عشقك إدماني

parte 156

فورا ماتسالمو معاهم ودعوهم ومشاو فيلاتهم اما هوما تاجهو جلسو فصالون كجمعو على الخطبة ريتاج ويتعاودو تنطق مروان : اوا انا خليتكم على خير
عماد : جلس اولدي فين غادي
مروان : مرة اخرى ان شاء الله انمشي نزور الواليد والواليدة. وهو ينطق موجه كلامو نور : تمشي؟!
نطقات نور : لا باقي اخليني
مروان : وخا غدا ندوز عليك
نور بتاسمات لو ونطقات : وخا
وهو يمشي
بقاو جالسين كتعاودو تنطقات رانيا : ماما انا غنمشي نعس
إيمان بتاسمات لها ونطقات : سيري ابنتي سيري
رانيا ناضت ونطقات : صبحو على خير
ومشات طلعات بيتها فورا مادخلات وبقات كتقلب فبلاكارات ونطقات بعصبية : اوف فيناهيا ، اديكنهار شريتها
وكترجع شعرها اللور بعصبية بقات شحال كتقلب وهي تنطق بينها وبين نفسها هي كتحاول تهدأ نفسها : صافي منتعصبش انا غنمشي ناخوذ دوش وغنسترخى غادي نرقاها ميمكنش نشريها وضيع ليا غادي نرقاها
مشات حيدات حوايجها بقات غار بملابس داخلية ودخلات الحمام بقات شحال كدوش عاد تمات خارجة لاوية عليها فوطة تجهات دريسينغ ختارت منو بيجامة خفيفة عبارة عن تريكو نص كوم وشورط ديالو لواصل حد فخاض نشفات شعرها عاد تجهات باش تعاود تقلب من جديد تسمعات تيلي كصوني هزاتو رقات نمرة اشرف وهي تقطع عليه ونطقات بعصبية : بقالي غاأنت فهاد الحساب
بقا شحال كصوني تهزات تيلي وجوبات بعصبية : الو شنو باغي لاش كتاصل بيا
هو لجالس فقهوة وحط قدامو قرعة من نبيذ روج كشرب منها وحداها طفاية ݣارو مسند ضهرو على كرسي وشاد فإيدو لاخرة ݣارو ككمي بكل هدوء وعينيه حمرين بسبب سكرة لبدات كطلعلو نطق مجاوب بصوت مبحوح : زين مالكي مكتجاوبي ، شنو دبا وش نتبدل من اشرف زوين لأشرف خايب
رانيا رجعات شعرها اللور بعصبية ونطقات وهي كتهدد فيه : والله متفرقني ياتنقولها خويا سمعتيني اش بيني وبينك تبقا تعيطليا كل ساعة هدرنا معك شويا صافي مالك داير ككولا سبيسيال
أشرف لضحك ونطق : نوو ازين انا ميمكنش نضيعك من إيدي وحدة حلوة بحالك ضيع من إيدي خسارة
هي لقطعاتو بعصبية : سكت عليا الحيوان لاخور سكت عليا اش بيني وبينك مرة اخرى تبقا تاصل بيا والله تانقولها خويا وبابا اشوفو شغالهم معاك عمبالك سيبة فبلاد شمكار لاخور ،خويا غيسيفطك الحبس الا مبعدتيش من طريقي
هو لكان مسند ضهرو على كرسي وكسمع بكل هدوء ونطق وهو كضحك بهسترية : عاودي شنو قلتي احبيبة غتجيبيلي زام* ديال خوك قوا* لاخور ههههههه
