عشقك إدماني

parte 151

مسافة طريق كانو وصلو لكافي  لراقية ومطلة على البحر
بلاصا اللوطو هبط منها عاد داز عندها فتح لها الباب وهبطات ودخلو خداو طبلة جلسو فيها بقاو كهدرو اغلب هدرتهم على الجنين  ومرة مرة إسراء تخلع من ولادة وإلياس كصبرها ويشرحلها بلي ماغيطرا والو فطرو عاد خرجو وصلها نيشان لجامعة ما هبطات توصاها ترد بال راسها والجنين عاد هبطات مشا هو وهي تجهات عند بنات رقاتهم كما العادة مجموعين نطقات ريتاج : اهلا اهلا مدام إسراء ، دائما متعطلة
إسراء جوباتها : ومالي اختي بلاتي عليا مالي نجي بحالكم جايين ديما قبل الوقت
صوفيا: يااك الحمارة شكون كان كجيني قبل الوقت ملي كنا فسيزيام
إسراء : اوا اختي هذاك ديكساعا اما دبا حبيبي إلياس عارف وقتي 
ريتاج شافت فيها ديك نظرة ديال لاحول ولاقوة الا بالله ونطقات : وبااز اختي باز بقاي تعياقي تم
صوفيا : وييه قوليهالها
إسراء : اوا البنات شنو كظنو غنولد وش بنت ولا دري يلاه قولولي
جوهرة : انا كنتوقع بنت
ريتاج : انا كنظن بنت حيث ظلي توكلي فداك كوفتير هههههه
صوفيا : انا كنظن ولد وغنتناسبو الا ولدت بنت ان شاء الله
إسراء : اوا توقعات ريتاج وجوهرة خطاا  اما توقع صوفيا صحيح
ريتاج : وايلي علاش متولدي بنية ونبقا نمشط ليها شعرها حشوما عليك
جوهرة شافت فريتاج ونطقات : وباااز تاتزوجي خويا وديكساعا ولدي بنت اويلي مالها هي لمقرة فهدشي راه راجل في ...
قطعاتها صوفيا : صافي اجوهرة صافي غتشوهينا ، مهم ااإسراء ولدك غيتزوج بنتي
إسراء : وتاتحملي ديكساعا ونشوف وش  غنزوج وليدي حبيبي لبنتك ، عندها اتكون جنية بحالك ديكساعا ولدي غيتزرف
صوفيا قندشات ونطقات : ومالها بنتي مزيان تبارك الله  ولدك لغيتزرف الا ماتزوج بنتي ومتنساب مع خالتو صوفيا
ريتاج كتشوف فهاد مخلوقات ونطقات : زيدو الحمقات تاتولدو بعدا عاد ديكساعا تناتفو ݣاع  الا متزوجو ولادكم وبااز باااز الله يعطيكم العقل قولو امين ولادكم متبريين منكم
جوهرة : ههه ناري ، يلاه ندخلو راه دخلو علينا
ريتاج : ويه قوليها لهاد حمقات البهلات
صوفيا عنقات إسراء بجنب ونطقات : لا اريتاج انا نتخاصم مع هاد الجنية لا شوف تبارك الله كريشة  بدات كتبان  هي شنو قررتو تسمو نسيبي مستقبلي 
شافت فيها إسراء ونطقات : باه غيسميه إياد 
صوفيا : زوينة سمية حبيتها نسيبنا عندو ذوق غار هو ولدك ميطلع مجعور بحال باه تصدق بنيتي فعار الله مع ولدك
إسراء بعدات منها وقندشات : اشوفي نتي بعدي من راجلي ولدي وش انا كنعيب لك راجلك
ريتاج جات من وراهم ودفعاتهم : وزيدو دخلو قرينا بكري معاكم نتوما
إسراء نطقات مغوتة : وابشوية ازمر علاش دفعيني راه غنضربك اريتاج
ريتاج : عصبتوني ، جوهرة نتي فالعار الله مغطفري معانا والو فقراية
