عشقك إدماني

parte 134

وفقط صوت انفاسها لكتسمعو ونطقات بنبرة خافتة حدو كتسمع  : شكون معايا اخويا معرفتكش
اما هو لنطق مجاوبها مستهزئ  :  ااه معرفتنيش  !!
ريتاج عرفاتو كستهزئ بيها  ونطقات وفإيدها كتلعب في احد من  خصلات شعرها : وي اخويا معرفتكش ، شكون انت
معتصم لكرز على إيديه ونطق  بحدة : اسمعي اديك البرهوشة اللعب ديالك خليه عندك
ريتاج معجبهاش الحال ونطقات ببرود  : الله يعاون وأخير مرة تصوني ليا بهاد نمرة ولا غنبدلها
معتصم لنطق هو كمسح على راسو   بصوت هادئ وخافت : مفراسك صوتك زوين وكلشي فيك زوين  كفاش قدرتي تحتلي دماغي وتخلي تفكيري اولي فقط عليك
ريتاج غاسمعاتو حسات بدقات قلبها كتزادو وجهها تزنك وهي تقطع عليه وحطات إيدها على قلبها  وإيد لاخرة  كتنش على وجهها باش تمشي سخونية لطلعات معاها ونطقات : ااوف انا ذبت  انا ذبت فيه اااه على صوت عندو وترا حبيتو انا
اما هو غاشافها قطعات تعصب وعاود صونا تاني وهي تشوف سميتو وحسات بفرشات كتدغدغ معدتها  وجوباتو ونطق هو لمغوت : علاش قطعتي عليا
ريتاج نطقات متوترة : راه راه قطعت بالغلط سمحليا
معتصم : مهم سيري تنعسي
ريتاج زمات شفايفها ومبغاتوش اقطع معاها ونطقات : ااه وخا ولكن شوف امتعصم هذا راه الا كنتي باغي تفلى عليا غاعطيني تساع وانا راه مبغاش ندخل فعلاقة مبغاش نخيب الظن والديا وفلاخير مغاديش تسالي بزواج ونضيع وقتي
معتصم بتاسم بجانبية ونطق : انا ملي درتك فبالي رانك وليتي  ديالي وانا كنعرف العلاقة وحدة هي العلاقة الزواج بوان فينال
ريتاج سرطات ريقها و وهي كتحس بقلبها كضرب لهاد الاحساس لزارها ونطقات مبتاسمة ببلاهة  : ااه كفاش مفهمتش شنو كتقصد 
معتصم  بتاسم على غبائها ونطق : سيري وكان تنعسي هاذ وقت ماشي ديال هضرة
ريتاج عضات على شفايفها ونطقات  : وخا تصبح على خير
معتصم : تصبحي على الخير
وقطع معاها  وبقا كبتاسم وكشوف لهاد بنت دغيا دارت بلاصتها فقلبو ومتيقن بقرارو لخدا اما عندها هي بقات شادة تلفون وكتشوف سميتو ونطقات  وكتسول فراسها : واو هو باغي يتزوج بيا يعني انا عجبتو بغاني امتا وقع هدشي امتا بغاني خاصني نسولو ميمكنش واه حبيب قلبي انا حبيتك 
وبقات كتنقز كالحمقة  فوق نموسية وتلفون ضماه عندها وكضحك تفتحات نور الباب بشوية عمبالها ناعسة ورقاتها كتنقز وهي ضامة تلفونها عند صدرها  وعاضة على  شفايفها وكضحك ابوحدها ربعات نور إيديها ومصدومة وكتشوف فيها تطلعات عينيها ريتاج فيها سرطات ريقها وجلسات بزربة فوق نموسية مربعة رجليها عندها ونطقات ببلاهة : ختي خلعتيني امتا دخلتي
نور تقدمات عندها بهدوء وجلسات حداها ونطقات : وش انتي عندك علاقة بشيحد وش كتبغي شيواحد هدري اريتاج انا ختك هدري وكان هدري 
ريتاج نطقات متوترة وعينيها غاكدورو : وايلي اختي منيتك انا بغيت غنقرى براكة عليا شبغيت انا شي حب منيتك
