عشقك إدماني

Parte 57

اصبحنا واصبح الملك لله
ناضو البنات كما العادة بكري غسلو وجههم قضاو غراضهم وصلو صلاتهم وعونو رحمة فتوجاد فطور وفطرو ومشاو الليسي تلقاو مع ريتاج عند الليسي تسالمو وكهدرو معاها ومرة شاديين في إسراء
ريتاج : عندك ا إسراء تزوجي تنساينا اودي منك اتبقاي تشوفيني ديما عندك
إسراء : علاه لتزوج كنسا صحابو زيدو ندخلو مكتقداوش
دخلو البنات اقرو حصصهم
نرجعو عند اهل ريتاج، عماد مشا يخدم بقات ليلى ملاهيا وقت تاكتسمع صونيت ومشات خدامة فتحات الباب جات تشوف و رقات بنتها  نور جايا لابسة سروال دجين مع قميجة كحلا وجمعا شعرها كوب شوفال وجارا فاليزتها
جات عندها  ليلى عنقاتها
ليلى : بنتي معلامتنيش بلي غتجي امتا بنتي وصلتي، كداير بيخير
نور : غار بغيت نديرلكم مفاجأة وصافي، اصلا عاد وصلت نتوما كدايرين لباس انا حمدالله
ليلى : لباس حمدالله مال عينيك انور منفوخين
نور :  والو اماما
ليلى : ابنتي كنتي كتبكي وش واقع لك شيحاجة
نور: لا اماما انا انطلع
وكانت سبقاتها خدامة طلعات لها فاليز ديالها لبيتها ورتبتهم ليها
ليلى : سيري ابنتي رتاحي ومنبعد هبطي نهدرو
نور : وخا ماما، مزال بغيت نهدر معاك نتي وبابا
ليلى : اوك ابنتي
مشات طلعات بيتها دخلات دوشات ولبسات غا بيجامة خفيفة وتكات باش تنعس
نمشو عند بنات من بعد مسالو حصصهم تمو خرجين رقاو إلياس كتسنا فيهم
صوفيا : هايهاي شوفي شكون جا عندك
إسراء : وريحي شحال فيك ديال هدرة انا مالي
ريتاج : ههه زيدو نمشو عندو، اما نتي إسراء غبوحدك الحب عندك منعدم
صوفيا : وحق الله
مشاو عندو كان واقف مسند على اللوطو ديالو وكهدر فتلفون نلي شافهم جايين عندو قطع  وجاو  تسالمو معاه
صوفيا  : اهلا لباس عليك
إلياس : كدايرين مع قراية مزيان كدوزتو فروض
ريتاج : حمدالله اخويا لباس ونتا كداير مع خدمة
إلياس : مزيان حمدالله، إسراء هانيا عندك  مكتسوليش على زوجك مستقبلي كفاش اخبارو والو
إسراء : انا حمدالله، مزال موليتي  راجلي باش نسول عليك
إلياس :  اوك ماعلينا، علاش مكتجوبيني  ، شواقع تاني معاك
إسراء : علاش غنجاوبك كتقول شيحاجة مفيدة
صوفيا همسات ليها : ياديك صكعة هدري مقاد دايرا فيها نتي شيحاجة
إسراء : سكتي عليا نتي
إلياس : مهم ماعلينا تانشوف هاد تفرعين لفيك فين غيوصلنا
إسراء: مهم هانا مشينا يلاه الله يعاون
إلياس : تسناي ،راه جاي هنا باش نهدر معاك
إسراء :اوك، غير سربي قول لعندك حيث راه ايتخلعو علينا والدينا
إلياس : اوك تقدرو تسناو هنا  هانا حنايا غنهدرو 5 دقايق ونكونو عندكم
ريتاج : وخا خوذو راحتكم دنيا هانيا
من بعد ركبت معاه فاللوطو ومشاو مسافة شوية توقفو فواحد ريسطو وجلسو
إسراء : اوك كنسمعك هدر
