عشقك إدماني

Parte 80

وصلو عند دار صوفيا هبطات إسراء كاع متسناتو
اما هو شاف فيها  ومشا تابعها
دخلات دار رقات دنيا عامرة ببنادم
رحمة : اهلا اهلا إسراء فيناهو إلياس
إسراء : اه هاهو نيت
شافت موراه خلاتهم إتسالمو ودخلات رقات نيت صوفيا فايقة وجالسة فوق ناموسية وكتفرك فإيديهاا شادها توتر وجات عندها
إسراء : عينيا لا تصدق ذلك  نتي نتي فايقة
صوفيا : وسكتي الله يرحم باك شداني خلعة
إسراء وجلسات حداها : يلاه عرفتي باش كنت كنحس ديكساعا ونتي مطلعاها عليا
صوفيا : ويه تفو ، فيدينا اصحبتي رانك سبقتينا زواج
إسراء تفرشخات عليها بضحك
ودارت عندها صوفيا مخنزرة فيها : ماشي وقت ضحك هذا انا كنقولك عطينا نصائح حيث عندك تجربة ونتي كضحكي 
إسراء كتحاول تحبس ضحك ونطقات : والو غار بغيت نعرف فين مشاو نصائحك نتي زعما عرفا كثر مني
صوفيا : سيري تلاحي عصبتني متنفعي متضري
إسراء : صافي اصوفي  انا نعطيك نصائح
صوفيا : اوا كنتسنا يالاه
إسراء يلاه بغات تهضر تفتح الباب ودخلا ريتاج كالعجاجة جات نيشان جالسة حداهم وكترد النفس
شافو فيها بإستغراب ونطقات إسراء : انتي بسم الله عليك اخيتي
صوفيا شافت فيها : نتي مكاين لا سلام لا كلام جايا داخلا بعجاجتك
ريتاج : اوا كسحابلي مشيتو عليا لصالون
إسراء : ابسم الله عليك كاين شي كوافورة اتفتح مع 8 ديال صباح
ريتاج : اوا ختي منعرف، انا راه متحمسة كثر من هاد خيتي لجالسة حداك
إسراء : ويه ياختي انا قالي إلياس ملي صبحت عليه قالي وش ولداك صوفيا ونسياك
ريتاج : اميمتي صابلو مسكين  نتي كل نهار مصبحا عليه مخليتي السيد اشبع نعاس
اما صوفيا حاضرة معهم ولكن عقل غايب ساهية وكتفكر
تاسكتو البنات بداو كشوفوفيها ونطقات إسراء
إسراء : تاهاذي مالها غير طبيعية
ريتاج : منعرف نغزيها وكان
إسراء  بدات كتنغزها ونطقات بجهد عند وجهها : والعمالة نتي فين سهيتي
صوفيا دارت مخلوعة عندهم : اشواقع مالكم الثاني
ريتاج  : نتي وكان اشواقع
صوفيا :  اه والو غار كنت كنفكر وصافي مع ختكم يلاه جتها يقظة بلي غتزوج وغيتبعوها مسؤوليات تفرشخو عليها البنات بضحك شجا ميسكتهم نطقات
ريتاج : اوا على سلامة ملي رجعات اليقظة
إسراء شدا كرشها بسيف باش كتحاول تحبس من ضحك وكتمسح دموع بإيدها بسبب ضحك   : اميمتي اميمتي وانا كنقول مالك دمك بارد نتي قولي كنتي مغيبة
صوفيا : وصافي هنونا سكتو ، ودارت عند إسراء ونطقات : وديك زمرة فيدينا نتي بنصائح زعما رانك متزوجة
إسراء : ايه نفيدكم، وزمرة لاش شوية احترام
ريتاج : يلاه سربي كنتسناو ، حتا انا شي نهار انكون مقبلة على زواج شرحيلنا كلشي بتفصيل
صوفيا :  ويه ملي رجعتو من عرس كلشي متنساي والو
إسراء : خصوصية بنادم مغنقولش كلشي غار هو كل راجل وتعامل كفاش داير 
ريتاج : مفهمت كفاش
صوفيا : نتي شدخلك اريتاج هتشي كبير عليك
ريتاج : نتي سوقك راني قدك الحمارة
إسراء : هنونا خلوني الا بغيتوني نعطيكم نصائح
ريتاج : صافي ولكن ديك كل رجل وتعاملو كفاش
إسراء : دبا انا إلياس حنين ورمانسي ولكن عصبي شوية يعني تعامل ساهل نتوما منعرف معامن غتلقاو
