ريتاج : غتهناي من جهتنا
صوفيا : يلاه خليناك وفرحي نسيبنا نعول عليك
إسراء : وصافي تهناو يلاه بسلامة
خرجو من عندها وهي مشات كتابة قائمة لغاتحتاج باش تقداها وعطاتها ل احد لكارد باش يجيبوه هالها اما هي مشات دخلات كوزينة ونطقات كلامها موجه لخادمات لتم
إسراء : سلام عليكم
خادمة : عليكم بسلام اش حب خاطر
إسراء : مهم جيت نعلم بلي هاد النهار غيكون عندكم خاوي اي بمعنى عندكم عطلة تقدرو تمشو تال غدا عاد اجوا
خادمة : شكرا ليك بزااف ألالة
إسراء خنزرات فيها ونطقات خادمة اخرى : اه شكرا اإسراء
إسراء : عادي يلاه نهاركم مبروك
خلاتهم اما هوما مشاو ، من بعد دقائق تجاب احد من لكارد تقدية لغتحتاج شكراتو وخدات من عندو داكشي لغاتحتاج وتجهات كوزينة وبدات كطيب شهيوات لكتعرف بغا تبهرو هاد مرة فيها وطيب ليه داكشي لكتعرف
ونطقات مع راستها : اليوم نبرعك باش تشوف بلي انا حادكة ههههه
وحطات إيدها على كرشها ونطقات : اه ابنتي ولدي ماماك ممتيقاش بلي غتولي أم هههه اكيد باباك غيفرح بقدومك شفتو افصباح كفاش تعصب ملي قتلو بلي باقي حال ههه ممتيقاش
اما من بعد مخرجو البنات من عند إسراء ركبو مع شيفور وصلو صوفيا هي لولا دارها ونطقات صوفيا
صوفيا : يلاه بسلامة تالغدا ونتلقاو ان شاء الله
ريتاج : بسلامة ان شاء الله
وهبطات صوفيا من اللوطو فتحات فيلا ديالها، عاد تجهات ريتاج لفيلاتها دخلات رقات كما العادة نور وليلى جالسين كتبادلو اطراف حديث وشافتها ليلى
ليلى : اهلا ريتاج ، كدايرا صحبتك إسراء وصوفيا ياك بيخير عليهم
ريتاج جلسات حداها ونطقات : بيخير اماما مزيانين
ليلى : اوا حمدالله
من بعد مبقاو كهدرو تنطقات ريتاج
ريتاج : ماما انا غنطلع الفوق نرتاح
ليلى : وخا ابنيتي
نور : وش عيانة اختي
ريتاج : اه غار شويا راسي ضرني وشدني نعاس هههه مع نضت بكري
نور : اه هكاك وخا ختي رتاحيلك
ريتاج بتاسمات لهم ريتاج وطلعات فوق تكات فوق سرير باش ترتاح حيث حسات براسها عيات
اما تحت نطقات
نور : ماما انطلع عند ريتاج نشوف مالها
ليلى : اه سيري سيري طلعي عندها
خلاتها وطلعات فوق دقات بيت حتا نطقات ريتاج
ريتاج : دخل
ودخلات عندها نور رقات تاكية وجلسات حداها فوق نموسية بقات اساكتة نور كتشوف فيها بإستغراب تنطقات
ريتاج : نعام انور وش بغيتي شيحاجة
نور نطقات هي كتشوف فيها وكتفرك إيديها : اه بصراحة مكرهت تعطيني عنوان ديال إسراء وإلياس
ريتاج ناضت جالسة وكتشوف فيها بشك ونطقات : علاش شبغيتيهم انور عفاك الا كنتي كتفكري فشي مشكل غحيدي من راسك
نور : منيتك اريتاج من بعد مندمت وبابا بسيف باش سمحليا هي وماما ونمشي تاني ندير مشكل ليهم عرفا شكاتقولي اريتاج انا راه ندمانة ندمت كتعرفي شناهيا ندمت
ريتاج : كالم انور راه مقصدت همام غار معرفت علاش شبغيتي عنوان ديال فيلاتهم فجأة
نور : صراحة بغيت نطلب سماحة منهم باش نعيش هانيا
ريتاج : ولكن اختي خايفة تجري عليك إسراء ونتي شفتيها اخر مرة شدارت
نور : متخافيش اصلا انا غنطلب اسماحة منهم ونجي حتا الا جرات عليا غنوضحلها موقفي وش كظني غيسامحوني اريتاج؟!
