عشقك إدماني

parte 144

حط بيسيه فوق طابلة وربع إيديه كشوف شغاتقول ونطقات : فيناهو كوفتير ديالي
عمبالو غتعتاذر تاصدماتو ونطق : ياك كلتيه فصباح
إسراء حطات إيديها شادة جنابها ونطقات : وانت غتحاسبني وش كليتو ولا صافي نوض اصاحبي جيبلي داك كوفتير لمشهيا اواه تاماكلة منا .....
تفلتات شهقة منها قاطعها على حديثها فور ما سحبها من إيديها لعندو تجات جالسة فوق رجليه وهو كمرر إيدو على بطنها وهي في حالة صدمة كتحاول تستوعب شنو لدار دبا وهو ينطق : مال عمري هاز خنافرو سما هاا هي ولدي مشهي كوفتير ولا نتي لمشهياه
إسراء عقدات حواجبها ونطقات وهي كتحاول تنوض  فوق من رجليه ولكن هو إيدو لاخرة حاكماها من خصرها ومتبتها  عندو : تاحيد عليا انا ماعمر حد، حيد عليا إيدك بعد مني متنساش انني مخاصمة معك يلاه حيد
إلياس بتاسم وعنكش شعرها : بريهيشة ديالي مالك مقلقة هاا مغتشوفيش فراجلك وحبيبك والو زعما وايلي نتي مخاصمة معايا
إسراء زمات شفايفها كتحاول تمنع غضبها ولكن متنكرش من داخلها انه عجبها الحال ولكن بغا ترجع دقتها ونطقات مغوتة : وحيد عليا إيدك خليني ملي كنتي انت كتغوت عليا ومتجاهلني ومباغيش تسمعني يلاه دبا بنت ليك انا سيري بعد مني وخليني عليك
إلياس نطق بنبرة حنينة : عمري نتي لدرتي علاش باش خليتيني نغوت عليك من ديما كنحظرك فوتيها عليك وتاهي تفوتك ولكن نتي مسمعتيش كلامي
يلاه نطقات : ولكن ......
نطق : اشش خليني نكمل
بقات مطلعا فيه عينيها كتسنى شغايقول : انا راه ختي صغيرة هديك ونتي مراتي رخفو عليا ماحييتي لختي ماحييتي لمراتي ديرو عقلكم خلو عليكم صداع
إسراء تنهدات ونطقات : راه ختك لكتعدا راه هي لكتبقا تعايرني وانا بغيتي نبقى سكتة ليها  واش منيتك والله لكانت ليا
إلياس تقدم قبلها فجبهتها وحط جبهتو على جبهتها ونطق وهو عينو كتفحصوها وكناضروها بحنية خلاوها تبقى غاتسرط فريقها خصوصا عينيه كحمقوها ونطق بالهمس : عمري لما غبعدي على صداع ديك ختي راه  غنتفاهم معاها صافي
اما فيناهيا إسراء حالا فمها فيه وعينيها مهبطوش على عينيه وهي تنطق بصوت خافت قدر اسمعوا : واو عينيك كحمقو
بتاسم وهو باقي نفس مسافة غير ملغية بيناتهم ونطق : حبيبتي هي سمحتيلي
فاقت من سهوتها بعدات عليه بزربة كانت غطيح كن مشدها ورجعها متكيها فوق صدرو وهي بقا جالسة فوق رجليه وهو كدوز ايدو على شعرها ونطق : مالك اعمري
إسراء نطقات بنبرة منزعجة وهي كتحاول تفك منو : إلياس عفاك بعد مني انا راه ممسامحاكش
إلياس فكها وعلات عينيها فيه وهي كتشوف فيه حاقدة على وضع وهو لنطق : علاش
إسراء نطقات بنبرة منزعجة: ملي كنت كنبكي وكنقولك ومكتسمعليش وزيد تاني هنتيني
إلياس : فاش هنتك ابنت الناس
