عشقك إدماني

parte 130

نهار جديد
اصبحنا واصبح الملك لله
إسراء وإلياس لمتعانقين وناعسين حيث إلياس ميخدم تال العشية وإسراء مغتقرى كذلك  تال عشية
وجهة اخرى عند فيلا لكانت صوفيا فاقت بكري وصلات صلاتها  لبسات عليها  سورفيت بالزرق غامق ساترة وسخونة واما شعرها قداتو عبارة عن شفنجة  وتجاهات عند عمر لناعس وبدات كتنفض فيه ونطقات
صوفيا : فيق اعمر فيق يلاه يلاه سربي فيق يلاه
عمر معنكش بنعاسو وصوتها دورينجاه وهي لكتغوت باش يفيف تناض جالس ونطق معصب :اشواقع هنا اشواقع مالنا على صداع على صبيح
صوفيا سرطات ريقها ونطقات بصوت رقيق وكترمش عويناتها فيه  : عمر ديالي حب ديالي انا
عمر مسح على شعرو ونطق : من لاخر اصوفيا ختاصري شباغا ياك مقارياش تال العشية اش كاين
صوفيا : هو صراحة بغيتك ديني عند إسراء
عمر : عوتاني إسراء دوري تݣعدي تنعسي
ونطق كلامو ورجع نعس من بعد ماغطا راسو
صوفيا بقات كتشوف فيه  ونطقات : وعمر وحرام عليك ديني عندها يلاه فيق كن كنت مخالطة كن مشيت بوحدي يلاه نوض صافي يلاه براكا من نعاس
عمر دار عندها ونطق مغدد: سيري شوفيلك مديري حنا بغيتينا  نمشو مصبحين على الناس على صبيح وش نتي شويا لباس
صوفيا : وراه هادي سابعة وانا بغيت نجمع مع إسراء يلاه سربي نمشو
عمر  تنهد وناض جلس  ونطق : صوفيا وش بعقلك ولا طارلك فريخ سيري قبل منوريك شكون هو عمر يلاه بدلي ساعة وخرى تال تاسعة ونديك عندها بغا غتبرݣيݣ نتي راني عرفاك
مشات حداه قبلاتو فخدو وبعدات ونطقات : صافي رجع نعس انا غنشوف مندير بين موصلات تاسعة مهم غاديني ياك
عمر حرك راسو يمين شمال ورجع غطا راسو ونعس
اما صوفيا لهبطات وبدات كتاصل بريتاج لكانت ناعسة جوباتها قافزة : الو اشباغا اصوفيا مصبحة عليا على صبيح وش نتي شويا لباس
صوفيا : واتهدني هاديك بهلة اتهدني بغيت انقولك تمانية ونص تكوني عندي هنايا فداري
ريتاج جوباتها بصوت مبحوح : اربي مارجعي تنعسي وخليني نكمل حلمة ديالي وش نتي صفا با سكي على راجلك  مسكين  رجعي ابنتي تنعسي رجعي
صوفيا : واسمعيني ياتا راه غنمشو عند إسراء مع تاسعة واجي نتي عندي مع تمانية ونص باش نمشو مجموعين
ريتاج  لناضت وجلسات ورجعات شعرها اللور لكان طايح على وجهها : اديك بقرة وش إسراء زعمة متكونش ناعسة هي وراجلهاا ونجو حنا مصبحين عليها منيتك
صوفيا لجلسات فصالون وهزا فإيدها حليب دافئ  لجابتولها خدامة ونطقات وهي كتكلم معاها فتيلي : واختي بغا نعرف شنو وقع البارح معاها شدني فضول اش غندير الليل كامل وانا عقلي كفكر
ريتاج لبتاسمات فور متذكرات موقفها مع معتصم : ااه صافي حتا انا عندي اخبار جديدة
صوفيا : وايلي شمن اخبار
ريتاج : تال عند إسراء ونعاودلكم بجوجات ومتيقيش اصحبتي شوقع معايا البارح راه شيحاجة مكنتش كنفكر فيها ݣاع
صوفيا : سيري تمانية ونص كوني عندي راه دبا سبعه ونص ساعة ديال مݣانة عندك
ريتاج :يلاه اديوس
وقطعات معاها وجلسات كتفطر تاتم نازل عمر لابس سروال دجين ونص كوم فالكحل وكويرة فإيديه وجلس معاها ونطق : المصيبة كتفطري بلا بيا
صوفيا : اوا نشبعو كرشنا فيا جوع اصلا
عمر : بغيت غار نعرف داك نعاس لنعستيه عند والديك جيتي حرمتيه عليا هنا
صوفيا : وعمر راه بنادم كتبدل انا مشاء الله وليت كنفيق بكري
عمري : فطري وكان فطري
بقاو كفطرو تاسمعو صونيت ناضت صوفيا فتحاتلها الباب ونطقات : ريتاج دخلي اصحيبتي تفطري معانا
ريتاج : اوا لباس ملي موجدة فطور بعدا
عمر : سلام ختي ريتاج لباس
ريتاج : حمدالله  اخويا حمدالله
