عشقك إدماني

parte 152

غيثة نطقات بجهد : كفااش وش داك شمكار قلتيلو على خطة ديالنا و علاش اصحبتي وش منيتك فين كان عقلك اويلي
رانيا ساطت ونطقات : صافي اغيثة متزيديش عليا  انا باغا لخفف عليا انا عرفا شنو درت انا حمقاء مفكرتش فعواقب
غيثة دارت إيديها على جبهتها وتنهدت ونطقات بخيبة الأمل : انا مظنيتكش هكا ارانيا نتي بنت ذكية كفاش قدرتي ديري هدشي خيبتي أملي فيك كفاش قدر إلعب على عقلك
رانيا لشافت فيها ونطقات بحدة : صافي اغيثة معودتش ليك باش تعاتبيني انا عرفا غلط لدرت سمعتي ولا لا انا لكنت مهنية فمخي تدرتها لراسي قلت نجيبك لخويا ونبعد ديك متشردة عليه ودبا كتعاتبيني هذا هو خيري فيك اما ݣاع مانمرض مخي
هي لطلعات فيها وشافت فيها ونطقات: صافي اصحبتي مقصدت والو اصلا داك اشرف ماعندو مايدير ماعندو تادليل مديريش فبالك غار مرة اخرى متيقيش صافي ارانيا
رانيا نطقات وهي خايفة : كنتمنى عرفتي اغيثة ويسجل صوتي مشيت فيها خويا وبابا وماما غيتبراو مني وماشي بعيد غيبدا اهددني انا خايفة شنو غندير دبا
غيثة ناضت من على كرسي وجات حداها جلسات فوق كرسي لحداها ونطقات : رانيا شوفي فيا اشرف مغيدير والو ومغاديش يسجل صوتك هذاك فيه غار الهدرة اما حنا خاصنا نفدو خطتنا مخصناش نتراجعو ،هذيك متشردة خاصها ترجع من فين جات وانا إلياس غايكون ديالي
رانيا لنطقات بتحدي : اكيد اغيثة هو ماعندو مايدير انا وياك خاصني دغيا نفدو خطتنا
بقاو شحال كهضرو وتحط الغداء وكلاو عاد خرجو من كافي كل واحدة ودعات لاخرة
غيثة ركبات فاللوطو ديالها ومشات اما رانيا يلاه كانت غتفتح اللوطو توقف قدامها صاحب دعوتها ونطقات بغضب : انت شنو باغي وشنو كدير هنا ياكما كتجسس عليا
لضحك بسخرية ونطق بإستهزاء : مالي مسالي مخي تتجسس على كمارة بحالك دوري تق* تنحتاجك
رانيا شافت فيه بشك ونطقات : ولكن شنو جاي دير هنا ؟! وعودات نطقات بالسخرية : هههه ياكما باغي دخل هاد بلاصة متقولهاش راه خاصة غار بالاغنياء ماشي بالطبقة متشردة الفقيرة بحالك  هنههه
أشرف لبتاسم وقرب عند وهز خصلة من شعرها وردها ورا وذنها وهي حاضياه بعينيها ونطق : باقي مكتعرفيني ابنتي بقاي سكتي شويا راه فيك الهضرة 
رانيا : مفهمتش !!
داز من حداها بلا مايجاوبها وخلاها بلاكة ودخل كافي اما هي بقات كتشوف وهي تفتح اللوطو وطلعات ودمارات نيشان الوجهة
اما عند بنات مورا مخرجو من الجامعة كما العادة واقفين شاديين جماعة ونطقات إسراء وهي شادة جنب ضهرها بالوجع : اييي البنات غنمووووت الوجع اوووه اشداااني نحمل
صوفيا شداها ونطقات : وش شوية اإسراء مالك مناش هدشي ضارك اصحبتي
إسراء كتشوف بتعب ومقدرات تاتجاوب ونطقات جوهرة : صوفيا اجي جيبيها هاد كرسي تجلس ترتاح تايرخى عليها الحال
ريتاج شداها من جيهة لاخرة وكتقلب فتليفون وهي تنطق : البنات هاد الوجع لشدك اإسراء راه كقولو عادي  عوناتها صوفيا تجلسات ونطقات : اري نشوف هنا اريتاج تاكيفاش وجع عادي بنت بغات تموت لنا هنا بالوجع
شدات من عندها تيلي وبقات كتقرى اما جوهرة وقفات قدامها ونطقات وهي كتجبد قرعة ديال ماء باش تعطيها تشرب : وش شويا اختي
إسراء متألمة وهي شادا بطنها : ايي البنات كنحس كضربني اووه
جوهرة عطاتها تشرب ورجعات القرعة بلاصتها
ريتاج شافت فيها ونطقات : اصبري اصحبتي دبا يجي راجلك اديك كلينيك اشوف مال هاد ولدك هثر يتم يضرب مو
جوهرة وصوفيا تفرشخو بضحك ونطقات إسراء   بصعوبة : سكتو الهيشات انا كنتوجع هنا ونتوما كضحكو الله يخليها صحبة معاكم
توقف عليهم إلياس وهو مخلوع ومشاتبهلع تجاه إسراء ونطق : عمري مالك احبيبتي شنو كضرك
إسراء نطقات : اووف اإلياس راه كركلني ولدك فكرشي
عونها إلياس تناضت وهزها ممسوق الحد وتم ماشي اتجاه اللوطو  اما البنات اكشوفو وهوما حشمانين ونطقات جوهرة : واو وش زواج بحالهاكا اصوفيا انا بغيت نتزوج ناري انا ذبت فيهم