نور بتاسمات وهي كدوز إيدها على شعر ريتاج لمطلوق ونطقات : شنو سر هاد فرحة وهاد تنقاز وهاد الابتاسمة ملي دخلتي دار ونتي غكاتبتاسمي كالهبيلة تاديكنهار عمبالك مشفتكش ملي وصلك واحد فاللوطو نهار مجاكش شيفور
ريتاج شافت فيها بصدمة ونطقات وهي عينيها دغيا عمرو بدموع  : عفاك اختي متقوليش بابا بلي وصلني انا راه والله مدايرا تعلاقة تيقيني والله
نور تنهدات ونطقات : هدري نعرف شكون هذا لوصلك وخلا ختي طايرلها عقل من بعد مكانت مرزنة هدري وكان هدري
ريتاج : هو راه قصة طويلة معرفت كفاش غنبدالك
نور : كنسمع ليك  امتا بغيتيه
ريتاج : فاللول كنت غامعجبة بيه مي دبا كنحس براسي كنبغيه عييت نحاول نساه مقدرتش اختي دازت شهر ونص على اول اللقاء وانا زدت غرقت فيه اختي وسبب فرحتي دبا بسببها هو معمري جربت الاحساس الحب لكن واحد الاحساس زوين ملي كترقاي لكيبغيك حتا هو ولا باغييك
نور بتاسمات ونطقات : هايهاي على ختي البرهوشة تاهي ولات عرفا الحب ، شكون هاد صاحب دعوتك
ريتاج : ههههه اناري كضحكيني هذاك راه حبيب قلبي ماشي صاحب دعوتي
نور شافت فيها بصدمة : وش تصاحبتي معاه ولا شنو
ريتاج : منيتك انور راه قتلو بلي انا مكندير تعلاقة غير شرعية وقالي كاين فقاموسو علاقة وحدة هي زواج وش كظني بابا يزوجني لو
نور : ههههه اناري حمقة نتي تاتكملي قرايتك وتخدمي عاد تزوجي بابا قال مكزوج بناتو تايكملو قرايتهم
ريتاج زمات شفايفها ونطقات : والا طيرولي بيه نبقا انا على ضس
نور : وتبتي شويا وترزني بعدا شكون هذا لخلا ختي ولات مهبولة عودي كلشي بعد نعرف شكون ومنين جا وكفاش عرفتيه 
ريتاج : هو دبا خو جوهرة لقاتلك صحبتي ياك  سميتو معتصم وزاني
نور  نطقات مصدومة : اااه بلاتي كفاش معتصم وزاني وش خو غيثة وزاني لصاحبت رانيا روح روح
ريتاج : علاه نتي كتعرفيهم
نور : واه كنعرفهم اصحبتي شحال كنا كنتجمعو ملي كنا صغار وكنلعبو
ريتاج : ااه هكاك مهم نكمل ودبا غيثة وجوهرة ومعتصم صدقو بنات عمة إسراء يعني إسراء بنت خالهم لمات الله يرحمو
نور شدات راسها ونطقات : اربي وش كتهضري بصح اويلي راسي زند عليا تاكفاش ٱسراء بنت خالهم مفهمتش  علاش هوما عندهم شي خال
ريتاج : قصة طويلة انور مهم فوتي هاد مسألة حيث هدشي امور شخصية معندناش بيها علاقة
نور : مهم هضري فين عرفتي معتصم
ريتاج : هو دبا كوصل ختو وانا تزعط فيه ياختي على وسامة والطولة والقلدة وصوتو واو
نور ربعات إيديها عندها ونطقات : الله يعطيك العقل اجي متقوليليش عتارفتيلو خلي راجل هو لعتارفلك الحمارة مديريش بحال غلطة لدرت
ريتاج : ومنيتك اصلا كاع معرفني بلي معجبة بيه
نور : كملي وكان كملي
ريتاج  نطقات وهي عينيها كلمعو : مهم عتارفلي بطريقة غير مباشرة
نور عقدات حواجبها ونطقات: كفاش بطريقة غير مباشرة
ريتاج عضات علي شفايفها ونطقات : قاليا بلي انا وليت معششة دماغو وحتليت تفكيرو وقالي بلي نهار درني فعقلو وليت ديالو
