إسراء مدتها ݣاع فيها و جلسات وجلس حداها إلياس ومقابلا معاهم جوهرة و عاد جلسات غيثة حدا جوهرة وباشرو فالأكل وغيثة مهبطاتش عينيها على إلياس ونطقات إسراء بإستهزاء ومخنزرة فيها : شتك بحلا معجباتكش ماكلة وغكاتشوفي اشكاين ؟!
غيثة شافت فيها وسرطات ريقها حاولات تبين بلي عادي ونطقات بنبرة هادئة : ااه راه كناكول زوين الغداء ههه
رجعات كتاكول بهدوء ومرة مرة عينيها كترماو لغيثة وترقاها باقة عينيها مهبطوش على راجلها ونطقات بهمس : والله حتى نقتلها اويلي بغا ديلي راجل تفو الݣنز مايحشم مايرمش
وغيثة غكتشوف فيه شي شوفات ديال زام* وطلع فيها عينو إلياس وخنزر فيها ونطق بنبرة جافة : اشكاين مالنا على هاد شوفات نتي ؟!
إسراء شافتها مجوبات ونطقات بإستفزاز : اوا جاوبي اخيتي مالكي على هاد شوفات لكديري شنو بغا ازين هاا !!
حسات بإحراج تملكها ونطقات بتحلوين : لا والو اإلياس غار كنشوف وصافي ههه
جوهرة اكتشوف فختها وفهادشي لدارت وقرصاتها تتهزات غيثة ونطقات بدون شعور وهي متألمة بديك قرصة لعطاتها جوهرة : انتي مالك قرصتيني ايي وش نتي حمقة ولا شنو ايي احح
إسراء حابسة ضحكة وجوهرة شافت فيها مخنزرة ونطقات بنبرة تهديديه : راه والله ومتجلسي اغيثة وتهنينا ياتنقولها خويا وديكساعا الا مسيفطك سبيطار منتسماش جوهرة
خنزرات فيها وجلسات ونطقات بالهمس : صافي اجوهرة معندكش حق تهددي ختك ثافي هنينا شوهتينا
مدتهاش فيها جوهرة وبدات كتاكول واما غيثة معندها وجه علياش احشم غاكتشوف فإلياس تصدعاتو فمخو وهو ينطق بنبرة حادة : جمعي عينيك
نطقات : ااه غار سهيت هههه تفكرت طفولتنا ههه
مدهاش فيها ونطقات إسراء : اوا بزعطا
غيثة عقدات حواجبها ومدتهاش فيها وبقات كتشوف فيه تاني
إسراء غكتنهد وناضت من على كرسي ونطق إلياس ملي شافها : عمري جلسي تاكلي مكليتي والو
بتاسمات نطقات : لا صافي حمدالله شبعت
هو ينوض إلياس معاها وعنقها جنبو توصلو صالون وغيثة بقات اكتشوف ومعصبة تشافت فيها جوهرة كفاش عقدة حواجبها وغكتسوط وإيدها لمزيراها على فورشيط ونطقات جوهرة بنبرة هادئة : غيثة مالكي كتباني معصبة ؟!
غيثة شافت فيها وبتاسمات ابتسامة صفراء ونطقات : والو
وناضت من فوق طابلة تجهات صالون فين كانت جالسة إسراء وإلياس معنقها عندو ومحملاتش راسها وجلسات قبالتهم دايرا رجل على رجل وباينين فخاضها عريانين باش ثير انتباه وهو ݣاع ممديها فيها كِتفرج فتيلي وحداه إسراء تاهي كتشوف معاه اما غيثة كتحاول تبتاسم وتبان عادية ونطقات وهي كتدور احد خصلة من شعرها فإيديها : اوا الله يخليكم لبعضيتكم باينة كتموتو على بعضياتكم
إسراء طلعات فيها عينيها وقادت جلستها ونطقات : امين والله يبعد علينا لباغي يفرق شملنا
غيثة تنهدات ونطقات محملاش راسها : امين
تنضمات لهم جوهرة لخلات خادمات اجمعو الغداء وجلسات معاهم ونطقات: شكرا اختي إسراء
إسراء بتاسمات ونطقات : عادي احبيبة وقت لبغيتو تجو مرحبا بيكم
جوهرة بتاسمات لها ونطقات : ألله يكبر بيك اختي
حدها ابتاسمات لها وغيثة غامخنزرة وهو ينطق إلياس بعد ما جمع وقفة وخشا تيلي فجيبو وناضت معاه إسراء : يلاه اعمري هانا مشيت الخدمة
ونطقات : الله يعاونك احبيبي
وسلمات عليه وهو يمشي وإسراء مشات معاه تالباب وغيثة متبعة العين لهم تنطقات جوهرة : مالنا على هاد خصايل اغيثة خلي عليك راجل ومراتو محشوماش معندك علياش تحشمي دوري براجل مزوج
غيثة شافت فيها ونطقات : وايلي نتي منيتك انشرح ليك اختي متفهم...