عمر : تاهي فيقاتك هاد جنية
صوفيا : وانت هتشي متفهملوش انا ماشي جنية
وجلسو كفطرو بضحك ونشاط وخرجو  وكما العادة صوفيا قدام وريتاج معاهم  اللور من بعد معلمات شيفور غير يرجع
عند إسراء وإلياس لفاق مشا كتريني ورجع طلع نيشان فوق دوش عليه ولبس سروال كحل مع نص كوم فالزرق وشعرو هابط علي عينيه  حدو رجعو اللور شويا وهبط تحت يخلي محبوبتو ناعسة
كما العادة شاد قهوة كحلة كرشف منها وجورنال فإيديه كقرا بعناية تاشويا سمع صونيت
يلاه كانت خادمة اتفتح الباب تاشارلها بيديه يمشي هو يفتح ودخلات خادمة كوزينة تكمل شغالها اما هو تاجه فتح الباب رقا قدامو ريتاج وصوفيا ونطق : جيتو الجنيات اشباغيين على صبيح
صوفيا : اتاحيد انسيبنا خلينا بغينا إسراء
عمر لنطق : اهيا معندك مادير راه مفيقاني على سبعة باش تمشي عند مراتك
إلياس حرك راسو يمين وشمال وشار بيديه باش يدخلو ودخلو جلسو فصالون ورتاج وصوفيا كدورو عينيهم على إسراء ونطقات
ريتاج : خويا فيناهيا إسراء
إلياس : إسراء ناعسة
صوفيا بقات كتحرك رجليها بتوتر ونطقات : الله يجازيك انسيبنا لما فيقها
إلياس نطق : باغيين وكان تبرݣيݣ نتوما بحالكم بحال هاد حمقة لعندي
ريتاج : وهدشي لعطا الله اخويا
إلياس ناض من حداهم كضحك على هبالهم وطلع فوق إسراء لناعسة تبدا كفيقها ونطق : يلاه اعمري فيقي راه كتسناوك دوك جنيات بحالك يلاه براكا من نعاس
إسراء مغمضة عينيها ونطقات : انت اخلينا اصاحبي نعسو
إلياس : يلاه وش مبغا تشوفي صحاباتك يلاه فيقي
إسراء ناضت بدات كتفرك عينيها ونطقات : صافي غهبط عندهم انا واحد شويا غنهبط
إلياس حدو امألها  براسو وناض من حداها هبط تحت عندهم بقا مجمع مع عمر على خدمة اما البنات شدهم ملل  وخادمة كتحط الفطور 
إسراء  لي فاقت  و غسلات وجهها وقضات حاجتها وتوضات وصلات صلاتها عاد لبسات عليها سورفيت فالبيض ساترة وشعرها جمعاتو ديل حصان  وهبطات تحت عندهم ونطقات : هايهاي البقرات مصبحين عليا
ريتاج : إسراء وعلى سلامة وخمرتي اصحبتي
صوفيا : نتي راه وليتي نعاسة بزااف انا وليت كنفيق بكري سولي عمر
إسراء ضيقات عينيها فيها ونطقات بشك : ميمكنش نتي نتي تفيقي بكري لا ابدا خويا عمر وش بصح
عمر : واه بصح اختي راه كارثة هاد صحبتك مصبحة عليا على نوبوري وكتقولي  ديني عند إسراء
إسراء: اناري نتي مالك على حالتك هههههه
إلياس : لاحول ولاقوة الا بالله العلي العظيم شغانقولكم الله يعطيكم عقل
ريتاج : اشبغينا بالعقل اخويا
إسراء : ويه معندنا منديرو بشي عقل خلونا هبيلات
وتجمعو على دوك فطور بضحك ونشاط وخا عمر وصوفيا وريتاج فاطرين ولكن دايرين اديهم معاهم
تستاذنو من عندهم إلياس وعمر وخرجو اقضو شي شغال بقاو غار البنات وجلسو فصالون باش يهدرو على خاطرهم  ونطقات
صوفيا : ويلاه اصحبتي قوليلنا شنو وقع البارح ملي مشيتي مع عمتك
ريتاج : انا شدني فضول شنو وقع هدري خلاص هدري
إسراء : مهم عائلة ضريفة زوينة عجباتني وقتلهم كلشي ودرنا لصداقة البارح ولكن صراحة واحد الحاجة معجباتنيش تما
صوفيا : شناهيا اصحبتي
إسراء : ديك بنت عمتي لكبر من جوهرة عرفتوها لقالت عندها ختها سميتها غيثة هي وسطانية كبر منها معتصم وصغيرة جوهرة
ريتاج : ااه مالها
إسراء : معرفتش مدخلاتليش خاطري دبا هي فلول عطاتني كلام قاصح ومنبعد قاتلي سمحيلي ومرة مرة كتخنزر فيا مفهمت والو
صوفيا : واه صافي نسايها عليك مهم كجاتك عائلتك
إسراء بتاسمات ونطقات: صراحة انا فرحانة بلي ولات عندي عائلة كبيرة وكلشي كيبغيني
