عشقك إدماني

parte 160

ورجع إلياس جالس حداها وكدوز إيدو على شعرها باللطف
تسمع الباب تفتح وكانت رحمة ومصطفى وصوفيا لفتحو الباب غرفة شاف فيهم بتساؤل تنطقات رحمة بصوت خافت : سمحلنا ولدي ولكن مقديت نصبر تانشوف بنيتي إسراء, الله على حبيبتي شحال كتعاني الله يكون في عونها ياربي وشوف من حالها ياربي
إلياس ونطق : امين يارب
ناض وقف جابلها كرسي هي ومصطفى ونطق : جلسو متبقاوش واقفين دبا هي راه ناعسة بفعل مهدئ ملي تفيق راه غتفرح ملي تشوفكم حداها
مصطفى حدو امألو براسو وجلس فوق كرسي ونطق : الله يجيب الشفاء
إلياس : امين يارب مهم انا غنخرج
رحمة بعد مجلسات نطقات : وخا اولدي
خرج هو وخلاهم معاها
تقدمات صوفيا بهدوء وهي كتشوف فيها بحزن لصحبتها او ختها لمولداتهاش لها مها وشدات فإيديها وهي كتشوف صحبتها وختها لطريحة فراش ونطقات : الله يشافيك اختي حبيبة ولدار فيك هكا وصلك هاد الحالة بغيت ربي يجيه كثر من هكا وكثر والله يعذبو في دنيا قبل الأخرة
بقاو شحال جالسين معاها اما فالخارج كان واقف إلياس معاهم تنطق موجه كلامو إيمان : معرفتيش فين مشات رانيا بغيت نهضر معاها
إيمان تنهدات ونطقات : معرفت اولدي فين مشات ملي خرجات قبيلا شي 4 سوايع هادي وهي غابرة وقلبي مشطون عليها ممولفاش ليها
إلياس حدو امألها براسو ونطق : ماعندها فين تمشي اتكون غا مع صحاباتها ، غنمشي دبا دار نشوف ياكما كاينة فيها ونجمع شي حوايج الإسراء
إيمان وقفات ونطقات : ملي ماشي اولدي ماشي ديني معك نشوف هاذيك رانيا نقيلها وذنيها على هاد الغبرة لغبرات
ومشا هو وإيمان خارجين من سبيطار ركب هو وركبات حداه ودمارا نيشان وجهة فيلا مسافة طريق تكانو وصلو وفتح إلياس الباب ودخلو رقاو سقيل ، حيث بظبط هاد الوقت خادمات كمشو ديورهم إلياس حط سوارت فوق طابلة ونطق : عيطيلها شوفي وش كاينة ولا لا
و هي تنطق إيمان بصوت عالي : رانيا ،رانيا , رانيا ابنتي فينك
رانيا لكانت فبيتها كتجمع فاليزة ديالها وكتدعي فخاطرها على نور وإسراء لمخلوهاش تكمل خطتها فورا ماسمعات صوت مها خلات داكشي لبين إيديها وقفات ونطقات بصوت عالي منبعد مافتحات الباب بيتها : ماما وش نتي جيتي
إيمان ربعات إيديها ونطقات كذلك هي بصوت عالي : اييه هبطي عندي دبا
رانيا : وخا هانا دبا جايك
و خرجات من بيت سدات باب وتمات هابطة وهي كتشوف جيهتها تبالها إلياس وهي تصدم ومع غادور باش ترجع طالعة بيتها وهو ينطق إلياس بصوت حاد : وقفي
سرطات ريقها و شادها خوف منو وهي دور عندو وبقات واقفة اكتشوف بالخوف تنطق إلياس : هبطي اجي نهضرو ونفهمو شحال من حاجة من عندك ارانيا
رانيا كتحاول تهدأ نفسها ونطقات: ااه ايه هانا هابطة ااه انا هابطة اييه ااه