صوفيا : ههه تقريبا يلاه خليتكم عمر كتسناني
ومشات وخلاتهم ونطقات جوهرة : واو وبغيت نتزوج اعباد الله وبغيت نجرب الحب
ريتاج جرتها معاها ونطقات : زيدي اللوستي مستقبلية لايسمعك راجلي مستقبلي وتصدقي ميتة الله يرحمك
جوهرة بدات كتغبن توقف عليهم معتصم ونطق : جوهرة نتي مالك اشكاين
جوهرة غشافتو وبدات كتبتاسم ببلاهة  وقدات الوقفة ديالها حيث كانت دايرا راسها فوق كثف ريتاج ودايرا إيدها وسط دراعها ونطقات : والو اخويا اكنا كنضحكو
معتصم : وخا وسبقيني السيارة
جوهرة حيدات ايدها من دراع ريتاج وغمزاتها ومشات اللوطو ركبات فيها اما عند ريتاج ومعتصم جبدها من إيدها تعنقها ونطق : توحشتك احبيبتي
ريتاج : ههه ديما كتشوفني وكتقولي توحشتك اناري
معتصم  بعد منها وش فإيديها ونطق بجدية : مال مك معكسة مبغاش تزوجي دبا
ريتاج دارت خصلة ورا  وذنها ونطقات : واه بغا نكمل قرايتي بحال ختي عاد نتزوج امعتصم
معتصم تنهد ونطق :خلينا نتزوجو متليت قادر نصبر راه  بغيتك مراتي وحلالي راه صبر كضبر ابنت الناس شحال قدني نبقا صابر
ريتاج سرطات ريقها : عفاك حبيبي غايدوز العرس ديال ختي واجي لاباغي تخطبني صاافي
معتصم : وخا احبيبتي يلاه دبا سيري داركم بيناتنا تواصل
ريتاج بتاسمات لو وطلقات ايدها من إيدو ومشات بقا حاضيها تاركبات مع شيفور وهو تاجه اللوطو عند ختو وشاف فيها عاد سد اللوطو ودمارا وتنطق بهدوء مخيف : شنو هدشي سمعت قبيلا اجوهرة اشباغا
جوهرة سرطات ريقها وطلعات معاها صهدة والخوف وعينيها بغاو يدمعو : خويا والله مقصدت شيحاجة انا اكنت ضاحكة مع ريتاج
معتصم شاف فيها ونطق : مسحي دوك دموع ، الا هدر معك شيحد جي قوليهالي ولبغاك يجي لداركم سمعتي ولا لا
جوهرة نطقات فخاطرها حلال عليك وحرام عليا ياك وهو ينطق معتصم : وش مفهوم ، الا شفتيني مع ريتاج غار هي مبغات تزوج دبا اما انا ماعندي تامشكل من دبا نمشي لدارهم
جوهرة : ااه خويا فهمت
معتصم نطق بحنية : سمعي اجوهرة انا خوك وباغي غامصلاحتك من احسن متعمريش راسك ديها فقرايتك دبا ماشي ديما غنتلقاي مع الناس بحالي وبحال راجل إسراء وبحال راجل صاحبتك راه كاين لباغي يتفلا وسوليني انا لكنعرف عقلهم ومعمرك تيقي اختي
جوهرة نطقات وهي مرتاحة لهدرتو : كن هاني اخويا عامري غنخيب ضني فيك
معتصم عنكش شعرها ونطق : هكاك اختي وخا تشوفيني كنعاملكم هكا وصعيب راه على قبل مصلاحتك نتي وغيثة وخوتاتي خط احمر لبغا  واحدة  من خوتاتي  يجي يهدر معايا ومع الواليد
جوهرة : الله يخليك لينا اخويا وشكون مكبر بينا وسند لينا من غيرك انت
معتصم بتاسم ونطق : تانتوما الله يخليكم ليا
جوهرة: امين يارب
ومتلا نطق تواحد فيهم وهو ماشي وجهة فيلا ديالهم
عند إسراء وإلياس لوصلو كلينيك دخل كجري بيها هو هزها تدخلوها بلاصة الفحص ونطقات طبيبة بعد مفحصاتها : هدشي عادي غانتوما تخلعتو
إلياس نطق بخوف : وش مأكدة ياكما غتولد
إسراء : اويلي اإلياس اشمن غنولد راني يلاه 4 اشهر عندي
طبيبة لضحكات ونطقات : لا أسيدي لا هي دبا من 4 اشهر اتولي تحس بشي وجيعات وضروري الجنين غيبدا يركل في بطن مو هدشي عادي غنكتب ليك مسكنات لغيرخيلك الوجع
إلياس حدها امألها براسو وإسراء بتاسمات ونطقات : شكرا
مشات جلسات فبلاصتها وكتبتلها مسكنات  وناضت مدتهم لإلياس اما هو تاجه ساعدها تناضت ونطق : وش ديما غتبقا تعاني بحال هكا
طبيبة : ااه مرة مرة ضروري غتحس بالالم الله يسهل ولادتها ياربي ويثبث حملها
إسراء : امين يارب والله يجازيك شكرا
ساعدها تخرجو من كلينيك وركبات عاد هو ركب وتاجه كقلب على شي صيدلية مفتوحة ترقاها وبلاصا اللوطو عاد هبط ودخل خدا دوك مسكنات وخرج وتاجها عندها طلع ومدولها ونطق : هاد جوج مسكنات واحد غتشربيه ورا الفطور وتاني ورا الغداء
إسراء : حدها امأتلو براسها
ونطق إلياس : شويا اعمري ولا باقي وجع فيك
إسراء : لا لا حمدالله
ودمارا نيشان وجهة لفيلا