وخا صغير و مزال معارف والو فهاد دنيا ..لكن كاع داكشي لي كيشوفو كيحفضو فالداكرة عندو و يقيدو مزيان داير بحال مو أي حاجة سمعاتها ودنيه او شافتها عنيه كيسجلها فداكرة ديالو بحال شي فيلم ...
هو من تزاد وهو كيشوف عصام كيقبل هاجر قدامو تا ولا عندو شيء عادي يشوفهم كيتباوسو لكن لي رد ليه لبال هو انه فين ما باس عصام هاجر كتولي حمرة بزاف و سخونية كطلع معاها وهو من كيشوف هاد الحالة كيضن ان قبلات الاب ديالو كضر ماماه لهذا دائما كيقول ليه "بوسها غير بشوي" وفور ما شافها بديك الحالة تخلع عليها بزاف وهو لي عندو مو خط احمر ما يسمحش لي يضرها وخا يكون باه... نسا ان هاد الحماية لي عاطيها لأم ديالو تعلمها من عصام نفسو و كيمشي على خطاه...
عصام بصدمة حل فمو يرد على ولدو حتى طرطقات ليهم هاجر بالبكى بحالي كانت على القرص ..خشات راسها فعنق ولدها مخبية وجها من عصام وبصوت باكي كتشكي على ولدها لي كيدير شي نضرات فعصام غير لا الاه الا الله ....
هاجر دموع كيتسرسبو على سبة : جرحنييييي وكوااني تا سخفت ....
حاتم بصدمة بعد راسو كيقلب عينو على جسدها : فيين جرحك اماما نوضي نمشيو لطبيب ....
هاجر حمارت غير بوحدها وضربات طم ..مزيرة رجليها على الجزء السفلي ديال جسدها ...ببطئ هزات عنيها فعصام لي مربع يدو لصدرو ومتكي على لباب وساكت غير كيشوف و مخنزر فهاد الحالة لي دارو قدامو ...
عصام : ساليتي....
هاجر دورات وجها جهة لخرا : قصحتييني ...
عصام : اتنوضي ولا نعاود نكويك من جهة لخرا باش تشدي لفراش نيت ...
هاجر بصدمة شافت فيه : انننننن...
عصام هز حاجب وهبط لخر وتبسم بجنب فمو شاد فيها : نعاود ليك تاني باش تسرح ليك طريق مزيان....
ما كمل هضرتو تا لقاها طارت لدوش مبقاتش كتبان ليه ....رجع نزل راسو لولدو لي كيشوف فيه بنضرات ممفهومينش ...
حاتم بنضرة جادة : شنو درتي لماما وعلاش كتبكي....
عصام لعب ليه فشعرو : مزال صغير من تكبر غادي تفهم ...
حاتم: لا انا كبير وراجل ابابا وعارف كلشي ولا عاودتي قصحتي ماما مرة تانية انمشي معاها و نخليك ما نبقاش معاك...
عصام كمش حجبانو : لهاد درجة كتبغي ماماك كثر مني...
حاتم حرك راسو يمين و شمال : لا ابابا انا كنبغيكم بجوج ولكن رسول صلى الله عليه و سلم وصانا على لأم تلات مرات اما بابا وصا عليه غير مرة وحدة وانا انتبع كلام رسول ونبقى مع ماما ماشي معاك .....
تتبع ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
