عشقك إدماني

Partec43

كانت إسراء مبعيداش بزااف داكشي علاش لقاها إلياس بزربة ومعاهيا تلفات ونسات طريق
إلياس : بشوية عليك شتي لمكسمع الهدرة
إسراء : وصافي راه اصلنا كنا بغينا نكتاشفو
إلياس : تكتاشفي وخا وبقاي هنا تكتاشفي
إسراء : ولا اصاحبي بغيتي يكلوني ذياب 
ومزال إلياس شاد بيدها باش مطيح مع خرجو من الغابة جاو يتجاراو عندها البنات ويعنقوها اما هي حيدت إيدها من إيد إلياس ومشات تجري عندهم
وصوفيا كتعنقها هي وريتاج خنقوها
إسراء : وابشوية رانكم خنقتوني
تركوها البنات ونطقات صوفيا
صوفيا : وخلعتيني عليك اصاحبتي ياك مطرا لك شيحاجة
إسراء : لا لا حمدلله
ريتاج : واصحبتي شداك تمشي بوحدك حنا لاش درنا مجموعات
إسراء :وراه بغيت نكتاشف
صوفيا : لاحولا ولا قوة الا بالله وش الغابة ديال اكتشاف
جلسات للأرض إسراء واما البنات كجمعو  مسائلهم باش ينوضو يمشو ديارهم
عمر : نوضي أإسراء نحيدو هاد فراش نجمعوه
ناضت إسراء جمعات معاهم وتوادعو مع إلياس وعمر لخداو اللوطو ومشاو حتاهما
اما ريتاج والبنات ركبو مع شيفور وصل البنات ديورهم
هبطو البنات توادعو مع ريتاج
إسراء : كانت خرجة زوينة
ريتاج : اشمن خرجة زوينة قتلتينا غار بالخلعة عليك
صوفيا : ويه شوفي كضحك مناقصها تاخير كون انا نبقا غنبكي
إسراء : حيث نتوما بكايات شغانديرلكم انا
ريتاج : لاحولا ولا قوة الا بالله ديها اصوفيا قبل مندابز معاها
صوفيا : يلاه بسلامة
ريتاج : بسلامة عليكم
دخلو البنات فتحتلهم رحمة
رحمة : اهلا ابنياتي نشطو مع ريوسكم
إسراء : اه اماما
رحمة : ياسعدي ويافرحي اخيرا نطقتي بديك ماما
إسراء : بالطبع غنطقها كون مانتوما كون انا دبا مليوحة فزنقة ولا تشردت
صوفيا : وصزفي اصحبتي بديتي بكآبة ديالك
إسراء : والله كنهدر بصح نتوما فتحتولي باب داركم وعملتوني كفرد من عائلتهم انا لقريب ليا معمرهم سولو عليا ولا عرفتهم اما نتوما نفاجرت بالبكا
رحمة : امالك ابنيتي كتبكي وكتقولي هاد هدرة كما قاتليك بلي حنا عتبرينا والديك  تانيين مالك كتبكي
إسراء كتمسح فدموعها : لا والو غير فرحانة حيت نضكت دفئ عائلة مرة اخرى 
صوفيا : وصافي اتبكيني معاك
وتعانقو بيناتهم 3 دخل مصطفى عليهم
مصطفى :نتوما مالكم
رحمة : والو امصطفى انا فرحانة حيت بنتي إسراء اخيرا عتابرتني ماماها الثانية
مصطفى : بالطبع حنا عائلتها الثانية
إسراء : شكرا ليكم بزااف
مصطفى : ولا ش كتشركرينا وش وقعات شيحاجة
صوفيا : لا ابابا غاهي دبا توحشات ماماها وباباها لماتو وبعد مرات كتجيها هاد حالة
مصطفى ربت علي راس إسراء : ابنتي حنا عائلتك اي حاجة ضرتك ولا خاصتك مترديش تقوليهالنا نتي بحال صوفيا
إسراء : الله يخليكم ليا
رحمة : يلاه ماتبقاو عند الباب زيدو
دخلو البنات مشاو بدلو عليهم لبسو بيجامة دار وكلسو كهدرو وجدو العشاء وتعشاو دخلو بيتهم
نطقات
صوفيا : إسراء وش وقعاتلك شيحاجة خيت راه اول مرة نشوفك كتبكي كن بعد مابكيتي فوفاة ماماك
إسراء : لا غير ملي تلفت فالغابة تفكرت ذكريات كاملة ومقدرت نصبر كنت بغا نبكي ولكن مع إلياس جا حبست البكية باش منبانش ضعيفة
صوفيا : اصحبتي البكاء ماشي الضعف حمدالله موقعات لك شيحاجة
إسراء : ويه حمدالله