عشقك إدماني

Parte 14

خرجت اسراء وصوفيا ماشيين جهة البحر  وكهدرو في عديد مواضيع وهي تقول  صوفيا
صوفيا : إسراء عوديلي من لي مشينا ديك حليمة ولدها اشرف ورجلها مشفتهم كاع فحي
إسراء : صراحة على ماعرفت بلي باعو دارهم ومشاو شي مدينة اخرى ولدها اشرف مشا يكمل قرايتو فالخارج
صوفيا : اه هكاك اذن( شارت لصوفيا لكرسي لكان مقابل مع البحر) اجي نكلسو هنايا عييت
إسراء : وخا
تمو جالسين تا كوقفو عليها ديك أليس واحد صحبتها بحيت أليس دايرا وجها فاضمة حيت كان فيه ندبات بحكم إسراء خسرت لها وجهها
أليس : اهلا لالة إسراء عجبك الحال هنايا من بعد مخسرتلي وجهي
إسراء : اشوفي نتي ديك موليكة ديال 10 دراهم  غتحيدي من قدامي وتخليني مترونكيا مع راساتي ولا غنوض نخسر صيفتك
صحبتها : اشوفي نتي انا لغنخسر ليك وجهك فهمي ونتي هاديك لحداك
ضحكات صوفيا وصوفيا اعلى سبة ناضت وقفت قدامها
صوفيا : اسمعي هاديك الخانزة راه الا متحركتي ياحتى غانشطب بيك الأرض كالك تخسري وجهنا ويني برهوشات
إسراء شدات فصوفيا بيه عرفا صاحبتها اصدقو فمشاكل وكوميسارية
إسراء : يلاه اصوفيا خلينا نمشو من هنا مقادين علي مشاكل
يلاه غيمشو وهي تجي أليس وتشد شعر إسراء وهي تجرها بغا تطيحها
أليس : شنو البرهوشة انا دبا موليكة كتستحمريني ها وبقات كتغوت
إسراء : وطلقي من شعري الحمارة 
وهي دخل صوفيا لمدابزة لبيناتهم وهي  تعطي صرفيقة أليس  حتا ولا وجهها حمر واتار يد صوفيا فحنكها وهي طلق شعر إسراء
أآيس : نتي دبا صرفقتيني ها شكون نتي باش تحطي ايدك عليا
صوفيا : اسمعي نتي راه صبري تقادا راه الا ممشيتي  راه ميعجبك الحال
دخلت صاحبت أليس سميتها لمياء
لمياء : شنو دبا غديري ها
بداو ناس كجو وكفكوهم
العيالات : وديرو عقلكم براكا من هاد مضاربات
صافي نساحبت صوفيا وإسراء ومشاو جلسو فجردة فواحد كرسي
صوفيا : علاش جريتيني كون خلتيني غاربيهم
إسراء : وخلينا مقادين على مشاكل
صوفيا : يلاه نمشو نقسيو راه شدني جوع
إسراء : وحتا انا يلاه ناكلو
مشاو دخلو واحد ريسطو كلسو كياكلو 
مشات صوفيا تخلص باش تلحق على إسراء
إسراء تمت خارجا ومعا كانت كتفكر وهي تزادح مع إلياس
إلياس : مالك مكاشوفي ولا شنو
إسراء : كفاش نتا لعمى ماكتشوف تفو اش هاد نهار
صوفيا : إسراء مالكي وقفا تم اجي باش يلاه نمشو دار
إسراء : وخا هنا جايا
رجعو دار  لكاو رحمة كالسة كتفرج فواحد مسلسل  دخلو بدلو عليهم ولبسو بيجامة وكلسو حدا رحمة
رحمك : بنياتي رجعتو درتو
إسراء  : اه اخالتي شبعنا دوران
صوفيا : تممات ( شبعنا دوران هههه)
رحمة : اشكاتقولي نتي
صوفيا : والو والو ههه
رحمة : يلاه سيرو ابنياتي خاصكم تنعسو ياكما فيكم جوع
إسراء وصوفيا : لا لا كلنا حمدالله غنمشو نعسو باش غدا نمشو الليسي
رحمة : يلاه صبحو علي خير

إلياس : يلاه عمر رانا مشيت دار
عمر : بسلامة نتلقاو غدا فالخدمة
مشا إلياس دارو خدا دوش لبس لباسو وتما فبلا صتو وهو يشوف مو إيمان معيطالو
إيمان  : ألو اولدي نتا الا معيطليك متعيطلي حشومة عليك
إلياس : لا متقولي هكا الواليدة غار معا الخدمة وصافي ونتي عرفا مكنسالي
عند اهل إلياس
رانيا : ماما وش كتهدري معا خويا
إيمان اه راه هو نيت لكنهدر معاه
رانيا : أري ماما نسول عليه حيت راه كنتاصل بيه مكجاوب
عطاتها إيمان تلفونها باش تهدر مع خوها
رانيا : ألو خويا علاش مكتجوبني فتليفون
إلياس : أهلا رانيا غير مشغول معا يلاه شعلت تلفون دبا
رانيا : خويا اجي عندنا عفاك
إلياس : مكرهت نجي اختي ولكن الخدمة ردي بال راسك
رانيا : اه دبا راه كندوز سطاج فشركة بابا
إلياس : الله يوفقك دوزيلي الواليدة
رانيا : اه وخا
هاكي ماما راه بغا يهدر معاك
إيمان : ألو ولدي اوا شكتعاود مبغاش ايهديك الله تزوج
إلياس : والواليدة انا راه مكنفكر دبا راني مهني مع راسي
إيمان : اوا شغانقوليك اولدي الله يسهل ليك امورك
إلياس : امين يارب اوا كداير الواليد مع الصحة
إيمان : لباس عليه هو نيت باقي فالخدمة هنا اختلاف توقيت
إلياس : اه هكاك اوا يلاه بسلامة نمشي نعس تبعاني خدمة غدا
إيمان : يلاه بسلامة اولدي ورد بال صحتك ومتهمل ماكلتك يلاه صبح علي خير