ريتاج : حنين ختي معاك اما انا من نهار عقلت وهو عصبي بزااف كنت كنخاف منو
إسراء تفرشخات بضحك تاني : اويلي كنتي كتخافي منو انا كلمة فيا كلمة فيه
صوفيا : اجي نتي اديك حمقة راضيتي داك راجلك ولا مزال مقلق عليك
إسراء : لا انا لمقلقة منو هاد مرة
صوفيا : لاحولا ولا قوة الا بالله العلي العظيم اديك مسطية  نتي ديري عقلك
ريتاج : اوا حزرك ولا لا
إسراء : متفكرونيش كاع محزرني قالي براكا من فشوش خاوي
صوفيا : اميمتي جلسة معاكم نستني فتوتر
بقاو هاد الحال مجمعين تاضربات 9 ديال صباح
اما فصالون عندهم مزال جالس معاهم إلياس كجمعو وكشوف فالبيت ديال صوفيا ملي دخلات إسراء متلات خرجات اما عندهم
إسراء : يلاه البنات محسينا كاع بالوقت
ريتاج : يلاه وش جمعتو مسايلكم باش نمشو
صوفيا : انا جمعتهم
إسراء : يلاه زيدو
خرجو من عندهم مشاو علموا رحمة بلي يمشو لصالون
تنطق إلياس : تسناو نوصلكم
خرج وركبو معاه إسراء بالطبع قدام حدا إلياس وريتاج وصوفيا اللور
إسراء  بغا تفقصوا زعما : البنات دبا إلا درت مكياج مكثر غيجي مع ملامحي ياك
صوفيا وريتاج عاقو بيها ومكملين فهابلها ونطقات صوفيا : ويه غيجيك قوقة
ريتاج :  ويه اصحبتي غديريه غاتجي تيتيزة اي واحد اشوفك اتزعط فيك
اما إلياس تعصب على إثر كلام ديالهم وخصوصا ملي قالت ريتاج اي واحد شافها غيتزعط فيها  وحاول اتمالك نفسهم
إسراء : صافي البنات نتوما رانكم الحب ماشي بحال شيواحدين  غنديرو
على إثر كلامها ضرب فران تمشات اللوطو وجات بيهم ونطقات صوفيا : الحفيظ الله، هاهو مصعور ديال  راجلها ناض تاني
خنزر فيها من مراية ونطق بحدة : هبطو يلاه
إسراء : اويلي احاي انت كفاش نهبطو منيتك
إلياس نطق بالحدة : ماشي نتي جلسي تركني
فهموه البنات وكشوفو فيه تنطق بصوت :  هبطو يلاه تنقولكم طلعوا
هبطو البنات وسدو الباب بقاو كشوفو ونطقات
ريتاج :  اويلي هاعلاش قتلك اصوفيا كخلع
صوفيا : ويلي نهار عقدي ادابزو فيه، ديك صحبتي راس طارو خلاتنا مامشيين ممقاادين حالتنا 
اما عند اللوطو وضار خنزر ونطق : عاودي شنو بغا ديري
إسراء خلعها ولكن دافعا جبهة : هاء غنكثر مكياج
إلياس هو يضرب ايدو بجهد ونطق : والله يامك وتكثري داك مكياج غتشوفي وجهي اخور مزال حاد الآن معك زوين
إسراء : ماشي سوقك فيا ندير لبغيت اواه منفرحوش براسنا بناقص
وهو يشدها إلياس من فكها بجهد تاقصحها وهي كتحاول تحيد ايدو وهو ينطق : اسمعي ابنت الناس تقي شري وداك فشوس الخاوي والعكس معندي مندير بيه
ملي شاف دمعتها هبطات خصوصا قصحها  وهو يطلق منها كستغفر الله  مكانش ناوي على ذلك هي لعصباتو عدوه شيواحد اتعكس معاه
ودارت جهة شرجم وكتمسح فدموعها
ونطق : غتكثري داك العجب اتكون معايا هضرة اخرى سمعتي
إسراء مبغاتش تشوف فيه ومزال اثار صباعو فذقنها
إلياس بدا كمسح على راسو بعصبية وشاف فيها ونطق  بهدوء كحاول ابرد على راسو خصوصا ملي سمع ريتاج قالت غيتزعطو فيك محملش بلان مباغي تاشوفة بنادم ضيع عليها : صافي اعمري راه عصبتيني نتي عرفاني كنموت في حسك شغندير خصوصا ملي شتك بغا ثكثريه واشوفو فيك انا مباغي تاشوفة بنادم فيك سمعتي
