عشقك إدماني

Parte 63

نعسات صوفيا أما إسراء كتفكر وشكون لمدي تفكيرها من غير إلياس بقات شحال ساهية تبغات تغفا وهي ترقا ميساج منو كاتب ليها وش نعستي أزينة البنات  بتسمات وجوباتو اه بغيت نعس
ومن بعد طفات كونكسيو ومشات فسبات نوم وكذلك إلياس من بعد مقرا رسالتها  وقال مع رساتو إمشي عندها  غد ليه باش يختارلها شنو بغات ومن بعد نعس
أصبحنا وأصبح ملك لله مع 10 ديال صباح
صوفيا وإسراء باقيين ناعسين تا سمعو صونيت فالباب وكان إلياس رحبات بيه رحمة ومصطفى 
إلياس : سلام عليكم ياكما مصدعتكم بيه كنجي ديما
مصطفى : مكاين صداع، جلس رايح معانا هادي دارك حتا نتا
إلياس : الله يخلف عليك إكثر من خيركم
رحمة مشات جابت الفطور
رحمة : كول اولدي فطر معانا
إلياس  كقلب بعينو على إسراء تاتشجع ونطق : إسراء مكايناش!؟!
رحمة : ههههه راها ناعسة فالبيت
إلياس : اااه مزيان
بعدها ناضت صوفيا جمعات فراشها وغسلات وجهها وتوضات صلاة الصبح ليفات عليها بعدما حيدات عبايتها ومشطات شعرها  وخلات إسراء بقا خامرة خرجات عندهم
صوفيا : وماما وش كاين شي فطور
رحمة جوبتها من كوزينة : سيري البيت راه كاين فطور سيري فطري
دخلات عندهم سلامات عليه حيت مصطفى خرج خدمتو أما إلياس عندوخدمة مرخفا هاد شهر 
صوفيا :أهلا أنسيب جيت تاني دي إسراء تغبرها
إلياس  طلع فيها حاجب ونطق : عندك شي مشكل إلى غبرتها
صوفيا : واهههه وخوذ راحتك نتا كاع خطفها هاديك راه ولات مرتك
إلياس : كولي وكان بحالك بحال صاحبتك فيكم هدرة بزااف
صوفيا : وخا حتا أنت كول
إلياس متلا نطق كحاني إسراء تنوض كقولو واحد راس سير عندها بيت ونوضها
صوفيا : وش اتبقا تسناها سير نوضها رانكم زعما مزوجين ولا كتحشم
دخلات رحمة علىكلامها :  سكتي متحشمي مترمشي
صوفيا : وانا غاقلت
رحمة : سكتي وفطري
صوفيا : وخا هاني ساكت
اما رحمة وجهات لكلامها لإلياس ونطقات  : سير وليدي راه داك بيت سير عندها
إلياس : وخا الله يخلف عليك
ومشا دخل رقاها ناعسة وشعرها شي طايح علي عينيها وشي مخربق ورجل لايحها ورجل لهيه  وملامحها مرخيين دليل انها مرتاحة فنعاسها والغطاء محيد عليها مع صهد
وتقدم هو وجلس حدا راسها وكضحك فخاطرو عليها
إلياس بدا ساهي فلامحها الحادة لكعجبوه وخصوصا عينيها حادين لنهار تخنزر فيهم كحماق عليهم وقال مع رساتو : إمتى غتجي دارم وتعمريها عليا العمارة دار
وتقدم وقبلها فأنحاء وجهها  وإيدو كتقيس فشعرها ومرة فوجهها لرطب وهي خامرة مسايقة الخبار كاع شكون عند راسها وبدا كنوضها
إلياس : إسراء نوضي يلاه براكا من نعاس
إسراء بدات كتحرك شويا وعينيها مزيراهم مبغات تفتح عينيها حيت شعاع ديال ضوء
: أمم دبا غنوض
إلياس : نوضي يلاه
إسراء غاسمعات صوت رجولي ناضت مخلوعة جالسة وشعرها مخربق ومخرجا عينيها  وشادة إيد جيهة قلبها : بسم الله الرحمن الرحيم، أويلي جنون فيقوني
إلياس حابس ضحكة : ونوضي تكعدي كالك جنون
دارت جيهتو ونطقات
إسراء : إلياس شدخلك عندي غيشوفك شيحد اويلي خرج
إلياس : غتهنينا راهما نعثولي( وَراوْلي) بيت وقالو سير فايقها
إسراء : زعما مي رحمة قاتلك هكا ميمكن ولا برهوشة ديال صوفيا ومشيت تيقتها
إلياس: وش غتنوضي تلبسي ولا نلبسك
إسراء : أه صافي غا خرج وغلبس ونجيك
إلياس خرج من بيت وسداتو موراه ومامتيقاش : أوف صبرك يا الله هادا شدخلو عندي يلاه كنت كنحلم بيه والحلمة تحققت، ويلي حماقيت
مشات خرجات من بيت تحت أنظارو وغسلات وجهها ومشطات شعرها  ولبسات عبيتها مشات البيت لاخور صلات وجمعات صلاية  حيدات عبيتها عاد قدات شعرها جمعاتو شفنجة ومشات دخلات عندهم البيت
رقات صوفيا جالسة ورحمة حداها وإلياس كتبادلو أطراف الحديت
إلياس : نتي مالك ما لبستي؟!
