عشقك إدماني

Parte 82

من بعد خرج عدول من عندهم اما هوما بقاو عائلة كباركولهم تنطقات رحمة
رحمة : إسراء ابنتي نتي وريتاج جيبو صينية ليفيها خواتم
إسراء : وخا
مشات هي وريتاج هزو صينيا لكان واحد فيه خواتم وتاني فيه كيسان ديال حليب وتمر حطاتهم فوق طابلة
تنطقات رقية : يلاه عرسان وقفوا
وقفات صوفيا و عمر مقابلين مع بعضياتهم وعمر همس لصوفيا : ادوي شنو درتي فيها خليتيني معشوق ليك
صوفيا هبطات عينيها حشمانة من كلامو اما هو بتاسم على حشمة لولات فيها حتا  
هز عمر خاتم وركبو ليها وكذلك نفس شيئ صوفيا حتاهيا هزات خاتم وركباتو ليه عاد عطاها تشرب حليب وشرباتو حتا هي من كأس لحليب وهوما مبتاسمين لبعضيتهم فقط نظراتهم لكتوجي على مدى اعجاب لبعضياتهم عاد تقد و عطاها تمره كلاتها من إيديه و ابتسامة مزينة ثغرها وعادعطاتو تمرة كلاها من عندها ومزال كتبادلو نظرات اما إسراء حداها ريتاج تنطقات
ريتاج : واو حبيت
إسراء : جاو مشاء الله مواتيين لبعضياتهم
ريتاج : اه بصح مكرهت نرقا حتا انا حب حياتي ونجرب هاد احساس
إسراء ربتات فوق كتفها : غتلقايه ان شاء الله
ريتاج : ههه ان شاء الله
تاجاء إلياس حدا إسراء وريتاج مشات حدا ليلى جلسات حداهم
تنطق إلياس : زين ديالي نمشو
إسراء : اويلي اإلياس باقي الحال فين غنمشو بسالامة
إلياس معنقها   وهي كتبعد ايدو جاتها حشومة اعنقها وسط عائلة ونطقات : وحيد ايديك
إلياس : هنينا، واحد شوية، مهم شويا وغنمشو صافي
إسراء خنزرات فيه ونطقات : تاكيفاش واحد شويا غنمشو ، راه باقي بغا نبقا مع صوفيا
إلياس : رانك مرضتيني بهاد صوفيا نتي ديما معاها ومزال بغا تبقاي معاها فين بغا تبقاي يكما بغا تمشي معاها
إسراء : واه ومتزيدش فيه راه غير باقي قالو غنشطو وصافي فهمتي وبغا نبقى اخليني تانرجع
إلياس : مفهمت انا 5 ايام كاملة ونتي من صباح تال الليل مع صوفيا نسيتي وش عندك راجل كتعرفيني أإلا بغيتي تصبحي عليا
إسراء : ونكرتيني اسي مهم انا مغنمشي تالليل شغندير انا فدار الا مشيت
إلياس مسح على وجهو ونطق : كاين بزااف ميدار وزائد غتجمعي حوايجك غدا راجعين رباط
إسراء نطقات وكتشوف فيه بنظرة حزن  : اويلي بهاد سرعة غنرجعوا
إلياس : يكما مبغاش تقراي
إسراء : منيتك غنقرا ملي دمرت فالباك هكاك باش منقراش
إلياس : اوا منعرف، راه خاصنا نمشو غدا بكري باش تسجلي وعاد تبداي تقراي
إسراء : واإلياسو خلينا نبقاو معاهم تالليل واصلا حوايجي مجموعين
إلياس : تانفكر
إسراء : اويلي هتشي احتاج تفكير قول اه ولا لا
إلياس : لا، مصالحاش ليا 
إسراء  كتشوف فيه بنظرات تأسف : وحشومة عليك
إلياس : محشوماش عليك نتي
إسراء : مالي شنو درت
إلياس : 5 ايام مخليني محروم منك الناس كجو من خدمة كرقاو زوجاتهم فدار مطيبين لهم وانا كنجي خاصني نخرج نمشي عند دار صوفيا وزائد تلفون مكتجاوبش عليه اذن تحملي عواقبك،