إسراء نطقات بهدوء وابتسامة ساخرة على ثغرها : فاش ها ههههه و جمعات ابتسامة وعيونها مخنزرين وكملات كلامها بنبرة مغوتة : ملي كنتي كتهيني قدامهم وكتقولي عتاذري ومخليت فيا غير لنسيت هاا بغيتيني نسامحك منيتك وناضت معصبة طالعا مع دروج وهو بقا غاكشوف بهدوء نوعا ما شدو تأنيب ضمير وبدا كراجع تصرفاتو لدار معاها وكشوف وش بصح هو لغالط فحقها نيت وناض جمع الوقفة وخرج مشا يجيبلها شنو بغات
و خادمات بداو كوجدو الغداء وغكشوفو تنطقات احد خادمة وهي كتوجد طابلة : ناري شفتو البنات لي شفت كفاش غوتات عليه هو مقالها والو
خادمة 2 : هههه اوا هاديك لالة مولاتي اما حنا بهلات جوج كلمات من راجل نذوبو كزبدة
خادمة : ولاهلا انا بغيت نعرف غاكفاش كتاسبات هاد القوة ان غير ديك تخنزيرة ديال سي إلياس كتخليني باغا نموت بالخلعة
اما عندها هي لي فور ما طلعات البيت وهي تسد الباب بجهد و حاقدة على وضع الاعدى حدود وكتمشي وتجي وكتنهد تنهيدة مورا لاخرة قصدا باش تنفس على غضبها وتشاير بيديها وتهدر مع نفسها : مزيان تبارك الله اهيني واشبع فيا سبان و  بغاني نسامحو هاا المرض كداير
وجلسات فوق نموسية كتسوط
وناضت بغات تمشي تهبط خرجات من بيت وهي تصادفو جاي ومحمل معاه ساشيات فيهم سقاطة وداكشي لكتبغي وميقات فيه ومشات متجهلاه تاكتحس بيدو حكمتها من معصمها وجرها عندو وهو كشوف فعينيها ونطقات معصبة : طلق مني اإلياس خليني نهبط طلق يلاه راه باغا نمشي نتغدا
بتاسم ونطق : الله اودي نهبطو انا وحبيبة ديالي ونتغداو
خنزرات فيه ونطقات منزاعجة: متليتش هابطة اسيدي غاهبط انت طلق مني وبعد مني عطيني تساع
تم متجاهل كلامها وجارها معاه جهة البيت تحط ساشيات فوق لافوطوي وهي كتحاول تبعد ايدو من إيدها لحاكمها نيت تا تم مديها وهي تابعاه توقفها عند مراية لكانت فجنب وطويلة وقف وراها محاوط خصرها من إيديه ووجهو عند عنقها وهو يهمس : مال حبيبة ديالي مقلقة تال امتا غتبقاي هكا معايا  ها
اما هي لحسات بتبوريشة تملكتها خصوصا داك الهمس لهمسلها حدا وذنيها طلعات معاها سخونية وهو ملاحظ تفاصيلاها بتاسم ابتسامة عريضة وهو يبعد منها وجا وقف قدامها وحاوط وجهها بين إيديها وعينيه حاضيين تفاصيل وجهها وملامحها  وبالأخص عينيها لكتهربهم   نطق بنبرة حنينة : تال امتا غنبقاو هكا اعمري تال امتا غتبقاي متجاهلاني
بقا كشوف كتسنى جوابها
تحطات إيدها على ايديه لمحاوطين وجهها وبعداتهم ونطقات : شوف عفاك خليني عليك
إلياس جمع ايديه عندو وهو كتمعن فيها اما هي لمضاربة باش متسامحوش بسرعة ونطق : جاوبيني علاش مبغاش تسامحيني ياك عتذرنا منك مفروض نتي لتعتاذري ماشي  مشكل قلنا مافيها باس لكن باش تبداي تفرعني عليا  داك تفرعين  مابقا عندي ماندير بيه مخدامش امدام
هي لي عينيها طلعاتهم فيه وكتشوف فيه بدون توثر ولا خوف ومخنزرة فيه  ونطقات بحدة وهي مغددة يلاه كانت غترطاب لو ولكن خلال هاد كلام لنطق خلاها متسماحوش : مضربك حاد على ايدك باش تجي تعتاذر وفوت عليا ساحتي
