عشقك إدماني

Parte 70

اصبحنا واصبح ملك لله
رحمة وقفا عند راس صوفيا
رحمة : نوضي تهزي يلاه اصوفيا بقاي خامرة لي هنا
صوفيا : عفاك ماما خليني نعس راه هادي يلاه8 ديال صباح لاش غنوض دبا
رحمة : نوضي تعونيني راه ضياف جايين
صوفيا : وشكون هاضياف الثاني اماما
رحمة : غدي نمشي ونرجع منرقاك فقتي ياتا نعودليك ترابي
صوفيا ناضت قافزة مشات غسلات وجهها وصلات صلاتها وناضت ماشيا عند مها تستفسر شكون هادو لغيجو
صوفيا : هانا فقت شكون هادو بعدا لغيجو
رحمة : معرفت باك قالي بلي غيجو ضياف اتغداو معانا
صوفيا : اااه وانا مالي لاش منوضاني بكري شغندير بسالامة
رحمة : عندك ماديري نوضي تخملي دار
صوفيا : ياك خملناها غار سيمانة فايتة نبقاو حنا غنخملو فيها
رحمة خنزرت فيها بمعنى منعاودش كلامي مشات كطير صوفيا تجفف دار وتخملها
بقات على داك منوال تاسمعات مساج من عمر
: متعييي راسك راه غاحنا
صوفيا بقات كتشوف فميساج كتحاول تستوعب هادا شكخربق تارسلاتو مفهمتش
عمر : كملي وكان شغلك
مجوباتوش وبقات مكملا شغلها ومها كطيب الغداء وهي كتقاد البيوت وكتستف فوق طابلة مكسرات وحلويات
مشات رجعات عند مها ونطقات : ماما قوليلي مأكدة بلي غاضياف عاديين لجايين
رحمة : سيري قدي حالتك متخرجي تنقولك خرجي
صوفيا : والله اماما مفهمت مالك على هاد غموض
رحمة : تايجي باك وسوليه دبا غيدخل وسيري لبسي داك قفطان لوجدوتليك فالبيت وغتجي عندك دبا كوافورة تصيب لك داك وجه
صوفيا : اااه  ياكما غتزوجوني وانا مفخباري شي، انا راه مغنتزوج تجيبولي شيواحد ماشي من ذوقي
رحمة : ويني متحشمي راه جايينك خطاب هانك جرتي لساني
صوفيا : ماما وش مأكدة راه انا مزال بغيت نقرا شكون قالكم بغيت نتزوج
جا داخل مصطفى مع كلامها جايب معاه ديسير  ودخل كوزينة وحطو ومشا جلس فصالون اما هي دخلات البيت ورقات مسيفطلها عمر : راه دبا شويا غنجو عندك انا واليد واليدة نخطبوك بقات مستغربة معرفات ضحك معرفات تحزن تجوباتو
صوفيا : كفاش تاشكون قالهالك
عمر : قالهالي مخي
صوفيا : وخا متعرف تعلمنا بعدا انا اخر من يعلم هاذا مابلان ماتاوزة
عمر : مهم انا هدرت مع والديك لليهم شوار
وخلاتو vu
نطقات مع راسها : زوينة هذي انا اخر من يعلم وزائد بتنفاخ ومشا دار لعليه حتا أنا غنرفضك ابلاتي
هزات تلفونها وتاصلات بصحبتها بقا شحال كصوني
بيه كانت بقا ناعسة تافاقت وسمعات تلفون كصوني جوبت بصوت مبحوح : ألو شكون معايا
صوفيا : إسراء نتي بقا ناعسة ويني خامرة صافي
تقدات في بلاصتها ونطقات : اااه صوفيا هدي
صوفيا : لا جنون هذو تي حضري معايا عقلك وسمعيني شغانقول
إسراء : ااه راه مشفت سمية وصافي كدايرا صوفيا بيخير خالتي وعمي بيخير عليهم
صوفيا : إسراء وعرفتي قالك  عمر بغا يخطبني اليوم
إسراء : واو راه اخبار مفرحة هادي مالك اشواقع كتباني معصبة
صوفيا تنهدات ونطقات : وراه بغا يخطبني بلا خباري زائد واليدة واليد مبغاو اقولولي والو تاقالها دبا واحد شويا غيدخلو
إسراء : صراحة خايب بحال هكا وشغديري دبا
صوفيا : شنو فنظرك غندير غادي نرفضو
إسراء : نتي مبغاهش
