بقات مهبطة فأنستغرام وممديها فهداك لحداها بحالا هي وحدها فالبيت تاطاحت فشي فيديو وبدات كضحك بجهد وكتخاطب راسك
إسراء : واههههههه وناري مسخوط صافي
عقد إلياس حواجبو حيت مخلاتو اركز على خاطرو وهو ينطق
إلياس : نتي ياكما اسحابلك وحدك فالبيت ولا شنو. سكتينا خلينا نخدمو
شافت فيه إسراء وخنزرت فيه
إسراء : اشوف نتا دخل سوق راسك الا باغي تخدم سير دارك ومتجيش نتا ديرلي حدود. اواه تاضحك منضحكو على خاطرنا
وهو ينطق إلياس : ناس كضحكو بأداب ماشي ضحك حمير صافي
إسراء مرضاتش وهي تنطق
إسراء : اشوف نتا حتارم راسك
إلياس : بغيت انعرف فين متسلطة عليا فيما ممشيت لقاك قدامي ويني مشكلة هادي
إسراء : ههههه نتا لتابعني انا حدني فبلاصتي
قاطعهم دخول ريتاج وصوفيا جايبين بلاطو عامر بالمقبلات خفيفية لياكلوها عاد ادوزو اراجعو من جديد.
ريتاج : يلاه اجو تاكلو
بداو كياكلو من بعد دخلت خادمة جمعت روينة ومشات إسراء غسلات ايدها هي وصوفيا وريتاج وحتا إلياس منبعد كلسو بلاصتهم
وبدا كشرح لهم إلياَس وهما متبعين معاه من بعد مكمل شرح لهم شي 3 دروس نطق
: يلاه قراو. مزيان والله يوفقكم انا غنهبط تحت
شكرتو ريتاج وصوفيا : شكرا ليك اخويا
همهم ليهم وتم نازل هوما كملو كتابة تلاخيص وحاجات مهمة وهبطو تحت
رقاو نور كالسة حدا إلياس وحداها وليلى وعماد وكالسين فصالو ونطقات إسراء : سلام عليكم يلاه خالتي وعمي بسلامة عليكم خاص نمشو دار
نطقات ليلى : بقاو معانا تتعشاو
إسراء : لا لا خالتي
وهو ينطق عماد : لا غتبقاو تتعشاو وغيوصلكم شيفور جلسو معاهم نفس صالون
وهي تنطق ريتاج : نور فين مشيتي كنا بغيناك تشرحيلنا
نور : غار خرجت قضيت مسائل وهو نيت إلياس شرح ليكم
ريتاج : اه اختي الله يجاريه
ومنبعد وجدو خدامات مائدة طعام بأشهى اطاق وتقدمو اكاسو فمقدمة كاين عماد ومن جنبو ليلى ومن جهيتو لوخرا نور وحداها إلياس وبجانبو ريتاج اما من جهة ليلى كالسة حداها إسراء وصوفيا
وصوفيا غار فاتحة فمها وهي تقرصها إسراء وهمسات ليها : اشوفي اصوفيا عندك تطيحي فماكلة بحال عمية
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
