عشقك إدماني

Parte 93

كشوف فأرجاء فيلا كفاش مزينة بالورد وشموع   وتقدم داخل وهو يلمح طورطا فوسط فوقها بيبي وحداها جهاز إختبار الحمل هو يهزو بين إيديه لكان مبينا فيه جوج خطوط وعينيه كلمعو  بالاعجاب هو عارف بلي زوجتو حاملة من خلال تصرفاتها كان ديجا بحث على تصرفات لكن مكانش متوقع بلي حبيبتو غتقادلو هاد مفاجأة بهاد شكل
جات عندو إسراء بإبتسامة مزينة ثغرها وعنقاتو من اللور هو حس بيدياتها لمعنقين جسدو ودار عندها هو كيشوف بيها بإعجاب والحب  وهو ينطق
إلياس : ااه اجوهرة غالية غتسطيني معاك خليتيني اسير ليك عشقي ليك كيزيد نهار على نهار  اش درتي لي
إسراء : علاش شنو درت انا ههه
إلياس : درتي بزااف
هو يتقدم عندها وهزها بقا كدور هو فرحان بحملها ونطقات هي صوت ضحاكاتها مسموع فأرجاء : هههه إلياسو نزلني ابشوية راه دخت ههههه نزلني يلاه
نزلها إلياس ونطق هو كتفحصها بعينيه : مكاين لمدوخني قدك اش درتي خليتيني عاشق لك امم
وعينيه كتفاحصوها فكل انش فوجهها وفجسمها  وخصوصا بانت مثيرة فكسيوة ل لابسة زادت جمالية وشعر لمقداه
إسراء مبتاسمة بخجل ووجهها مزنك بالحشمة
عنقها عندو إلياس وشد إيدياتها قبلهم ونطق : احسن مفاجأه واحسن  خبر فرحتيني  وهز إيديه وحطها على بطنها ونطق تاني وهي فقط كتستامع ليه : هنا غيكون بنتنا ولا ولدنا وغيكبر فأحشائك الله يحفظو لينا يارب ويحفظك ليا
إسراء : امين يارب حتا انت الله يحفظك ليا
إلياس وباقي إيدو كتلمس بطنها ونطق : ياكما عذبك اليوم ولدي
إسراء : هههه لا
إلياس : شنو مشهية اعمري نجيبو تال عند إيديك نتي أمري وانا نفذ
إسراء : لا لا ممشهيا والو دبا
إلياس : الا مشهيا اي حاجة خبريني بيها
إسراء : ههه وخا، بلاتي دقيقة
مشات خدمات مزيكة كلاسيكية
هو ينطق إلياس مد إيديه : هل تقبلين برقصة معي ياحلوة
إسراء : هههه وخا ولكن راه مكنعرفش
إلياس : انا نعلم الاميرة ديالي
ابتسمات لو إسراء وبداو برقصهم مع بعضياتهم تسلات مزيكة
وشداتو من إيديه ونطقات : يلاه اجي جلس تعشا
إلياس : لا انا باغي نتعشى بيك نتي لولا
إسراء : زيد جلس
جلس إلياس وهو كشوف طابلة كفاش مزينة وجلسات حتاهي حداه ونطق : نتي لوجدتي هتشي
إسراء :اه انا وجدتو وش معجبكش
إلياس : وعلاش عذبتي راسك بالعكس لجا من إيديك سمن وعسل
إسراء بتاسمات بخجل  وهو ينطق : علاش تعذبتي احبيبتي خاصك راحة متنساي بلي متليتيش بوحدك  وخاصك تردي بال راسك اخر مرة تعذبي راسك قد هكت
إسراء : عذابك راحة ههه
إلياس : فين مشاو خدامات لميعونوكش خاصك ترتاحي كان عليك متعذبيش
إسراء : اه خدمات قتلهم إمشيو تال غدا عاد وغيجو وزيدون  انا راه  غار بغيتك تعرف بلي راني انا حادكة وبغيت نبهرك فيا
إلياس عنكش شعرها وهو كشوف فملامحها ونطق : وخا الالة وخا متكونيش حادكة انا قابل بيك نتي رانك زوجتي ماشي خادمتي نتي رانك جوهرة غالية
إسراء قلبها كضرب ملي كتسمع هاد غزل فأكتفات فقط بصمت وحنيكاتها مزنكيين وهو بدا كياكول  وكتبنن وهي حاضياه بعينيها وهو يشوف فيها  نطق : كولي يلاه هتشي اللذيذ قتلك رانك نتي شهد والعسل
إسراء : احم وخا
ومدات حتاهي كتاكول تابدا إلياس كيوكلها وهي مسايراه ونطقات
إسراء : حمدالله شبعت
ورجعات سندتات ضهرها على كرسي ونطقات : دبا غنمشي نعس
يلاه بغات تطلع وهو يجبدها عندو إلياس   ونطق : مكاين نعاس اليوم اغزالي
إسراء دلات شفايفها  : لكن عييث
إلياس كشوف فيها هو ينطق  : لا لا ازوينة مكاينش نعاس دبا خاصك توفري لنا  طاقة احبي
من بعد طلعو بيتهم وقضاو الليلتهم رومانسية
نهار جديد
