صوفيا حطات إيدها على جبهتها ونطقات من بعد مبعدات : مفيكش سخانة ولكن بلاتي شرحيلي اختي انا مفهمت شكون هذا غيشفر نسيبنا ههههه
إسراء شافت فيهم ديك نظرة ديال نشدكم ناكلكم بالغدايد ونطقات ريتاج وهي كتشوف فيها براءة : مالك كتشوفي فينا بحالهاكا ؟!
نطقات صوفيا : وهضري اإسراء بحلاش بغيتينا نفهمو وشرحيلنا اختشي مالكي على هاد شوفات ديال الزمر
إسراء : صافي هنونا هانا انشرحلكم ميمكنش تفهمو راسكم
ريتاج ربعات رجليها وهزات فإيديها مكسرات وكتاكول فيهم ونطقات : وهضري ولا والله تانوض نمشي بحالي
إسراء : صافي هانا انهضر ، مهم قلعوا شكون جاني اليوم
ريتاج : شكون !!
صوفيا شافت فيها بإستغراب ونطقات : ياكما شي عائلة جديدة الأخرى ثاني
دارت فيها إسراء نظرة غدايد وهي تنطق صوفيا : ولكن بلاتي اصحبتي اشبغاو من راجلك ياكما شي درية كتحوم على نسيبنا وبغات تديه لك اهيا ناري نسيبنا مصدق ساهل
إسراء حطات ايديها على راسها ونطقات وهي كتولول : اميمتي اميمتي معامن انا ، انا مع جماعة الاغبياء ، صوفيا الله يرحم باك سكتي صافي متفكريش اختي اشجابك لتحليل نتي عطيه تساع
صوفيا :اوا هضري شحال فيك عصبتني كن ماحاملة كن سيفطك داك الحيط اواه هضري خلاص
إسراء : اوا سمعوني جاتني اليوم غيثة وجوهرة
ريتاج : وايلي وش خوتات معتصم جاوك جوهرة نيت وخوتات معتصم ياك !!
إسراء : ااه هوما لجاوني
صوفيا : اوا حمدالله جاو ازوروك بنات عمتك مالك طالع لك الدم اصحبتي
إسراء تنهدات ونطقات : راه فرحت ملي جاوني ولكن ديك خيتي ختها كبيرة غيثة كتشوف فراجلي شي شوفات ديال تق* وكدور فيه وكتبقا تحلون اختشي
صوفيا : وايلي اصحبتي نتي حكمي راجلك لا يطيروهلك بين إيديك خسارة من دمك لاحول ولاقوة الا بالله
ريتاج : هاد غيثة صاحبت رانيا ، ولكن منيتها دور براجل مزوج اويلي احاي بنادم ماعندو علياش احشم
إسراء شافت فيها بصدمة ونطقات : بصح صحبت رانيا هاديك
ريتاج : واه راه صحبتها روح روح
إسراء نطقات بتفهم : اممم وانا نفهم قول هاد خوتنا صدقو مساهلينش باغيني يفرقوني على راجلي هاي هاي على مطورات اوا مزيان تبارك الله غاأجي وتشوف مها شغنديرلها عمبالها النية انا ههههه حمقة
صوفيا : اصلا نتي الجنية منخافش عليك مهم ردي بال غداك جنين لفكرشك
ريتاج : ناري انا مفهمتهمش خصوصا رانيا مفهمت مالها معاك اإسراء
إسراء : هاديك احبيبتي خاصها شي نتفة اسطورية باش يلاه تشوف فيا وتهرب متلاش تقرب ليا عمبالها حيط قصير انا مزيان تبارك الله
صوفيا ضحكات ونطقات : ههههه ناري امنيتي نشوف إسراء قديمة لمخلات حاد مضاربات معاه كبالي دبا و
تهديتي ياختي وجلستي لارض
بقاو البنات مجمعين وشادين نميمة فرانيا وغيثة وإسراء كتعاودلهم على غيثة مرة يتعصبو مرة يضحكو وخالقين الجو
في وجهة اخرى في البيت غيثة لبسات عليها كسيوة ساترة بالكحل ومزينة بوريدات من جهة الكتاف والتحت وهزات ساك بالكحل مع ميني طالون بالكحل وسرحات شعرها خلاتو مطلوق على راحتو ودايرا تلفون فوذنها ونطقات : صافي ارانيا هانا دبا انخرج من دار باش نتلقاو اه راه مغنتعطلش عليك غير 10 دقائق وهانا معاك
رانيا لجالسة فواحد كافي راقية لكانت مرتدية سروال سليم كحل مع شوميز بالبيج مشبكة من عند ليدين وشعرها جامعاه كوب شوفال وجالسة دايرا رجل فوق رجل وكترشف من قهوتها وجوبتها بهدوء في تلفون : متعطلييش !!
