جلسات حداه وعنقها عندو ونطق من بعد محط إيدو على بطنها كتحسس هو هايم فعينيها : ياكما كصدعك ولدي
إسراء بتسمات لو حدها حركات راسها بمعنى لا هو ينطق : امتا غنهز ولدي ولا بنتي بين إيديا
إسراء : هههه باقي تسع شهور
إلياس مد ايدو بدا كلعب لها فشعرها وهي تاكية فوق كتفو ونطق : عرفتي شناهيا احسن حاجة وقعات ليا ملي جيت كازا
إسراء طلعات فيها عينيها ونطقات :شناهي احسن حاجة وقعات معاك
إلياس : هي نهار لتعرفت على لتملكات قلبي شكون من غيرك ازينة بنات نهار على نهار كتخليني هايم فعشقك ليك
إسراء كتسمع لو وابتسامة خجل كاسية وجهها ،وجهها متزنك كخليها تحشم متعرف باش ترد
إلياس ونطق : يلاه اعمري هاهو وجد العشاء
إسراء ناضت من فوق كتفو وناض إلياس شاد فيديها منوضها معاه تعشاو فجو مرح عاد طلعو بيتهم اقضو ليلتهم عاد نعسو في حضن بعضيتهم
نهار جديد اصبحنا واصبح الملك لله
كما العادة إلياس فايق بكري وإسراء مع حمل كملات ولات كتنعس بزااف خلاها ناعسة و دخل ادوش عليه ولبس عليك تريكو نص كوم بالبيض وسروال سليم كحل صلا صلاتو عاد تاجه حداها جالس فوق نموسية كمرر ايدو على وجهها وعلى خصلات شعرها ونطق بصوت فيه بحة رجولية على إثر صباح : إسراء عمري يلاه فيقي
إسراء بدون رد كما العادة ونطق مرة تانية : نوضي يلاه عندك القراية
ملي مبغات تنوض مشا طلع ريدوات وتاجه عندها بقا كنوضها بسيف باش ناضت ونطقات عينيها فتحاهم بسيف بسبب الشعاع : نعام لاش منوضني خلينا نعسو
إلياس طلع فيها حاجبو ونطق : وش مبغاش تقراي نوضي يلاه
إسراء ناضت ساخطة على وضعية مخسرة سيفتها بسبب نعاس مشات دوش دوش عليها خلاتو هو كضحك عليها وجلس كلبس سبرديلة كحلة وهز فيستة فإيدو اما شعرو ديجا سرحو و ورش عطرو ولبس ساعتو وخاتم زواج منهار لبسو هو فإيدو متحيدوش وبقا جالس فوق فوطوي وكشرب فقهوتو وشد جورنال فإيدو كقرا لاخبار كما العادة اما هي خرجات من عندو لابسا فقط بينوار عاد متاجها دريسينغ تشوف شنو تلبس عليها تنطق هو متبع عينو ليها : رانك انتي لكتجبدي نحل على راسك سيري لبسي دغيا تبقاي دوري ليا انا هنايا
إسراء مجوباتوش ومشات متاجهة دريسينغ ختارت دوبياس وسورفيت فالبيض سخونة مع البرد بدا كيتحرك ، وهزا حوايجها فإيدها متاجهة الحمام تنطق : بدلي هنا انا غنهبط هاد حشمة لفيك غادي نحيدها بسيف عليك
إسراء : وراه منقدرش نحيد الحشمة بغيتيني نكون مقزدرة بحالك
إلياس ناض عندها ونطق متقابل معاها: علاش كجيتك امدام
إسراء : مجيتني ماجيتك
وبقا كشوف فيها فشعرها لفازك ومطلوق حدها نشفاتو بالفوطة ومنشافتوش مزيان وهو ينطق معنكش شعرها بيدو لباقي فازك فإيديه ونطق : علاش متغطي هاد شعر وتنشفيه وش بغا يضربك البرد وتمرضي ولا شنو
إسراء : غار خليه غينشف راسو
مدهاش فهضرتها ونطرها من إيديها وجلسها فوق نموسية وحاضياه بعينيها تجاب شيشوار دارو فصو بقا كنشف لها شعرها تنشوف لها مزيان وهي مستحليه جلسة مبغاتو كاع اكمل ونهار على نهار كتبهر فتصرفاتو الاهتمام بسيط منو كخليها ذايبة فيه
ومن بعد مكمل حيد بريز ورجع شيشوار بلاصتو ونطق : بدلي عليك ونزلي باش تفطري
إسراء بتاسمات لو ونطقات : وخا اعمري
وسيفطلات قبلة فهواء ليه هو بتاسم لها ونطق : يلاه متعطليش
وخرج خلاها تبدل على خاطرها عرفها باقا كتحشم منو
اما هي بدلات عليها ولبسات عبايتها صلات صلاتها عاد بدات كتقاد شعرها ومشطاتو جمعاتو على شكل كوباسا وخلات قصيصة لقطعات منسدلة على جبهتها وحدها دارت لكخون ديال شمس ومرطب شفاه وهزات ساكها فيه كتوبها و هبطات تحت عندو وبتاسم وتقدم عندها وشدها من إيديها وبداو كفطرو وهو كوكلها بإيدو وهي مرة مرة توكلو بإيديها تكملو فطورها عاد خرجو من فيلا متاجهين اوصلها جامعة