إلياس : مالك زربانة خوذي ليك شيحاجة تشربيها
إسراء مع إبتسامة : لا بلاش، راه البنات كتسناونا ولا لا ياكما نسيت
إلياس : مهم ابنت الناس راه هدرت مع واليدة ان شاء الله الصيف غنجو نخطبوك وان شاء الله فنفس نهار خطبة نديرو عقد والعرس تال بداية شهر 9 بين موجدنا كلشي
إسراء : ولكن راه كفاش درتيلها عقلي مبغاش ايستوعب
إلياس : شنو لمبغاش استوعب
إسراء : ماشي انك  زربتي اواه عقد فنفس نهار
إلياس : كلما زربت كلما حسن  باش تكوني ديالي ومحسوبة عليا ومبغيت نرتاكب شيحاجة محرمة سمعتيني وكنتمنى تكوني فهمتي
إسراء : الصمت
إلياس : زيدي يلاه صحاباتك راه كتسناو
مشات ركبت معاه فاللوطو والصمت سائد المكان وتواحد ماهدر   وديمارا عند بلاصة فين جالسين البنات رقاوهم كهدرو وقالهم اطلعو باش يوصلهم وفعلا طلعو وصلهم عند باب دارهم وديمارا نيشان هو وجهة عند خالتو
اما البنات مع دخلو رقاو رحمة كطيب في الغداء ومصطفى شاد تليكومند كتفرج فالاخبار دخلو لقاو عليهم سلام
ومشاو بدلو لبسو بيجامة ومشاو جلسو عيطات لهم إسراء باش تعلمهم لجرا كيما قلت راه رحمة عرفا ولكن مصطفى عرف مأخرا حتى علماتو رحمة
جلسو فالبيت لفيه تلفازة وكتسناوها تهدر
مصطفى : خبر الخير ابنتي شنو كاين
إسراء حشمات منو معرفت شنو تنطق فوتت شحال ساكتة وحادرة راسها عاد هدرت بصوت خافت : هو قالي بلي غيجي احطبني فصيف
رحمة : ايه فخبارنا شنو جديد فموضوع
إسراء : ديا هو قالي بنفس نهار خطبة غنديرو العقد وموراه بشهرين يعني بداية شهر 9 غنديرو العرس
رحمة زغرتات : اوا مبروك عليك ابنيتي الله يسر ليك ويسهل عليك
مصطفى : ماشي زرب بزااف
إسراء : معرفت صراحة
مصطفى : صدق رجل معقول، الله يسهل عليك ابنتي دبا ركزي فقرايتك
إسراء :امين يارب، ايه ان شاء الله غنشدو الباك انا وصوفيا بنقطة حسن
مصطفى : ان شاء الله
صوفيا :مبروك عليك، غتمشي وتخلي علينا الخلا ولفناك
إسراء : راه باقي الحال باش تقولي هاد هدرة هههه
رحمة : يلاه زيدو عونوني نحطوالغداء
إسراء :وخا
مشاو عونوها فتوجاد الغداء وكان فعلا البنات عندهم عشية خاوية
وصلها إلياس ونزل هو ريتاج فتحات لهم خدامة
ليلى : اهلا إلياس لباس عليك، مبروك عليك اولدي
إلياس : الله يبارك فيك اخالتي
سمعتهم نور تمات نازلة لبسا بيجامة  وشعرها ديرالو شفنجة مهملة ولبسا كلاكيطة فرجليا
نور : ماما شكون جا
ريتاج شافتها نازلة مشات عندها كتجري : ختي امتا جيتي، وشافت فمها ونطقات مقلتليش اماما امتا جات
ليلى : انا براسي مكانش فخباري 
نور لمحات إلياس واقف تاشرلو عماد باش يدخل وتم داخل وهوما يدخلو صالون
نور : اهلا إلياس
إلياس : ختي نور لباس عليك
نور محملاتش كفاش قالها ختي بتاسمات بزز
ونطقات : حمدالله
نور  نطقات ببرودة: هي دبا نتا باغي تزوج