ريتاج : هو صراحة إسراء قلبها بيض دغيا تسامح وحتا خويا إلياس غيسامحك
نور : وخا شكرا ليك ان شاء الله غيسامحوني ونعيش حتا انا حياتي ومنبقاش هازا ذنب وايبقا شدني تأنيب ضمير ونعيش مع حب حياتي
ريتاج نطقات هي مبتاسمة لختها ممتيقاش بلي ختها وجدات شريك حياتها : عودي كلمة لاخيرة وقيلا مسمعتش
نور : بديتي بهبالك تاني اريتاج نعسي وكان نعسي
ريتاج : هايهاي على ختي هي غديريلنا شي عراسية فهاد عام
نور : هههه حمقة صافي
ريتاج : عوديلي شكون هاد فارس احلام لطاح فختي هايهاي عليك انور صدقتي مساهلاش
نور : حتارميني راني كبر منك
ريتاج : والا كان يلاه عوديلي وش شي تيتيز ولا
نور : هههه ضروري تيتيز
ريتاج :وسربي عوديلي
نور بدات كتعاودلها اي حاجة وقعاتلها فألمانيا كفاش تعرفات على مروان
ريتاج : واو حبيت
نور : اوا عطيني عنوان يلاه
ريتاج كتبات لها عنوان ونطقات : هاكي يلاه شدي وخليني نعس
نور شدات من عندها عنوان ونطقات : شكرا انمشي عندها دبا
ريتاج : لا اصحبتي اجي لهنا
نور مستغربة ونطقات : علاش
ريتاج اويلي نصدق مضيعة خطة، إسراء تنحرني هننن ونطقات : راه خرجات هي وإلياس مغترقايهمش فدار تلغدا وسيري عندهم
نور : اه مبالهم ايخرجو اهاد نهار ونتي ياك كنتي عندها امتا خرجو؟!
ريتاج حطات إيدها علي جهتها ونطقات : نتي جلسي تالغدا وسيري عندهم راه نيت رجعت حيث إسراء بغات تفوج هي وراجلها نوقفو حنا فعودها
نور : ابون ونتي شداك عند سيدة براجلها شي نهار إلياس غيبدل دولة نتي وديك صحبتك وخا تزوجات مقابلين غا إسراء
ريتاج : ونتي سوقك هذيك صحبتي قبل متولي مرت ولد خالتي مالو غيورثها فيا
نور : سطري تنعسي بالي كتخرفي
ريتاج : ونتي خليتي شيحد انعس
نور :وخا عليك مشات ديك حنينة وكلام فقياس واللطافة وليتي جنية
ريتاج : والعدو ونتي خرجي من بيتي نعس
وخرجات من عندها نور كضحك عليها
اما عند إسراء بدات كتوجد فوق طابلة وكتزين بالورد وشمع تاشَيا سمعات صونيت
مشات فتحات رباتو نيت مول توصيل هزات من عندو لدموند وخلصاتو ودخلاتو حطات طارطة كما طلباتها فوقها تصويرة بيبي وحطاتها فطبسيل وحطاتهم فوق طابلة ومع نيت كاشف الحمل فيه جوج خطوطا ونطقات
إسراء بإبتاسمة عجبها داكشي لقدات ونطقات : دبا كلشي واجد بقا غاراسي نوجدو
وهزات تلفونها رقات بقات ساعة باش يجي ونطقات : مزيان هاد وقت قادني باش حدني نوجد راسي ونطفي اضواو
طلعات الفوق خدات لبرودوي ديالولها ومشات دوش تدوش باش تريح عضامها بعد مدة زمنية خرجات من دوش لابسة بينوار مشات جلسات عند كوافوز مقابلا مع مراية وبدات كتنشف شعرها ومن بعد منشفاتو بشيشوار خدات بلاك وبدات كتبوكليه من تحت وتقابلات مع مراية كتشوف بنفسها بإعجاب عاد شدات مكياجها بدات كتقاد وجهها هي تعلمات تقاد مكياج ملي كانت مع صحاباتها علموها ورشات وجهها باش يبقى مكياج تابت وكتشوف برضى ونطقات : هههه اليوم انخليك ديخان اسي كوميسير هههه تشوف إسراء وغتحل فمك
ومشات دريسينغ ختارت كسيوة كحلة قصيرة وصلا عند ركبة وللاصقة عليها وبإيدين ديالوها وهزات واحد سباط طالون بكحل ولبساتهم وهي كدور في البيت وكتشوف بإعجاب بنفسها
عاد هبطات تحت هزات تلفون رقات بقات 5 دقايق باش يوصل وهي تطفي اضواء بقات كتسما
اما هو مع خرج من خدمة كسيرا نيشان ل فيلا اشوف محبوبتوا توحشها بعد مدة زمنية وصل فتحولو لكارد الباب ودخل بلاصا اللوطو وصونا مرة لولا ومرة تانية مفتح حاد عقد حواجبو وهو يجبد ساروت فتح الباب تم داخل وكشوف ضلام بدا كعيط
إلياس : إسراء إسراء فين مشيتي اش قلت انا اش قلت يلاه بغا يكمل كلامو تاتشعل ضو وستقرات عينيه على ارجاء فيلا كفاش مزين بالورد وشمع وفوق طابلة بألد ومطاب من أكلات تقدم عند فين محطوطا طارطة وستقرات عينيها على بيبي لفوق طارطة وشوية شاف جهة جهاز اختبار حمل لقا فيه جوج شرطات هزو بيه إيديه وباقي مصدوم ممتيفش بلي حبيبتوا قدات هاد مفاجأة كاملة باش تفرحو وهو كتفحص بكل مكان فعينية لسانو تعقد
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
