عشقك إدماني

Parte 75

من بعد مبدلات لباسها لبسات بيجامة عبارة عن تيشورت وسروال باللون زرق غامق وجمعات شعرها كوب الفوق وخلات شي زغيبات منسدلي على عينيها وتجهات عندو كوزينة رقاتو منغامس كطيبلها وبقات كتشوف شحال فيه ومبتاسمة وكتفكر ان الله عطاها نعمة بحال هاد راجل لكعاملها كملكة ممخصوصا من والو وتجهات عندو وجلسات فوق واحد كرسي وبقات ساهية فيه اما هو حس بيها ودار ورقاها غارقة فسهو فيه
إلياس : إسراء، إسراء
إسراء : أحم عيطيلي
إلياس : فاش ساهية
إسراء : هههه فين غنكون ساهية إلا مكنت ساهية فيك ولا لا
إلياس خلا داكشي من بين إيدو وتاجه عندها ونطق : حبيبة عمري شغنديرلك دبا هاا
إسراء : هههه مدير والو حط غاداك العشاء راه قتلني جوع
إلياس : زيدي وكان تعشاي راه طاب
ناضت معاه وجدو العشاء فوق طابلة وجلسو كياكلو إسراء كتبنن ونطقات : واه هتشي عندك بنين تا إمتا تعلمت تطيب
إلياس : هههه تعلمت ملي اعتزلت عن والديا
إسراء : هههه مزيان مزيان
إلياس طلع حاجبو ونطق : راه نتي لخاصك كتكوني كتقني طياب ولا لا
إسراء : راه كنعرف نطيب مالك نسيتي داك طاجين وداك فطور لقديتو ديك نهارات
إلياس : وراه خاصك اعمري تبقاي تقاديه كل يوم ماشي غنهار واحد
إسراء : واه صافي خليني نوكل توحل هالي
إلياس : كولي وكان معامن انا
من بعد بداو كياكلو وجمعو ماعيين متعونين عليهم ومشاو غرفتهم انعسو تخشات إسراء فبلاصتها وحداها إلياس معنقها عندو ونطقات
إسراء : إلياس
إلياس : نعام..
إسراء علات فيه عينيها ونطقات  : صراحة كنغير على أي واحد عندو عائلة بحالك انت وصوفيا وريتاج كلكم مشاء الله بعائلتكم اما انا ملي ماتو والديا مقطوعة من شجرة
ونفاجرات فالبكاء
إلياس عنقها عندو ونطق بصوت خافت : أشش براكا من بكاء غتنفخي عينيك
ومد يدو بقا كمسح ليها دموع لكانو هابطين من عينيها وقبلها فجبهتها ونطق بصوت مبحوح : شوفي اعمري معمرك مغاتكوني مقطوعة من شجرة وانا كاين شوفي شحال من الناس مزيانين دايرين بيك نسيتيهم ولكيبغوك لفتحو لك دارهم بحال صوفيا وعائلتها وعملوك كبنتهم
إسراء : انا منسيتهمش حيت صوفيا ختي قبل متكون صحبتي وخالتي رحمة وعمي مصطفى عمري نسا خيرهم انهم معمرهم عملوني بنقص انا فرحانة بيهم حيث لو مكانوش كنت دبا مليوحا فزنقة  ولكن حتا أنا بغا اكون عندي عائلتي بغا نطق انه عندي جدتي وجدي وعمي وخالي ونكون وسط عائلة
إلياس : الا بغيتيني نبحث عليهم من غدا نبحث عليهم غار تهناي ومتفكريش فأفكار سلبية شوف شنو ضاير بيك لزوين وخا
إسراء : اه ولكن مبغيت خليهم مختافيين كما جراو على والديا ومبغاوهمش وعلاش ايتقبلوني انا معندي مندير بيهم
إلياس : اش صافي احبي نساي مدريش راسك بتفكير كل حاجة وقتها الا مبغانيش نبحث عليهم ماشي مشكل
إسراء بتاسمات لو  وإلياس بقا كسرح شعرنا بيديه تاطاب نعاسهم
من بعد مجاو من مطار مشاو نيشان فيلا ديالهم وصلوا من بعد شهر ديال سفر ورجعو