جوباتها غيثة وهي خارجا من البيت هابطا مع دروج : ااه اجي. وش عيطي لداك خونا
رانيا لجوباتها : لا ميحتاجش
قطعات معاها اتصال وخرجات من فيلا ركبات فاللوطو ديالها دمارات نيشان لوجهة كافي
بضع دقائق كانت وصلات تم بلاصة اللوطو وهبطات منها وتجهات داخلا مع كافي تلمحاتها جالسة فواحد طبلة جهة شرجم ومشات عندها تسالمات معاها وجلسات قدامها وحطات ساك فوق طابلة وطلبات شنو بغات ونطقات رانيا بهدوء : شنو درتي اغيثة قدرتي تغري خويا ولا لا، محدو مخاصم مع مرتو ؟!
غيثة : كفاش مخاصم مع ديك خيتي كضحكي على وقت نتي !!
رانيا بدلات نظراتها لجدية ونطقات بحدة : شنو متقوليليش بلي تصالحو
غيثة ضحكات ضحكة غدايد ونطقات منيفريا وهي كتفكر شنو لوقع معاها شنو لدارت : منيتك ارانيا هاا مخليت مدرت درت داكشي كامل لقلتي لي بالحرف درتو فالاخير كشوفها غاهي بحالا غير هي لكاينا فالوجود مدهاش فيا هاا ونزيدك معنقها وينزلها بعمري ويطلعها بعمري وخاطرها خاصو ميتغيرش ومتشاديين ليدين وتقوليلي مخاصمين
رانيا لشافت فيها بصدمة ونطقات بجهد : كفاااااش اااانا خليتهم مخااااصمين وكتقوليلي هوماااا مصااالحين كدااارو ليهاااا
غيثة غمضات عينيها وحلاتهم بنفاد صبر ونطقات : مكهمش ارانيا هوما دبا مصالحين سمعتي
عضات على شفايفها بغضب ونطقاات : كداار لها بنت الحرااام هاا دغيااا رجعات خوياا لغلاط وهو لطلب منها سمااحة باينة
غيثة نطقات : تقدر تكون هي لطلبات سماحة من خوك باش ميمشيش واخليها هي طماعة
رانيا : لا هاديك اليتيمة نفسها حارة وعارفة راسها مغلطاش ومغتطلبش منو سماحة انا درستها وعرفتها مزيان ديك خيتي
غيثة تنهدات ونطقات : مهم ماعلينا دبا هوما مصالحين حنا بغيناهم يطلقو فأقرب الوقت
رانيا ل بتاسمات ابتسامة شر ونطقات : دباا اغيثة مهمتي هي داك جنين اموت باش متبقاش تاشي حاجة مرتابطة بيهم عاد غندوزو مهمتك اغيثة ياك قداا بيها
غيثة ضحكات ونطقات : اكيييد إلياس قريب غيكون ديالي انا وخا تقوليلي نقتلها غنقتلها بدون تردد ومغنفكرش
رانيا : هكااك نبغيك اصحبتي غار هو ملي غتسالي مهمتنا غيجي دور داك خينا ويمشي يلصق فديك ق * ديالو ويعطونا تساع ونتهناو
غيثة : واو متحمسة ارانيا امتا ايجي هاد وقت نولي مرات إلياس ونعس حداه ونبقا نشوف فيه وحتا انا اقوليا عمري
ضحكات ونطقات : قريب احبيبة قريب
بقاو كهضرو فإسراء ويناقشو خططهم توقف عليهم أشرف وخدا كرسي بلا ماينطق تاحرف وشافت فيه غيثة ونطقات بالغنج : شنو جابك انت
رانيا طلعات عينيها فيه وشافت فيه هو لكشوف فيها مخنزر وسرطات ريقها مقدراتش طول شوفة فيه حيث كخلها وهبطات عينيها ومنطقات بتاحرف
