عشقك إدماني

Parte 73

اصبحنا واصبح الملك لله
ناضت إسراء بكري مشات قضات حاجتها وتوضات وصلاة صلاتها ومشات كوزينة رقات رحمة كتقاد فطور  دخلات عندها
إسراء : صباح الخير اخالتي
رحمة : صباح ابنيتي فقتي
إسراء : اه ، اري نعاونك
رحمة : سيري رتاحيلك ابنيتي منعذبوكش نتي عاد عروسة جديدة
إسراء : واري نهز عليك مكاين لا عذاب لا والو  ياك انا بنتكم
رحمة : بنتنا غير مبغيتك تشقي راسك
هزات عنها إسراء الفطور وداتو صالون حطاتو فوق طبلة رقات جدة صوفيا يلاه فاقت سلمات عليها
إسراء : جدة كصبحتي بيخير
جدة : حمدالله ، ابنيتي رتاحيتي من سفر شويا
إسراء : ايه حمدالله اجدة رتاحيت
وخلاتها مشات دخلات عند صوفيا لبقا ناعسة وهزات تلفونها رقات ديجا كان مصوني لها إلياس
صونات لو تسمعات صوتو لكان جالس كفطر وشداه قانطة
إلياس : نتي هذاك تلفون لاش دايراه ملي متجاوبيش عليه
إسراء : راه كنت ناعسة فقت نوجد معاهم فطور
إلياس : مهم ماعلينا رتاحيتي
إسراء : اه ، وانت
إلياس : اشمن راحة ونتي ماشيا بايتة  بعيدة عليا
إسراء  : اه وعادي احبيبي  اصلا خاصك تولف
إلياس : نتي عندك عادي انا معنديش عادي
إسراء : اه راه اصلا كنفكر اليوم حتى هو نبات معاهم شباليك؟!
إلياس خنزر وكرز على سنانو وهضر بحدة  : كفاش عودي شقلتي وقيلا مسمعت مزيان
إسراء  بقات مبتاسمة ونطقات : راه قلت ليك بلي غنبات معاهم عوتاني هاد الليلة خصوصا غيكون نشاط فالليل
إلياس : معنديش انا  تباتي معاهم اليوم ولا غدا ولا بعدو،  البارح خليتك صافي، المرأة حدا راجلها
إسراء : ناري بمن مزوجة بمعقد صافي بناقص
إلياس : يلاه سيري تاعشية ونتحاسبو على هتشي لقلتي
وقطع عليها يلاه بغات تكلم، تفو معقد لاخور عشية كلشي عائلة جاية وغنشطو ومبغاش اخليني نبات تفو اشدني نتزوج انا كاع ندمت وهي تدور  عند صوفيا رقاتها بقا غارقة بنعاس وهي تنطق
إسراء : واديك البغلة ونوضي نمشو ندورو
صوفيا لارد
إسراء وحيدات عليها مانطة ونطقات صوفيا : ورجعي ديك مانطة الله ينعل ميحشم
إسراء : ونوضي ولا غنكب عليك الماء
صوفيا دارت جهتها لاخرة كملات نعاسها اما إسراء رقات حداها قرعة ديال ماء وهي تكبها شوية في الكأس ورشاتو على صوفيا
صوفيا ناضت مخلوعة ونطقات بالغوات  : وزمر شكون لكب عليا الماء
إسراء : انا كبيتو عليك يلاه نوضي نبقا نتسناك تال واحدةديال نهار
صوفيا :  واه المرض تفو ابلاتي كبالي تسطيتي شوفي فزكتي ليا حوايجي
ناضت تابعها وهزا سندالة فإيدها باش تشيرها  على إسراء
وإسراء مشات كتجري رقات رحمة وجدة صوفيا كالسين فصالون مشات جلسات حدا رحمة
إسراء : وخالتي وعتقيني من بنتك راها باغا ضربني
رحمة : اشكاين نتوما
صوفيا : اجي اإسراء نتفاهمو  ، كبا عليا الماء ابلاتي الا مرجعتها لك منسماش
إسراء  كتجاوبها من بعيد :ونتي لمبغيتيش تنوضي
جدة : هنونا زعما نتي إسراء رانك مزوجة وقريب ديري وليداتك ونتي اصوفيا مبقالك والو تزوجي تمشي مع راجلك شهاد تبرهيش
إسراء : جدة سمحيلنا غار مرة مرة كنبغو نلعبو ياك صوفيا