صوفيا : انا بغاه ولكن عصبني انا غنرفضو باش يتعلم ميشاورنيش وادير لفراسو ونكون اخر وحدة تعلم بخبر مبلانش هذا
إسراء : صافي تهدني اصحبتي وخا حشوما هكاك وغياخذو عنك انطباع خايب
صوفيا : دباراسهم انا غنقولهم ممستعداش الزواج وديكساعا ادبرو مخهم
إسراء : صوفيا مديريش شيحاجة تندمي عليها اصحبتي وخا مغنقولك تقبلي امر ولكن غضب ديالك ميعميش عينيك انا عرفاك تصدقي دايرا كارثة
صوفيا : صافي ونتي امتا اترجعي رانك غبتي بزااف مزال فيونان
إسراء : انا دبا في نيويورك عند والدين إلياس
صوفيا : واو سعداتك اصحبتي بالي غنوافق باش حتانا ندور ومنخلي قنط هههههه
إسراء : سيري الله يمسخك ههههه، كون تشوفي اصحبتي واحد ختو مشرارة بزااف وعجبها راسها
صوفيا : عادي نتي راني عرفاك منخافش عليك
إسراء : سيري وكان فكي حريرتك مع الخطبة
صوفيا : واه كبالي غنوافق صافي نصدق مضيعاه  اصلا من نهار لول عجبني
إسراء : كون بغا نحضر معاك
صوفيا : سيري دوري مع رساتك تالعقد والعرس واجي ههههه ديكساعا الا مجيتي غنجرك من شعكوكتك
إسراء : ههههه سيري وكان يلاه نخليك نمشي راه عيطولي فطور
صوفيا : سيري هههه
من بعد مقطعات معاها دخلات دوشات وصلات صلاتها ولبسات عليها كسوة طويلة بإيديها واسعة وجمعات شعرها وخرجات عندهم رقاتهم جالسين فطابلة ونطقات
إسراء : صباح الخير
إيمان : جلسي ابنتي فطري
جلسات ومعاها رانيا لنضمات لهم ونطقات
إسراء : خالتي فين مشا إلياس
ونطقات رانيا رمقاتها بإستهزاء  : معرفاش فين مشا راجلك
تجهلاتها إسراء ونطقات إيمان : اه راه خرج هو عمران اقضيو شي غراض
إسراء : اه هكاك
من بعد باشرت كتناول فطورها اما إيمان طلعات بيتها بقات غارانيا وإسراء شي محامل شي تاكملات وبغات تطلع إسراء بيتها ونطقات رانيا
رانيا : حبيبة هزي معاك هاد الماعين على اقل ديري خدمتك متنساي راسك بلي كنت خدامة فقهوة وكنتي كتسخري
دارت عندها إسراء ونطقات : وشنو كيديرو هنا خدامات ياك كديرو خدمتهم ولالا
رانيا : وي عرفت ولكن نتي صراحة تليق بيك خدامة اوا بالاحرى كتنظفي طوليطات ولا لا
إسراء بتسمات لها ونطقات : ومالهم خدامات راه خدمة حلال واللقمة عيش ولالا وبلا مديري راسك واعرة الا بقاو فيك هزيهم وغسليهم اناجيت هنا باش نفوج ماشي ندمر عليك
رانيا بقات كتشوف فيها بالحقد وطلعات بيتها اما هي من بعد مكملات معاها هدرة بتسمات لخدامات تم وطلعات بيتها
إسراء : اوف قنطت تاهاد إلياس مقال نخرجها مقال ندورها والو جابني هنا ومشا خرج مع رساتو
اما عند اهل صوفيا دخلو ضياف لكانو من بينهم واليدين ديال عمر
ام عمر سميتها رقية عمرها 44 سنة واب رضوان عمرو 50 سنة جاو برفقتو حيت هو ولد وحيدة لعندهم
اما هي جالسة فالبيت ملبسات موالو مسرطات لها كفاش معلمهاش واعاملها بهاد برود
تاجات عندها رحمة دخلات وشفتها باقي مقدات وملبسات
رحمة : صوفيا علاش مقديتي حالتك هاد وقت كاملة شكنتي كديري بغيتي تشوهيني
صوفيا : ماما عفاك خليني عليك بغا غنعس راه عييت
