عشقك إدماني

parte 129

تصونات عليها رانيا وتيلي فيدها وجوباتها ونطقات
غيثة : على سلامة الالة رانيا مالك مكتجوبيش
رانيا : شنو واقع نتي مالكي مصدعاني بصونيات
غيثة لجلسات فوق نموسية ونطقات : تخيلي معايا انا عقلي مبغاش استوعب
رانيا : طلقينا خلاص اغيثة راه باقا خاصني نمشي الخدمة
غيثة : ديك متشردة صدقات من عائلتي
رانيا : كفاش إنا متشردة هادي ؟! مفهمتش
غيثة تنهدات ونطقات  : ديك إسراء مرات خوك جات هي وإلياس خوك  ، كفاش ديك زمرة من عائلتي كفاش اوف 
رانيا غار ستوعبات هدرتها ووبتاسمات إبتسامة شر على وجهها ونطقات : مزيانة ابون غتسهال علينا خدمة اغيثة شيحاجة زوينة هادي 
غيثة : كفاش حاجة زوينة نتي شكتخربقي انا مفهمت والو 
رانيا : نتي غتنفدي داكشي لغنقولك بالحرف والا نفدتيه كما يجب اغزالة ديالي  غتكوني نتي مرات خويا  وغنحيدو من طريقنا هاديك اليتيمة
غيثة : ااهاه كفاش غديريلها  وكنقولك بلي ولات من عائلتي ونتي كتقوليلي مزيان ونفد لكتقولي
رانيا : اووف صافي اغيثة نتي دبا معصبك حيث هي بنت خالك لمشا تزوج بديك خادمة
غيثة : اااه هتشي لمعصبني بزااف هي متستاهلش تكون من عائلتي
رانيا : شوفي دبا متسولنيش شنو غندير ومندير لعرفا بلي انا نهدر ندير شيحاجة فبالي كنفدها كنحققها هذي لمعاك رانيا منصوري تحاجة متصعاب عليها
غيثة : ااه عرفنا ولكن شنو غندير راه محملاش هاديك يتيمة تبقا مع إلياس كثر منهاكا متنسايش نتي ليحيتي أملي من بعد ماقلت غنساه  يعني انا غنكون مرات إلياس سمعتي ولا لا
رانيا : قريب غنقولك نهار غنهبط المغرب غنديرو اول خطوة  مهم نتي بيني ليها  بلي كتبغيها وعزيزة عليك عندك تخرجي فيها العيب سمعتي نافقيها لبغيتي تحصلي على مرادك  كقولك مثال قول كلبي سيدي هادشي لغديري نتي احبيبة ديالي
غيثة ضربات إيدها على نموسية ونطقات : داكشي لبقا منيتك وش عرفا شكاتقولي ولا لا
رانيا : انا قتلك لقلتو نفديه بغيتي خويا نفدي هدرتي وغاتعيشي مزيان امرات خويا مستقبلية ومتعكسيش حيت نهار غتعكسي اتخرجي مني العيب
غيثة : وخا ولكن كفاش غندير....