دخلو داخل جاو خدامات هزو عليهم لفاليز ديالهم وداوه لغرفهم إقدولهم لباسهم  في بلاكارات جلسو فصالون تنطقات
ريتاج : يلاه صبحوا على خير اماما وبابا راه غنمشي نعس باش غدا نمشي عند صوفيا بقالها يومين باش ضرب العقد
ليلى : سيري ابنتي سيري
طلعات بيتها بلات لباسها لبسات بيجامة خفيفة ونعسات فنوم عميق
أصبحنا وأصبح الملك لله
جانهار جديد لفاقت ريتاج بكري مع ديك 7 غسلات وجهها وتوضات وصلاة صلاتها ولبسات عليها فميجة بيضا مع سروال دجين  بوي فراند من فوقها مونطو بالبيج مع سبرديلا بيضة وقدات شعرها كوب شوفال وهبطات تحت رقات سقيل فدار مجرد خدمات كوجدو فطور شافوها وجدولها شنو تفطر فطرات ونطقات للأحد خادمات : اه الا سولت ماما ولا بابا عليا قوليهم راه مشات عند صوفيا اوك
خادمة : وخا الالة
ولقات عليهم إبتسامة وخرجات ركبات مع شيفور يوصلها وجهة لعند دار صوفيا
اما عند صوفيا فسبات نوم فقط رحمة وجداتها وشي من عائلة كنوضو بكري مع فجر كصليو ومتلا كديهم نعاس
وصلات ريتاج عندهم ونزلات ودقات تافتحات لها رحمة
رحمة : اهلا اهلا ابنيتي ريتاج كدايرة بيخير
عنقاتها ريتاج ونطقات : بيخير حمدالله ، يكما نوضتكم من نعاس غار توحشت نشوف صوفيا
رحمة : دخلي ابنيتي دخلي اشمن نوضتينا حنا نضنا من فجر رانك عرفا تجضيرات وجي من هنا من هنا
ريتاج : ايه اخالتي الله يكون فالعون
دخلات معاها رقات جدات صوفيا سلمات عليها ريتاج وجلسو كهضرو ويتحدثو اما رحمة مشات البيت صوفيا تنوضها
رحمة : صوفيا صوفيا نوضي تهزي يلاه
صوفيا مزال خامرة فنعاس
رحمة حيدات عليها مانطة ونطقات : نوضي نوضي يلاه بركا من نعاس
صوفيا فاقت مخسرة عين سداها وعين فتحها ونطقات : واه اماما خلينا نعسو شغنديرو مع صبيحو
وتقلبات جهة لاخرة
رحمة : نوضي اصكعة نوضي
صوفيا : نعام هاني نايض اشواقع تاني نتوما انضتو خاص تنوضو دار كاملة
رحمة : ابلاتي عليك تكلمي راه جاتك صحبتك
صوفيا : سير قولي ديك صحبتي بلي انا منايضش الا بغاتني تجي عندي
رحمة : وخا ابلاتي عليك
وخرجات متحلفة عليها اما صوفيا غطات راسها بمانطة وكملات نعاسها
رحمة خرجات عندهم مع يلاه وجدو فطور 
رحمة : زيدي ابنتي تفطري زيدي
ريتاج : يلاه فطرت اخالتي شبعانة
جدة : زيدي ديري إيديم ولا نتقلق منك
ريتاج بتسمات لها : وخا اجدة هانا اندير إيدي
بدات كتفطر معاهم ونطقات : وش بقا صوفيا ناعسة
رحمة : ا شغانقوليك ابنتي. عييت منوضها والو رجعات تنعس
ريتاج : هههه اننشي نوضها
رحمة : سيري رانك عرفا بيتها
ومشات دخلات عندها ريتاج ونطقات : ياودي ياودي يالعروسة
وبدات كتفتح شرجم وصوفيا مخسرة وجهها ونطقات : واه اماما سدي داك شرجم متخلو حاد ينعس
مشات حداها ريتاج وحيدات لها مانطة ونطقات : ونوضي العروسة الخامرة نوضي
صوفيا ناضت وهي تشوفها مصدومة : اا ريتاج امتا جيتي
ريتاج : سيري غسلي وجهك وغنقولك امتا جيت
