عشقك إدماني

Parte 55

رحمة : يلاه سيرو بدلو حالتكم وزيدو عونوني نحط الغداء
صوفيا : وخا
من بعد بنات لبسو بيجامة ديال دار ومشاو اعونو رحمة فوجاد غداء وجلسو كتغداو مجموعين من بعد ماكملو غداء ناضو جمعو ماعيين وغسلوهم ولبسو عليهم ومشاو الليسي اقراو دخلو بلا ميتسناو ريتاج حيت مريضة
الغد ليه نفس شيئ كتعاود غير ان ريتاج حضرات معاهم كما العادة وقراو حصصهم وخرجو من الليسي
بعد أيام يعني دازت مهلة 15 لعطا إسراء ومجوباتوش وقال بنفسو هو براسو امشي الليسي ديالهم مع يخرجو يتكلم معها ويعرف جوابها وكانو كقراو كما العادة وخارجين مع 4 ديال عشية تاكيشوفو اللطو ديال إلياس واقفة قدام الليسي وهو واقف مسند على اللوطو ومربع إيديه وكشوف فساعة شحال باقيلهم باش ايخرجو
وكان  لابس عليه قميجة بيضة مفتوحة صدافي ديال قدام وسروال دجين كحل مع سبرديلة كحلة وداير نظاظر شمس
البنات خرجو من الليسي تاكشوفو جهة اللوطو رقاو إلياس واقف تما وصوفيا كتغمز إسراء ونطقات
صوفيا : شوفيلك الوسامة نتي غتزوجي بيه اصحبتي
ريتاج : واه اختي ضربيلك على الحطة لداير شتي راه جاي علي قبلك ماشيا عليا انا
إسراء : واسكتونا صافي اواه شحال فيكم ديال هضرة مكتقداوش
ريتاج : زيدي نمشو عندو
مشاو البنات عند إلياس
ريتاج : اهلا خويا لباس عليك كداير مع الخدمة  علاش جيتي هنايا
إلياس : اهلا  حمدالله كلشي بيخير كدايرين نتوما  بيخير غار  جيت باغي نهدر مع إسراء
إسراء شافت فيه ونطقات : فاش شباغي تهدر معايا
صوفيا كتوشوش ليها فوذنا وقالت لها : اوه معرفتي راه على موافقتك باش تزوجي بيه ولا لا
إسراء صرطات ريقها وشافت فصوفيا وهمسات ليها : واه دبا انا معرفا كاع وش نوافق ولا لا
إلياس كشوف ومخنزر فيهم شكيتهامسو تما : إسراء وقيلا نسيتي علياش هدرنا قبل
إسراء : اه
إلياس : مهم غنهدر معها على إنفراد  ونجو عندكم متحركو فين
ريتاج : وخا خودو راحتكم
اما إلياس نطق
إلياس : يلاه زيدي ركبي
إسراء : علاش منهدرو هنايا
إلياس : لاحولا ولا قوة الا بالله ونطق بغوات وكتليك طلعي براكة من عناد
إسراء : وخا . مالك كتغوت قولها بالأداب
مجوبهاش إلياس حدو طلع وطلعات حتاهي متلات زادت تا هضرة وديمارا نيشان واحد جردة
هبطو وجلسو فوق كرسي لتما وبقاو شحال ساكتين تاهدر إلياس
إلياس : اوا البنت الناس قتلك شكاين وكنسمع جوابك
إسراء : منعرف صراحة ، انا راه بغا نكمل قرايتي مورا الباك وحتا انا  بغا نخدم
إلياس : متافق معاك انا مغنمنعك من قرايتك، قرايتك غتكمليها
إسراء : اه مزيان ولكن نتا زربتي عليا
إلياس : كفاش، دبا غامتعطليني ونعرف راسي من رجليا يا أه يا لا
إسراء بقات شحال ساكتة وإلياس اعصابو على جمر  وكحاول اهدن فراسو ونطق : وش مغتهضري
إسراء : اه وخا انا موافقة ولكن عندك تكذب عليا وديرها فيها داك احكام متخلينيش نقرا
إاياس :  واخير جاوبتي ( هو فرحان من داخل  مبغاش ايبين ونطق بكل ببرود) كنظن عطيت كلمتي ولالا اوا على سلامة ملي جاوبتي
إسراء  شافت شحال ونطقات  : وخا يلاه نرجعو عند البنات
ركبو فاللوطو ومشاو عند البنات رقاوهم قدام الليسي نيت توقف عليهم وكالهم اطلعو باش اوصلهم دارهم اوا مشات صوفيا وريتاج سولو إسراء وجوبتهم وهوما اتغاوتو وفرحانين وانقزو تكول هوما لبغاو اتزوجو ماشي هي اما إسراء اكتشوف فهاد مخلوقات لمعاها ونطقات
صوفيا : واه غتزوجي  اصحبتي نحضرو فالعرس ونشطو  وعطالله الماكلة
إسراء : اويلي نتي غتجي على حسب ماكلة معرفت وش هادي كرش لعنك ولا طحانة
صوفيا : وراه انا كرشي هي لولا
ريتاج : ههههه صوفيا الوكالة خلي الا تزوجتي وتوحمتي غادي توكلينا حنايا
إسراء : واه هتشي لبالي
ريتاج: وايه  ومن دبا خاصني نوجد
رجعو صوفيا وريتاج هبالهم كتغاوتو تاتي
ربعات إيديها إسراء : كفاش مالكم دايرين هاد الحالة ايه غتشوهوني سكتو الله ينعل ميحشم
صوفيا : ولا اختي خلينا نفرحو اخيرا حققتوانجاز و راه نتوما كوبل خطير
نزل إلياس من اللوطو مخنزر  بسباب غواتهم وخنزر فيه ونطق : شواقع هنا مالنا على هاد غوات
صوفيا وريتاج اكشوفو خلعهم بدوك تخنزيرات ونطقات ريتاج بصوت خافت : وراه غفرحنا ليكم
إلياس : اوا فرحو بسكات ماشي ديرولنا شوهة هنا
صوفيا : وخا سمحلينا
إسراء :شتو نتوما تخافو متحشمو ههههه
إلياس : زيدو نركبو وصلكم
ريتاج: انا غنمشي مع شيفور يلاه بسلامة البنات وفرحنا ليك اإسراء
طلعو البنات معاه
و شيرو ريتاج اما هو غير وصلهم مشا نيشان إقامتو اهز شي ملفات على ود الخدمة
دخلو البنات فتحتلهم رحمة كانت غار رحمة حيت مصطفى مكجي تالمغرب
رحمة كانت ديجا عودتلها إسراء شنو قاليها إلياس وقاتلها لباليك ابنيتي نتي تشوفي لصالحلك
عودت لها بلي وفقات على طلبو وزغرتت رحمة واحد زغريتة
رحمة : الله يكمل عليك بالخير ابنتي، وشنو قاليك على قرايتك مورا الباك
إسراء : اه قالي غيخليني نكملها
صوفيا : واه اصحبتي توحشت العراس نحضرلهم ونشطح فيهم لين سخف
إسراء : اوا الله يعطيك العقل اصوفيا
صوفيا : امين يارب
وبقاو كضحكو بيناتهم ومرة يشدو فإسراء ومرة فصوفيا
رحمة : اوا ابنتي دبا ركزي على باك ديالك شيحلجة اخرى لا صافي
إسراء : كوني هانيا متشغليش بالك