عشقك إدماني

Parte 72

اصبحنا واصبح ملك لله
ناض إلياس بكري لبس عليه قميجة فالبيض مفتوحين مقفلات من قدام مع سروال كحل ومن فوقها مونطو كحل جا جلس حداها بدا كدوز ايدو بحنية على شعر إسراء ونطق
إلياس : إسراء يلاه نوضي
إسراء فسبات نوم مسمعتو كاع شكيقول تنطق عدة مرات هو كنوضها ومشا فتح شرجم باش يتهوى البيت وهي بسيف باش فاقت وعينيها بقا مغمضاهم صداعتها شمس لجايا جهتها ونطقات
إسراء : وسد داك شرجم خلينا نعسو
إلياس : نوضي يلاه اتبقاي ناعسة
إسراء : تاخلينا نعسو وسر معاك داك شرجم
وتقلبات على جهتها لاخرة
إلياس شاف لين عيا ونطق : حمقة صافي وهبط تحت رقاهم حطو فطور كتسناوهم اهوما
إلياس : صباح الخير
عمران : صباح الخير جلس تفطر
سلم عليهم وجلس فبلاصتو تنطقات إيمان
إيمان : ولدي فيناهيا إسراء
إلياس : بقا ناعسة
نطقات رانيا بسخرية : اوا اخويا حنا معندناش البنات لتعطلو فنعاس هي راه مرأة دار وهي لخاصها توجد لك فطور ولا لا
إلياس شاف فيها ونطق : انا مرتي منعذبهاش معايا هداكشي تاتزوجي نتي وديريه فدار راجلك ونشوفوك وش اتنعسي ولاتنوضي تقادي فطورو وهنينا
رنيا متسرطاتش لها قمعة وكفاش كدافع على مراتو ونطقات
رانيا : وخااا اخويا
عمران : رانيا دخلي سوق راسك
إيمان : هنينا ارانيا وفطري لبغا تفطري
رانيا بقات كتشوف ومغدة
اما إسراء بعد مهبط من عندها مشات دوشات ولبسات بيجامة سخونة ساترة مع الكاب ديالها من فوق وسرحات شعرها درتلو شفنجة وهبطات عندهم رقاتهم يلاه باشرو فالفطور
إسراء : صباح الخير
إيمان : صباح الخير ابنتي اجي تفطري
إسراء : وخا خالتي
وجلسات كتفطر معاهم تكملو فطور وجات خادمة جمعات ماعيين ومشاو جلسو فصالون وعمران كقرا فجورنال وحداه إيمان وحداها رانيا ومن لهيه ألياس وإسراء جالسين معاهم ونطق إلياس موجه كلامو إسراء
إلياس : إسراء وجدي لباسك راه مع ربعة عندنا طيارة
إيمان : اويلي اولدي نتوما باقي مسخنتو بلاصتكم فين ماشيين
إلياس : رانك عرفا واليدة عمر وصوفيا غيتزوجو وغيديرو عقد والخطبة خاصنا نوقفو معاهم
إيمان : ولكن باقي الحال ياك قالو الا لاخر ديال سيمانة
إسراء : اه خالتي دبا صوفيا و َقفات معايا ومجاتش نخليها وحدها مرة اخرى ان شاء الله ضروري تزرونا ونزروكم ان شاء الله
إيمان : ان شاء الله ابنتي
إلياس : مهم خليتكم نقاد الوراق ونجي
من بعد خرج
وبقات جالسة معاهم إسراء كتبادلو اطواف حديث ورانيا اكتشوف ومحملاش الوضع
تنطقات إسراء : خالتي عمي انا غنطلع نجمع حوايج
إيمان : وخا ابنتي سيري
ستذنات منهم وطلعات كتجمع لباسها ولباس إلياس فالفاليزة وقدات بيت جمعاتو وهواتو تشويا كتسمع دقان فالباب مشات فتحات رقات إيمان هزا فيدها شي كادو لإسراء
إسراء بتسمات لها ونطقات : دخلي اخالتي
إيمان : الله يرضي عليك ابنتي وخا مسخيتش تمشو ونتوما يلاه عمرتو عليا دار