هي عضات على شفايفها بغضب وشدتها نوبة من غضب وضربات تيلي لارض بكل قوتها وبقات كضرب تيلي برجليها بكل عصبية تاتهرس كامل وجلسات فوق سرير كتنتف شعرها بهستيرية وكتقمش فراسها تناضت كتقلب فبلاكارات ترقات دواء لغايكالميها هزات حبة دارتها ففمها وتابعاتها الماء وتجهات الفطوي جلسات وسندات ضهرها على الحيط وهي مغمضة عينيها وإيديها كترعدو وكتكالما بشوية بشوية بسبب مفعول دواء لبدا كيسري فجسمها وكعطي مفعولو بقات على داك منوال ترجعات لهدوئها وناضت وبدات كتقلب من جديد على داكشي لكانت كتقلب عليه فاللول تهزات واحد ساك بدات كتخوي داكشي لفيه وهي ترقا دوك العشوب لكانت كتقلب عليهم وبتاسمات ابتسامة النصر ونطقات وهي كضحك بهستيرية ونطقات بينها وبين نفسها : اخيرااا رقيتها ، الا مطاحش داك الولد منتسماش رانيا هو ميستاهلش اعيش
وهي تحط دوك العشوب فوق سرير وشافت اتجاه تيلي لمهرس كلو تحنات عند تيلي بكل هدوء ليوالا كلو مهرس وحيدات منو لكارط وهزات تلفون جديد وركبات فيها ديك لكارط وشعلاتو وتجهات اتجاه الاتصال كليكات على نمرة غيثة وبدات كتاصل بيها تجاوباتها وبقاو كهدرو على شنو غيديرو واغلب هدرتهم فقط كفاش يفرقو إلياس وإسراء على بعضياتهم
ونطقات رانيا مجاوباها ومبتاسمة ابتسامة شر : اليوم داك الولد غيطيح غيبقا غيتفارقو وصافي
غيثة : اكيد كنتيق فيك ارانيا
وقطعات معاها رانيا اتصال وعاد من جديد اشرف كتاصل بيها وهي طفي تلفون وتكات فبلاصتها استعدادا لنوم بضع دقائق تنعسات
نهار جديد
اصبحنا واصبح الملك لله لكان نهار الاحد مكاينا لاخدمة لاقرايا
إلياس وإسراء لكانو ناعسين معانقين تناضت إسراء مع ديك 9 ديال صبح مشات تجهات حمام دوشات وتوضات وخرجات لابسة عليها سورفيت سخونة عادة نشفات شعرها وجمعاتو شفنجة ولبسات عباية صلات صلاتها وحيداتها عاد هبطات تحت خلات إلياس باقي ناعس رقات فطور واجد فوق طابلة توجهات الكوزينة امرات الخدامات شنو يوجدو الغداء باش ترحب بنسابها
عاد جلسات كتاكول بهدوء تاتم هابط إلياس لابس عليه نص كوم بالبيض وسروال سورفيت بالكحل وفيه الخط بالبيض وتاجه عندها قبلها فجبهتها وجر كرسي وجلس حداها ونطق بصوت مبحوح يلاه فايق من نعاس : صباح الخير اعمري كصبحتي
بتاسمات لو ونطقات : حمدالله وانت
إلياس بتاسم لها وهو هايم فعشقها ونطق بكل حب : ملي انتي بيخير حتا انا بيخير
حط إيدو على بطنها وهو كمسد بشويا ونطق : ياكما كصدعك ولدنا
إسراء مبتاسمة ليه حدها حركات راسها بالنفي ورجعات كتفطر بهدوء اما هو شرب قهوتو على ريق كما ديما حدو نقب وناض تاجه البيرو باش يكمل خدمة لعليه اما إسراء من بعد مفطرات ناضت واقفة على شغلها وحاضية خادمات شنو يوجدو شنو يحطو لترحيب عائلة راجلها وواقفا على خادمات تاخملو الدار ونضفو بيت رانيا وبيت إيمان وعمران حيث غيبقاو معاهم
عندهم هوما إيمان للابسة جلابة مطرزة بالازرق ملاكي ومعاها ميني طالون وشال بالزرق كذالك، حطاه غار فوق راسها شعرها باين بحالا حطاه وصافي وحداها عمران لابس جلابة مغربية وبرفقة فاليزات نطقات ليلى : صافي سخيتو مبغيتوش تبقاو معانا