وتمات هابطة بإتجاههم توقفات عندهم وهي تنطق إيمان : فين كنتي هاد وقت كامل اشهاد الغبرة
رانيا سرطات ريقها ونطقات بثوتر وهي كتمسد إيدها لرقبتها : ااه ماما كنت مع غيثة وصاافي وجيت لدار اماما
إيمان : امم هاد وقت كامل كنتي مع غيثة مقلتي نطل على خويا على مرات خويا مالهم وش فاقت مرات خويا ولا لا والو
بقات ساكتة مجوبتهاش تنطق إلياس : الواليدة وخا تخليني مع رانيا بوحدنا
إيمان : وخا اولدي وخا ، اوا صافي انا انجمع شي حوايج لإسراء
إلياس : وخا شكرا الله يجازيك ويطول فعمرك
بتاسمات لو ومشات طالعة لبيتهم
اما رانيا واقفة كتشوف فلارض وكتهرب عينيها وشادها الخوف منو هو لكشوف فيها ببرود ومبرد عكس عصبية لكانت فيه ومشا جلس مقابل معاها داير رجل على رجل ومربع إيديه ونطق بهدوء مخيف وهو مخنزر فيها : يلاه شرحيلي دبا شنو قصة دوك عشوب
رانيا بدات كتفيبري وهي كتشوف فيه كفاش مخنزر فيها وبقات ساكتة وحابسة البكية تضرب إلياس ايدو على طابلة ونطق مغوت : وش غنبقاو هنا دوي يلاه هاني كنسمع محد عاطيك فرصة تبرري فعلتك لمعندها تامبرر
هي لنطقات بتلعثم وخوف مسيطر عليها وغكترعد : خ...خ.....خ.....خ.....خويا ....خويا ااااا....ا..ااان...نا..ا
إلياس كرز على ايديه بغضب وناض ضرب رجليه ب مع طابلة تهرسها ونطق وهو مغوت : هضري ولا بربي يا تنقتلك هاا كنتي بغا تقتلي ولدي انتي الاخت انتي كنتي بغا تحرميني نكون الاب هاا محشوماش عليك وش نتي ختي ولا عدوتي هضري
إيمان سمعات غواتو جات هابطة كتجري ونطقات : اويلي مالكم اولدي يهديك الله راه رانيا مكانت ناوية ديرهاكا ديك صحبتها لكذبات عليها بنت لحرام وشافت فرانيا لكترعد بوحدها ودموع كسيلو من عينيها : خاصك توريني هاد صحبتك نمشو اليوم نوروها
إلياس غمض عينيه وحلهم بنفاذ صبر وهو كارز على يديه : الواليدة مدخليش الله يرحم باك خليني مني ليها
إيمان : وخا اولدي هانا مغندخلش
ومشات خلاتهم ورانيا متبعة لها العين تختافات على نظرها ونطق وهو كحاول اهدأ نفسو : هضري راه صبري تقادا شرحيلي شنو كتحاولي ديري فين بغا توصلي ارانيا
رانيا نطقات وهي دموع كسيلو من عينيها وكتبكي : هيئ هيئ هيئ خويا والله مكانت نيتي نقتل ولدك ولا نأذي اسراء عفااك مديرش فيا هكا خويا مظنش فيا هكا اخويا ندير اي حاجة ومديرش فيا هكا انا راه مقصدتش راه كما سمعتي ماما ديك صحبتي هي هي لدارت هكا اووه عفااك لا مديرش فيا هكا اخويا
إلياس زفر بعصبية ونطق مغوت وهو هاز إيدو باغي اضربها : سكتي صوتك منسمعوش هاد تبوحيط ديريه على مك وباك وعلى صحبتك اما عليا انا بلا ماتحاولي ارانيا
صقلات وغاصوت شهاقاتها لمسموعيين مخبية وجهها لا تجي فيها شي دقة كرز على يديه وهبطهم وعينيه حمرين بعصبية والغدر لشاف من ختو من لحمو ودمو ومن قريب ياخسارا