إلياس : ان شاء الله باغي نستاقر
نور : وانا
إلياس  بعدم فهم :مفهمت كفاش نتي
نور بدات كتبكي وتنطق صوتها منزوج بالبكاء  اما ختها ريتاج مفهما والو : انا مبنت ليك ماشي عند ديك برهوشة تزوج بيها ها انا حياتي كاملا وانا كنبغيك علاش درتي فيا هكا
عماد : نور اشهاد الحالة دايرا
نور : خليني ابابا خليني نقول لفقلبي راه كحرقني
إلياس : كفاش شواقع هنا واش انا قتلك بغيني راه انا شحال مرة كنكولك نور نتي بحال ختي 
نور : انا ماسوقيش  نتا ليا بوحدي معمرك غتشوف شيواحدة من غيري ومغنخليك تزوج باتشي واحد
غوتات ليلى مرضات هاد الحالة كفاش بنتها دل راسها : نور اشهاد الحالة دايرا، ديري عقلك اهشهاد دل لفيه نتي ياك كنقوليك نسايه نتي لدرتيها راسك
نور : ولا، معمري غنساه هو غيتزوج بيا انا
إلياس : مهم انا قلت لعندي كنتمنى تستحضري عقلك مبغيت نشوفك مرة اخرى دايرا هاد دل فراسك، خالتي يلاه بسلامة
عماد : جلس اولدي تغدا معنا، حنا انتفاهمو معاها
إلياس : لا مكاين لاش اعمي
ليلى : وخا لبغيت وسمح لينا بزااف
إلياس : دنيا هانيا على وجهك الخالة
مشا هو مشات كتجزي وراه نور تشد فيديك
نور : عفاك شوف فيا ولا مرة وحدة راه ندير اي حاجة بغيتها غار متزوجش بيها وتشوف بشيواحدة من غيري وش انا خايبة لهاد درجة نبوس ليك رجليك غامتزوجهاش
اما ليلى تندب فحناكها : اويلي اويلي طيحات ليا راسي لارض ونوضي  اشهاد دل نتي ماشي بنتي معنديش بنات لدلو ريوسهم
اما إلياس نوضها
إلياس : شوفي انور  راه هاد دل لفيك وهو لمخلانيش نشوف فيك. اذن راه داير على وجه الخالة اما غتشوفي؛شيحاجك مغتعجبك
نور: ولا إلياس
اما إلياس مشا وخلاها طايحة لارض تم
جات ليلى عندها هي وعماد  اما ريتاج بقات غكتشوف معرفت مدير كتحاول تستوعب
ليلى غوتات عليا : نور اشهاد الحالة نوضي دركي عليا وجهك  اويلي طيحتي بوجهي قدام ولد خاي وختي
عماد : نوضي تهزي غسلي ديك كمارة وكنتمنى منشوفمش كدوري معايا فدار ولا رجعي بلاصتك فين كنتي
نور : ياك اماما ياك ابابا نتوما محاسينش بيا حالتي معلمها غير الله وش عيب الا بغيت واحد
ليلى : العيب هو انك رخصتي راسك كثر من هكا وكما سمعتيه شقاليك  نوضي تهزي
مشات نور طلعات بيتها وسدات عليها وبدات كتبكي  وكتردد صوتو ملي قالها الا خلاني متشوف فيك هو الدل لفيك
اما تحت ريتاج واقفة كتشوف فيهم
عماد : ريتاج مالك واقفة تم
ريتاج : اه دبا ختي كتبغي إلياس ،
ليلى : دبا غتنساه مديريش فبالك ابنتي اجي
ريتاج : وخا اماما ولكن علاش دلات راسها هكا اكبر خطاأ درتو هو دلات راسها
عماد : ان شاء الله اكون خير، عرفناها دارت هاد خطاأ اش غندير حسبي الله ونعم الوكيل
ريتاج : كنتمنى تنساه
ليلى : ان شاء الله غتنساه