إسراء : لا متقولي هكا اخالتي مزال ليام نجو عندكم وتجو عندنا
إيمان : ايه ابنيتي
وجلسات فوق نموسية وجلسات حداها إسراء ومدات لها إيمان كادو لفيه سلسلة ديال ألماس مع حلقات ديالو : هاكي ابنتي قبلي مني هاد كادو
إسراء شافت بإنبهار : واه خالتي صدعتي راسك وهتشي غالي بزااف منقدرش نقبلو
إيمان : ابنتي وش معجبوكش
إسراء : لا، عجبوني كحمقو
إيمان : اوا قبليهم مني لا نتقلق
إسراء عنقاتها وبعدات ونطقات : شكرا اخالتي نقبلهم منك غار متقلقي ونتي صدعتي راسك وانا مجبتلك والو
إيمان : متقوليش هكاك غير نتي تهلاي فولدي وهادي هي دنيا ومافيها
إسراء : ايه اخالتي نتهلا فيه شحال عندي منو
ناضت إيمان وربتات على كتفها ونطقات : الله يرضي عليك انخليك تكملي جميع لباس
بتسمات لها إسراء وشكرتها وتمات خرجا من عندها وهي بقات كتشوف فديك سلسلة وحلقات بإنبهار وكتقيسهم وجمعاتهم ودارتهم فالفاايزة وبقات جالسة تاسمعات باب تفتح ودخلات منو رانيا عمبالها إسراء إلياس معا كانت مهبطة راسها : إلياس جيتي
رانيا : نو هادي انا
طلعات فيها عينها إسراء ونطقات : نعام ختي شبغيتي
رانيا مشات جلسات حداها فناموسية ونطقات : سمعيني مزيان
إسراء : وي هدري كنسمعلك
رانيا : عمبالك بلي انا غندوزك بجغمة ديال ماء نو حيث خويا ماشي مستواه نتي ومعرفت كفاش لعبتي على خويا وعلى والديا توالو كقدسوك وكعاملو مزيان
إسراء : بغيت نفهم شنو مشكلتك معايا وش انا عمري درتلك شيحاجة باش تحقدي عليا هاد درجة
رانيا : مشكلة تزوج بيك خويا وجيتي مكانة لأنواع بحالك المتشردة لخاصك متكونيش فيها
إسراء ناضت واقفة مربعة إيديها وخنزرة فيها ونطقات بحدة : سيري خرجي عليا من بيتي قبل منوريك شكون هي إسراء وراني مزال حد الآن محترماك وكنقول دبا قلبها يبرد عليا ولكين لفيه سم فيه
رانيا تاهي وقفات قبالتها : وي انا دبا خارجة ولكن بغيت نقوليك بلي عمرك غتهناي فراحتك الا مرجعتك منين جيتي مغنتسماش تاعائلتك معرفاهومش خسارة فيك
إسراء : قتلك خرجي عليا
ومشات فتحات الباب وشرتلها بيديها : خرجي ولفجهدك ديريه وديكساعا الا أذيتيني مغتلومي غير راسك مغنعقلش عليك سمعتي
رانيا : دبا نشوفو انا قاد كلمتي والا مندمتكش منتسماش سمعتي
إسراء : سيري قابلي غحياتك وخرجي عليا يالله راه بدات كطلعلي قرضا راسي قبل منريشك واجرك على الله
ونشات خرجات رانيا وفرحانة فخاطرها بحالا دارت إنجاز ملي خالتها معصبة
أما إسراء بعد ماخرجات جلسات فوق نموسية بعصبية ونطقات : اوف غار حشمت نقلبها صباط معاها ولاهيلا قتلك غادي تفرقني على راجلي سم وميدير
تشويا فتح الباب يلاه بغات تنطق كسحابلها رانيا وهي ترقا إلياس : حبيبة وجدتي كلشي يلاه لبسي عليك باش نهبطو نتغدا و ونشدو طريق
إسراء : وخا
إلياس : مالكي إسراء اشواقع كتباني معصبة
إسراء : والو اش غيكون بيا
