سمير بسخرية: خلي غير نتفاهم انا وياك بعدا مزال شلا بلنات ما حليناهمش..
اريج هزات نيفها مقلقة: دابا واش مبغيش تزوج بيا قولها لي فوجهي نوض نمشي بحالي...
سمير شدها من يديها زير عليها كيضحك :مالكي عصبية كثر من لقياس خليني غير نكمل هضرتي ...
اريج ربعات يديها لصدرها منفخة : هاني كنسمع...
سمير حل فمو يهضر وهو يحبس من سمع دقان فلباب...لعب ليها فشعرها و توجه لباب كيضحك غير وحدو . وقف كيطل من تقبة ديال لباب ..حتى جمد فمكانو و دنيا دارت بيه و صخفة طلعات معاه ...الحاصول كلشي تجمع عليه ...مشا الكوزينة كيجري جر اريج لي مفاهمة والو...دخلها لبيت كينهج و كيلبس فسروالو و تريكوه بزربة ....
اريج بدون فهم : مالك و شكون لي دق...
سمير بعصبية : عصام و هاجر و حاتم..."شاف فيها باغي ياكل راسو"....لا محصلناش ليوم عمر ديلمنا نحصلو ..."تنهد بجهد"...تخباي فالماريو وبقاي تم تا نحل عليك غادي نسد لباب باش مايعيقو بوالو ..
اريج لي غير سمعات اسم عصام فشلو عليها رجلين و شداتها لقوة ...فاقت بسمير لي هزها و حطها فالماريو وسد عليها بساروت وخشاه فجيبو ...
سد بيت نعاس و تمشى لباب وحاس براسو بحالي غادي لجهنم الكحلة ....حل لباب و ضحكة ترسمات بزز على ملامحو ....