نور بتاسمات لها ونطقات : واو هايهاي على ختي البرهوشة مبقيتيش ساهلة باش تطيحي معتصم فيك لكلشي مهيب فيه
ريتاج : ونتي كفاش عرفتيه مهيب ومنعرف اش
نور  تنهدات ونطقات : راه بالطبع غنعرفو راه شحال مرة تعمالنا مع شريكتو وبابا كعرفو مزيان ديما كشكرو
ريتاج فتحات عينيها بصدمة ونطقات : هاء كفاش وش بابا كعرف معتصم
نور : ااه
ريتاج بتاسمات ونطقات : اهيا ناري ازواجنا مستقبليين كاملين كعرفو بابا وبابا كعرفهم
نور : هههه حمقة صافي مهم انا نخليك دبا لغنقوليك ردي بال تصرفاتك قدام بابا راه غيعيق بيك وتاماما 
ريتاج : وخا ختي وخا بقيتي عليا تقلت كلشي
نور ضحكات ونطقات : وبزز على  خاطرك مالنا كنلعبو هنا ولا شنو
ريتاج : سيري شوفي راجلك مستقبلي هدري معاه وخليني عليك انا
ضحكات نور وخرجات من عندها من بيت
اما ريتاج بقات ساهية وكتفكر هضرتو تسمعات حس ميساج وهزات تيلي ومع نسات راسها بلي بقا داخلا واتساب  وحلات مساج رقاتو كتبلها  : نتي مغتنعسي شكون هذا لكنتي كتهدري معاه
ريتاج نطقات بينها وبين راسها : نعصبوك شويا هههه وجوباتو  : سوقك ونهدر معامن بغيت
اما هو لتعصب وبدا كصوني لها جوباتو ونطق مغوت عليها : بربي متمسحي دوك ال* لكتهدري معاهم نهارك ميطلع فيه شمس وغدا الا  مهرستلك تيلي  منتسماش معتصم
ريتاج خلعها ملي غوت ونطقات بصوت خافت : والله ماعندي تواحد مكنهدر مع تاشي حد
معتصم نطق بحدة : اهاه ودوزيها عليا انا ومال  مك هاد وقت كامل ونتي داخلا واتساب 
ريتاج  تعصبات كفاش اشك فيها وهي نهار عرفاتو وتزعطت فيه متلا تواحد معمر لها العين  ونطقات منفاعلة : وراه جات عندي ختي وكنت كنهدر معاها ونسيت مخرجت من واتساب واخر مرة تزعف عليا هكا ولا متليت غنجاوبك بعد مني يناقص
معتصم بتاسم ونطق :  عرفتي نتي شحال كتباني زوينة ملي كتعصبي 
ريتاج بقات ساكتة مجوباتوش ونطق بنبرة هادئة  : كتسألي دبا انا كفاش بغيتك ولا  كفاش وليت معجب بيك  لغنقولك انا براسي معرفش كفاش قدرتي دير بلاصتك فقلبي معمر بنت مرأة موصلتلها انا لعارف دبا بلي نتي لغتكوني مراتي وام لولادي
ريتاج نطقات مصدومة : هاء بغيتني نكون مراتك مفهمتش كفاش زعما
معتصم : ااه باغيك تكوني مراتي فأقرب وقت هاد شهر خلاني نعرفك مزيان من بعد مكنت كنتهرب  منك  باش منبغيكش ولكن رقيت راسي بغيتك ، ونتي شنو كتحسي من جيهتي؟!
ريتاج بتاسمات ونطقات متوترة من سؤالو مبغاش تعتارف  : اااه انا دبا غنعس صبح على خير
معتصم : اجي لهنا مكاينش نعاس دبا جوبيني اتخليني معلق ولا شنو
ريتاج نطقات : اااه انا فيا نعاس دبا بزااف مقدراش نحل عينيا
معتصم بتاسم ونطق هو رشقالو: سيري وكان تنعسي تالغدا وغتجاوبني بزز على خاطرك
ريتاج ضحكات وهي تقطع بزربة وتكات فبلاصتها من بعد مجرات اللحاف عليها ورقات ساعة كتشير لجوج ديال الليل ونطقات بصوت خافت : تأنا كنبغيك 
وبقات شحال كتفكر وكتبتاسم ابوحدها تغفات