عشقك إدماني

Parte 30

مشاو حفظو حفاظتهم
اما عند اهل ريتاج
دخلات ريتاج دار ومشات جلسات حدا ماماها وباباها
ريتاج : ماما وبابا راه غدا غيجو عندي صحاباتي باش نبداو حفاظة جهوي ومراجعة
ليلى : اه اوا مزيان صراحة صحباتك رتاحيت لهم ضريفات
عماد : ويه مأدبات ومصوابات الله يوفقك
تجمعو على مائدة طعام لوجدتها خدامة بأشنى اطباق وكلسو اتعشاو فهدوء ونطقات ريتاج
ريتاج : ماما فينا هيا نور
ليلى : راه مشات خرجات
ريتاج :اه هكاك
من بعد مسالو ماكلة طلعات ريتاج بيتها وجبدت لخاصو يتحفظ حيت عندهم فروض
من بعد مسالت حفاظة دهنات راسها بكريمات ونعسات
اما عند إسراء وصوفيا
كالسين كحفظو وكملو حفاظتهم مشاو عونو رحمة فتوجاد طابلة وجلسو كتعساو ومن بعد ناضو ومشاو جمعو كتوباتهم ونعسو
اصبحنا واصبح ملك لله كما العادة نايضين بكري باش امشو الليسي قامو بنفس روتين وخرجو من دار وبقاو ماشيين الليسي تلقاو مع ريتاج دخلو اقراو كما العادة خرجو مع 12 توادعو مع ريتاج ومشاو دار سلمو على رحمة وعلى مصطفى وجدو الغداء تغداو دخلو بيتهم اجمعو كتوباتهم
نطقات صوفيا : وش إسراء دابرا شي تلاخيص
إسراء : اه دايراهم راه هوما لعطيتهوماك البارح كنا نحغطو فيهم
صوفيا : اه متبهت
شوية كسمعو صونيت ديال طنوبيل
رحمة : البنات يلاه كتسانكوم شيفور ديال صحبتكم باش ايديكم
خرجو البنات ركبو مع شيفور دخلو عند ريتاج
ريتاج : اهلا إسراء وصوفيادخلو
دخلو جات عندهم ليلى وعماد
ليلى : اهلا كدايرين بيخير
صوفيا : بيخير حمدلله ونتي خالتي وعمي  لباس  عليكم
عماد : بيخير حمدالله
ريتاج : يلاه البنات نتطلعو بيتي
طلعو معها بيتها دخلو داك البيت لفين كتحفظ  ريتاج جلسو فوق مكتبة جبدو كتوباتهم وجبدات إسراء تلاخيص وبداو كراجعو وكتناوبو كل واحدة وكتسرح درس لفهماه وظابطاه
ريتاج : يلاه البنات ندوزو فرونسي هملناها
صوفيا : اه يلاه
بداو كرجعو مقشبلو تاحاجة كعا مستواهم ضعيف بزااف فالفرنسية
تما فتحت سمعو صونيت فتحت الخادمة وكان إلياس عند الباب ستقبلتو ليلى وعماد وبقا كالس كعاهم نطقات ليلى : اخيرا اإلياس جيتي عند خالتك ومشكلة معانا نفس مدينة ومكنشفوك ههههه
إلياس : اه خالتي غار مع الخدمة واليوم سليت شي خدمة وقلت نجي نطل عليكم
عماد : اوا بهاد حساب خاصك تبقا معانا حتى تعشا
إلياس : اه هههه اوا صافي لبالكم
إلياس : فيناهيا ريتاج ونور
ليلى : نور خرجات حيت سيمانة جاية غتمشي وريتاج راه معاها صحاباتها كحفظو
إلياس : اه هكاك الله يوفقهم
عماد : امين يارب
اما فوق عند البنات كراجعو ومفهمو تاوزة حيت مستواهم ضعيف ففرونسي نطقات ريتاج : البنات تسناوني نمشي نعيط ختي
صوفيا : اه سيري عيطيلها
مشات هبطات تحت مشات وقفت عند ماماها وباباها وممتبها كاع شكون معاهم
ريتاج : ماما وبابا فيناهي نور تجي تشرح لنا وحنايا غاسطولا حدا ختها ففرونسي
ليلى : ههههه نور راه مشات خرجات
ريتاج : اوف دبا شغاندير
نطق إلياس : شباليكم نشرحلكم فرونسي
تلفتات مصدر صوت وجات تسلم عليه
ريتاج : اهلا اخويا مشفتك كاع
إلياس : ههه هانيا هانيا
ريتاج : الله يجازيك يلاه نطلعو
طلعو عند بيت ريتاج مع فتحت ريتاج الباب تصدم هو بوجود إسراء تم ودخل مخنزر اما البنات حانيون ريوسهم على دفاتر ونطقات صوفيا وهي بقا مشافتهم صوفيا : جيتي كولي خوادريتك تشرحلنا الله يجازيها