ومشات هزات لباسها تلبسو فطواليط و لبسات عليها جلابة باللون شيبي مع سندالة بلا بالبيض ومع ساك بيض وكتافات فقط فليكغون ديال شمس ومرطب خصوصا هاد معقد ديال راجلها ميخليها دير والو وجهها
من بعد مدخلات تبدل خرج هو فاليزات حطهم تحت وطلع عنها بقا كتسناها وشاد تلفون فإيدو وخرجات عندو رقاتو كتسناها
إلياس طلع فيها عينو وشاف فيها بإعجاب خصوصا كواتيها بلدي: مشاء الله ازينة بنات كل نهار كتزيدي تحمقني فيك
إسراء بتسمات بخجل ونطقات : هههه يلاه نهبطو نتغداو
إلياس : يلاه زيدي
وشد بيديها هبطو تحت جلسو معاهم فصالون من بعد حطو الغداء وتجمعو عليه كتغداو ورانيا طلعات بيتها ومن بعد وصلات ساعة تلاتة ونطق
إلياس : اوا خليناكم على خير
إيمان عنقاتو : مسخيت بيكم ونتوما فوتو غيومين ورجعين بحالكم
إلياس : اوا معندنا منديرو الواليدة ان شاء الله تجونا ونجوكم
ونتض عنق باه عناق رجولي وإسراء عنقات إيمان وسلمات على عمران يلاه كانو ايخرجو تنطقات
إيمان : بلاتي نعيط رانيا
إيمان : رانيا ورانيا اجي تسلمي على خوك ومراتو راه غيمشيو
وهبطات عندها رانيا ومشات عنقات خوها : خويا انتوحشك بزااف ونتا كطول الغيبة
إلياس : تهلاي فراسك ومرة تجي عندي ونجو عندكم
ومشات سلمات على إسراء وخا محملا تسلم عليها ونطقات بينها وبين إسراء : اوا زيري طرح دبا ضحكي ونشطي موراها غتعيشي عذاب
إسراء همسات لها حتاهي : اوا لفجهدك ديريه نشوفو شكون غيخسر فلاخر
وبعدات عليها رانيا ومشات طلعات بيتها بعد ماسلمو عليهم مشاو ركبو فاللوطو نيشان المطر
بقاو فسكوت وإسحاضيا طريق وكتفكر فهتشي لقالتلها رانيا تنطق إلياس شاف ساهية : إسراء وش واقعة شيحاجة، شيحاجة مقلقاك
بتسمات لو إسراء : لا مابيا والو غير كنفكر وصافي
إلياس شد إيديها عندو وقبلها تاحسات بقشعيرة ونطق : مال عمري فاش كفكر
إسراء : اه والو ههه راه كتهرني فإيدي
بعد مسافة طريق توصلو مطار وقفل سيارة عيط الأب ديالو باش يوصيه على اللوطو انه خلاها فمطار
اما هو هبط وفتح إسراء الباب تهبطات وهبط معاه الفاليزات وهي هزا فإيدها ساكها ودفعو البكاج والوراق على موعد طيارة قالهم انتظرو نص ساعة تاسمعو بلي حان موعد طيارة وشاد فإيدها تاطلعو فطيارة جلسو بلاصتهم من بغد مجلسو وقالهم اربطو حزام سلامة وإلياس قاد ديالو مابعد متلفت لإسراء رقاها مدابزة باش تقادو وهو ينطق
إلياس : خليك هذا معرفتي متقاديه وهو يقدولها ونطق : دبا رتاحيتي
إسراء : اه رتاحيت اوف عصبني بقاو عدة ساعات باش يب وصلو المغرب تاتصل إلياس بعمر
عمر كان جالس فالخدمة وهو يشوف إلياس مصونيلو وهويجاوب
عمر : الو
إلياس : اهلا عمر بيخير، شوف راه انا ومدام مبقالنا والو نوصلو المغرب عنك جيب لينا اللوطو
عمر : بيخير حمدالله ونت واينا مطر غتوقفو فيه
إلياس : حمدالله، مطر محمد الخامس
عمر : صافي مزيان ملي لقيتني كاين فكازا