كما العادة فتحلها الباب ركبات وركب هو حداها ودمارا نيشان لجامعة مسافة طريق توصلوا تودعات معاه
إلياس ' يلاه ردي بال راسك
إسراء : وخا يلاه بسلامة تهلا فراسك تانتا الله يسر ليك
إلياس : امين يارب حتانتي الله يوفقك
إسراء : امين يارب وهبطات عند بنات
وبقا متبع لها عين تاشافها مشات عند بنات ودمارا نيشان خدمتو و رقات ديجا جوهرة وصوفيا وريتاج كتسناوخا
جوهرة سلمات عليها ونطقات : وغبور هدي اإسراء علاش مجيتيش البارح
إسراء : اهلا اجوهرة بيخير حمدالله ونتي بيخير اه البارح راه غار مع كنت مريضة داكشي علاش مجيتش
جوهرة : انا حمدالله ، هكاك الله يشافيك وش شويا اليوم ياك بيخير
إسراء : هههه رانك حمدالله بخير
صوفيا : حمارة جايا بلا سلام بلا كلام لينا
ريتاج : حنا اعدائك حنا اتريكة ناقصة صواب زيرو لانتي ولاداك رجلك تريكة وحدة
إسراء : رانكم كنتوا معايا البارح اجنيات لاش غنسلم عليكم وتانيا راجلي البارح قال غاصواب سيد باغي انفارد مع مرتو ونتوما مكتحشموش
ريتاج : ياك ابنادمة ياك لقد جرحتي مشاعري هل أبكي الآن
إسراء : بكي وكان بكي شحال هذي مشفت دموعك
صوفيا : ونتوما زيدو الحمير تقراو الا بقيتو مقابلين هاد عوجة لحدايا كتعني على إسراء والله لاطفرتوه
إسراء : تي شتك بحالا كتعني عليا راه غنريشك اصوفيا
جوهرة : ناري الهربة معاكم نتوما وش نتوما صداقتكم غالفمعيور
إسراء : اه اختي هذي هيا صحبتنا ديك صداقة لكاتكون فيها حبيبة غزالة مكنتيقش فيها كنعرف مولاه اقدر اكون منافق ومنعرف ثاني
جوهرة : لا اختي ماشي كلشي بحال بحال غار اقدر اكون كلامو هكاك
إسراء : مهم انا قلت وجهة نظري وصافي
صوفيا : مديهاش فيها اختي جوهرة راه حنا عندنا اعاقة مشاعريا
ريتاج : جبتيها صحيحة اصوفيا
جوهرة : ناري قتلتوني بضحك
ريتاج : نتوما زيدو تقراو جماعة مكلخين بقاو تجمعو راه دخلو علينا الناس
دخلو البنات اقراو على تقشاب وضحك وشاديين فهادي لهادي وجوهرة دغيا نساجمات معاهم عجبها الاجواء معاهم لمليئ بضحك ولكن فقراية كولو مجيدين ولمفهمات شيحاجة كتشرحهالها لاخرة وهكذا
بعد 4 ساعات لقراو خرجو اخيرا من جامعة
بقاو كما العادة البنات شاديين جماعا تنطقات جوهرة بعد صمت وهي كتفكر وش تخبرها ولا لا ولكن خاص تأكد : إسراء
شافو فيها البنات ونطقات إسراء : نعام اجوهرة بغيتي شيحاجة
جوهرة جبدات فصاكها تصويرة خالها ونطقات : إسراء كنتي يولتي على سميت خالي
إسراء جوبات بهدوء هي عرفا مزيان هدي لقدامها من عائلة وبنت عمتها : ااه شنو سميتو
جوهرة : سميتو عثمان رمزي
صوفيا نطقات مصدومة : اناري هذي سميت باباك اإسراء
ريتاج اكتشوف تنطقات إسراء بعد صمت طويل والبنات احاضينها كفاش اتكون رد فعل ونطقات بنبرة هدوء : عندك تصويرتو
جوهرة : ااه عندي
مداتها لها وشداتها من عندها إسراء وبقات شحال مرتابكة وش دور صورة ولا لا توقف عليهم إلياس وعمر ومعتصم ونطق إلياس : إسراء مالكي مرتابكة شنو هتشي عنك فإيدك
إسراء : ااه امتا جيتي
إلياس : جوبيني على سؤالي
إسراء : ااه هذي وش كتهضر على هذي
نطقات صوفيا ملي عرفات صحبتها معرفات متقول : هاذي لعندها صورة خال جوهرة بغينا نتأكدوا وش خالها هو باها نيت وإسراء باقي مشافت تصويرة
عمر : كفاش عرفا شكاتقولي نتي
نطق معتصم بحدة : جوهرة شكون قالك تجيبي تصويرة خالي وش عرفا شكديري
جوهرة : خويا راه ماما لعطاتها لي
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