ريتاج : هتشي لبغينا اصحبتي الله يجعل كل احزانك فرح ان شاء الله
إسراء : امين يارب اختي
صوفيا : ريتاج قلتيلي غتعاوديلنا شنو وقع معاك شدتينيي رغبة والفضول اختي
ريتاج نطقات وعينيها كلمعو ومبتاسمة  : عرفتو البنات شنو وقع معايا ملي تعطل عليا  شيفور
إسراء ضيقات عينيها ونطقات : شيحاجة عندها علاقة بمعتصم ياك هدري سربي
صوفيا : واو هدري اصحبتي هدري
ريتاج عضات على شفتيها ونطقات : دبا ملي تعطل شيفور وانا كنصوني لو ومجاوبش وقف عليا معتصم فرانا عند رجليا وانا بقيت كنسبو حيث خلعني اووو
صوفيا حطات إيدها على فمها ونطقات : واو شنو طرا تاني
إسراء : وايلي شغيدير معتصم تم
ريتاج : ياك وقاليا طلعي نوصلك
إسراء قاطعاتها ونطقات : طلعتي معاه ياد فرشتي براسك ياك كنقولك متكونيش خفيفة
ريتاج : واسمعيني اإسراء بقا كقولي طلعي انا مبغيتش وقتلو مطلعاش معك ملي صونيت على ماما وقاتلي خودي طاكسي حيث شيفور مراتو مريضة اواا وهذا
صوفيا : ايه كملي شنو وقع تاني
ريتاج سرطات ريقها ونطقات : وقتلو شنو باغي مني وتخيلو ابنات شنو قالي حبيتو واو بغيت نتزوج بيه البنات عونو ختكم بايرة
إسراء : اشقالك !!
صوفيا : ههههه صافي نتي طحتي على زنافرك
ريتاج : قاليا هاد ساعة عندي غانتي وكان واقف قريب ليا وريحة برفانو كنشمها وتزعطت فيه البنات وكنبغيه وتاعلى وقفة كدايرة وعلى صوتو و كفاش داير وعلى طولة وتجريدة ترا حبيتو والعصبية واو
إسراء حطات ايديها مشبكاهم  على راسها ونطقات : اميمتي هادي لقاتلك غانساه ناري رانك وليتي كتبغيه اصݣعة تي كدرتي لها .. وايلي معتصم صدق رومانسي صراحة ضروري غيتحركو مشاعرك
صوفيا : واو حبيتو حبيتو
ريتاج خنزرات فيها ونطقات : اهياتا غنقولها لخويا عمر ويشوف خدمتو معك
صوفيا : نتي حبينا الموقف امالكي وليتي تغيري عليه
ريتاج هزات كتافها وهبطاتهم ونطقات : ومالي منغيرش على راجلي مستقبلي
إسراء : تاراه بديتو كتسطاو هنونا ونتي كملي يلاه شطرا تاني هايهاي على ولد عمتي معتصم تاراه مبقاش ساهل
ريتاج : اوا نكمليكم
صوفيا : واه كملي اصحبتي كملي
ريتاج : مهم بقا كقولي طلعي نوصلك وانا مبغيتش ومنبعد قتلو خليني عليك اخويا وقاليا واو حبيت قالي  انا ماشي خوك  انا ،  عرفتو البنات فرحت تخيلو اكون تاهو معجب بيا واو
إسراء نطقات مصدومة : وايلي قالك انا ماشي خوك تراه بزااف
صوفيا : اوووه على خو جوهرة و صدق مساهل هايهاي على عصافير الحب صافي ااإسراء هي نبداو نختارو قفاطن
إسراء : داكشي لبالي
ريتاج : ونتوما بلاتي ومنبعد جيت بغا نركب اللور ومخلانيش وانا نقولو ممحزراكش توصلني اوا ومنبعد بقيت ماشيا تاتبعني وشدلي فدراعي نترني بعصبية لصدرو راه واو البنات كنحس براسي فالحلم
إسراء دارت إيدها على فمها ونطقات : اميمتي اميمتي قولي اختي هاذي غاحلمة ياك
ريتاج : واشمن والله مكنحلم اصحبتي وراه بصح وبقا كهدر معصب بلي قالي طلعي يعني طلعي وخايف عليا يتلقاولي شماكريا وراه بغيتو  وحبيتو
صوفيا : هو صراحة من حقك تبغيه
إسراء : ااه بصح
ريتاج : وصلني بعيد على دارنا حيث خفت بابا اشوفني فشي اللوطو اخرى ومع شيواحد غينحرني
إسراء : هاشي كامل طرالك البارح وفات علينا
صوفيا : وانا راه مزال ممتايقاش بلي معتصم هذا معتصم مأكدة
ريتاج : وبحالك والبارح نهار كامل وانا كنضحك ابوحدي وماما كتشوف فيا بشك هي وختي وبابا وكنقولهم غير كنذكر مواقف وكنضحك وكتيقوني راه كنت غنتفرش قدامهم واو الحب زوين اخوتي رانكم عايشيين ههههههه