خرجات من سانسور لي وقف فطبقة لي فيها شقة ديالو وقفات قدام لباب كتورك على يديها بجهد و عنيها حمرين ومن لتحت زورق باين منعساش وبايتا ليل كلو وهي تبكي ..فمها بيض ناشف و وجها صفر ...ساطت وقلبها كيضرب بجهد بتوتر دقات فالباب ..حادرة راسها كتسناه يحل ليها لباب ...
فور ما تحل لباب هزات راسها و يا ريتها مهزاتوش ...قلبها حسات بيه طاح ما بين ضلوعها و نفس تحبسات ليه من شافت حنان لي ملوية عليها فوطة قصيرة مبينة كتر من لي مغطي وملوية على شعرها فوطة باينة عاد خرجات من دوش...بصدمة رجليها فشلو عليها بينما حنان طلعات عنيها و هبطاتهم فيها ....
حنان : اريج اش جايا ديري مع صباح هنا ...
اريج ودنيها كيعطيوها صفير ودنيا دارت بيه ..هزات راسها بجهد من سمعات صوت سمير ...
سمير خارج من بيتو كيحك شعرو ومزال لابس غير شورط ..كمش حجبانو فحنان لي واقفة قدام لباب بديك لحالة ...
سمير : شكاديري نتي تما ....
دارت عندو حنان تخلعات وبحكم كانت رادة لباب مشافش اريج : غير دوشت وصافي ...
حنان بغات تسد لباب لكن سبقاتها يد اريج و دفعات لباب بجهد حتى بانت كاملة لسمير لي فور ما شافها خرج عينو ..حس بيها غادة طير على حنان وهو يطير عندها شدها من يديها بجوج معصب وهي كتركل بين يديه ....
اريج : مااا تقيييصنيييش حييد يدييك عليااا ....
سمير دور يدو بجوج عليها حكمها وسط منو عرفها فهمات غالط وهي مبغاتش ترصا كتبكي و تغوت وتعض ليه صدرو بجهد باش يطلقها ...
سمير : حبسيي ا اريج غادي نضربك راه ما وااقع والو ....
تجننات مبقاتش كتشعر بنفسها غير كتغوت خلات سمير يخرج عينو فحنان بعصبية...
سمير : لبسي حوايجك و خرجييي....
حنان ما حملاتش راسها : ولكن انا ....
سمير قاطعها بجهد : قلت لييك قودي عليا من هنا ولا غادي نخرج مك عريانا هكداك لزنقة راكي عارفة ديلمي حمق ونديرها ..ما تزديش تعصبي ملتي هاد ساعة ....
بزربة دخلات لبسات حوايجها وهزات ساكها وتمات خارجة معجبهاش لحالة.. مخنزرة فأريج لي مزال كتغوت فحضن سمير وهو حلف لا طلقها مزير عليها بيديه بجوج....وقفات قدام لباب بغات تنطق وهو يسبقها هو لول ...
سمير : اخر مرة نشوفك كدوري بساحتي و كنقسم ليك بالله تعاودي تلبسي هادشي قدامي نشعل فيك لعافية و منرحمكش ....
بخوف خرجات من دار خلاتهم بوحدهم ...طلقها من بين يديه وفور ما حررر لها يديها هزاتهم بضعف ضرباتو بطرشة و دموع نازيل كتبكي بكل الم و غيرة وجرح ....
تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