خرجات معصبة من بيت هبطات تحت وجلسات كتاكول بدون خطر
مسح على شعرو وتبعها هابط ترقاها جالسة غار معصبة غابوحدها وهو يشوف فيها وهز سوارتو وخرج بدون مايودعها اما هي غصة وحلات لها فالحلق وكابحة البكية دارت بناقص من داك الغداء وطلعات بيتها تنعس وتنسى شوية الالم والحزن
عند إلياس فور ماخرج من فيلا ربط اتصالو باحد مساعدين ولنطق : كلشي اكون موجود
_ : كون هاني اسيدي كما طلبتي منا راه موجود خاص غاشي لمسات فقط
قطع عليه وهو ينطق : دبا نشوفو احبي وش بقا اتبقاي هازا من جيهتي
داز الوقت تكيفيقها صوت دقان فالبيت ناضت عݣزانة وهي كتحك فعينيها بسبب  اتر النعاس تفتحات الباب البيت وشفت قدامها خادمة لهزا فإيدها صندوق كبير بالبيض ونطقات : شناهو هدشي
خادمة: لالة طلب منك سي إلياس انه تلبسي هذا ومداتولها
وشداتها إسراء مستغربة واكتشوف تهبطات خادمة من عندها  وبقات هي واقفة شادة فإيدها داك صندوق دخلات البيت وحطاتوا فوق نموسية   وهي كتمسد على عنقها بعياء وكتشوف بشرود وعاقدة حواجبها ومن أثار نعاس تكتسمع تيلي كصوني رقاتو إلياس تجوباتو يلاه بغات تنطق تنطق : عمر ديالي ديك لبسة لبسيها من احسن منرقا تقطرة مكياج على وجهك مع 8 كوني موجود  يلاه خليتك وقطع عليها وخلاها هي كتشوف ونطقات : تامال هذا تسطا وشافت ساعة رقاتها ستة ونص : اويلي 8 قالك نكون موجودة
ناضت كتجري لدوش دوش ماشي هادي لكانت مضاربة معاه ومحملاه  فوتات نص ساعة تخرجات وهي ملوية عليها فوطة وفوطة على شعرها  وريحتها منعشة كضرب فالبيت وتاجهات جلسات حدا داك صندوق وفتحاتو وهي تهز فإيديها كسوة لكانت راقية وفي نفس وقت بسيط من ناحية العقيق لمنبت فيه من جهة ليدين بطريق عصرية باللون اسود نظرا لحبها هاذا اللون وهي كتمعن في تصميم ذلك فستان خصيصا لها وعينيها كلمعو وكتشوفو كفاش طويل كما كتبغي هي  ونطقات فرحانة  : واو حبيتو اوه اراجلي العزيز مكيسحابليش بلي عندك دوق ناري حبيتو وبدات كدور فيه كالهبيلة وعاضة على شفايفها بالفرحة عامرة توصلاتها رسالة من عندو : كجاك اعمري فستان
خلاتلو vuونطقات : خلي تنعبر عليك بكلماتي
ومشات تجهات دريسينغ ختارت دوبياس فالكحل ولبسات داك فستان وهي ترجع لصندوق رقات صندالة بلا بالكحل كذلك ومنبتيه فيهم العقيق بطريقة زوينة وهزات ساك عاد مشات بدات كتنشف شعرها وبدات كتبوكليه وهي فرحانة  براسها وهزات الاكسسورات لبساتهم وبدات كدور في ذاك البيت تدخل عندها وكشوف فيها مصدوم كفاش داك فستان تلبس عليها فقط زينها بطريقة جذابة مع علم فستان مكيبانو منو تا مفاتينها ونطق هو هايم فيها كجات روعة  عليها وهي كتشوف فيه وشادها توتر وكتفرك في  إيديها بتوتر