حطو الغداء كياكلو ومجمعين شادين اخبار متنوعة
سلاو الغداء
ناضت صوفيا وإسراء جمعو ماعيين مع رحمة
لبسو لباسهم وهزو شكايرهم
صوفيا : ومانا وبابا رانا ماشيين الليسي
رحمة : يلاه بسلامة ابنياتي وقراو مزيان
مصطفى : زيرو ريوسكم متمو ماشيين مديين فطريق هكاك
إسراء : صافي اخالتي وصافي اعمي غنقراو
رحمة : يلاه سيرو راه تعطلتو
وخرجو ماشيين فطريق دخلو الليسي
قراو ساعتين العلوم وساعة إسلاميات وخرجو
مع كانو خارجين شافو مدابزة
إسراء : وصوفيا شوفي تما ومتقوليليش ديك البنت سكوتية راه كضربوها
صوفيا : وناري اصحبتي يلاه نمشو نشوفو
رقاو مجموعة من فتايات متحميين على ديك بنت كضربوها
والبنت كتغوت عفاكم بعدو مني ياك انا كندير اي حاجة طلبتوها مني لاش دبا كضربوني شنو درت وكتبكي وهوما خلاو وجهها كامل زرق بالضرب ومخلاو قنت مضربو فيها
إسراء دخلت هي ووصوفيا باغيين افكو بنت وهي تنطق إسراء
إسراء : والزمرات مالكم مع البنت شدارت لكم
ونطقات واحد بنت
بنت : شوفي نتي ديها فراسك ولا تولي بحالها
نطقات صوفيا : اسمعي اديك العوجة والله متفرقي عليك البنت راه غادي تشوفي مني شيحاجة متعجبك
نطقات ديك بنت هوما كانو تلات بنات
بنت 2 : ههههه شغديري خلعتيني اوه ماما غضربني
وبقاو كضحكو وهي تدفعها إسراء وجبدات زيزوارا
إسراء : اسمعو نتوما الل بعدتو من ساحتي ومن ساحة صحبتي ومن ساحة هاد البنت ياغادي نخسرلكم صيفتكم وقيلا راكم معرفينيش مزيان وسولو كاع دريات هنايا وغيجيبو خباري
نطقات صوفيا : كما سمعتو غنحسب تال 3 ورقاكم قدامي مغيعجبكم الحال
طارو البنات من قدامها من الخوف حيت عارفين إسراء وصوفيا الا جتمعو غيرونوها
صافي ملي مشاو مدات إسراء ادها ديك البنت وهي تنطق ديك البنت
البنت : شكرا بزااف عمري نسا خيركم حيت نقدتوني من هادو من ديما كستغلوني حيت ماعنديش صحابات
إسراء : هانيا خاصك نتي اول حاجة خاص تقوي شخصيتك ومتخلي تاواحد اضربك ولا اتنمر عليك
صوفيا : ويه شوفي نكونو حنا صحاباتك شباليك
البنت : شكرا ليا شرف نكون انا وحدة من صحباتكم
إسراء : لا لا هانيا. بغيت نسولك وش نتي لكتقراي معايا وكتكوني جالسة طاولك لاخرة
البنت : اه انا كنقرا معاكم في نفس القسم
صوفيا : مزيان ملي جتمعنا نفس القسم ونقراو مجموعين بغيت نسولك شنو سميتك
البنت : أنا ريتاج
إسراء : متشرفين انا إسراء وهادي صحبتي صوفيا
صوفيا : اه قوليلي فين ساكنة نتي
ريتاج : انا ساكنة فداك شارع *****
إسراء : وبشاخ اصحبتي نتي من دوك ناس هايكلاس والقصورة والفيلات والفلوس
ريتاج تفرشخت بالضحك
ريتاج : اه انا من تم ساكنين فالفيلا وباب هو مترأس شركة تصميم ملابس
صوفيا : واو اصحبتي هدشي عندك ناضي
إسراء : ولكن بمأنك نتي من عائلة الثرية لاش كتقراي فهاد الليسي بلاصة متقراي فمدارس خصوصية
ريتاج : حيت انا بغيت نبقا عادية. وحتا بابا مكانش غني قرا حتا هو فمدارس شعبية وقوى شخصيتو ودار هاد الاعمال كما تشوفو
صوفيا : اه هكاك اوا الله يوفقنا
شافت إسراء ساعة وهي تنطق : وايلي اصحبتي تعطلنا بساعة ونص مشيينا فيها من عند باك
إسراء : يلا بسلامة ريتاج نتلقاو غدا
ريتاج : بسلامة انا محظوظة حيت وفيت صحبتكم
مشاو البنات كجريو غلدار
نقرو وهو يخرجلهم مصطفى
واقف وكخنزر
مصطفى : اش هاد تعطال صوفيا وإسراء زيدو دخلو نتفاهمو على هاد تعطال ديال والو
دخلو رقاو رحمة موجدة كسكروط وجلسو فوق سداري وعودلهم كلشي لوقع وسبب تعطال
وبقاو كضحكو من رحمة ومصطفى وهو ينطق مصطفى
مصطفى : بهاد حساب نتوما خاصكم تكونو مخزنيات وماشي طالبات
مصطفى : مهم على كل الحال بصحتكم الصحبة جديدة
رحمة : اوا بهاد الحساب خاصكم تجيبو صحبتكم نتعرفو عليها
إسراء : إن شاء الله غنجيبوها باش تتعرفو عليها حتا نتوما
صوفيا : يلاه شكرا اماما الله يخلف عليك قديتينا مسمن كنت مشهياه
رحمة : نتي لضاربك ضاربك على كرشك
صوفيا : وماما الا موكلت كرشي شكون غنوكل
تفرشخت عليها إسراء بالضحك
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
