عشقك إدماني

Parte 28

من بعد متكلمو رحمة عونوها فتوجاد الغداء  بداو كتغداو من بعد جمعو ماعيين وغسلهم وخلاوه رحمة كالسة فصالة كتفرج فمسلسلها ودخلو البيت اكملو حفاظتهم
من بعد مكملو حفظتهم وصلات سابعة ديال عشية خرجو من بيت تلقاو رحمة جالسة فصالون وحاطة كسكروط وجالسة معاهارحليمة
خرجو البنات وهي تنطق رحمة
رحمة : يلاه إسراء وصوفيا سلمو على خالتكم حليمة
سلمو عليها وجلسو وهي تنطق حليمة
حليمة : كدايرا بنتي إسراء لباس عليك
إسراء : بيخير خالتي حمدالله
جاسو كياكلو ومنبعد ناضت حليمة
رحمة : اوا حليمة خطري علينا شي مرة راه غبور هذي مشفتناك
حليمة : ان شاء الله اختي ولكن غدا غنسافر نرجع مدينة
رحمة : اوا طريق سلامة وسلمي عليهم
حليمة : مبلغ
خرجت حليمة
سدات رحمة الباب وجلسات فصالون
اما بنات كتعاونو اصيبو العشاء
دخل مصطفى حطو العشاء تعشاو ناضو امشو انعسو حيت غدا قاريين بكري
اصبحنا واصبح ملك لله
ناضت إسراء نوضات صوفيا قضاو حجتهم غسلو سنانهم صلو صلاتهم  لبسو لباسهم ومشطو شعرهم وخرجو من البيت رقاو رحمة كما العادة موجدة فطور فطرو  معاها وتمو خارجين جيهة الليسي عند الباب تلقات معاهم ريتاج
ريتاج : سلام البنات لباس عليكم
صوفيا بيخير حمدالله
ريتاج : وإسراء وش بقا مقلقة من داكشي لوقع نهارسبت
إسراء : لا لا داكشي داز يلاه ندخلو نقراو
من بعد مسالو ساعتين ماط وساعتين علوم خرجو مع 12 وهي تنطق ريتاج
ريتاج : البنات شباليكم نبداو رجعو مجموعين حيت راه مبقا والو جهوي غير شي 3 اشهر ومنها نزيرو ريوسنا
صوفيا : فكرة زوينة شباليك إسراء
إسراء : حتا انا عجبتني فكرة
ريتاج : مديان ولكن مشكلة شكون فيكم عندها مع فرنسية مزيان تشرحلنا
إسراء : انا صراحة عندي مع إسلاميات واجتماعيات العربية اما فرونسي لا معنديش معاها
صوفيا :  حتا انا صواحة
ريتاج شافت بنظرة حزن : حتا انا مشكلة هاذ فرونسي معاملها طالع
شافو البنات بقيلة خيلة
وهي تنطق ريتاج : اه كاينة ختي نور غتبقا معانا هاد شهر ونقولولها تشرحلنا فرونسي
إسراء : ولكن غنصدعوها
ريتاج : لا مكايلاش
صوفيا : اوا صافي مشات
إسراء :امتا نتجمعو باش نبداو نقراو
ريتاج : شباليكم غدا فالعشية خاوية تجو عندي دار. نرجعو مجموعين
صوفيا : وخا نتشاور مع بابا وماما  ونرسل ليك
ريتاج : اه اوا صافي ردو عليا بأشمن كاين