إيمان : اوا اختي خاصني نجلس عند ولدي حتاهو شي ايامات راه سمعتيه البارح شنو قال
عمران حدو سلم من بعيد على ليلى وهاز فاليزات داهم اللوطو ورجع عندهم و نطق : هانا كنتسناك فاللوطو اإيمان و عيطي معك رانيا شتها تعطلات
إيمان : وخا صافي
وخرج فتح اللوطو جلس فيها كتسناهم
ليلى نطقات : اوا الله يسر اختي الله يسر داري مفتوحة ليك فأي وقت ليكم مرحبا بيكم عمرتو عليا
إيمان : اوا باقي هانا غاحداكم هانا غاعند إلياس وصافي مزال غنبقاو عندهم شي ايامات باش نرضي خاطر ولدي ونرجع نجلس معك تاني صافي
ليلى عنقاتها وفصلات معاها عناق ونطقات : اوا حسن اختي ملي بعدا تبقاو شي ايامات هنا ملي مشيتي امريكا تغربتو علينا انا كنتسناكم وعندكم تبقاو بزااف نتي لكتونسيني اختي فوحدتي رانك شفتي نور مشات غتبقا غاشي ايامات وغتمشي زيد ريتاج راه تخطبات ومبقا والو تمشي تاهيا دار راجلها و
اوا بقينا انا وعماد
إيمان : واه داكشي لي عطالله اختي
نور هبطات من دروج تجهات عندهم وعنقات ماماها من اللور : اوا شتي اماما قلنا نخلوكي ترجعي نتي وبابا شبابك
ليلى ضرباتها بيدها ضربة خفيفة لإيدها ونطقات : الله يمسخك
إيمان كتشوف فيهم وتضحك
وهي تنطق بصوت عالي كتنادي على بنتها : رانيا سربي ابنتي سربي اشكديري تما
رانيا لكدير لمساتها اخيرة وجهها وخرجات هابطة من دروج وصلات نص ونطقات : صافي اماما غاسبقيني انا غنجي فاللوطو ديالي اوك
إيمان : اوا متعطليش هانا مشينا
رانيا حدها امأتلها براسها وطلعات تكمل داكشي لكانت كدير
اما عند نور توادعات مع خالتها للتحقات وركبات مع عمران ودمارا نيشان لوجهة فيلا إلياس وتجهات هي و مها جلسو فصالون كتعاودو ،اما ريتاج بقا ناعسة
بضع دقائق تاهبطات رانيا هازا فاليزة ديالها سلمات عليهم عاد خرجات دارت فاليزة فاللوطو وركبات ودمارات نيشان وجهة
سمعات صونيت خرجات من كوزينة مشات فتحات الباب رقات قدامها عمران وإيمان رحبات بيهم وقايمة بالصواب ودخلاتهم صالون ووجدات ضيافة وجلسات معاهم تنظم لهم إلياس كذالك وهو ينطق إلياس : فيناهيا رانيا شتها مجات معاكم
إيمان : خليتها تم قالت غاتلحق علينا
إلياس حدو امألها براسو وبقا إلياس مجمع مع باه على الخدمة وإسراء وإيمان كتعاودو بيناتهم
عند رانيا لكتسوق بكل هدوء تقطع طريقها موطور من نوع Harley Davidson شهقات وفرانات بجهد تدات وجابت بيها اللوطو عاد وقفات وبقات شحال كتستوعب شكون هذا لوقف قدامها اما هو لهبط من موطو وحيد كاسك وبقا واقف مربع إيديه هي غار شافت كمارتو هبطات بعصبية وقفات قدامو ونطقات مغوتة عليه : شنو كتحاول دير هاا شنو قاتليك انا البارح مبقيتش بغا نشوف خليقتك قدامي وش انت مريض هاا
أشرف لغمض عينيه وحلهم وكحاول اتحكم فغضبو ونطق بهدوء : اري داك ساك لهنا