تاتفتح عليها الباب وباقي مكملات كلامها  وداخلا عندها زينة  وملامح غضب ظاهرين على ملامحها غيثة غاشافتها وقطعات بزربة وقفات قبالتها ونطقات زينة مغوته عليها من بعد مسدات الباب باش ميتسمعش الغوات : اشهاد كلام لقلتي تحت اغيثة هادي هي تربيتي ياك
غيثة  مفهما والو اكتشوف ونطقات : ماما مالكي مفهمتش شنو درت انا
زينة شداتها من شعرها  ناتفها ونطقات  مغوتة : هاا ابنتي شدرتي تقوليلي لبنت خويا يتيمة وتسبيها هاذي هي تربيتي لا نتي خرجات عليك ميريكان خوك ضسرك تخلاك تمشي تم وليتي تشوفي الناس كحشرات وش هادي هي تربيتي هدري وش انا علمتك تكبري على الناس وتسبيهم هاا هدري النت كرشي ومخلات
غيثة متألمة وكتنين بألم : اي ماما صافي عفاك طلقي من شعري اي ماما عفاك طلقي واااه طلقي 
زينة بقات كتديها وتجيبها  وهي مغددة عليها : هدري وش هكا ربيتك ابنتي تنقصي من بنات الناس وتسبيها وتقوليلها ماشي من عائلتنا هدري ابنت كرشي امتا وليتي هاكا فيناهيا غيثة لحنينة فيناهيا بنتي منهار مشيتي ميريكان وليتي حاسة براسك  خوك ليصلحلك نعيطلو دبا اشوف معاك اربيك انا هذا هو جهدي عليك
غيثة  كتحاول تفك إيديها من شعرها : صافي اماما طلقي من شعري متليت غنقص من شيواحد صافي عفاك متقوليهاش معتصم عفاك اماما متقوليهالوش راه غيقتلني انا مقصدت اماما مقصدت اماما عفااك
طلقات منها زينة وربعات إيديها ومخنزرة وغيثة كترد شعرها لتشعكك   ونطقات  زينة بحدة : اخر مرة اغيثة نرقاك سبيتي بنت خويا ولا نقصتي منها نتي خاصك تحتارميها لداز عليها مداز على حاد وهذيك بوحدها لبقاتلي من خويا سمعتي ولا لا مفهوم كلامي
غيثة مغددة ونطقات : وخا وخا
زينة نطقات بهدوء : غنمشي وغتجي طلبي منها سماحة سمعتي ولا رانك عرفا شغيديرلك معتصم
غيثة : كفاش نطلب منها سماحة الا منطلبهاش اماما منيتك 
زينة : وخا اوا نشوفو خوك شغيدير معاك
غيثة سرطات ريقها خصوصا عرفا خوها شغيديرلها ونطقات : صافي صافي عفاك متقوليهالوش غنطلب منها سماحة
زينة مشات خرجات من غرفتها وسدات الباب وراها
غيثة بقات كضرب رجليها فلارض بعصبية ومغددة عليها ونطقات  معصبة : هااا كفاش نطلب من هديك سماحة ياد رديتيهم معاك هاا
بدات كتصوني على رانيا
جوباتها رانيا : اشكاين اغيثة قبيلا قطعتي عليا ودبا مصونيا اشكاين تاني
غيثة : تخيلي معايا ارانيا كلشي ولا فصفها ماما قاتلي نهبط نعتاذر منها وش عرفا هتشي ولا معرفاش
رانيا : ياك قتليك اغيثة بلي كلشي كجي فصفها هاديك راه عندها سحور صحيح، ولكن شنو درتي نتيا ياك قتلك مديري والو بيني لها بلي كتبغيها وش نتي مريضة فمخك
غيثة سرطات ريقها ونطقات  مغددة : قبل منهدر معك كنت عايرتها ودبا ماما بغاتني نطلب منها سماحة ولا غتقولها لمعتصم وناي عرفا خويا بحلاش داير راه غيقتلني تفو شغندير
رانيا لنطقات وهي كتضحك  :  هههه اناري شوفي سيري طلبي منها سماحة هههههه 
غيثة : ماشي وقت ضحك ياغتفيديني ياغنقطع ليك وندير لقالي راسي
رانيا : اسمعيني اغيثة غتمشي طلبي منها سماحة وغتعامليها مزيان هتشي لكنطلب منك ديري دبا نفدي كلامي وغتحققي مورادك منفدتيه شغنديرلك انا  حيث نتي غتكوني خاسرة بغا خويا نفدي كلامي ومتصرفي تاشي تصرف متهور
غيثة : وخا نشوفو فين غيخرج هتشي  ديالك لكطلبي مني راه خاصنا نتحركو راه متليت حاملا نشوفهم بجوج