صوفيا خنزرات فيها وقلبات عينيها بمللل ومشات تقضي حاجتها وتوضى باش تصلي صلاتها اما رحمة وإسراء ورغية جدة صوفيا مجتمعين على طابلة كفطرو تجات صوفيا ونضمات لهم كفطرو ويهضرو اما مصطفى خرج خدام من بعد مافطرو جمعو ماعيين  وتعونو على دار سيقوها وخملوها رجعوها كتشعل ورحمة كتقاد الغداء تاتم داخل مصطفى بتقدية وجلس فصالون مع رغية كتبادلو اطراف حديت اما صوفيا وإسراء باقيين غارقين فاهم  مرتاحو تال 2 ديال عشية  عاد جابو الغداء حطوه  تشويا سمعو صونيت مشات فتحات صوفيا رقاتو إلياس
صوفيا : اهلا بنسيبنا
إلياس : اهلا ، نتي بيخير
صوفيا : حمدالله مزيان ملي جيت دي علينا هاد مصيبتك مع صبيح كبا عليا الماء
إلياس : اصلا نيت جاي نديها
رحمة نطقات من داخل : صوفيا شكون نقر ونتي واقفة عند الباب
صوفيا : وخويا إلياس لجا
ناضت رحمة : دخل اولدي مرحبا بيك  هاد بنتي متعرف صواب موالو
دخل عندهم
إسراء ستغربات كسحابلها مغيجي الى الليل باش يديها ونطقات : إلياس شكون قالك تجي
إلياس : كفاش؟!
رحمة خنزرات في إسراء ونطقات كتلطف جو  :مديش عليها اولدي راه دايخة اليوم ههههه 
إلياس : معليش معليش
تسالم معاهم وجلس حدا مصطفى جلسو كتسالمو  معاه حتى نطق مصطفى
مصطفى :  اوا بديت الخدمة ولا مزال  شاد كونجي
إلياس :  قريب ان شاء الله مع بداية موسم دراسة نبدا الخدمة
مصطفى : الله يسهل
إلياس : امين يارب
رحمة : زيد اولدي يلاه كول متحشم
إلياس : ايه بسم الله
من بعد بداو كتغداو مرة مرة مصطفى اطرح سؤال على إلياس على خدمة ومرة على موضوع الثاني حتى تغداو وناضت صوفيا  وإسراء اجمعو ماعيين غداء
عاد رغية مشات البيت لاخور باش تحط راسها تنعس اما رحمة مشات حتا هي لبيت تنعس بقا مصطفى وإلياس وصوفيا وإسراء لفصالون  مصطفى وإلياس كهدرو بيناتهم اما إسراء جالسة حدا صوفيا مقابلا معاهم حتى
إسراء  همسات صوفيا : نوضي نوضي  اصوفيا نمشو نخرجو راه مليت
صوفيا : سيري تشاوري مع راجلك الا خلاك تخرجي نخرجو مخلاك  معندي منديرلك
إسراء : ياك وخا منيتك، نتشاور معاه
صوفيا : كفاش منيتي راه ضروري خاصك تشاوري مع راجلك هو مسؤول عليك
إسراء : وراه باينة غيقولي لا وخا نتشاور معاه  غيقولي تركني معندك فين تمشي
صوفيا : اوا معندي منديرلك
إسراء : سيري بعدي مني عمبالي عندي صحبتي انا عندي غاولية مضر متنفع
صوفيا : اوا ضبري محاينك راه ميمكن إلياس ميخليكش متخرجيش راه كيبغيك اساطة
إسراء : عرفنا بلي كيبغيني ولكن راه معقد طلبتو نبات معاك اليوم قالي لا
صوفيا : لا ختي متباتي معايا منبات معاك باش تكبي عليا هاد مرة سطل ديال ماء اسيري باتي مع راجلك
إسراء خنزرات فيها ونطقات : وخا وخا واعقلي فيها
صوفيا : شوفي غاحلاوة اللسان اخليك تخرجي معايا نعول عليك باش نرجعو اياماتنا ديال دوران
إسراء : مهم انحاول وخا نتي عرفاني سطلة مكنعرفش نتمسكن
صوفيا : اوا تعلمي 
بعد مدة بقاو ساكتين تاستاذن مصطفى امشي خدمتو بقا إلياس معاهم  جالسين تخالتهم صوفيا وحدهم ومشات البيت هو ينطق إلياس