إلياس : يلاه تهلا اه ومتعلم صوفيا بلي حنا جايين راه إسراء بغاديرلهم مفاجأة
عنر : تهنا أصاحبي
من بعد مكمل مكالمة معاه ضار اشوف محبوبتو رقاها غرقا فسبات النوم
بعد ساعات وصلو المغرب بظبط فمطار محمد خامس
إلياس  حرك إسراء بشوية ونطق : يلاه زين ديالي راه وصلنا
كانت هديك ساعة 8 ديال الليل
إسراء من بعد ناضت وهبطو هي مزال راسها مبوق من نعاس ترقا إلياس عمر كتسناه فاللوطو ديالو
تسالم معاه سلام رجولي
عمر من بعد تسالم مع إسراء من بعيد : اهلا ختي لباس
إسراء : لباس اخويا حمدالله
عمر : يلاه طلعو
طلع عمر بلاصت قيادة وحداه إلياس واللور ركبات إسراء
عمر : فين بغيتو نوصلكم
إلياس : وصلنا عن دار صوفيا
من بعد مسافة طريق وصلو عن دار صوفيا نزلات إسراء هي لولا مشات كدق
اما صوفيا كانت لابسة بيجامة وكانو جالسين مجمعين تاسمعو صونيت
رحمة : سيري فتحي اصوفيا ايكون غاباك جا من صلاة
صوفيا : وخا هانا ماشيا ماما نفتح
مشات فتحت رقات قدامها إسراء طارت عليها بتعتيقة
إسراء : وبلاتي. الحلوفة رانك خنقتيني
صوفيا : ونتي هي الحلوفةوبعدات منها ونطقات : هايهاي على الناس وجلابة وزيانيتي ادوي
إسراء : تي خلينا ندخلو راني جايك نيشان مرتاحيت كاع
صوفيا : اش عرفم فصواب عنبالي صحبتي تبدلت ساعة  زيرو فيك غتخراج عينين صافي
إلياس وعمر كشوفو فهاد مخلوقات
إلياس : لاحولا ولا قوة الا بالله
دارت عندو إسراء وخنزرت ف يب ه
أما صوفيا دخلات وقفة كتسالم مع إسراء تغوتات : وماما وراه إسراء جات
رحمة جات عندها وعنقاتها وتسالمو : اهلا ابنيتي مرحبا بيك كدايرة مع صحة
إسراء : اهلا لباس الحمد لله ونتي بيخير
رحمة :زيدي دخلي وعمر وإلياس زيدو دخلو، صوفيا علاش مدخلتيهم موقفاهم برا هاذا هو صواب
ودخلو داخل جلسو رقاو كاينة جدة صوفيا مشات سلمات عليها إسراء وإلياس وعمر
جدة صوفيا : اهلا إسراء لباس عليك ولفتي شويا
إسراء : اهلا جدة لباس حمدالله بيخير ونتي كدايرا صحيحتك شويا
جدة : هانا حمدالله ونت كداير انسيبنا بيخير هانيا عندك
إلياس : حمدالله كلشي بيخير ونتي هانيا عندك
جدة : نحمدو الله ونشركوه،   ونت عمر بيخير نت هو لباغي تزوج بحفيدتي صوفيا
عمر :  حمدالله بيخير ايه هو انا ان شاء الله الا كتبها الله
جدة : اوا تهلا فيها راه حفيدتي غالية عندي
عمر : تهناي عليها راني نديرنا فوق راسي ومن خليها مخصوصة من والو
جدة : الله يرضي عليك
رحمة مشات هي وصوفيا اوجدو ضيافة بأحسن وجه
مشات ستأذنات منهم إسراء ودهلات كوزينة عند رحمة وصوفيا
إسراء : كين فاش نعاونكم
رحمة : رتاحي ابنيتي مكاين تحاجة نتي عاد جاية من سفر
إسراء : لا عادي ارى نعاونكم
صوفيا :  نتي تركني شحال عزيز عليك عذاب راه مكاين والو
رحمة : اوا ابنيتي كدايرين عائلة راجلك ياك كعاملوك مزيان
إسراء : لباس عليهم سلمو عليك خصوصا خالتي مسخات نمشو ضريفين كعاملوني مزيان