إسراء كتسرط فريقها وكدير فيه نظرة برائة عرفا راسها مقفراها معاه ونطقات : وراه كنت كنعاونها وياك انت كتديني بنفسك عندها
إلياس : مهم نتي غتخلصي هتشي واحدة بواحدة
غار كمل هضرتو هز تلفون اشوف شنو فيه 
إسراء شافت فيه وشافت عند  ريتاج لجالسة حدا صوفيا وكجمعو وعمر ساخط باغي انفارد بيها جات ريتاج محرمة عليه وهي تهرب من حدا إلياس مشات جلسات حدا ريتاج وإلياس غدار باش اكمل هدرتو معاها رقاها طارت بقا مقلب فعينيه تقشعها حدا ريتاج وجلس كتحلف عليها بعينيه وهي دايرا لو ابتسامة صفراء
ريتاج نطقات كتكلم مع إسراء : نتي مالك جالسة حدانا هنا راه هو راجلك سيري جلسي حداه
إسراء : نتي سوقك
ريتاج متلات زادت معاها كلمة ونطقات
صوفيا : هههه  باينا محلف عليك داك نسيبنا مشيتي فيها اإسراء عرفتي شحال من حاجة درتيها كتعصبوا وهو ساكت ليك
إسراء : سكتي الله يرحم باك
تنطق عمر  موجه كلامو ليهم بيهم عيقو بزااف ممخلينوا تايهدر مع صوفيا على خاطرو : الخوت سيرو بعدو من حدا مرتي راه باغي نهدر معاها
صوفيا ضربات إيد عمر : اهيا كون تحشم هذو راه صحاباتي
عمر شاف فيهم : راه وقيلا هدرت خلوني نفارد بيها مالكم دايرين ماللصقة 
إسراء : زيدي اريتاج نحن ممحلنا من اعراب
جرات ريتاج من إيديها ونطقات : انا لختي مامحلي من اعراب
تمشاو. جلسو حدا ليلي تعمدات إسراء متجلس حداه باش لايصدق ابدا  تاني عليها بالهدرة عارفا بلي متحلف فيها
اما إلياس حاضيهم ميت عليهم بضحك
من بعد ناض عمر وعائلتو وصوفيا باش يتوادعو من عائلة عروسة واخيرا غادي تخلي دار والديها وتمشي لدار راجلها  بداو. كتعانقو ورحمة كتبكي مقادا على فراقها
رحمة كتعنق صوفيا وكتنطق : الله ابنيتي غتمشي وتخلي دار خاوية عليا
صوفيا كتمسح لها عينيها من دموع وكتحاول تحبس راسها متبكي : متبكيش اماما راه غنجي وغتجيني
أما إسراء كتشوف من بعيد  تدمعات عينيها وكتفكر كون بقات ماماها وباها حايين كتحاول تطرد افكار وتصبر راسها بلي قضاء وقدر الله ونطقات بينها وبين نفسها : علاش خليتوني ومشيتو علاش الله يرحمكم يارب ويجعل مثواكم الجنة
وتشافت فيها رحمة وبتسمات لها إسراء ابتسامة كتخفي حزنها انها ذكرات مها ماشي وقت انهيار وإلياس معنقها عندو ونطق وكمسح لها دموعها
إلياس : علاش كتبكي الزين ديالي
إسراء : اه والو غتأترت
إلياس كحاول اعرف مالها عيا ميسولها بدون نتيجة
تنطقات رحمة من موراها وهي حاسة بلي تفكرات مها : اجي عندي ابنتي اجي
حيدات من حداه ومشات عندها وعنقاتها ونفاجرات إسراء بالبكاء ورحمة كذلك اللحظة مؤثرة خلات كلشي متأثر كفاش ام لماشي مها كتعاملها بحال بنتها قلال فهاد وقت وصوفيا حتاهيا كتبكي معاهم وريتاج كتمسح فدموعها ومتأثرة
وإلياس وعمر حاضيين وكشوفو وإلياس محملهاش تبكي مفهم مالها كتبكي هكاك وعمر مذلك مقول بحالا نزوجينها بزز
