عشقك إدماني

Parte 44

صوفيا : اقوليلي اديك عفريتة  كفاش عتقك إلياس
إسراء : راه غير جا عتقني كيما كديرو الناس
صوفيا : اه. نفراسك اإسراء كن تشوفي كفاش تخلع عليك، وناري يكما اكون طاح فيك
شافت فيها إسراء نظرة حادة
إسراء : وش منيتك عرفا شكاتقولي، راه عتقني كيما الناس كدير علاه نتي مكنتي مخلوعة عليا
صوفيا : واه راه كنت مخلوعة عليك
إسراء :اوا شتي انا عرفا راسي الحب
صوفيا ضربتها بيدها راسها بشوية ونطقات
صوفيا : اوا شغانقوليك الله يعطيك العقل
من بعد فرشو بنات بلايصهم ومشاو سبات النوم
اما عند إلياس فور مرجع دارو دوش ولبس عليه شورط في كحل ونص كوم في بيض وتكا في بلاصتو
بدا كحس بيدو لكان شاد بيها إسراء وكفكر تاقطع تفكيرو الام ديالو لكتصونيلو وجوبها
إيمان: الو ولدي لباس عليك
إلياس : بيخير الواليدة نتي لباس عليك وكداير الواليد وختي لباس عليهم
إيمان: لباس عليهم اولدي غير بغيت نعلمك بلي غدا غنجو المغزب باش ندوزو الصيف
إلياس : ياك قلتيلي غدوزو فالعطلة فلندن
إيمان : غير غادي ندوزو شي ايامات فالمغرب حيت توحشتك اولدي
إلياس : حتا انا الواليدة توحشتك شمن مدينة غدوزو فيها عطلة
إيمان : غندوزوها فمراكش
إلياس : اه هكاك اوا طريق سلامة سمحيلي الواليدة منقدر نجي ندوز معاكم شي ايامات حيت عندي خدمة كثيرة
إيمان : اوا ولدي غاحاول مهم انا غنجلس عند خالتك شي يومين هكاك عاد غنمشو مراكش
إلياس : اه مزيان صافي انجي غدا مطار عندكم رافقكم
إيمان : وخا اوليدي يلاه صبح على  الخير
إلياس :يلاه بسلامة
من بعد قطع وهو يستسلم نوم ديالو