رحمة : حمدالله هذا من فضل الله
خرجو رثاو مصطفى جا من جامغةع سلم عليهم عاد جات إسراء سلمات عليه
مصطفى : اهلا ابنتي إسراء زارتنا براكة
إسراء : اهلا كداير بيخير مع صحة
مصطفى : حمدالله بيخير ونتي بيخير ولفتي شويا
إسراء : لباس الحمد لله وكلشي بيخير  رانا حمدالله ولفنا شويا
تسالمو بيناتهممن بعد جمعو طابلة حطو العشاء تعشاو  وتجمعو ماعن وبقاو جالسين شحال ستأذن منهم عمر ومشا إقامتو ببا معاهم إسراء وإلياس مجمعين عاد نطق
إلياس : اوا سيادنا خليناكم على خير
رحمة : بقاو تاتباتو معانا
إلياس : لا مصالحا ليا مزال غدا عندي بزااف ديال اشغال
كانو ماشيين تنطقات إسراء
إسراء : إلياس خليني بغيت نبات مع صوفيا
إلياس : لا يلاه
إسراء : وعفاك
جدة : سيري ابنيتي مع راجلك
إلياس: سمعتيها يلاه زيدي إسراء
إسراء : عفاك غير هاد نهار
إلياس : هاد نهار عندك تقوليلي غدا بغيت نبات تاني
إسراء : هاد نهار صافي
رحمة : خليها تبات معانا هاد نهار
إلياس : صافي
من بعد خرجات معاه تنطق : غدا منعقل عليه
بتاسمات لو : هههه تهنا مهم تغطا مزيان من البرد لايضر ك البرد وتنرض صافي
إلياس : يلاه سيري دخلي قبل منغير رأيي
إسراء : ههههه وخا
مشات دخلات هو تهند ودمارا نيشان الإقامة لفكازا اما هي من بعد مدخلات وبقات مجمعة معاهم تكل واحد مشا باش ينعس عاد دخلات هي وصوفيا البيت
إسراء : صوفيا عطيني شي بيجامة نبدل عليا
صوفيا مدات لها بيجامة ساترة ولبساتها وجلسات صوفيا فوق نموسيتها وحداها إسراء ونطقات
صوفيا : عوديلي دبا شدرتو فشهر كامل لدوزتو
إسراء : ياختي مشيهتك فزواج إلياس دايرني كالماء قليل
صوفيا : ههههه شهتيني فيه عوديلي كلشي
إسراء عودات لها كلشي ملي مشاو طنجة اليونان عاد نيويورك : اوا ياختي ختو مشرارة عجبها راسها بزااف
صوفيا : ياخ تفو ردي بالك منها هاد نوع ميثيق فيه
إسراء : ويه  فيما  ما تشوفني تنطق نفس اسطوانة غندمك محملاكش
صوفيا :نتي مضربتيهاش زعما
إسراء : حشمت نريشها وصافي بسبب وجه خالتي ضريفة بزااف كتعاملني بحال بنتها
صوفيا : اوا حمدالله ، إلياس فخبارو هتشي لكديرلك ختو
إسراء : شي خبارو وشي مفخبارو
صوفيا : وشنو قال فهتشي
إسراء : تعصب ونبه ختو باش تعطيني تساع
صوفيا : وسمعات من خوها ولا لا
إسراء : ولفيه سم فيه
صوفيا : لفعة صافي ياكما دارتلك شيحاجة
إسراء : معندها مدير فيها غالهضرة محمية سوق وصافي
صوفيا : صافي خلينا منها قوليلي انضرا وش حملتي ولا باقي
إسراء : منيتك اساطة يلاه تزوجت شهر هادا وبغيتيني نحمل
صوفيا : مالك وكنعرف واحدين جاو من شهر عسل حملو منها بنت خالتي
إسراء : سيري نعسي كبالي تسطيتي وكان
صوفيا : ومالك ناري
من بعد نعسو وكلها فنعس بحال إلياس لبسيف باش داتو عينو مع ولف على إسراء تنعس حداه وتبقشش فيه كشي مشة ولايلعب فشعرها تنعس على صدرو ولكن بفرط تعب نعسوا