رحمة جلسات حداها كتربت على شعرها  ونطقات : وش بقا فيك حال حيت معلمتكش ابنتي راه باك اصر عليا منقولك والو والا مبغيتيش مبزز عليك حاد وخا هاد ولد مشاء الله دخلي خطري ومربي وماشي من دوك ناس لقولو نضحكو على بنتهم قصد دار نيشان
صوفيا : عندك صاح اماما
رحمة : مهم ابنتي هوما جاو غبغاو اتكلمو وباش نحدو موعد خطبة ان شاء الله وملي تجي اسراء وتكون حاضرة معانا وحتا صحبتك ريتاج
صوفيا : بصح اماما صافي انا غنلبس مهم متكونش خطبة ودوزبلا إسراء وريتاج
رحمة  : يالاه ابنتي الله يرضي عليك لبسي وقدي حالتك ونعلمك باش تجي
صوفيا بتاسمات ليها ونطقات : وخا اماما
ناضت على سعدها وحدها لبسات عليها قفطان لجابت لها مها باللون بيج مع بلغة ديالو فنفس اللون وخلات شعرها مطلوق بوكلاتو من تحت وخلات وجهها طبيعي فقط درت غلوز بالون وردي فاتح
وبقات جالسة
اما فصالون جالسين كهدرو وعمر غير كشوف وش غتجي والا لا  تنطقات
رقية : اوا مغنشوفوش مرات ولدي مستقبلية
رحمة : ايه دبا نمشي نعيطلها ومرحبا بيكم مرة وأخرى
رقية : الله يبارك فيك
مشات دخلات عندها بيت رقاتها جالسة
رحمة : زيدي ابنتي راه كتسول عليك عجوزتك
صوفيا شافت فيها نطقات : نتي ياد رديتيها عجوزتي متعرفي نرفض ولانتوما باغيين تهناو مني
رحمة : حشا ابنبتي نتهناو منك نتي رانك كبدتي وش كاين شي ام تفرط فكبدتها
صوفيا : اوا نتوما معلمتونيش
رحمة : صافي ابنيتي يلاه بلا قصوحية راس راه مكاين لبزز عليك 
صوفيا : وخا
وخرجو من البيت متاجهين عند صالون فين كاين عمر والدين ديالو
دخلات تانطقات
رقية : اجي حدايا مشاء الله زوينة الله يحجبك ابنتي
بتاسمات لها صوفيا وجلسات حداها
وعمر حاضيها ومزول عينو عليها
ونطق رضوان : اوا سيادنا ندخلو فموضوع الحق
مصطفى : ايه تفضل
رضوان : اوا حنا جينا هنايا باش نتكلمو معاكم على وديت ولدي عمر  بغا بنتكم على سنة الله ورسوله الا قبلتو بينا
مصطفى : انا معندي مشكل ولكن نعطو شوار بنتي صوفيا الا بغات على راس والعين الا مبغات معندنا منديرو
رضوان : ايه ابنتي اشقلتي
صوفيا : بصراحة انا غنوافق الا كان غيخليني نكمل قرايتي حيت انا ميمكنش ندمر فالباك وفلاخير منكملش قرايتي ومنخدمش
عمر نطق : نخليك تقراي وتخدمي اشقلتي
صوفيا : اوا الا هكاك معندي مشكل
زغرتات رقية ورحمة تاصمكو وذنيهم
رقية : اوا هاذي خبار الخير مبروك
رحمة تعنقات مع رقية ونطقات : الله يبارك فيك والله يجعل كلشي مبارك مسعود اوا دبا غنوجد غدا
مصطفى : ايه نتغداو عاد نهضرو نرسيو امور امتا خطبة رسمية والعقد والعرس
رضوان : ايه
مشات رحمة تبعاتها صوفيا
مشاو يوجدو الغدا فالبيت فيه صوفيا ورقية ورحمة
وصالون رجالا فيه عمر ومصطفى ورضوان
تاكملو الغداء وغسلو إيديهم ورجعو جلسو مجموعين فصالون
ومشات صوفيا البيت جلسات كتشاطي مع إسراء وكتعلمها
صوفيا : إسراء راه وافقت كانو جاو غير يهدرو عاد غنحدو خطبة
إسراء جالسة فصالون كتخمم وشادها ملل تهزات تلفون وشافت صوفيا مراسلها مساج وكتبات لها : وش نتي مرتاحة بعدا
صوفيا : بصراحة مرتاحة بزااف فكرت ميمكن نخلي عمر ارتابط بشيواحدة من غيري وانا معجبة بيه
إسراء : اوا ملي هماك الله يجعل كلشي مبارك مسعود