جوهرة  نطقات ضاحكة : واه شفتيني مطفراه اللوستي 
دخلو البنات يقراو
في وجهة اخرى رانيا مع نور فقصارية كتخير معاها تكاشط وقفاطن ونطقات من بعد مهزات واحد قفطان جوهرة بالاخضر ملكي وجات عند نور : نور كجاك هاد قفطان ، نلبسو فعرسك !؟
نور شافت عندها وبقات كتلمس داك قفطان كتشوف فيه ونطقات : زوين ارانيا اخوذيه غيجيك غزال
رانيا بتاسمات ومشات باش تبدل تاكتسمع صونيت تلفون  عطات قفطان لمساعدة تشدو وفتحات صاكها وهزات تيلي وهو يبالها رقمو  وقطعات عليه وعاود تاني صونا وهي تقطع عليه معصبة  ورجعاتو صاكها وشدات قفطان من عند مساعدة مشات بلاصة فين تبدل بدلات عليها ولبساتو وخرجات بيه جهة نور وإيمان وليلى ونطقات
ليلى : ماشاء الله على بنت ختي جيتي غزالة
رانيا بتاسمات ونطقات : شكرا اخالتو
إيمان جات عندها ونطقات : زويين ابنتي عݣوبة ليك تانتي تجيبي لنا شي نسيب
رانيا تجهلات كلامها وحدها بتاسمات ونطقات نور : زوين جاك غزال
بتاسمات لهم ومشات غيرات داك قفطان  ولبسات لباسها لكانت لابسة تبدا تيلي ديالها كصوني هزاتو ورقات سمية غيثة جوباتها ونطقات : الو غيثة مالكي
غيثة جوباتها لجالسة فواحد كافي  : نتي فينك 
رانيا : انا مع ماما وخالتي ونور فقصارية
غيثة :  اجي عندي باش نهدرو راه قلتيلي نتلقاو اليوم
رانيا : ااه وخا واحد شويا نكون عندك
قطعات معاها وحطات تيلي فصاكها وخرجات عند مها وخالتها ونور ومدات لقفطان لمساعدة باش تجمعو ونطقات : ماما انا غنمشي عند صحبتي وخا
إيمان : وخا سيري وش غيثة ابنتي هي لغتمشي عندها
رانيا : ااه اماما
إيمان : سلمي عليها
حدها اماتلها براسها وخرجات من ديك قصارية وركبات فاللوطو ديالها وديمارات نيشان الوجهة لغادا ليها
وهي غدا فطريق شافت تلفونها لي  كتاصل هزاتو فإيدها وايد لاخرا شادا ݣيدون غشافت نمرتو كحلات بالعمى   قطعات عليه طفات تلفون ونطقات
رانيا : اوف بناقص هدرنا معاه  شويا وعطيناه خاطر ولا غالصقني ككولا سبيسيال
حطات تلفون بزعاف  ورجع تركيزها مع سوݣان وهي غدا فطريق تكانت غتخرج فواحد شاب  ضربات فران لين مشات بيها اللوطو  وجات حبسات اللوطو ونزلات كتغوت
رانيا نطقات معصبة : وش انت اخويا مريض باغي تنتاحر نتاحر فشي قنت تاني متجيش تلاح على اللوطو ديالي وتلصق فيا مونتيف 
هو لبتاسم بجانبية وحيد قوبية على راسو تكشف على وجهو كامل غشافتو  شهقات ملي عرفاتو  ونطقات مغددة
رانيا : انت شباغي عندي شنو هاا شنو باغي
وقف قدامها ومد يدو رجع خصلة من شعرها ورا وذنيها  لكانت ساقطة بتمرد  على وجهها ونطق ببرود من بعد ماحيد إيديه وهي كتشوف فيه معصبة
أشرف : اشش ازوينة لا داعي للغضب، راه باقي خاصك توفري دوك لاعصاب ازين اتحتاجيهم   😉 