أصبحنا وأصبح الملك لله
إسراء لفاقت بكري ومشات دوش دوشات ولبسات نيت فدوش سورفيت سخونة بالبيض وخرجات من دوش بدات كتنشف شعرنا وجمعاتو شفنجة وخلات شي شعيرات منسدلين على جبهتها ولبسات عبايتها وفرشات سجادة صلات صلاتها  عاد هبطات تحت عندهم دخلات الكوزينة  رقات خدامات رجعو خدمتهم ووقفات عندهم ونطقات
إسراء : اه وحدا منكم تمدليا كوفيتير وملعقة
خادمة مع بإبتسامة نطقات : وخا اإسراء
ومداتلها لها داكشي لبغات
شداتو من عندهم ونطقات احد خادمة
خادمة : مبروك الله يحفطو يارب ويثبت حملك
إسراء بإبتسامة : الله يبارك فيك
خادمة : اي حاجة مشهياها فطياب خبرينا حنا نوجدوها ليك
إسراء : شكرا ليكم
وخلاتهم تم كتهامسو عليها وطلعات فوق رقات باقي إلياس ناعس وجلسات فبالكون فتحات كوفتير بدات كتبنن وتاكول تاشويا حل عينية إلياس معنكش من ريدوات لمفتوحين دار جيهة بالكون رقاها جالسة فوق فوطوي وكتشوف وكتاكول كوفتير وناض عندها وجلس حداها
إلياس نطق بصوت مبحوح بنعاس : غزالي شكديري هنايا
إسراء تلفات ونطقات : نضتي انعاس والو انا كنشوف فجردة لتحت
إلياس عنكش شعرها ونطق : لاش كتوكلي كوفتير على ريق تاتفطري عاد كوليه وحلاوة ممزياناش ليك
إسراء : ولدك ولا بنتك  لمشهيه انا معندي علاقة
إلياس ضحك على هدرتها ودخل ادوش وهي متبعالو العين تاغبر من قدامها رجعات كتشوف فمناظر طبيعة لقدامها  عاد ناضت ومشات دريسينغ وجداتلو لباسو عبارة عن فميجة زرقة مع سروال دجين وفوقها فيستة بزرق ولباس داخلي وحطاتهم فوق نموسية ورجعات بلاصتها اما هو خرج لاوي عليه فوطة وشعرو كتقطر بالماء وبإيدو فوطة صغيرة كنشف بيها شعرو  إسراء بقات كتشوف فيه وساهية فيه وهو يبتاسم لها ملي شافها انها ساهية فيهغار بدا يبدل لباسو دورات وجهها هو بدل عليه لبس لباسو عاد فرش سجادة وصلا صلاتو ولبس سبرديلة بيضة ونطق
إلياس : يلاه اعمري نمشيو عندك موعد مع طبيبة
إسراء شافت فيه بإستغراب ونطقات : شمن موعد
إلياس : باش نشوف صحة ولدنا وش مزيانة ونسمعو دقات قلبو ولا مبغاش
إسراء غاسمعات بلي غتسمع دقات قلبو عينيها لمعو  نطقات : ااه بغيت ولكمن امتا خديت موعد انا مفراسي والو
إلياس : البارح فعشية ملي خرجت خديت موعد باش نعرف نيت وش حاملة ولا لا
إسراء : اه هكاك ههه
إاياس : يلاه احبي
خرجوا من بيت هو مدرعلها بإيديه وهي بقا كتاكول فداك كوفتير تشدو من عندها وحطو فكوزينة ونطق : سيري غسلي وجهك خليتي وجهك اتلصق بحلاوة قبل مندير شرع إيدي وديكساعا متلا لا موعد طبية ونكملو لبديناه البارح
إسراء : اكون تحشم اناري
ونشات هربانة من حداه نطق هو : حشمة خليتها ليك امدام
وكضحك على تصرفاتها اما هي مشات  غسلات وجهها ونشفاتو  وخرجات عندو رقاتو كتسناها هو يمشي عندها عنقها وجايبها حداه بجنب فتحلها الباب اللوطو  ركبات وقدلها سمطة عاد هو ركب وكسيرا نيشان لكلينيك فين واخد موعد
وإسراء حاضيا طريق وحطا إيدها على بطنها وكتيتاسم وهو حاضيها بنص عين خدا إيديها وقبلهم ونطق : احسن حاجة وقعات ليا هي نتي وولدي ولا بنتي لجاي فطريق انا محظوظ بيك اعمري الله يحفظكم ليا محلات دنيا فعيني تاجيتي نتي وعمرتيها عليا
إسراء مبتاسمة بخجل مقدراتش تجاوبو فقط اكتفات انها تسمع ليه بعد مسافة طريق وصلو للكلينيك بلاصا اللوطو قدام كلينيك و هبط وفتح لها الباب كما العادة هبطات معاه وشد بإيديها داخلين توصلو  عند  إنتظار رقاو قدامهم جوج الناس عاد ادخلو هوما جلسو فوق كراسا كتسناو نوبتهم
إلياس دار عندها شافها ساهية تاني ونطق :كضرك شيحاجة اعمري