إلياس : اجي لهنا، شار لها حداه مع كانت مقابلا معاه وكمل كلامو و نتفاهمو مزيان  على كفاش كنتي كتكلمي معايا قبيلا وعلى ديك كلمة معقد لخرجتيها من فمك وديك باغي نبات
إسراء بقات كتشوف فيه مبتاسمة ونطقات  : غار خليني فبلاصتي وتفاهم معايا من تم
إلياس : قتلك اجي ومنعاودش كلامي ولا غنجيبك بزز وتحملي مسؤولية افعالك
إسراء سلمات امرها الله ومشات جلسات حداه ونطقات : نعام ولكن قبل متفاهم معايا بغيت نقولك راه بغيت نخرج انا و صوفيا نشرو شنو ايخاصنا فالعقد
إلياس : لا مكاين خروج تنخرجك برجلي على رجلك وديكساعا تقداي شنو بغيتي
إسراء دارت عندو مخنزرة ونطقات معصبة وكارزة على سنيها : كفاش دبا انت متخلينيش نخرج وش انت شويا لباس ومتندمنيش اصاحبي قلتينا مكياج لمنديروهش  حيدناه واه ومتزيدش فيه
إلياس : انا كلامي قلتو ومغانعاودوش عجبك الحال هو هذاك معجبك الحال معندي مندير لك
إسراء ربعات إيديها ونطقات : علاش بسلامة هتشي 
إلياس :  عقاب لك باش مرة اخرى ترفعي صوتك عليا وتكوليلي معقد غيطرالك كثر من هكا
إسراء تفكرات كلام صوفيا لها ونطقات : عفاك إلياسو غار هاد مرة توحشت نخرج انا وصوفيا
إلياس : وقيلا راه قلت لا يعني بلاما تعذبيراسك
إسراء بقات كتشوف فيه بالبرائة  ودايرة إيدها تحت خدها : حشوما عليك انا معزيزاش عليك تخلي مراتك غيضربها البرد شويا
إلياس شاف فيها وحابس ابتسامة كفاش كتكلم بهاد اللطف يلاه كانت معصبة ومعجبها الحال ودبا كتحاول تمسكن عليه : لا مراتي خاص تكون معايا رجلي على رجلها
إسراء حولات تمالك هدوئها خصوصا مع هاد معقد كيما مسمياه هي : ياك انا اول مرة نطلبك ورفضتي طلبي عفاك غاخليني اهاد مرة وندير لك اي حاجة بغيتي
إلياس طلع فيها حاجبو ونطق : زعما اي حاجة بغيت؟! وغمزها
إسراء فهمات بلان بدات كدور فعينيها 
إلياس : يلاه جاوبي الا بغيتيني نخليك تخرجي
إسراء سرطات ريقها ونطقات بصوت منخافض : اااه اي حاجة لبغيت انا في خدمة
إلياس : اوك دبا خليتك وأخر مرة وتلفون ايبقا مشغول ياويلك وتعطلي 10 ديال الليل نعيطلك تكوني كملتي اوك
إسراء ناضت كتنقز فرحانة ومشات باستو فخدو ونطق : يخليك ليا العمر
ومشات كتجري البيت لفيه صوفيا
اما إلياس اكشوف وكبتاسم بهاد الحمقة لمزوج بيها
إسراء مشات دخلات رقات صوفيا مكونيكطيا مع عمر تاطارت عليها بتعنيق
صوفيا : وبسم الله  نتي فرقي مني وش طايحة على راسك
حيدات منها إسراء وجلسات حداها ونطقات : وصوفيا راه خلاني إلياس نخرجو
صوفيا : كدرتي لها
إسراء : مغنقولكش هاد سر من الاسرار دولة تتزوجي وغتعرفيه
صوفيا بقات كتشوف فيها ونطقات : احياني عليك صدقتي مساهلاش بنت الهم
إسراء : نوضي لبسي ونمشي انا مع إلياس نجيب لباسي خليتو فإقامة ونرجع عندك نرقاك لبستي
صوفيا : وعندك تعطلي منعقلش عليك
إسراء : وتهناي
وخرجات من عندها مشات عند إلياس
إسراء : إلياسو يلاه نمشو إقامة باش نلبس ورجعني عند صوفيا باش نخرجو صافي
إلياس : زيدي وكان زيدي
ناض معاها  تعلمو رحمة بلي غيمشو وخرجو