اما فصالون تنطق
مصطفى : عمر الا بغيت تهدر مع صوفيا راهوا البيت ديال صوفيا فضيو الأمور شنو باغيين ديرو فخطبتكم فعرسكم هتشي كخصكم
عمر بتاسم لو ونطق : وخا شكرا
ومشا فإتجاه غرفة صوفيا
تمت على هاد منوال كتشاطي تاتفتح الباب عن بالها مها
صوفيا : ماما نعام بغيتي شيحاجة
عمر تقدم وسد الباب وهز تلفون من إيديها اشوف فاش غرقا : معامن كتشاطي
صوفيا ناضت معجبها الحال : ارا تلفون هنا شهاد تصرف لدرتي وشكون قالك دخل بيتي عندنا سيبة هنا فالبلاد
عمر ملي شاف مشاطيا مع إسراء مدلها تلفون ونطق : ريحي نفضيو الأمور
صوفيا : نت بخصوص متهدرش معايا يومين مخليني منشورة وتال نهار تالت وكنعرف بلي جاي طالب إيدي من والديا
عمر : راه كنت خدام واصلا كنت بغا نديرلك مفاجأة معجبتكش
صوفيا : مهم غنسامحوك هاد مرة ملي درتياي قيمة وهدرتي مع والديا هنا زدتي كبرتي فعيني
عمر بتاسم ليها ونطق : باش تعرفي راسك عزيزة وانا ماشي شماتة نتفلى على بنات الناس
صوفيا بتاسمات لو تانطق
عمر : شنو نظرك امتا نديرو خطبة رسمية
صوفيا : صراحة بغيت ندير خطبة تكون حاضرة فيها إسراء وحتى ريتاج مع مسافرة
عمر : سيمانة جاية غيكونو هنا إسراء وإلياس وريتاج  معرفت امتا اترجع نتي لعندك معاها تواصل
صوفيا : صافي سيمانة جاية ،وانا غنعلم ريتاج 
عمر : مزيان منها ملي تبداي قرايتك فرباط نكونو درنا العقد باش ملي تشدي شي عطلة ندبرو عرس
صوفيا : تاهدي فكرة مزيانة
عمر : وصافي نديرو خطبة معاها العقد، وشنوهوما شروطك
صوفيا : كما قتلك انا عندي شرط واحد هي نقرا ونخدم
عمر : انا معنديش مشكل من هاد ناحية
تاسويا سمعو صوت رحمة
رحمة : صوفيا صوفيا يلاه اجيو
صوفيا : يلاه راه تعطلنا عليهم
خرجو من البيت ومشاو تجهو صالون جلسات صوفيا حدا رقية وبقات كتهدر معاها ويهدرو تنطق رضوان : اوا شنو تافقتو اسيادنا
عمر : تافقنا بلي ان شاء الله سيمانة جاية غتقام خطبة والعقد
مصطفى : ماشي زربتو
عمر : بيه صوفيا عندها قرايا فرباط وصعيب تمشي بحدها شافت فيه صوفيا بحدة وشاف فيها وكمل كلامو  وتم صعيب الحال لذلك حسن نديرو العقد وتمشي معايا وملي يكون عندها عطلة نجو ونديرو العرس شباليكم
مصطفى :وعليه ماعندي منقول دبا رتاحيت من هاد ناحية كنت مسطون كفاش غدير بحدها
بتاسم لو عمر
وزغرتات رحمة
رحمة : اوا مبروك علينا نسوبية معاكم
رقية : حتاحنايا حمدالله ولدي عمر فرحني بلي غيتزوج من ديما كنقولو تزوج كقولي باقي الحال اوا جابلنا معامن نتناسبو ناس كرماء
رحمة : حتا نتوما الله يجعل كلشي مبارك
رقية : امين يارب
ناض رضوان ونطق : اوا خليناكم على خير  رسينا الأمور ان شاء الله سيمانة جاية نتشاوفو
مصطفى : جاسو معانا باقي الحال
رضوان : لا الله يكثر خيركم خاصنا نمشو ومبروك  من جديد
توادعو معاهم تابقا عمر هو لاخير وموجه كلامو صوفيا
عمر : بيناتنا تواصل
صوفيا : قولها راسك
ومشات داخلة البيت تعلم صحبتها وتعلم ريتاج فغروب ديال صحباتهم
ترسلات مساج : اوا قولولي مبروك راه سيمانة جاية عندي خطبة وعقد
ريتاج جوبات متسائلة : شكون؟!
