🔥انها زوجتي2....🔥
👑By:FATIMA Z-F👑
النسيان ربما لبعض نعمة لكن لهاجر فهو نقمة ...ماشي غير هي لي معدبة ولكن حتى راجلها لي عايش في وحدة قاتلة بعيد منها و ابنها لي واخد كلام باه حلقة فودنو وهو يكون اب لماماه ... ولا يسمع لكلام و يفهمو و يسكت ما يقول "لا" ما يقول "اه "..وهادشي لي وقع ليه ما قدر يقول ليهم بغيت ناكل ما قدر يفيق مو لي واخدة راحتها فنعاس فضل ينتاضرها حتى تفيق...و من شاف حليمة ضارت فيها على الفطور نكر و قاليها فطرت رغم كلشي باين من ملامحو البريئة ..الحاصول تربية عصام واضحة و باينة كوضوح شمس فيه ....
بالفعل لي دارت حليمة فيقات هاجر من داك سبات لي كانت فيه و فتحات عنيها على ولدها لي كانت هملاه ...
خارجة هي وياه من لحانوت هازة ميكة عامرة تقضية و شداه من يديه ...هز فيها عينو من شافها كتعرج كتر و حبات عرق واضحين على جبينها ...
حاتم: ماما كضرك رجليك ...
هاجر : غير شوي و صافي ها حنا قربنا لدار...
حاتم خدا منها لميكة معنقها لصدرو هزها بجوج يدين كيتعافر مع تقلها و هي كتشوف فيه مبهوضة بينما هو نطق ببساطة ...
حاتم: تقيلة عليك خلي نهزها ليك انا باش تقدري تمشاي بحالي ...
شافت فيه بحنية و خلاتو هزها لانه فعلا كانت رجليها كضرها...غادي قدامها كينهج و مقالش "عيت" ولا هادشي تقيل بل كيتعافر غير وحدو وهي حضياه بصمت....
قربو لزنقة ديالهم وهي تشوف سمير جاي عندها كيجري منو سروال و صدرو عريان و شعرو مخربق ..وقف قدامها مخرج عنيه كينهح ...
سمير : فيين كنتي....
هاجر : غير بشوي عليك مالك مشيت غير انا و حاتم نفطرو ...
هبط جلس فلأرض رجليه فشلو عليه بالخلعة و دقات قلبو كيسمعهم فحلقو..شد ليها يديها مزير عليها....
سمير : علاش ما قلتيهاش ليا واش عارفة شحال و انا كنقلب عليك درنا حالة فدار من ملقيناك لا نتي و لا حاتم....
هاجر بدون فهم : ومالك على حالتك راه ماشي اول مرة كنخرج وزيد زنقتنا هادي كنعرف فيها كلشي...
سمير جمع الوقفة كيدور يدو على شعرو خدا الميكة من حاتم و جرها ويدو مزالين كيترعدو ....
دخلات ورا سمير لي جلس فوق صداري كيلتاقط انفاسو ..حليمة حطات يديها على قلبها ...
حليمة : فيين مشيتي المسخوطة وما قلتيها لتا واحد لا نتي ولا ولدك ....
هاجر طلعو ليها دم : نتوما مالكم منوضين عليا حرب نخرج ولا ندخل كيف بغيت ما سوق تا حد ....
حليمة مخنزرة : هادشي ديريه فدار راجلك ماشي عندي هنا راكي محطوطة امانة فرقبتي توقع ليك شي حاجة نتحاشمو معاه...
هاجر جرات حاتم دخلاتو معاها لكوزينة مرداتش على حليمة لي تبعاهم من لور كتكشكش ...
حليمة : راني كنهضر معاك متبقايش تعطيني ضهرك ..."شافت فحاتم لي حناكو حومر بشمس "..وليي وليي على ولدي مخرجاه فهاد شمس واش بغيتي تقتليه اهاد المسخوطة ....
هاجر حطات لميكة فوق بوطاجي معصبة : سمعي احليمة هدا ولدي و ندير بيه ما بغيت ما صوق تا حد فيا ....
حليمة هزات بيجامتها عقداتها على خسرها : تا تكوني نتي لي مسمياه و مزغرتة ليه فسبوعو عاد هضري ..الولد فدمتي انا نرد ليه لكبيرة و لصغيرة ....
هاجر خرجات نيابها معقلاش : كون كنتي رادة لييه لبال كوون عطيتيه يفطر ماشي تخليه بجوع تا نفيق ...
حليمة خرجات عنيها : كفاش ما فطرش .."دارت عند زاينة لي هازة ولدها"...ياك قلت ليك من كنت خارجة عطي معاك حاتم لفطور لي حطاه ليه فالفران تا نرجع ....
زاينة ولات حمرة : تلهيت مع ولدي و نسيييتو و الله العاضيم .." شافت فهاجر بإعتذار"...و الله اختي ما درتها بالعاني ولكن راكي عارفة تربية صعيبة ....
هاجر هزات ولدها معنقاه: ما عندك مناش طلبي سماحة انا لي غالطة ....
حطاتو حداها فوق بوطاجي كتفرغ لميكات و حليمة كتشوف بنص عين فزاينة لي ولات حمرة بالحشمة ما عرفات ما تقول ..
حليمة حولات ترطب : صافي لغلط كيوقع وباركة عليك خرجي من لكوزينة راكي مريضة خلي انا نوجد ليه ما بغا ...
هاجر ما رداتش الهضرة بقات غير كتنفس من نيفها معصبة وقلبها مرة مرة كينغزها...حطات يديها على قلبها عاضة فمها لكن مفكراتش كتر و كملات شغل لي فيديها ...زادت قربات ليها حليمة بغات تخرجها من لكوزينة وهو ينطق حاتم بشوي من شاف ماماه معصبة ...
حاتم : غير خليها اجدة انا كتعجبني ماكلت ماما عليكم كاملين ...
#تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
💔#قلــبان_لا_يلتقـيــــان💔 ( مكتملة )
Romance#حـــــــصــــــــــــــــــريــــــــــــــــــــــــــــــاااا ..................... 💍#انها_زوجتي2💍...................... ..................💔#قلــبان_لا_يلتقـيــــان💔..................... ......................... 👑by:FATIMA Z-F👑...