ركبت إسراء قدام عاد ركب إلياس بلاصة قيادة ديمارا  نيشان إقامة ديال  لفكازا وصلو تم نزلو وطلعو فسانسور تادخلو خلوها نفسها من غير إلياس لعيط خدامات باش ينقو دار ويهتمو بيها عاد مشاو بحالهم  دخلات إسراء ونطقات : خليناها كما هي متبلات موالو
إلياس : يلاه سيري لبسي لباسك قبل منغير رأيي
إسراء : وخا هانا ماشيا
مشات دخلات البيت فتحات فاليزة وهزات منها جلابة باللون اخضر فاتح مع سندالة بلا فنفس اللون وبرميدة بيضاء وديبادور بالبيض بدلات لباسها وسرحات  شعرها بوكلاتو من تحت ووجهها مدارتلو والو من غير مرطب شفاه وهزات ساك فالبيض  وخرجات عندو رقاتو جالس فصالون  مقابل تلفون طلع فيها عينو وكشوف فيها بإعجاب
إسراء : امالك افين سهيتي ههههه
إلياس : سهيت فيك ابنت قلبي اشهاد زين اشهاد جمال انا مكرهت دبا نوكلك
إسراء : ههههه اناري يا إلياس، يلاه نمشو لا نتعطلو على صوفيا
إلياس : شباليك ازين ديري بناقص منها خرجة ومنها نعيشو حياتنا وتنفذي داكشي لقلتي ااسيرة عمري
إسراء جرات إيدو : ويلاه خلينا نمشو راه غنتعطل على صوفيا
إلياس : دبا خليتك ولكن شنو تافقنا ازين ملي ترجعي
إسراء شافت فيه متسألة : علياش تفقنا معرفتش
إلياس : مهم نتي قلتي غتعطيني اي حاجة بغيت اذن مورا مترجعي غيتنفد شرط
إسراء : صافي تالتم ويحن الله ايلاه
وخرجو نيشان وجهة دار صوفيا وإليتس كتغزل فيها ومرة مرة إسراء تجاوبو ومرة تسكت وتحشم ومرة يخليها معرفا متجاوب توصلو عند دار صوفيا
هبطات إسراء وقالت إلياس اتسناها تيوصلهم سوق اما هي دخلات رقات صوفيا جالسة فصالون وحداها جداتها ورحمة سلمات عليهم وهي  كتسناها حتاهي  لابسة عليها جلابة باللون عكري مع صندالة بلا بيضة ومخليا شعرها مطلوق مسرح ووجهها مدايرالو والو وناضت صوفيا عندها
صوفيا : يلاه راك تعطلي من صباح وانا كنتسناك
إسراء : يلاه راه إلياس غيوصلنا سوق
خرجو عاد ركبات إسراء قدام واللور صوفيا  بقاو ماشيين فطريق تنطقات صوفيا
صوفيا : وانسيبنا واطلق لنا شي موسيقى نتمزكو نتا مالك حامض
إسراء : نتي بعدي لهيه معندك حق تقولي على راجلي حامض نتي لحامضة
صوفيا خنزرات فيها وبدات كتعوج فيها
إلياس : هنونا وش انا مركب معايا براهش
صوفيا : وانسيبنا شد مرتك عليا معرفت مالها معايا
إلياس : نتي لخاصك تبعدي من مرتي اما مرتي راه مكتعدا على حاد ودار شاف فيها وغمزها ياك احياتي
إسراء :سمعتي اصوفيا بوذنيك
صوفيا : لاحولا ولا قوة الا بالله كون اسحابلي غديرولي بحال هاكا منركب كاع معاكم
بقاو ماشيين فطريق ومرة مرة إسراء طلعها على صوفيا ومرة صوفيا طلعها عليهم وهكذا حتى وصلو وجهتهم نزلات صوفيا وسدات الباب وخلات إسراء يلاه بغا تنزل تاسد عليها إلياس الباب بساروت اما صوفيا كاع مشافت شنو واقع مع كانت كتشاطي مع عمر
إسراء تلفتات عندو : واه وافتحنا الباب شكدير
إلياس : لا تتذكري شنو نسيتي
إسراء شافت فيه متعجبة : علاش شنو نسيت مفهمتش ، منسيت والو
إلياس غمزها ونطق : عقلي وكان شوفي شنو نسيتي
إسراء : وتا فتح خلينا مزيانين متعصبنيش راه قلنالك منسينا والو اش غنساو