بتاسم ابتسامة جانبية ونطق : رانيا ياك سميتك رانيا اممم وسمية عندك ازين
رانيا طلعات عينيها فيه مخنزرة ونطقات : شنو بغيتي انت
شاف فيها بتلاعب وهو كسكانيها بعينه بكل عجرفة وغيثة غاكتشوف ونطق بإستفزاز : هيا كتخططو كفاش تجريو على إسراء من دارها يااك وتفارقوها مع راجلهاا هههه عجبوني افكاركم
غيثة نطقات : شوف اخويا اتبدا تهضر بهاد لافاصون سير عطينا تساع حنا ماشي من مستواك ومكنعاشروش لفقراء ومتشردين لبحالكم لذلك الله يعاون ومكنتيقوش فيك
خلاها تكمل كلامها على خاطرها مكرهش اشبعها تصرفيق ونطق بحدة : سكتي نتي مهضرتش معك تانقول غيثة ديكساعا هضري
صقلات غيثة وخصوصا خلعها وشاف جهة رانيا ونطق : زين علاش مكتجاوبيش فتلفونك هانتي اتبداي تمرضيني دبا ونصدق مخسر لك غاوجهك لعجبك
رانيا نطقات معصبة : وش انت سوقك نجاوبك مانجاوبك وش سوقك شدخلك فيا اخويا
عقد حواجبو ونطق : تؤتؤتؤ انا ماشي خوك ، وبتاسم ونطق : متعصبيش احبيبة ديالي راه غتصدقي غامرضة راسك وانا مكنبغيش نشوف زين ديال معصب
رانيا ناضت من فوق طابلة ونطقات مغوتة وكلشي الناس ردينهم لبال وكتفرجو ونطقات : كفاااش عاااود شقلتي وش انت مريض اخويااا الا كنتي مريض عطالله فين تمشي دوااا
غيثة ناضت وجات حداها وهي كطبطب على كتافها ونطقات بهدوء : رانيا صافي تهدني شوفي كفاش كترعدي وش جبتي دواء ديال الاعصاب ديالك
أشرف غكشوف وكضحك ونطقات رانيا وهي كترعد : غيثة ،شوفي ساكي ساكي راه فيه دواء و عطيني دواء.
شداتها غيثة تجلساتها فوق كرسي بهدوء وعطاتها دواء مع الماء تاشرباتو
وبقات معاها تاتكلمات ونطقات غيثة بغضب : شوف انت عطينا تساع شنو باغي عندنا حرام عليك شوف كدرتي لدرية
أشرف شاف فيهم ونطق من بعد مناض تحنى جهة رانيا ونطق بهدوء مخيف : مزال الأيام بيناتنا ازين وهاد اللقاء باقي غيتكرر وغيتكرر كثر ديريها فبالك
ومشا بحالو ورانيا اكتشوف فإتجاه وحيد ونطقات غيثة : رانيا مديهاش فيه راه مريض هذاك
رانيا شافت فيها ونطقات : وخا مهم انا غنمشي
وهزات ساكها وخرجات وغيثة متبعالها العين حطات لخلاص فوق طابلة وخرجات هي كذلك وكل وحدة فيهم مشات لوجهتها
اما عند البنات مورا مبقاو مجمعين ومرة يراجعو ومرة يجمعو وخالقين جو ومرة يقلبوها نشاط تجا إلياس وعمر ومشا عمر دا معاه صوفيا وكذاك ريتاج يوصلها لدارهم وبقاو إلياس وإسراء كهدرو تتحط العشاء وجلسو كياكلو بهدوء وكجمعو عاد طلعو بيتهم قضاو الليتهم ونعسو في حضن بعضياتهم
أنت تقرأ
عشقك إدماني
عاطفية📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