ساطت بالغضب ونطقات : وش صافي انت  هدرنا معك  شويا غتبدا لاصقني سير لصق ديك لجاي على قبلها  اما انا  بلا ماتسناني حيث  مغنشوفش  فيك ناقصني انا غامتشردين
من بعد مكان مبرد غسمع هضرتها تقدم عندها بغضب و  حكم ذقنها بكل قبضته وهي كتألم وكتحاول تحيد ايدو عليها ونطق هو لمعصب
أشرف  : سمعيني انا دبا غرضي ولا بيك سمعتي ولا دبا كنشوفك غانتي  يا  غتمشي معايا فطريق ولا غادي نفضحك سمعتي ازوينة  ديري عقلك مناقصنا مشاكيل
كتألم وتنين باش يحيد ايدو منها 
تطلق منها و رجعات اللور وذقنها فيه اتارو صباعو وكتشوف فيه بالحقد والغضب معمر شيواحد تعامل معاها هكذا
ورجع وضع قوبية على راسو وبتاسم ونطق : زوينة باقي غنتلقاو بزااف  وداك تيلفون بقاي جاوبي عليه اخر مرة طفي عليا تلفون الغزالة
رانيا  :سير الله يعطيك الغبارة الويل  اووف
ومشا اما هي بقات كتشوف وكتكبح غضبها  وهي ضرب  رجليها مع رويضة ديال اللوطو  وطلعات وهي مغددة وغاكتسوط وكترجع شعرها اللور ونطقات بخوف  من بعد مدركات كلمة لقالها : كفااش غيفضحني كفااش شكقصد ماعندو تادليل غاكخلعني اووف
وبقات شحال كتهدأ فراسها وهي تفتح تلفون ورقات غيثة كتصوني عليها وجوباتها نطقات غيثة : فينك اصحبتي هاذي هي غتجي دباا
رانيا تنهدات ونطقات : غيثة بقاي بلاصتك ماتمشي فين انا جايا
غيثة : مال صوتك معجبنيش
رانيا سرطات ريقها ونطقات : تانجي ونقوليك صاافي
وقطعات معاها حدها دمارات اللوطو لجنب حيث كلاصون لطموبيلات برزطوها بقات شحال جالسة  كتنهد تنهيدة مورا تنهيدة فتحات ساكها وهزات دواء ديال الاعصاب خدات منها حبة درتها ففمها وتبعاتها الماء وبقات شحال تاكية على كوسان باش يهدأ اعصابها عاد كان مورالها طالع بدقيقة خسر لها مورال  بسبابو
مورا ماتهدنات دمارات نيشان لوجهة كافي لجالسة فيها غيثة نزلات من اللوطو ودخلات كافي رمقات عينيها نيشان جيهتها ومشات عندها وحطات ساكها فوق طايلة وجلسات ونطقات غيثة بخوف : مالك ارانيا اشواقع عاد كنتي مزيانة
رانيا لسندات ضهرها على كرسي   وإيديها كمسدو  جبهتها بتعب ونطقات بهدوء  : غيثة انا حمقة كفاش قدرت نتيق فيه انا فين كان عقلي ضحك عليا بجوج كلمات
غيثة عقدات حواجبها بعدم فهم  ونطقات : كفااش مفهمتش ارانيا شكون هذا لضحك عليك وتقتي فيه مفهمتش
قدات رانيا جلساتها وشافت فيها وهي شعور خوف بدا كتسلل لها ونطقات : غيثة انا قلت لأشرف على خطة لغنديرو تخيلي
غيثة نطقات بجهد : كفااش وش داك شمكار قلتيلو على خطة ديالنا و علاش اصحبتي وش منيتك فين كان عقلك اويلي
رانيا ساطت ونطقات : صافي اغيثة متزيديش عليا  انا باغا لخفف عليا انا عرفا شنو درت انا حمقاء مفكرتش فعواقب