عشقك إدماني

Parte 42

عمر : دبا غتشوفي ديرو بلاصة حدانا نتجمعو ناكلو هتشي ملينا من حلويات عصرية ههههه شكون قاد هتشي
صوفيا : راه انا وإسراء لتعاونا وقدينا هتشي
إلياس : نقدر نتيق انك نتي لقديتيه ولكن هذي لحداك محال
إسراء : نت كفاش محال  شتك بحلا كتقلل مني
ريتاج : وهنونا زيدو تاكلو شحال فيكم ديال هضرة صراحة هتشي بنين الله يعطي كم الصحة
إسراء : هانيا غكولي بصحتك
اما صوفيا علامها بوحدو طاحت فماكلة عمياء
عمر : ونتي بشوية عليك مخليتينا والو
صوفيا : وخمسة وخميس عليا مالك حضيني
اما إسراء كتنغز فيها وكتهمس لها
إسراء :واهياتا مديريش ضحك فراسك اويلي وش معمرك شتي نعمة
صوفيا : وإسراء براكة متبقاي تقرصيني ياك نتي ماما نسخة الثانية
ريتاج : ناري قتلتوني بضحك البنات انا صدقت مصاحبة مع الهبيلات  هههههه
صوفيا وإسراء : ياك دبا حنا هبيلات
اما إلياس وعمر غا كشوفوهم وش هذو عمرهم 18 وقريبة 19
من بعد مكلاو وكلسو كتصورو ومن بعد نطقات إسراء
إسراء : ريتاج دخلي جيبي ديك كارطة نقصرو
ريتاج : وخا
إلياس : وش مأكدين نتوما بعقلكم
إسراء : رانا بعقلنا شتينا كنشيرو بالحجر ولا اش
عمر : بحال هتشي بالي
صوفيا : إسراء يلاه نشيرو بالحجر
إسراء : نتي رايحي لارض كالك نشيرو بالحجر
ريتاج : البنات كارطة نسبتها فدار
إسراء : وايلي اصحبتي دبا باش انقصرو
صوفيا : وهانيا عندي فكرة
عمر : شناهيا هاد فكرة
صوفيا شوفو غندخلو غابة على شكل مجموعات مجموعة فيها 3 ومجموعة فيها 2 ياك وغادي نقلبو على هاد احجار لبحال هادي وهما نادرين ياك لجمع  عدد كبير منهم هو رابح
إسراء : نتي بحالاش عرفتي هاد احجار نادرين
صوفيا : وشوفي اصحبتي ماشي نادرين
ريتاج : اه عندك صاح يلاه تفكرت هاد اللعبة كنت كنلعبها انا ونور وعقلتي إلياس راه شحال مرك لعباناها
إلياس : اه عاقل عليها
عمر : كتبان اللعبة مشوقة
صوفيا :دبا غنحدو مجموعات بلي لربح غيحدد مجموعتو
لعبو حجر ورقة مقص بيناتهم وربحات ريتاج وختارت فمجمعوتها صوفيا وصوفيا همسات لريتاج باش متختار إسراء
صوفيا :( بصوت خافت كتسمعو غاريتاج) شوفي ختاري عمر وخلي إسراء مع إلياس صافي نشوفو شغايديرو
ريتاج : اه ههه وخا
إسراء : شكتهامسو تما
ريتاج : ههه والو
من بعد ختارت ريتاج عمر وبقات غاإسراء وإلياس
إسراء ( شافت فيهم بغضب): نتوما كفاش مختاريتونيش
صوفيا : وهانيا أصحبتي هاهو إلياس اعمر عليك
إسراء : ودبا غتبدلو معايا مبغاش نمشي معاه
إلياس : مالي فيا جدام
إسراء : اه فيك للأسف
إلياس : اتريحي البرهوشة غنوريك
إسراء : واه ضحكتيني قرب لنطح موك ضسارة بنادم
صوفيا : وهنونا يالاه زيدو نلعبو
إسراء : انا مغلعبش بغيتيني نمشي في نفس طريق مع هذا
ريتاج : عفاك صافي براكة من عناد
إلياس متسوق مشا داخل الغابة حتا هوما دخلو الغابة بقات كتشوف حتا عيات وهي تبع إلياس
إسراء : واتسنا مالك كتمشي بزربة
إلياس : ياك قلتي منك لاعبة لاش تبعاني
إسراء : لاش غنتبعك مهم انا غنمشي فهاد طريق
إلياس : وش نتي منيتك راه حتا في نفس فريق
إسراء : راه عارفة لذلك نتا غتمشي من هنا وانا غنمشي من هنا
ومشات مدتها كاع فيه ملي بدا كعيطلها وقال مع راسو حمقة صافي
إسراء ماشيا وكتقلب : اوف حمدالله تهنيت منو حامض لاخور
اما إلياس بدا كجمع
من بعد خرجو من غابة وهي تنطق صوفيا
صوفيا : إلياس فيناهيا إسراء
إلياس : راه قالت غتمشي من ديك جهة وبغات تمشي معايا فنفس طريق
ريتاج : وخا تسناوها دبا غتجي
اما عند إسراء تودرات فوسط غابة
إسراء : اويلي انا فين  ويلي فيناهيا نسيت طريق
وبدات كدور فوسط غابة وبدا كتغرب شمس وضمت راسها تحت غابة
إسراء : ياربي حميني اشداني نمشي بعيد عليهم اويلي انا ليدرتها بيديا
وبدات كتسمع صوت ذيب وبدأت كتخاف
إسراء : اويلي هذي لاخره ليا وبدات تبكي هيئ هيئ هيئ اليوم انهشوني ذياب اميمتي
اما عند صوفيا وريتاج وعمر وإلياس
إلياس وعمر : تسناو هنا حنا انمشو نقلبو عليها ونجو
صوفيا وريتاج : وخا وبداو كبكو
عمر : ونتوما هنونا براكة من البكا
دخلو مع الغابة كقلبو
إلياس : عمر نتا سير من هاد جيه وانا من هنا
عمر : وخا
مشاو كقلبو وكعيطو بسميتها
إسراء سمعات بحال صوت إلياس كعيطلها
إسراء : إلياس انا هنا
وجا كجري عندها وعنقها
إلياس : نتا بيخير ياكما وقعتلك شيحاجة
إسراء : اه بيخير غاخرجني من هنا
اما عمر خرج عند بنات
صوفيا : انضرا رقيتوها
عمر : لا ولكن إلياس اكون لقاها
اما عند إلياس شد بيديها وبقا ماشي بيها