رانيا حكمات ساكها لكانت دايراه فوق كتفها ونطقات بنبرة حادة : يلاه دور حيد عليا من هنا الشماتة الجماعة متشردين يلاه حيد ،عودات نطقات بنبرة سخرية : ههه قالك بغا ساكي اوه قول باغي تشفر فلوسي ياك زعما
أشرف ليزير على قبضة إيدو وهو مخنزر فيه وتاجه عندها بخطوات متسارعة تاحاصرها مع اللوطو ونطر ساكها بجهد من كتافها وهي كتشوف وحكامها الخوف وبقات صاقلة كتشوف شغيدير وهو لكقلب فساكها تجبد تيلي ونطق : هذا بقاي جاوبي عليه ولا بربي منعقل على طاسيلة مك وباك
سرطات ريقها وحركات راسها تلقائيا ونطقات بصوت خافت : وخا انبقا نجاوب ولكن عطيني ساكي انا خاصني نمشي انتعطل
أشرف لكشوف خوف فعينيها وبتاسم ابتسامة لعوبة ونطق : باقي ازين مساليت شغالي
وبدا كقلب فساكها تجبد واحد سضاشية ديال العشوب وبقا كشوفهم مستغرب غشافتو هي داكشي لجبد نطراتها منو بزربة ونطقات : اووه خصوصية المرض ماشي عطيتك تقلب تولي تقتاحم خصوصياتي
أشرف : شنو هدشي اري لهنا
رانيا : لا ماشي سوقك
ورجعات العشوب ساكها
شدها من ذراعها بعصبية تغرسو اناملو فجلدها وهي متألمة تحت قبضتو ونطق بنبرة هادئة : كنظن بلا منعاود نسول شنو هدشي
رانيا نطقات وهي متألمة : صافي طلق عفااك انقولك
أشرف بعد منها وربع إيديه ونطق : يلاه هضري
رانيا لسرطات ريقها ونطقات وهي مبتاسمة : هذو عشوب غنعطيهم إسراء تشربهم
أشرف شاف فيها نظرة لعوبة ونطق : وايلي علاش
رانيا لنطقات وهي كتحلف على إسراء : باش تفقد جنين واليوم بيا وبلا بيها الا مطاح داك الولد منتسماش رانيا منصوري
أشرف بتاسم ونطق : مزيان اوا بيني حنة إيديك الغزالة
وركب فموطورو مشا نيشان لوجهتو وهو فرحان انه قدر ارودها وقف فواحد زنقة وجبد تيلي طفا تسجيل ونطق : ودبا كل واحد غتجيه دقتو الا مندمتكم كاملين ماسميتيش اشرف كل واحد غيتحاسب
اما هي رجعات ركبات فاللوطو وحطات ساكها فالمقعد لحداها ودمارات نيشان فيلا
بضع دقائق تكانت وصلات تم وبلاصات اللوطو وخرجات منها ودقات تافتحات لها خادمة ودخلات وهي كتمشي بكل الغرور توصلات عندهم ونطقات : سلام
إيمان شافت فيها ونطقات : على سلامة ابنتي فين كنتي هاد الوقت كامل
رانيا مشات سلمات على إلياس وإسراء وجلسات حدا إسراء وإسراء شافت فيها بالاستغراب ممولفاش تجلس حداها ولا تسلم عليها وضعات رجل على رجل نطقات وهي مبتاسمة : اوا اماما غار نتي عرفا خالتي بقات شداني فالهضرة هي ونور ههه داكشي علاش تعطلت
إيمان : اوا مزيان
عمران : مزيان مزيان
رانيا : اوا خويا لباس عليك
إلياس : حمدالله ارنيا ونتي هانيا عندك
رانيا : حمدالله اخويا انا بيخير ، ومرات خويا غزالة كدايرة
إسراء كتشوف فيها بالاستغراب ونطقات : حمدالله بيخير ونتي بيخير اللوستي العزيزة
رانيا : حمدالله