اريج سخطات طارت عليه كضربو بكل قوتها محساش براسها و كتغوت ربي لي خلقها : انااا لي حمااارة و مكنسواااش لي جايا عندك انا لي سر مي كثر من داكشي لي درتي فيا ...انا لي معندي نفس وتابعاك كيف الكلبة ...
سمير كيشد ليها فيديها لي هبطات عنقو كامل بالقميش وساخط كثر منها: هادشييي كلووو بسباابك نهاار لأول كنت شااد معاك الخط وداير ليك الخاطر كثر من لقياس و نبهتك ما تلعبيش ورا ضهري ونتي شنووو درتي مشيتي عند شمايت .....
اريج وجها حمر كتغوت: سيييييدك هداك ما توصل ليه تا فغرام لعقل لي عندو ماشي بحالك عايش غير بدوا كيف الحمق ....
سمير تزير خشا يدو فشعرها باغي يفرسها..فيكسا وجهو مع وجها : من نتي هادشي كلوووو عارفاه علااش مزال كدوري بيا سييري عندو و عوومي بحرك معاه ما تجييش تبرزطي ليا مخي و تعصبي ديلمي فصحتي ....
اريج حطات يديها على يدو لي شاد بيها شعرها متألمة : مااا كنتش عرفاه ولكن دابا عرفتو ..نتا مكتستاهلش عاد عرفت خالتي علاش ختارت عصام عليك حيت لي بحالك مكيستهلووش ....
حيد يدو من بين شعرها و بعد منها بصمت شاف فيها مزيان عاد نطق: قلتها نهار لاول ليك وانعاودها لأخر مرة ...هاجر كنبغيها كثر ما كتصوري ولكن حبي ليها بعيد على الحب لي كتعرفي ... وانا درت الواجب معاك ولكن ما حد كتشوفي فعماد الولد لي كيستاهلك فالله يسهل عليك....
دار عاطيها بضهرو غادي لدوش وهي توقفو بصوت باكي ....
اريج: و انا ؟؟؟...
سمير بدون ما يجاوب على سؤالها ولا يشوف فيها نطق: سيري بحالك ا اريج و ضربي عليا ومن غدا انهز راسي من هاد لبلاد وعمرك اتشوفيني مزال ....
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