قطعاتها جوهرة بنبرة حادة وهي موجهة صبعها جهتها : اسمعيتي مكاين متشرحيلي اشهاد المرض اكنتي دايرة اولا لابسة معري زعما بغا تبيني مفاتينك ولا شنو
جات تنطق غيثة تقطعاتها جوهرة بنبرة عصبية : سكتي متقطعنيش متهضريش هاا خليني نكمل
غيثة : يلاه كملي اولا انا راه ختك كبيرة عمري 25 سنة معندك الحق تهضري معايا بهاد لافاصون
جوهرة تنهدات ونطقات : ااه ختي كبيرة ياحسرة تانيا العقل الله يجيب اه ومنحقي نهضر بهاد شكل حيث نتي الا مهضر معك شيواحد هكا مغتحشميش
جات داخلا إسراء وكتسمع الغوات عقدات حواجبها ونطقات : مالكم البنات اشواقع
جوهرة حولات تخفي غضبها ونطقات : إسراء والو اختي اكونا كتناقشو انا وختي غيثة على شيحاجة
إسراء نطقات بتفهم : ااه فهمت غار سمعت غواتك اجوهرة تخلعت
غيثة نطقات بنبرة مستفزة: مكاين لاش احبيبة تخلعي حيث الخوف والخلعة ممزيانش لبيبي
إسراء ميلات راسها جنب ونطقات: عارفة مكاين لاش تعذبي راسك وتنصحيني
سقلات غيثة متلات زادت معاها تاكلمة شويا إسراء سمعات صونيت فالباب وتجهات عند الباب تفتح ترقات معتصم قدامها ونطقات : اهلا اخويا معتصم
معتصم حدو بتاسم ابتسامة مابيناش ونطق : مرحبا جيت ندي جوهرة وغيثة
إسراء نطقات بتفهم : ااه بقاو معانا مالكم مزروبين
معتصم : مرة اخرى ان شاء الله
اما داخل غيثة غاسمعات صوتو وتخلعات وناضت كتقلب على جلابتها ونطقات جوهرة بسخرية : دبا بغيتي جلابتك وقبيلة ملي كنتي جالسة معريا قدام راجل غريب عليك مخفتيش
غيثة نطقات معصبة : سكتي خليني نقلب على جلابتي راه غينحرني معتصم
اما جوهرة خرجات عند خوها ونطقات : خويا
معتصم : عيطي ديك ختك فيناهيا
جوهرة بتاسمات ابتسامة بلاهة ونطقات : هاهي غتجي غتهز ساكها وتجي
اما عند غيثة رقات جلابتها لبساتها بالخف وهزات ساكها وتاجهات عندهم وكتمشي بزربة وإسراء كتشوف فيها وكدور براسها يمين وشمال وايقنت بلي ختنا كدور براجلها
وصلات عندهم غيثة ونطقات : خويا جيتي
معتصم مشاف جهتها ونطق جوهرة : يلاه زيدو
وشاف فإسراء ونطق : خليناك على خير اختي وسلمي على إلياس
ونطقات : مبلغ اخويا مرة مرة جو عندنا متعطلوش
معتصم : ان شاء الله اختي ضروري نحيو زيارة بيناتنا نتي لبقيتي من مرحوم
إسراء : الله يكبر بيك
وتودعات معاهم وهوما مشاو ركب فاللوطو وركبات قدام جوهرة واللور غيثة وانطلقو دارهم اما إسراء دخلات دار وكانت ساعة كتشير تلاتة ونص وجلسات في صالون ونطقات : ضروري خاصني نخبر البنات بهدشي اويلي ختنا بغا ديلي راجل
اما عند غيثة وجوهرة فورا موصلهم خوهم وتاجه لخدمتو وهوما طلعو مع دار تلقاو مع زينة خبروها بلي تغداو ويلاه دخلات غيثة بيتها وهي دخل عندها جوهرة بعد مسدات الباب باش مايتسمع صوت ونطقات بتهديد : سمعيني اغيثة غنقولك جوج كلمات وديريهم حلقة فوذنك ولا والله يا تهاذ هدشي يوصل لمعتصم وديكساعا تفرجي
غيثة ربعات إيديها ونطقات : شنو هانا كنسمعك
جوهرة : خويا إلياس عطيه تساع بعدي من الناس مزوجين وخليهم عليك
