زهير حل ليها باب طونوبيل و تنهد بجهد: دراري هما هادو ونيت يكون درس ليه باش ميعاودش يدخل شراب لفمو و يشد طريق بحال قرانو يمشي يهز ديك شركة على باه ميبقاش حاضي غير لبيران و لبنات ....
اسماء بحزن: هادو هما دراري الله يعفو عليه...
زهير دور ليها وجها عندو من شاف الحزن فعنيها: مال حبيبة ديالي معجباتكش الخرجة بغيتي نديك لشي بلاصة خرا ترتاحي فيها كثر..
اسماء حدرات عنيها : لا زوينة غير...
زهير كمش حجبانو: غير شنو !!!!..
اسماء:توحشت خويا عصام و سمير بزاااف من نهار ناض صداع ما هضرو معايا ولا جاو يشوفوني ...."هبطو ليها دوموع"...ياك هما دابزو مع ماما ماشي معايا علاش قطعو معايا الهضرة تا انا...
زهير جرها لصدرو: شششش متبكيش عصام بعقلو وعارف اش كيدير وما حدو ما هضر مع حد الا وكيوجد شي حاجة و سمير لبغيتي غدا نديك عندو تشوفيه نديك....
اسماء مسحات دموعها وهزات عنيها كيبريو فيه: ياك بفمك قلتي لي بعدي منو و لغريب كيبقى غريب....
زهير حط يدو على خدها بحنية كيشوف فيها وحبو ليها واضح غير من عنيه ..هبط راسو باسها بشوي فوق شفاه ديالها وبعد بإبتسامة دافئة : اي حاجة بغاتها بزقولتي تهون فمقامها ....
اسماء بتسمات بفرح حتى بان حرف زين فخدها: بصح لا بغيت نشوف خويا سمير نشوفو ماعندك تا مانع....
زهير هز ليها يديها باسهم :ما نكدبش عليك ولكن نتي عارفني كيف داير وبحكم الخدمة ديالي كتخليني ما نتيق فتا حد من غير العائلة و بالنسبة لي سمير ماشي منا ولكن هاد ليام فهمت منهم شحال من حاجة وما حد عصام داير فيه تيقة ادا شكون انا لي نحكم على ناس...
اسماء بفرح عنقاتو بجهد: فراسك كنبغيك بزااااف ....
زهير دور يدو على خسرها باسها فعنقها : مي تو بيبي ....
اشرقت شمس الصباح معلنة بداية يوم جديد ..يحمل معه الخير ..لٱ نعلم ما يخبأه اليوم لنا ولكن نعلم من يدبر الأمر فيه ..نشعر بالتفاؤل..ونمسح اليأس ..ونزرع الأمل في قلوبنا.. ونحمد الله علـي ما نحن عليه الآن .. فالأرزاق بيده ..وأرزاقنا حتما ستأتي إلينا مهما طال انتظارنا ..
داخل لكوزينة كيدندن مع نفسو و كيوجد لقهوى لابس سروال كيطمة كري لاسق على فخاضو مع تيشورط اديداس اسود..مخلي شعرو مخربق شي لي عطاه منضر شبابي كثر وبعدات منو ديك الهالة ديال الغموض و البرود لي كانت كتحيط بيه ..من عنيه باين دوز ليلة زوينة ....قرب حداه حاتم كيشوف فيه...
عصام حدر عينو ليه : ماماك مزال ناعسة .."شار بصبعو لطبلة لي محطوط فوقهم ميكات"...جبت ليك لحلوى لي كتبغي ...
حاتم بفرح مشا كيجري جلس فوق لكرسي كيقلب فالميكات وعيونو كيبريو ..بقا كيقلب كرطونة بكرطونة حتا بانت ليه حلوى ديال لكوك لي كيحماق عليها ..هز وحدة كيتبنن فيها وعصام مبتاسم ليه ..حط لقهوى فوق طبلة ومد كاس حليب لولدو و بدا كيفرغ لكراطن ديال حلوى وميني طارت وكرواص فطباسل...كلشي خداه مع صباح قبل ما يفيق ولدو ....
جلس قبالت ولدو كيشرب قهوى كحلة وكيبقشش فتليفونو بهدوء حتى تمات خارجة عندهم كتعرج ولونها مخطوف...هز حاتم عينو هو لأول مباتسم من شافها فايقة فور ما شافها كتعرج ولونها مخطوف وهما يعمرو ليه عنيه بدموع..
قفز من فوق لكرسي ومشا عندها كيجري كيبكي وفي فمو غير
... "مامااااا😭"...
هاجر نزلات عندو ما فاهمة والو وهو عنقها ودخل راسو فعنقها كيتنخصص اما عصام بقى غير كيرمش جمع الوقفة متوجه ليهم وهاجر غير شافتو قرب ليها رجع داكشي ديال لبارح بين عنيها شداتها لقوة ...تحنى عصام لعندهم بغى يحط يدو على راس هاجر وهو يهز حاتم راسو فيه و وجهو حمر ودموع مبغاوش يحبسو كيغوت فوجه باباه...
حاتم: قلت ليييك مااا تبووسهااش بزاااف اااععع مااامااا مرييضة ضريتيييها و الله ما نبقى نخليك بوحدك معاها اهئ هئ مامااااا مسكينة... من ليوم اتنعسي معايا بووووحدي ، انا ما كنبوسكش بزاف ما غديش نضرك بحال بابا 😭...
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
