جن
خلتهم كتسناو ها واقفين قدام الباب
منبعد 3 دقائق تمات خارجة من طوليط هزا فيدها اختبار حمل مدوراه ديك جيه  مبغاش تشوف تيعلموها البنات وهو يقفو البنات عندها
ريتاج : انضرا فرحينا يلاه
بقات ساكتة حيث اصلا مشافتوش معرفاش راسها وش حاملة ولا لا
صوفيا : ناي طلقينا المرض خلينا نعرفو
إسراء مداتها ليهم ونطقات : شوفو انا راه مشفتوش ومعرفاش
شداتو من عندها بلهفة صوفيا وريتاج حداها وهي تشوف جوج خطوطا لباينين في جهاز يعني صدقات حاملة ونطقاات صوفيا : ومبروك عليك
إسراء : اش كاين وش انا حاملة
مخلوها تاتكمل كلامها وهي طير عليها ريتاج وصوفيا وكعنقوهل وكنقزو وهي عاد ستوعبات
إسراء بفرحة ممتيقاش بلي غتولي أم : ههههه انا حاملة ياك بنات
ريتاج : اه اختي رانك حاملة  الله يحفظو ليك ياربي
صوفيا : واه مبروك عليك ازين فرحتلك بزااف كثر متصوري 
إسراء دمعات عينيها بسبب الفرحة ونطقات : انا ممتيقاش بلي عندي ولد ولا بنت وسط احشائي غيتغدا معايا
صوفيا : غار تيقي
ريتاج بتاسمات لفرحتها ونطقات :  انا متيقة بلي اتكوني احسن الأم الله يتبتو يارب في رحمة والله يحفظو ليك يارب
إسراء مبتاسمة وفرحة باينا من عينيها : امين ياربي
صوفيا : يلاه زيدو نجلسو راه خاصك راحة
ريتاج : وشنو مشهية اإسراء نجيلوه ليك نتي غار تشهاي وخبرينا
إسراء : ناري هربتوني زيدو وكان
جلسو صالون بقاو مجمعين تجاب خادمة كيكة بارد بموصفات لطلبات إسراء
إسراء لمعو عينيها والبنلت كتغامزو عليها ويضحكو وهي طاحت عمية فديك كيكة
إسراء : سمحولي البنات كليت حقكم
ريتاج : ناري ممتيقاش نتي كطلبي سماحة
صوفيا : هانيا هانيا اصلا مقبولة منك
إسراء : سبحان الله نتي مدابزتيش معايا على لماكلة
صوفيا :اوا على قذل بنت ولا ولد ختي داكشي علاش دوزتهالو
ريتاج :الهربة معاكم صافي
تشويا نطقات إسراء : يلاه نوضو سبرو ديوركم
صوفيا : ياك كتجوي عليك
ريتاج : اصلا داك صواب عرفتو موراه بلي غتجري علينا
إسراء : مهم راه بغيت نفرح راجلي ونتوما سيرو ديوركم
صوفيا : وخا يلاه خليناك انعبم عمر بلي انمشي دار ونتي ريتاج اتوصليني معاك
ويتاج : يلاه بسلامة مبروك عليك مرة اخرى
إسراء : اه البنات عفاكم متقولو  تاشيواحد شيحاجة
ريتاج :تهناي مغنقول والو
صوفيا :حتا انا غتهناي من جيهتي