رانيا : راه معك رانيا منصوري متهزي الهم تحاجة نتي فقط غاتنفدي كلامي وصافي
غيثة بتاسمات ونطقات : وخا نعول عليك خوك غيكون ديالي انا فقط تاشي بنت مرأة مغديه مني وغنفرقهم
رانيا : اوا هكاك نبغيك يلاه بسلامة
غيثة : بسلامة 
وقطعات معاها وجمعات شعرها سرحاتو وقداتو وخرجات من غرفتها هبطات تحت رقاتهم كجمعو وخادمات كوجدو الغداء وجلسات فماكنها بين ميلتاحق عليهم معتصم لهبط لابس سروال سورفيت وتريكو نص كوم ونضم لهم وجلسو كتغداو بجو مرح وعلي كجمع مع إلياس وزينة كتجمع مع إسراء وجوهرة كتجمع معهم كذلك ومعتصم مرة مرة كجاوب جدو الا سولو غيثة بحدها غاكتشوف ومعجبها الحال وساكتة ومرة مرة كتخنزر فإسراء
تاتغداو ودخلو صالون وجلسو كجمعو وكتعرفو على إسراء اما معتصم كان طلع باش يبدل لباسو من بعد مبدل لباسو خرج مشا خدمتو بقاو غاهوما كجمعو فمواضيع مختالفة تنطقات غيثة ملي جلسات حدا إسراء وإسراء مستغربة منها وإلياس مخنزر ونطقات : إسراء حبيبة ديال سمحيلي على قبيلة عاملتك خايب
إسراء طلعات فيها عينيها ومنطقات بتاحرف وهي تشد غيثة إيديها ونطقات : سمحيلي عفاك انا راه مقصدتش و نطقت داك كلام بلا مانراعي انا ندمت ونبداو انا وياك صفحة جديدة ابنت خالي
إسراء حيدات إيدها من إيديها ونطقات : وخا ماشي مشكل انا مسامحاك
غيثة مغددة فخاطرها ولكن دايرة إبتسامة صفراء وعنقاتها ونطقات من بعد مفصلات عناق : شكرا نتي ضريفة بزااف مكيسحابليش عندي بنت خالي بحال هاكا قلب طيب وبيض وكسامح بزربة
جوهرة : ااه اختي إسراء ضريفة حمدالله ملي فكرتي اغيثة فكلامك
غيثة حدها امأت براسها وإسراء نطقات : شكرا ليكم
غيثة قلبات عينيها ديك جيه ومخنزرة ومرة مرة كتبتاسم ابتسامة صفرة
اما زينة كتمشي وتجي لكوزينة تشوف خادمات فين وصلو فالعشاء 
بعد فترة من وقت وصل الليل عيالات بوحدهم  فصالون اخر ورجالا بوحدهم  كذلك ومعاهم  فقهة كقراو القرأن الكريم وكدعو برحمة والغفران لعثمان وخديجة
فصالون عند النساء مجتمعين وإسراء كذكر ان والديها  ماتو كتبقى تبكي وجوهرة حداها معنقاها عندها ونطقات وهي كتمسح دموعها : صافي اختي صافي راه كضري راسك هكا
إسراء  كتمسح دموعها ونطقات  وهي كتشمر فنيفها : ااه اختي منقدرش منبكي انا والديا كانو عاد البارح معايا
زينة جات عندها لهي كانت كتبكي كذالك : صافي ابنتي صافي حنا معدنا لاش نبكوا راه غنحرقوهم بدموعنا  دعي  لوالديك برحمة
إسراء : كنحاول اعمتي كنحاول
اما غيثة جالسة مقابلة معاهم وكتشوف جهة إسراء كفاش كتبكي بحرقة على والديها ونطقات بينها وبين نفسها بحقد : مزال ماشفتي مني والو انخليك تبكي كثر من هكا والا مديت منك إلياس وليت انا مراتو مسمتيش غيثة
بداو خادامات كحطو العشاء تعشاو كاملين عاد خرجو فقهة من دار وبداو كفرقو  صداقة على الحي والناس محتاجين بالنية تجديد رحمة عليهم
بعد فترة من زمن خرجو إلياس وإسراء من عندهم   بعد متوادعو معاهم  و مشاو فيلاتهم نعسو بعد تعب اليوم لداز خصيصا على إسراء لكل مرة كتذكر حرقة موت والديها ولكنعرفو بلي الواليدين هوما اول وحدين كتحل عليهم عينيك ملي كتزاد و اول كلمة كتنطق غالبا  ماما ولا بابا وعمر داك فراغ الواليدين غادي اعمر من ديما غتحس بحاجة ناقصة حيث خلاصة الوالدين هوما كلشي سواء كانو خايبين سواء كانو زوينين