تاتكسر صمت ملي نطق إلياس : غدرݣي عليا زلافتك سمعتي وغتمشي دبا ومن الاحسن منشوفكش قدامي حيث غنقتلك بدم بارد زعما نتي الاخت نتي ياحسرة من لحمي ودمي ودفل فلارض حدا رجليها وخلاها هي مهبطة راسها وكتبكي بشدة ومشا هز كونطاكط ديالو وتم خارج من فيلا وركب فاللوطو ودمارا نيشان الوجهة البحر لعل وعسى اتهدنو اعصابو اما هي لبقات فداخل كتشهق وكتبكي بهستيرية ومشات طالعة الفوق ومها كتشوف فيها محسرة على حالتها وقالت بينها وبين نفسها خليها تعلم دخلات بيتها وقفلات عليها وهي كتبكي بهستيرية وكتنتف فشعرها وكضرب فراسها وتقمش فوجهها وصوت بكاءها مسموع تبدات كتقلب فساكها على دواء لهدئ اعصابها خداتو ودرت حبة ففمها وتبعاتها الماء وهي جالسة فلارض ضامة رجليها لصدرها ودواء بدا كسري فجسمها وكعطي مفعولو تاتهدنات نوعا ما ورجعات كتجمع لباسها بزربة مورا مكملات جميع لباسها ففاليزة وقفات قدام مراية كتشوف الاثار قميش على وجهها لولا حمر بأثار دموع وشعرها لمنتوف ولباسها لفازك بدموع ونطقات بحقد : رانيا بقا مسالات رانيا غتندمكم واحد بواحد انا الا محققت مرادي منتسماش رانيا رانيا الا دارت شيحتجة فراسها كتوصل لها
حيدات لباسها ولبسات سروال سليم كحل مع ميني بوط بالبيض وفوقها تجاكيطة كويرة وسبرديلة بيضة ومشطات شعرها وجمعاتو كوب شوفال وبدات كدير ميكاب وكتخفي الاتار لعلى وجهها مورا مسالات هزات ساكها و هبطات وهي هازا فاليزة ديالها وخرجات بهدوء من فيلا دارت فاليزة فالكوفر وركبات ودمارات نيشان لمطار هزات فاليزة ديالها ودفعات البݣاج وبقات كتسنى تعلمهم بلي حان وقت لغتخرج من بلادها وطلعات فطيارة وهي كلها خيبة الامل وزادت حقدات كثر وكثر ودرس متعلماتش منو
فالمستشفى لدخلو العائلة ومجمعين مع إسراء شادين معاها خاطر هي لحلات عينيها وخبراتها صوفيا باللتي احسن ومجمعين معاها ومخففين عليها تنطقات إسراء بتساؤل وهي غتاكية على ضهرها وحاطا إيدها عند بطنها : فيناهو إلياس
صوفيا : هاهو دبا غيجي مشا هو وخالتي ايمان اجيبولك متلبسي ومتوكلي
إسراء حدها امأتلها براسها وهي شادها العيا
بضع دقائق تجا إلياس وإيمان هازين معاهم لباس إسراء وماكلة لتاكول
دخل عندها إلياس وكلها وبدل ليها مخلا تواحد اقرب ليها هو لمعتني بيها عاد دخلو عائلة مونسينها تجات طبيبة ونطقات : سمحولنا وقت زيارة سالات خاص مريضة تبقا بوحدها
إلياس : انا غنبقا معاها
طبيبة نطقات بتفهم : وخا اسيدي بقا انت بوحدك معاها
إلياس حدو امألها براسو ونطق : سيرو نتوما رتاحو وغدا غتخرج إسراء رانكم معاها
رحمة بتاسمات : وخا ولدي
كلها مشا دارو من غير إيمان ورحمة ومصطفى وعمران لتاجهو فيلا