وقف طونوبيل فزنقة ديالهم وعينو مكيشوفوش فيها بينما هي حادرة راسها و جامعة يديها بتوتر....تهزات بجهد بصوت ديالو....
سمير: مغااديش ندوز ليل كامل هنا خرجي تقوديي لداركم...
عضات فمها بجهد ودموع بداو كيتكركبو بزربة على وجها خرجات كتجري ..جبدات ساروت من جيبها حلات لباب ودخلات وهو بقا واقف قدام لباب تا شاف ضو شعل فبيتها عاد ديمارا طونوبيل طاير وغادي كيكمي كارو مور كارو و عنيه حمرين وعروق راسو بدوا كيبانو ليه وصدر تنفخ باغي ينفاجر ...
وقف قدام ديسكو خرج من سيارة ودخل ومزال لكارو في فمو ريحتو سبقاه ..ما عمرو تصور يقدر يطيح فهاد الموقف مع وحدة مزال عاقل على زيادتها...حقد و كره مرة وحدة و سمير من كيكره كيحقد على الواحد لدرجة مكتصورش ..كيزولو من دماغو بحالي عمرو كان ..
واريج عطاها بزااف لفرص ديما مبين ليها غير الابتسامة و الحنية والمعاملة زوينة لكن هي ديما منفخة وفي فمها غير لكلام لي كيجرح وديما تفكرو فحماقو وهبالو ورغم دالك كيبتاسم ليها بحالي مقالت والو ..
داير فبالو طفلة صغيرة ومن اتكبر ادير عقلها واي حاجة كانت كديرها كان كيغمض عينو و يسكت عليها يكمدها فقلبو ويدير سبة لعمرها صغير ونهار لي قاصها عماد ما قال ليها والو بل مشا نيشن لعماد صلخو بالعصى وربطو فالغابة منو لخلا ..
ولكن هي مبغاتش تفهم هادشي كل نهار زايدة فيه تا طلع ليه كلشي فراس وزادت هاد لفعل ليدارت ليوم خلاه بحقد دقة وحدا و ميعقلش عليها...
جالس فطبلة فطاج تاني كيشرب كاس ورا كاس ما مصوقش لبنات لي كيدوزو حداه ولا لي حاطة عليه العين..فقط شراب لي كيبرد فيه عطشو وغدايدو و اعصابو لي دارتهم ليه اريج ...
عنيه تقالو وتعسلو عرف راسو بدا شراب كيسيطر عليه وهو يجمع الوقفة كيحرك فراسو و يغمض عينو ويرجع يحلهم .. بخطوات تقال تمشى خارج بحالاتو حتى وقف وعينو جات على عماد لي جالس فطبلة وسط صحابو داير عكاز وجروح مزالين فوجهو وخا داز كثر من شهرين مزال ما برا كامل....
فور ما شافو زاد صعر تم غادي جيهتو معول بعطيه كثر من صلخة لولة وهو يوقف فنصف طريق من تعاود كلامها على ودنو...
" لكورة بين يديك يا نتا يا عماد اش اتختار...."
زاد حقد كثر وهو يضرب دورة خرج بحالاتو كيضحك على راسو وردد بينو وبين نفسو..
سمير: باش من نحق نغير عليها وهي مديراش تا قيمة راسها ..شكون انا اصلا باش نعاود ليها تربية ...
حط جسدو على طونوبيل وعينو حالهم نصف حلة وخا شارب مزال واعي بداتو وبلي داير بيه ... باغي معامن يهضر و يشكي ..باغي لي يدوز ليه يدو على راسو بحنية و يسمع ليه..ولكن تا حد ما فجنبو كلشي خلاه فهاد دنيا بوحدو....هز راسو لسما ساط بجهد ودخل لسيارتو شد طريق لدار ديالو ...
وقف فباركبنغ ديال لعمارة وخرج بتعب ...ركب فسانسوو وتكى على لحيط مغمض عينو بصمت حتى تحل باب فطاج لي ساكن فيه..خرج كيقلب فجيبو على ساروت حتى جمد فبلاصتو بالانثى لي واقفة قدام لباب ديال دارو ..خرج عينو فيها بصدمة ....
سمير : اش جايا ديري هنا....
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