إسراء :وش منفطروش
إلياس : فطري وكان فطري
باشرت ففطور من بعد ناضت تجمع ماعيين تانطقات رحمة : بنتي خلي عليك هتشي وسيري مع راجلك تقداو شنو لبغيتي باش يجيبلوك في دهاز ديالك
إسراء خلات داكشي بين إيديها ونطقات : وخا نمشي نلبس ونجي
صوفيا : سيري
مشات لبسات عليها سروال دجين واسع شوية مع قميجة قهوية وصلا إلى فوق ركبة شوية ومع سبرديلة بيضاء وخلات شعرها مجموع شفنجة وخرجات رقاتو كتسنا قدام اللوطو ومعاه رحمة
ومشا فتح لها الباب وركبات وركب حتا هو ديما تاكسرت صمت ونطقات
إسراء : فين ماشيين
إلياس : زعما مسمعتي خالتي رحمة ملي قالت  غتمشي معايا نتقداو داكشي لعرس
إسراء : اااه غار نسيت
وكتشوف وتبلق فعينيها وكتقول مع راساتها ويلي شفني مشعكة تفو خزيت صافي
كان صمت بيناتهم مسافة طريق حتا وصلو محلات لفين كاين مجوهرات وقالها نزلي
إسراء : وراه مكلبسهم
إلياس : نزلي يالله وش سولتك
إسراء : ياك وخا دبا قمعتيني وخا
إلياس  هضر بالعصبية كغوت عليها : صبرك يالله مال مك فيك ضد اواه هبطي يلاه فريع راس صافي
أما إسراء قفزات من صوتو وسرطات ريقها وتبعاتو لمحل مجوهرات
تاوصلو بدا كخيرلها وهي غاساكتة  وكتشوف
إلياس : وش غتبقاي ساكتة هدري نعرفو وش عجبك ولا لا
إسراء :َصافي كلشي زوين شنو غنختار
إلياس : وختاري وكان
إسراء بقات كتهز سلسلة ذهب لقدامها وكتجربها وكتختار لعجبها راه ختارتو ولمعجبها خلاتو ونفس شيئ حلقات ذهب وحتا كورميط ذهب وختارات وشحال من حاجة رقاتها زوينة عجبها الحال
ومن بعد مخلص كلشي إلياس كاش ومشاوركبو فاللوطو
ونطقات إسراء : شكرا لهلا يخاطيك عليا
إلياس بتاسم وقال مع رساتو اخيرا ولات كترطاب وتهدر مكاد : أخيرا سمعنها منك
وإسراء بتاسمات بقات حاضية ضحكتو ساهية فيه حتا نطق : راه وصلنا يلاه نزلو نتغداو
إسراء : اااه وصلنا إمتا؟!