مشات صوفيا غسلات وجهها ومشطات شعرها وتوضات وصلاة صلاتها وجات البيت تسالمت معاها وتعانقو و بدات كتجمع البيت وريتاج كتعاونها وجلسو وهي تنطق صوفيا : ياختي لاش مبكرة عليا على صبيح
ريتاج : ياك هذي هي عندك توحشناك ومنعرفاش وعلاش متحضري وكذا
صوفيا : اوا شكتعاوذي
وبداو كتحدثو وكهدرو ويتعاودو
اما عند إسراء ناضت قامت بروتينها يومي ومشات كتوجد فطور وجات عندإلياس لباقي ناعس ونطقات : وإلياسو ونوض خلينا نفطرو نمشو عند صوفيا
مرد كاع عليها وبدات كتجبدو باش ينوض ناض مخسر ونطق : نعسي الله يرحم باك خلينا نعسو
إسراء : وإلياسو ونوض يلاه خلينا نفطرو باش نمشو عند صوفيا
إلياس : صوفيا مغتهربش زيد تنعسي وكان
إسراء : اوف غنجي ونرقاك ناعس غنخوي عليك الماء
إلياس : زيد تركني وتنعسي مصبحا عليا مع تمانية
إسراء : وخا وبعد مني متهضرش معايا
ومشات كتفطر وهو شاف لين عيا وناض نعاس طار من عينيه ودخل دوش وتوضى وصلاة صلاتو ومشا عندها رقاها كتفطر غاشافتو قلبات وجهها ديك جيها وجا حداها ونطق : اوه مراتي غزالة ولات حادكة وبدا كخربق فشعرها
إسراء : حيد عليا إيدك متهضرش معايا انت
إلياس :شنو مقلق حبيبة ديالي على صباح
وبدا كهز فمسمن وكيوكل ويشكر فطايبها اما إسراء كتمشي لين تبتاسم وكتجمع راسها وتخنزر
إلياس : مغتهضريش معايا
إسراء طلعات كتافها بطريقة طفولية وربعات إيديها ومكتشوف فيه
إلياس : وخا الالة وشوفي شكون يوصلك عندك صوفيا
إسراء : مامحزراكش غنمشي راسي
إلياس : تعتبي داك الباب رجليك نهرسهوملك اوك ازين
إسراء : سير بعد مني تفو كتعرف اتفرشيخ شي كلمة زوينة والو
إلياس : هههه سبحان الله امدام نكرتيني
إسراء : بعد لهيه غنمشي لبس لباسي والا مخليتيني غنتقلق بزااف اوك يلاه حيد
إلياس حيد من قدامها وكموت عليها بضحك ومشا هز تلفونو ودموندا على واحد براسلي فيه سميتها وبوكي ديال ورد وفيه انواع شكلاط  ومشات كجمع دوك ماعين حطهم فلاماشين
اما إسراء لبسات عليها سروال واسع سليم بكحل مع تريكو  بالبيج فيه كتابة  بالأسود مع سبرديلة كحلا وجمعات شعرها شفنجة الفوق وخلات شي زغيبات منسدلين على جبهتها ودرت فجنب ولبسات حلقات سامبل مع سلسلة ديالهم وكتفات فقط بليكخون ديال شمس  مع مرطب شفاه
اما هو من بعد موصلوه شد من عندهم ودارو وراه  إسراء من بعد مسمعات صونيت خرجات عندو وكتشوف بإستغراب ونطقات : شكون دق
إلياس : ههه والو لبستي
إسراء بدات كتقرب عندو ونطقات : شنو هتشب مخبي وراك
إلياس  هوما يوريهملها ونطق بصوت خافت : حبي تسمحيلي متقلقيش
اما إسراء اشافت شنو عندو ولاو عينيها كيبرو وجات عنقاتوا : واو شكلاط واو شنو هذا لهنايا
إلياس فرحان فرحتها حاجة بسيطة كتفرحها   فحتها وقدمها لها ونطق : تقبلي تسامحيني على غوات لغوت عليك وعلى كلشي لقلقتك فيه
عينيها بداو كلمعو ملي شافت كورميط فيها سميتها مزوقة ونطقات : واو شكرا بزااف على لكادو