صوفيا : عمر، ضروري غتجو سيمانة جاية منعقل عليكم
إسراء: واه اصحبتي رانكم زربتو بزااف
ريتاج :ويه انا راه مسافرة
صوفيا : مهم انا ماسوقي الا مجيتو خاسرة معاكم
إسراء : وخا انحاول نجي بكري
ريتاج : حتا انا ضروري غنجي، سعداتكم بقيت انا بايرة
إسراء : ههههه تانتي غيجيك شي ولد ناس
ريتاج : بلاتي تاتزوج ختي ديكساعا نشوف راسي
بقاو مقشبيين وكطلعوها على بعضياتهم تاسمعات دقات فالباب ونطقات
إيمان : إسراء وش كاينة هنا
إسراء حطات تلفونها ومشات متوجهة الباب : ايه اخالتي انا هنايا فالبيت دهلي
دخلات إيمان ونطقات : سمحيلي ابنيتي خليتك قانطة بوحدك مع كان عندي قراض ومشيت قديتو
إسراء : عادي اخالتي
إيمان : يلاه زيدي نهبطو تحت واحد شويا اجي عمران وإلياس نحطو الغداء
إسراء : إيه اخالتي انلبس عليا شيحاجة طويلة ونهبط عندكم
إيمان : وخا هأنا سبقتك
بتاسمات لها إسراء لبسات عليها جاكيطة فوق سورفيت لكانت لابسة وهبطات رقات إيمان ورانيا جالسة من لهيه وكتشوف فيه فنظارات حقد محملاهاش
ومشات جلسات حدا إيمان
إيمان  بقات كتوري لإسراء لباس للأخير فالموضة : شوفي كجاوك زوينين ياك
إسراء : اه زوينين بزااف اخالتي تنطقات رانيا
: منيتك اماما هادي شغتفهم فالموضة شوفي غاحالتها
إيمان : رانيا شهاد كلام كتقولي
رانيا : مقالت والو انارغقلت حقيقة تاحقيقة معجباكش اماما
إسراء بقات كتشوف كان بإمكانها تهدر ولكن قالت متعمرش راسها بيها
إيمان : مديهاش فيها ابنتي هي ديما هكداك شحال موة قتلها متبقاش تهدر بحال هكاك وخا هكا راها
ضريفة
إسراء همسات نفسها ضريفة هههه ونطقات : عرفا اخالتي
إيمان: الله يرضي عليك
من بعد فترة وجيزة دخل عمران وإلياس
عمران جلس فمقعد معتاد اما إلياس حدا مرتو
إيمان : جيتو على سلامتكم تعطلتو وتسنيناكم باش نتغداو مجموعبن
عمران :  غار بسباب شي مشاكيل فشركة وإلياس الله يرضي عليه حلهم
إلياس جالس حدا إلياس وهمس لها مسموع غبيناتهم  : مسولتيش على راجلك مسيفطي مساج والو
إسراء همسات لو : انت لمقلتليش فين غادي
إلياس : راه كنتي ناعسة
تنطقات إيمان : يلاه هاهو الغداء وجد
ناضو سبقوهم وناضت إسراء تاجرها إلياس وقبلها وشعكك شعرها  ونطق يلاه دبا سيري
إسراء : وحشوما عائلة مجموعين ويني مكتحشم
إلياس : زيدي مسوق حاد فيا نتي راه مرتي
إسراء مشات قدامو تاشد إيدها فإيدو وجلسو وتجمعو كياكلو بهدوء  تاواحد متكلم قليل فين كتهدر إيمان وكتشارك معاها إسراء حديث
تاناضو كلها مشا بيتو دخلو لالبيت وحيدات عليها تجاكيط لكانت لبساها وجلسات تاهو بدل عليه ولبس تيشورط وشورط ونطق ملي شفها ساهية
إلياس : مالك ساهية
إسراء : اه كنفكر شنو غنوجد وخطبة والعقد  صوفيا سيمانة جايا
إلياس : بصح سيمانة جاية زربو بزااف
إسراء : هو صراحة مزيانة باش منها والديها ارتاحو عليها حيت قاصحة لمشات تقرا بوحدها
إلياس : اه بصح
إسراء : وانت مغدورنيش في انيويورك
إلياس : ندور حبيبة ديالي علاش لا
إسراء : باينة باينة
إلياس : مالك توحشتيني؟!