عصام تبهض عض لسانو بجنب و صغر عينو فولدو و نطق غير بشوي : وهاد جامع لي قريتي فيه معلموكش ما كيدخل ما بين راجل و مراتو غير شيطان ....
حاتم بحيرة حط صبعو على صدرو : انا شيطان.....
عصام بدا كيضحك من نيتو ...هزو عندو : لا حاشة ولكن متبقاش دخل بيني و بين ماماك خلي حدود و حترام ..انا بلاصتي بوحدها و نتا بلاصتك بوحدها....
حاتم بدون فهم : وعلاش ياك كتبغينا ماما بجوج بحال بحال ....
عصام : نو ماشي بحال بحال شوفني انا مثلا من كنكون مع جداك مكنتعاملش نفس المعاملة من كنكون مع ماماك ...الواليدة فجيه و مراتي فجيه و بجوج كنبغيهم بحال بحال لكن مختلف.....
حط صبعو على خدو كيفكر و عصام عاطيه الخاطر كتر من لقياس...
حاتم: دابا انا ميمكنش ليا نتزوج بماما....
عصام حك راسو: نسا عليك هادشي من بعد ونشرحك ليك مزيان ...
جلسو فوق طبلة حاطين راس على راس كيهضرو و حاتم كيلعب ليه فلحية و كيسول وعصام كيجاوب....خرجات من دوش كتمسح وجها و كتمشى بشوي مزال لتحت ديالها كيحرقها بزاف و كيعطيها صداع بحال شي حاجة كتكل فيها من لداخل...جلسات فكرسي بعيد من عصام كتشوف فيه بجنب عنيها وهو مرة مرة كيهز عينو فيها تا بدات كتفطر وحس بيها ترخات و الحمورية خفافت من وجها عاد دار إشارة لولدو يمشي يجلس فالكرسي ديالو ....
هاجر هزات كاس ديال حليب بشكلاط كتشرب و تبنن منو وعنيها لعصام لي كيدير ليها إشارة بعنيه بمعنى ...
....."واش صافا".....
هاجر خنزرات فيه بغات تهضر وهي تشوف حاتم حاضيها ...هزات تليفون ديال عصام كتبات فيه ومداتو ليه .....طل يشوفها اش كاتبة ليه....
"كويتني وكتسول"....
عصام بتاسم وعاود مد ليها تليفون وهي تخرج عنيها ...
"عصام: أصلا مولفاني خاص غير نعاود نسرح طريق وكلشي ايولي مزيان وهو هداك "...
دورات عنيها ليه وهو كيضحك غمزها ...عضات فمها من لتحت عرفاتو مكيحشمش مقزدر كثر منها ...حط ضهرو على لكرسي كيشوف فيها مطولا وهي كتفطر و تبنن فالكاطو لي جاب ليها خلاها تا سالات على خاطرها عاد نطق....
عصام : هاجر انمشي نشوف الوليدة تمشي معايا ....
هاجر تزيرات من تفكرات ما وقع حركات راسها بزربة : لا سير غير نتا ....
ما حكرش عليها خلاها على خاطرها عارفها ضرات بزاف هو ولدها وكفر على تصرفها فما ادراك هي لي مزال صغيرة ...تنهد بجهد و جمع الوقفة توجه لباركو واقف كيضربو لبرد و شمس ديال صباح كتسني فوجهو ...بقات هي متبعة ليه لعين بغات تمشي عندو ولكن من فكرها فالياقوت حسات بنار شاعلة فقلبها...
تتبع ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