إسراء كتسمع لو كتمشي لين تبتاسم وتمالك نفسها ودير راسها مقلقة وهو يكمل كلامو : نتي راه ديالي كون رقيت كيف نغبرك وميشوفك تواحد من غيري كون درتها
إسراء تصدمات من كلامو واسئلة بزااف كضورو  فراسها  تاهذا كفاش كبغيها لهاد درجة
وهو يكمل كلامو : انا راه كنبغيك كنغير من اي واحد اشوف فيك او يدمح جمالك انا لعندي حق
إسراء فرحانة من داخل كتحاول متبتاسمش
اما البنات اكشوفو عياو من وقيف
صوفيا : وبغيت لكم عذاب سيرو تال عشكم وتفاهمو
ريتاج : اميمتي شوفي جهة شرجم  راه هي ديك صحبتنا العوجة كتبان مقلقة، عزة النفس زعما ونتوما غطلقونا خلونا نمشوا
صوفيا : ياربي صبرني كون اسحابلي اوقع هكا والله منتعبهم
ريتاج : ويه ياربي صبرنا معاهم
اما فاللوطو باقي إلياس كبرر رد فعل ديالو لدار معاها
إسراء عيات متخبي في ابتسامة وبتاسمات ونطق إلياس : صافي اعمري ممقلقاش مني
إسراء نطقات : لا مبقيتش مقلقة
إلياس وهو يقربها عندو وقبلها فجبهتها
وهي تنطق إسراء من بعد مبعدات  : وصافي حتا انا راه كنت كنضحك بغا نفقصك وصافي مكسحابلي غتعصب لهاد درجة
إلياس : اوا زين ديالي دبا مصالحين
إسراء : اه مصالحين
إلياس : وعلياش تفقنا
إسراء : هههه تفقنا منكثرش مكياج
إلياس : انا مكرهت ناكلك دبا
إسراء :  هههه البنات خليناهم كتسناو
إلياس : هذوك ابلاتي عليهم حسابي معاهم
إسراء : اويلي شدارو ههههه
إلياس : جالسين كعمرو عقل حبيبتي باش نتعصب عليها
إسراء : هههه راه غار عونوني ملي قاتلهم انني مقلقة منك
إلياس كمسح على اللحيتو ونطق : لاحولا ولا قوة الا بالله العلي العظيم
وهو يشير من شرجم البنات باش يطلعوا
صوفيا : حمدالله جاء الفرج
ريتاج : اويلي رجليا ماتو
طلعو البنات وكشوفو فيهم وديمارا إلياس وهو  ضاحك ومطلعها علي إسراء
تنقزات صوفيا : صافي نتوما تصالحتو وخليتونا حنايا برا واقفين وماتو علينا رجلينا والله مكتساواو
وريتاج كتنغزها باش تسكت
دارت عندها صوفيا ونطقات نتي براكا متنغزي فيا باش نسكت خليني  نهضر ونفش غليلي وهاء نتي ديك الحمقة مبالك دابزي مع هاذ راجلك تنهار عقدي محشمتوش
إلياس : صافي كملتي وتركني مزال معاكم نتوما  جوج الحساب باش تنصحو فمرتي دير عكس معايا ها
ريتاج :والله اخويا لابغينا نعاونوها حيث قالت مقلقة منك هي سباب
صوفيا : ويه انسيبنا راه اديك هبيلة ديال صحبتنا اتخرج علينا من اليوم متليت نديها فيها
إسراء وكتسمع لهم وكتموت بضحك وإلياس صافي هربلهم معاهم  : ياك اصحابات رديتو تهمة فيا وخا
تمو ماشيين متناكرين بيناتهم هبطو البنات عاد هبطات إسراء من بعد موصاها  وهي  دايرا تحية عسكر ونطقات : حاضر
إلياس : وخلي تلفونك مشعول ياويلك ونصوني ومتجاوبي نهارك ميطلع فيه شمس
إسراء : حاضر، إلياس جابتلو ضحك بهاد حاضر ديالها ونطقات : إلا كملتي خليني نمشي
إلياس : سيري وكان الله يعطيك العقل
إسراء دارت عندو ونطقات : عقل خليتوا ليك اسي الكوميسر
ومن بعد مشافها دخلات صالون ومشا هو مكسيري عند صاحبو عمر إشوف فين وصلو