وشد إيديها وركبلها كورميط وبقات كتشوفيه وإبتسامة مزينة ثغرها
إلياس : يلاه انمشي نبدل لباسي وباش نوصلك عند صوفيا ونمشي خدمتي
إسراء : وخا اعمري ههههه
إلياس : كون مامزروب كون كلتك على هاد كلمة لخرجا منك كيشهد
ضحكات لو إسراء وجلسات فصالون وكتشوف الورد كتشمو وهزات واحد باكية ديال شكلاط فتحاتو وبدات كتاكلو وكتبنن  وكتشوف فكورميطها لزين إيديها لمنقوش فيه إسمها اما إلياس مشا لبس عليه قميجة بيضاء مع سروال كحل وطاوي ليدين مع ساعة وسرح شعرو الفوق وشي زغيبات مهبطين على عينيه مع شعرو قوي ولبس سباط كحل وهز مونطوه فإيديه بالكحل ومز مونطو ديال إسراء فيديه باللون كحل نفسو وجا عندها ورقاها كتاكول وكتبنن
وشد مونطوها دارو على كتفها وخسات بيه ابتاسمات ونطق
إلياس : احم يلاه لاباغي تمشي  ولبسي مونطوك باش ميضربك البرد
إسراء : اه وخا دبا لبسو و انحط هذو فالبيت تنرجع وناكلهم
إلياس : يلاه راني كنحانيك
ومشات حطاتو فالبيت هزات واحد فاز دارت فيه الورد وخرجات عندو وهزات ساكها فيها مسائلها ورقاتو هز كونطاكط ديالو ومسائلو وخزجو ركبو فاللوطو وديمارا تيشان عند صوفيا تودعات معاه ومشات كدق تافتحاتلها رحمة  : اهلا إسراء دخلي
اما هو شاف دخلات سلمات براسو على رحمة وكسيرا نيشان خدمتو
إسراء دخلات وتسلمات معاهم ومشات لبيت صوفيا دخلات هي ترقا ريتاج ونطقات : واه ريتاج إمتا جيتي
ريتاج : ههههه إسراء صبحت عليها على صبيح
تعنقات معاها
ونطقات صوفيا : اديك صكعة نتي مزال حية
ريتاج شافت بإستغراب ونطقات : علاش شنو وقع
صوفيا : كون تشوفي ياختي شدالها ولد خالتك البارح ويلي انا قلت صافي ماتت الله يرحمها
إسراء : وبراكا متزيدي فيه اصوفيا علاش هو يسخا بيا
ريتاج : احياني اإسراء قولي شدني فضول
إسراء : اوا نقوليكم كيتعاويدة
صوفيا : وسربي انا مقبلة على زواج، خفت غيكون عمر بحال راجلك مسعور وعصبي
إسراء : بزااف عليك راجلي هذاك راه الحب اليوم عتاذر مني وعطاتي ورد وانواع شكلاط وشوفي هاد كورميط يلاه شدو
ريتاج : تفو دبا انا بايرة وتمو كتعياقو عليا
صوفيا : ويه شفتيها مثدات تتفكرني بشكلاط  وتقول صحباتي مساكن
ريتاج : نتي سكتي اصوفيا راه نتي غيغرقك كادوات اما انا بايرة
إسراء شافت فيهم ونطقات : صافي سكتوا  هنونا راه زواج مسؤولية كبيرة
صوفيا : مسؤولية كبيرة الله يجعلني نتيق
ريتاج : ويه شوفي مبرعة كادوات كتقولك مسؤولية كبيرة
صوفيا : نتي دوي كفاش خليتي داك راجلك اعتاذر بدل نتي متعذري لفيك مشكل انك خليتي تلفون فصيلونص زائد مسمعتي كلامو انك تجي مع 10 دار هاا
إسراء : صراحة دمعت ليه هو يقولي صافي احبيبة متبكيش وهو يعنقني وبقيت كنتفشش عليه
ريتاج : جرحتولي مشاعر سعداتك ههههه
إسراء : وسمعو وناض قاد ليا العشاء 
صوفيا : واه نتي كدرتيلها اصحبتي كفاش بكيتي وخليتيه هو يطيبلك عشاء فصباح جابلك مادوات كنت حاكراك صراحة
إسراء : شتي تحكري عود إيعميك