يلاه بغات تنطق غيثة وهي تخرج من عندها جوهرة من البيت ومشات بيتها تراجع دروسها
عند إسراء ناضت على سعدها وعدها طلعات مع دروج جمعات كتوبها وجلسات فوق فطوي وهزات تيلي فإيدها تتاصل عليهم بجوج في دقة تجاوبوها ونطقات صوفيا : اهلا الجحشة متاصلة بينا على شي كارثة باينة
ريتاج لكانت دايرة ماسك وجهها ودايرا مكبر صوت ونطقات : واه داكشي لبالي اصوفيا مكتاصل تاكتكون شي مصيبة بغا ديرها ولا مصيبة وقعات
إسراء نطقات بتذمر : سكتو ياويين شحال فيكم ديال الهضرة انا تاصلت بيكم باش تجو عندي وعندي الاخبار مفرݣعة اختشي
صوفيا : منيتك اختي دبا انا كنتفرج ممسالياش
ريتاج : واه حتا انا دبا دايرا ماسك لوجهي باش نبان تيتيزة فالعرس ختي
إسراء نطقات بنبرة حزينة: يااك حشوما عليكم دبا انا صاحبتكم ومبغيتوش تجو عندي وكتعرفوني كنتوحم وكذا والله تاحشوما
صوفيا نطقات بزعاف : صافي سكتي كتقطعي بالقلب نتي هاني جايك بناقص منو الفلم
إسراء بدلات نبرتها نبرة عادية ونطقات : هكاك اصوفي هكا نبغيك ، ونتي البقرة مبقيتش فيك ياك سري زعما لاقيتك نتي ومعتصم ديالك هاا خيري منافعش ياك
ريتاج : اوف صافي اساطة غنجيك شحال فيك ديال تذمر واه متخلوش شيواحد ازيان وابياض وابان فيه ضو ولا ادير ماسك على خاطرو والو
إسراء ضحكات ونطقات : وش فيك متزياني لزين زين ونتي قرطاسة ياختشي هايهاي على صفريطة بغا تبياض قولي بغا تحولي شبح
ريتاج : وباز شكديري تعناب نتي قولي وكان صلي تعنبي على خويا إلياس اوكان قطعي من عندك انا غنمشي نغسل وجهي باش نجي عند سيادتك نتي
إسراء : هكاك الله يرضي عليكم ابناتي ونتي اصوفيا فين مشيتي
صوفيا نطقات من بعيد وهي كتختار شنو كتلبس : راه بغا نبدل قطعي قطعي باش نعلم عمر
قطعات معاهم ومشات هبطات تحت تعلم خادمات اوجدو ضيافة وشعلات تلفازة وخدماتها على نيتفليكس وختارت منو فلم معين وحداها سقاطة وجلسات كتاكول وكتفرج
بعد مدة من زمن تجات عندها ريتاج من بعد مفتحات لها خادمة ونطقات بصوت عالي : ويالبقرة والدبة وفيينك
إسراء شافت فيها : جيتي وابشوية شوهتينا زيدي جلسي زيدي
دخلات عندها صالون رقاتها مخدمة افلام رعب كتفرج فيهم وشافت فيها بإستغراب ونطقات : واختشي تي اشهاد افلام كتفرجي باينة غتولدي شي ولد ولا بنت مجرمين ياربي سلامة ياحصرة باهم قانوني ومع القانون وهوما يخرجو من جنب
طلعات فيها عينيها وفمها عامر ونطقات : واسكتي ماحنا على فالك
ريتاج : كملي اكان غاماكلتك الهايجة
تاشويا جات صوفيا نضمات لهم وإسراء طفات تلفازة وبقاو شحال كشوفو فيها وهي كتشوف فيهم تنطقات صوفيا : واهضري شناهوما الاخبار لخليتينا نجو عندك
ربعات إسراء رجليها ونطقات : وختي راجلي بغاو يسرقوه مني
ريتاج عقدات حواجبها ونطقات : كفاااش مفهمتش شكون ؟!
صوفيا حطات إيدها على جبهتها ونطقات من بعد مبعدات : مفيكش سخانة ولكن بلاتي شرحيلي اختي انا مفهمت شكون هذا غيشفر نسيبنا ههههه
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