ولكن البنت كتبكي حيث غتخلي دار والديها لكبرات فيها وتربات وتعلمات شحال من حاجة فيعا بواسطة عائلتها ولكن كما كنعرفو زواج قسمة ونصيب ومكتاب
صوفيا كتشوف فيهم وكتبكي
تفتحات رحمة عناق وقاتلها تجي عندها ونظمو فعناق تلاتي
رحمة : الله ابنياتي غتمشو وتخلو دار خاليا مكاين لونسني
نطق مصطفى : اهديك الله ارحمة راه بناتك خاصك تكوني فرحانة لهم كبرو وتزوجوا ورقاو ليبغيهم
رحمة بعدات شويا كتمسح فدموعها : سمحولي خليتكم تبكوا معايا غار غادي نتوحشكم مقدا على فرقكم
إسراء كتمسح فدموعها :  حتا انا غنتوحشكم بزااف
ومصطفى عنق صوفيا وإسراء
تمشاو بنات اغسلو وجههم من مكياج حيث تجلخ بسباب البكاء وخصوصا البينو ومساكارا هبطو مع دموع
من بعد مجاو من حمام بقاو معاهم شوية 
تاخرجات صوفيا مع عمر مودعينهم باش يمشو حيث غيشدوا طريق نيشان لرباط وصوفيا مسخياش حيث غينشطو وكطلب بعينيها لعمر ولكن عمر زربان
صوفيا : خلينا عفاك شوية عاد نمشو
عمر : زيدي يلاه
صوفيا هبطات راسها بحزن ومشات معاه 
كذلك عائلة عمر  مشاو كلها فين قصد وجهك دارو 
وبقا تما غار إلياس وإسراء ومعاهم ريتاج وليلى ومصطفى اما عماد مجاش بيه عندو خدمة مزيرة  
تنطق إلياس : اوا سيادنا خليناكم على خير
إسراء كتشوف فيه وكطلبوا بعينيها تنطقات بهمس لإلياس : عفاك خليني اشويا غنشطو ونمشوا
إلياس : فين غتبقاي راه صحبتك لمنوضا عليها حيحة مشات
إسراء : عفاك غار نكملو نشاط نعيط ليك
إلياس : اوك ساعة غنجي وراك
إسراء : اويلي ساعة قليلة بزااف قول بعد ساعتين
إلياس شاف فيها نظرة ديال منيتك  ونطق :  زيدي قدامي يلاه متليت غنخليك زوينة هاذي قالك ساعتين
إسراء بتاسمات لو ببلاهة ونطقات : صافي صافي مورا ساعة اجي
من بعد خرجو رجالا وبقاو العيالات حماو بنادر وبداو كغنو شعبي وعطالله شطيح اما إسراء وريتاج ملي بداو هوما عاطينها شطيح تسمعات تلفون كصوني رقاتو نيت إلياس حيث دازت ساعة
إلياس : ألو ها انا قدام باب خرجي
إسراء : وخا بلاتي نودعهم ونخرج عندك
تجات داخلا وهي تنطق ريتاج : صافي غتنشي حتا انتي
إسراء : اه غدا شاديين طريق
ريتاج : حتا انا غدا غنمشي رباط
إسراء : غيخلوم والديك تبفاي بوحدك
ريتاج : لا راه ماشيين فيلا لعتدنا غرباط  نيت بابا غيخدم على واحد مشروع فرباط
إسراء : اوا حمدالله تنتلقاو فجامعة شنو غديري بعدا
ريتاج : غندير ادارة اعمال
إسراء : اه مزيان نفس داكشي لغندير انا نيت من ديما كانت كتعجبني هاد شعبة
ريتاج : ااه مزيان نقراو فقسم واحد وصوفيا شنو غدير معندكش فكرة
إسراء : صراحة يمكن بحالنا معرفت
ريتاج سلمات عليها وتطقات : يلاه بسلامة اختي تنتلقاو تم ان شاء الله
إسراء سلمات عليهم ودعاتهم وتنات خرجا عندو رقاتو كتسناها فاللوطو وركبات حداه قدات سمطة