إلياس : سولي راسك فين كنتي مشغولة ولا كنتي كتشوفي وسامتي
إسراء خجلات وبقات كدور فعينيها ونطقات : يلاه ندخلو نتغداو فيا جوع
إلياس : زيدي وكان زيدي
دخلو خداو لهم شنو ياكلو فالغداء لكانو حطو سردين مقلي مع لصوص ديالو وأنواع شلاظة حطوها معاه  وعصير الليمون
إسراء : هتشي كثير شكون ياكول هتشي
إلياس : كوليه نتي ياك قلتي فيك جوع
وبعد بداو ياكلو وإسراء عجباتها ماكلة بلا قياس ومن بعد مشبعات
إسراء : الله، حمدالله هتشي بنين بزااف حمقني واو طياب واعر
إلياس : بصحتك وراحتك الالة،
ومشا إلياس عسل إيديه ومشا يخلص أما إسراء غسلات إيديها حتاهي
وخلاو بلاصة مدارو فيها إلا محل ديال تكاشط قال حتا تمشي مو هي تختار تكاشط لدوقها لعيال ولدها وبعد خداو وجهة البحر وجلسو فواحد ريسطو تم خداو ليهم غعصير
إسراء : شكرا بزاف إلياس،
إلياس : علاش كتشكريني عادي نتي راه مرتي ومحسوبة عليها
وبعد بقاو هكا كهدرو تانطق إلياس : إسراء ممكن نعرف عائلتك زعما عمامك خوالك فجداتك فيناهوما
إسراء  هبطات عينيها بحزن ونطقا : معرفتش فيناهوما منهار عقلت على راسي معايا ماما وبابا ومن بعد بابا مات ملي كانت عندي 14 عام ضرباتو كسيدة  وماما ماتت دبا تلات سنين
إلياس : الله يرحمهم، مابغاش تقلبي عليهم وتعرفي علاش مكيزورو أم ديالك وأب ديالك الله يرحمهم فهاد نهار
إسراء : صراحة مبغيت نعرف والو أنا لعرفا مبغاوش إوفقو على زواج ماما وبابا وعلاش هتشي كامل حيت جوج الناس بغاو بعضياتهم وبغاو إتزوجو
إلياس : إقدرو إكونو عندهم سبب
إسراء : الله يهديك شمن سبب، ترقاهم دبا ضاحكين مخاصهم خير، وعارفين بلي بابا وماما ماتو وعرفين بلي عندهم بنت مقالو نحنو تا فحفيدتنا ولا بنت ختنا ولا بنت خونا
إلياس: متقصحيش قلبك اإسراء
إسراء : أنا ممقصحاش قلبي  تخيل كون ماشي صحبتي لختي مولادتها أم ديالي ومها وباها وقفو معايا دخلوني دارهم وعملوني كبنتهم ولشراو صوفيا وكشرولي كون ماهوما وهبطات دمعة تجري من عينيها ومسحاتها وكملات كون أنا دبا ذياب كنهشو فجسمي وتقولي أنا نقلب على ديك عائلة انا معندي حاد من غير ماما وبابا الله يرحمهم وصوفيا وخالتي رحمة وعمي مصطفى ونتا وريتاج ماتبقى لا غير هادوك مكنعرفهمش
ناض إلياس وعنقها ونطق : صافي مديريش فبالك حنا عائلتك وحباباك انا راه عتابرني خوك وباك وراجلك وشركيلي همومك ونشارك همومي وهكا نستمرو فحياة وأي حاجة ضرتك كضرني
إسراء نفاجرت بالبكاء ومن ديما هي كتبان قوية خلف قناع قوة وهو كقولها غبكي فرغي حيت كان سناك خاوي تاواحد مراد لك الباك وش تبكي ولا ضحكي عاد بعد ناضت غسلات وجهها
وخرجو وبقاو كتمشاو فوق رملة  ومنعنقها وكتمشاو وكهضرو كأي كوبل عاد جلسو وهي حطا راسها على كتفو وهو معنقها وكمسح على كتفها وكضربهم ريح
تاملو من جلسة وناضو
إلياس : يلاه الحب نوصلك تبعاني الخدمة
إسراء : وخا الله يعاونك وشكرا بزااف على هاد خرجة
ووصلها دارهم ومشاهو نيشان إكمل خدمتو مع عندو الليل كامل خدام
دخلات دار سلمات عليهم  ومشات بدلات لباسها وكلسات معاهم يجمعو و يناقشو شنو يوجدو العرس